“الو .. ايوه يا راندا ازيك عاملة إيه ” ، راندا : ” مش كويسة بصراحة ” ..
“خير يا حبيبتي في ايه !؟ “
راندا : ” شوفت حلم .. لا ده كابوس .. كان في شخص مخيف ومرعب بيحاول يمسكني عشان يقتلني !” ..
اتصدمت من اللي قالته راندا ! ، لان نفس الحلم ده انا شوفته إمبارح! ، راندا كملت كلام وقالت : ” انا كنت مفتكرة ان ده كابوس عادى ، لكن اللي حصل بينلي غير كده ” ، قولتلها “ايه اللي حصل !؟ ” ، قالت ” لما كنت بهرب من الشخص المخيف ده في حاجات وقعت اتكسرت في الحلم ، ولما قومت من النوم صحيت علي صوت امي بتزعق وتقول “ايه اللي عمل في الاوضة بتعتك كده ” اتصدمت لما شوفت الحاجات متكسرة نفس ما حصل في الكابوس ! .. بعد اللي حصل ده ملقتش حد أكلمه غيرك ..
قطعت راندا في كلامها وانا بقولها “مش هتصدقيني لو قولتلك اني شوفت نفس الكابوس .. وكان في شخص بيطارني .. وقتل القطة بتعتي في الحلم ، ولما قومت لقيتها مقتولة ! ” ، راندا قالت “ببتكلمي بجد ! “
قولتلها ” والله زى مابقولك كده ” ، راندا قالت ” لا دا انا لازم اجيلك عشان نعرف إيه اللي بيحصل ده !!”
راندا قفلت معاية ولقيت هبة صحبتي التانية بترن عليا ، قولت خير ، فتحت المكالمة و قولت “الو .. إزيك يا هبة “
ردت وقالت “ياسمين انا حصلت معاية حاجة غريبة إمبارح “
، اول ما هبة قالت كده قلبي اتقبض ، قولتلها “حاجة غريبة زى إيه!” ، هبة كملت كلامها وقالت “كابوس مرعب ” ، اول ما قالت كده نبضات قلبي بدأت تتسارع ..
كملت كلامها وقالت ” شوفت شخص مرعب .. كان بيحاول يقتلني طول الحلم .. وانا كنت بحاول اهرب منه .. لحد ما لقيته رمي حاجة عليا ومجتش فيا .. الحاجة دى كانت فيها نار ولعت في المكان اللي اترمت عليه .. وصحيت علي صوت اختي بتقولي “اصحي البيت كان هيولع بينا كلنا ” ، وبالفعل لما قومت كانوا بيطفوا في البيت ..
قولت لهبة انها تسيب كل حاجة وتجيني حالنا ، عشان دى نشوف ايه الموضوع ده ! ، وبالفعل هبة قالت جاية حالنا وقفلت معاية ، لكن اتفجئت ان سليم خطيبي وزميلي في الجامعة بيرن عليا ، ولما فتحت عليه قالي ” ياسمين .. انا عايز أقولك علي حاجة بس مش عارف هتصدقيني ولا لا ” ..
الجزء الثاني
سليم خطيبي وزميلي في الجامعة كان بيرن عليا فتحت عليه قولتله ” إيه سليم خير ! ” ، رد سليم وقال “ياسمين ! .. انا شوفت حاجة غريبة حصلت معاية بس مش عارف هتصدقيني ولا لا!” ، قولت في عقلي ما كل كلمني قالي علي حاجات غريبة يعني هي جت عليك ، قولت لسليم “خير شوفت إيه! ” ، سليم سكت لثواني وبعدين كمل كلام وقال “انا شوفت كابوس غريب ومرعب إمبارح ” اول ما قال كده اتصدمت ! ، قولتله “حتي انت يا سليم ! ” ، سليم رد عليا بتعجب وقال “يعني حتي انا !! ” ، قولتله “يعني مش انت لوحدك اللي شوفت الكابوس ده .. دا في تلاتة منهم انا شوفنا نفس الكابوس ، ونفس الشخص ” ، سليم رد عليا وقال في صدمة ” دا كمان انا مكنتش هقولك اني انا وحدى اللي شاف الكابوس ، دا إبراهيم كمان شاف ن
فس الكابوس !”
، هنا صمت لثواني وانا مصدومة ، وبعدين قولت لسليم “كده يبقي في حاجة غلط .. سليم هات ابراهيم وتعالي بسرعة ، والباقيين جايين ، عشان نعرف ايه الكابوس ده ” ،
اتجمعنا في البيت ، راندا ، وهبة ، وسليم ، و أبراهيم ، كلنا متجمعين في صمت ، قولتلهم ” كلنا شوفنا نفس الكابوس ونفس الشخص ، إحنا الخمسة ، وكمان الكابوس بيتحول لحقيقة ! ” ، سليم قال ” الشخص اللي شوفته في الكابوس كسر قزاز الشباك ، وانا بحاول أهرب منوا ، كان بيحاول يقتلني ، الغريب اني لما قومت من الكابوس ، لقيت فعلاً قزاز الشباك مكسر ، وكمان في حاجات وقعت في الارض في الكابوس وانا بهرب من الشخص الغريب ده ! لقيتها واقعة نفس ما كانت في الكابوس ، وكأن الكابوس كان حقيقة !”
..
سليم خلص كلامه ، أبراهيم اتكلم فجاة وقال ” واللي حصل معاية برضه كان صادم !! ” ، كلنا بصينا لإبراهيم وعلي وشنا علامات الخوف ، إبراهيم كمل كلامه وقال ” انا كنت بأهرب من الشخص ووقعت علي الارض ، لقيت الشخص ده انقض عليا وبيحاول يقتلني بأيده اللي فيها سكاكين كتيرا ، وانا بحاول ازيحوا من عليا ، وبالفعل زقيتوا من عليا وهربت منوا ، بس لقيت في ايدي حتة قماش سودا اتقطعت في ايدي ، بس لقيت بص ناحيتي وقال جملة ” ، كلنا قولنا “قال ايه ! ” ، أبراهيم كمل وقال ” سوف اقتلكم جميعاً” ده اللي قالوا الشخص اللي في الكابوس لابراهيم ،
كلنا لما سمعنا الجملة دى بقينا في صدمة وخوف ، كنا بنبص لبعضنا ، فجأة قولتلهم يعني كده كلنا في خطر !
احنا كده وصلنا للنهاية .. بس القصة الحقيقية بتقول ان كلهم ماتوا معادا “ياسمين”
