رواية لقاء مستحيل الحلقه الحادية عشرة 11 ريم بملامح زعل: “امير” .. “امير ”
فى اللحظه دى رن موابيلها وكان رساله صوتيه من “لوهان” :
_ريم انا هوصل الساعه 10 بدل 9 الصبح اتفقنا ..
الرسالة طمنت “ريم” انها هتوصل الورق المهم ل “امير” وهتقابل “لوهان” .. تاني يوم اتجهت للمطار ومعاها الاوراق المطلوبه من “امير” وانتظرته فى الكافتيريا بعد 5دقائق وصل :
_ “روما” وحشتيني ..
_ امير .. ازيك
_ انا تمام طول ماانا شايفك بخير ..
_ الورق اهو ..
_ تشربي ايه الاول ولا نفطر هنا فى فطار جميل و ..
تذكرت اتفاقها مع “لوهان” للفطار :
_لا شكرا . فطرت وشربت ..
_ اشربي تاني معايا عصير اتفقنا ..
_ اوكيه ..
وصل العصير وريم اغلب الوقت بتبص ع الساعه والاتجاه التاني :
_ كنتي وحشاني يا “ريم” جدااا
_ ميرسي …
_ المره الجايه هتسافري وتلفي معايا الدنيا
_ ان شاء الله
_ عارفه يا “ريم” انتي الوحيده اللى بكون معاها وقت قليل ورغم كده بحس براحه لما بكون معاكي
ابتسمت “ريم”: امير .. احنا متفقناش ع كده ( الساعه 9:30 ) انا مضطره اقوم لان مرتبه بموعد تاني هنا ومش عاوزه اتاخر
_ اوكيه ..
_ باي
اتجهت “ريم” اتجاه المخرج التاني وكانت فى انتظار “لوهان” .. وصل وكان كالعاده متخفي لكن عرفته “ريم”:
_ صباح الخير
ابتسمت “ريم”: صباح الخير
“لوهان” بالكوري”: وحشتيني جداا
_ بتقول ايه ؟
_ يلا نقعد علشان نفطر انا جعان
_ اوكيه .. يلا ..!
بيفطروا : انت مسافر كندا شغل ؟
_ ايوه .. ايوه .. مش هتكرري تاني زيارتك ل “كوريا” قريب
_ انا كنت هناك من شهريين ..
_ كتير شهريين طبعا .. انتى عارفه يعنى ايه 60 يوم واليوم 24 ساعه والساعه 60 دقيقه والدقيقه بتمر ببطئ ..
ضحكت “ريم” ايه كل دا ..؟
_ احنا كلنا افتقدنا وجودك هناك
_ وانتم جدااا
_اشهر اللى جي ف احتفال الربيع كل سنه ف شهر 3 بيبقي كرنفال زهور هيعجبك ,, بيحتفلوا ببداية الربيع وتفتيح الزهور ..ايه رأيك تحضريه ومعاكي “رامي”
_ م شعارفه بجد هحاول .. بس ع كل هبقي كل شهرين فى كوريا ..
_لو معكيش فلوس ابعتلك انا
ريم” بتضحك”: مش لدرجه دى .. صحيح انا لما سالت عن خط سير رحلتك كان فى رحله داريكت ليه نزلت ترانزيت ..؟
اتكلم بالوري: ابتسامتك وحشتني
_ مش فاهمه ..؟
طلع ظرف : جيت علشان اسلمك الظرف دا توصليه للجمعيه لاني مش هقدر اروح
_ ما كان تقدر تحوله من البنك ع حسابهم
سكت لحظه : لا اصل فيه جواب جوه ل اداره الجمعيه مهم وانا مشغول زى ماانتي شايفه
_ اوكيه هوصلهم
_ توعديني انك هتيجي احتفال الربيع
_ هحاول
رجعت “ريم” البيت وكانت سعيده بمقابلتها ل “لوهان” , رجعت ع غرفتها وهتغير ملابسها خبطت “حنان” ع غرفتها وطلبت تتكلم معاها فى الحديقه ونزلت “ريم “:
_ عصير فراوله
_ عاملاه ليكي مخصوص
_ ميرسي جدااا ..
لحظت “ريم” سكوت “حنان” :
_ انتي قولتيلي عاوزه تتكلمي معايا مش تتفرجي عليا فى ايه يا ماما
_ مبسوطة ان انا شايفاكي قدامي كده ,, الفترة اللى فاتت قبل سفر رنا وبعدها كنتي يععتبر مش معانا .. ساكته وبتقعدي لوحدك او نايمه ,,لكن دلواقتي اتحسنتي عن الاول و”غادة” طمنيتني انك بتتحسني بسرعه ..
_ الحمد الله ..
_ودلواقتي ناقص حاجه واحده بس
_ ايه ..؟
_ محتاج شريك ,,تكملي حياتك معاه يهتم بيكي ويراعيكي ويحسسك انك مش لوحدك و ..
_ انتي عاوزاني اتجوز ..؟
_ امير ..
رجعت الكوبايه ع الترابيزه وحاولت تتكلم بهدؤء: تاني يا ماما .. مش احنا قفلنا الموضوع دا ,,هقولك تاني انا مش عاوزة اتجوز ,,مش عاوزه اتجوز ..!
_ بهدوء كده من غير عصبيه ,, انتي هتلاقي زى امير فين .. عاوزك متمسك بيكي ومحافظ ع فلوسك ومالك ,, و ..
بنبره حاده: ومين غيره هيستحملني علشان ظروفي وحالتي وان انا لسه تحت العلاج ومفيش حد غيره هيقبل يتجوز مريضه نفسية مش كده ..!
_ لا مش قصدى كده
_ ماما انا مش عاوزه اتجوز لا امير ولا غيره ,,وياريت نقفل الموضوع دا بلا رجعه علشان كلامك دا سبب ان “امير” يستني ..لو بتحبي “امير” فعلا زى “رامي” قوليله ينتبه لحياته وهيلاقي اللى تستحقه ..انا “امير” اخ وصديق فى حياتي بس ..!
_ امير محدش قاله يستناكي هو مستنيكي من زمان ,, هو كلمني وطلب مني افاتحك فى الموضوع تاني بعد ما لاحظنا كلنا تقدمك فى العلاج …
_ انا هرد ع “امير” والموضوع ياريت يتقفل خالص ..ممكن ..؟
تعبت “رنا” واتنقلت لمستشفي وسافرت “ريم” و”حنان” “كوريا” لمده يومين ورجعوا تاني لندن .. مقدرتش “ريم” تقابل “لوهان” ل انشغالها مع “رنا” واجهاضها ووعدته انها هترجع فى احتفالات الربيع .. فى يوم والكل متجمع فى الليفنج رجع “امير” من السفر ,, اتجه “رامي” وحضنه :
_ انت قولت اسبوع وهتيجي ..
_ اممم خلصت الشغل ولقيت وقت فاضي قولت اقضيه معاكم
ابتدا “امير” يوزع فى الهدايا كالعاده
“حنان” سعيده بالهدايا : ميرسي يا حبيبي ع الهدايا الجميله دى ,,هقوم اقولهم يجهزوا الغدا نتغدا مع بعض وعاصم فى الطريق ..
_ ياريت لان اكل البيت وحشني جدا والقاعده معاكم
شكرت “ريم” ع الهديه ل “امير” ورجعت مركزه فى اللاب توب ودار حوار بين “امير” و “رامي”
_ روحت ل “رنا” يا “امير”
_ ايون وهى بقت كويسه جدااا
_ كنت عاوز بيبي العب معاه واكون انا الكبير
_ ان شاء الله ربنا يرزقها ب بيبيى تاني
_ انت عارف ان انا و “روما” هنسافر قريب “كوريا” ل “رنا” واصحابنا ؟
_ اصحابكم مين ؟
_ مريم و ادمز ولوهان بنخرج مع بعض
_وع كده بتتكلموا “كوري” ؟
_ لا انجليش طبعا ..
اتغدوا واتجهت “ريم” لغرفتها وخبط “امير” ع الباب ودخل :
_ انا لقيتك سيبتي الهدايا قولت اطلعهملك
_ ليه تتعب نفسك هما كده كده كانوا هيطلعوها
_ اتمني بجد يعجبوكي
_ اكيد ..
_ “ريم” عاوز اطلب منك طلب ممكن ؟
_ اتفضل؟
بتردد : ممكن تفضي نفسك بكرة ؟
_ ليه ..؟
_ فى عشا بيزنس هى حفله صغيرة فى مكان مفتوح معزوم فيها وعاوزك تكوني معايا ممكن ..؟
ضحكت “ريم”: انت جيت من السفر بدري علشان شغل بقي
_ وليكم الاتنين .. انا عرفت من دكتور “غاده” ان حالتك اتحسنت عن الاول وممكن تخرجي عادي .. قولتي ايه ؟
_ اوكيه
مسك شنطه فيها فستان : وياريت تلبسي دا بكره
لاحظ “امير” انشغال “ريم” بالموبيل فخرج وقعدت “ريم” وبدأت محادثتها مع “لوهان” ..!
تاني يوم فى الموعد المحدد كانت جاهزه “ريم” بالفستان ,, اتفاجئ ب “ريم” بالفستان :
_ كنت واثق انه هيخطف العيون والقلوب
_ مش اوى يعني
_ انتي مش شايفه نفسك قمر ونزل ع الارض ..
_ ميرسي ع المجامله .. يلا هنتاخر
_ يلا ..
فى الميعاد المحدد تانى يوم جهزت ريم ومستنيه امير
امير شافها بالفستان والميكب اذبهل مكانه قرب منها : برنسيس ريم
ريم بتضحك: مش اوى يعنى انت ال قولتلى البس كده
لو كان ينفع البس كاجوال كنت لبست
حنان: قمر يا روما يا حبيببتى
ريم: شكرا
امير: يلا بينا
ريم : يلا بينا
خرجت “ريم” مع “امير” واتحركو بالسياره و”حنان” وقفت توعدهم ورددت : شكلهم حلو اوى مع بعض يارب اجمع بينهم بالفرح ويهديكي يا “ريم” وتوافقي
قرب منها “عاصم”: “حنان” سيبى “ريم” ع راحتها ومتضغطيش عليها
_ انا عملت حاجه انا بدعي يا “عاصم”
_ ادعي ربنا يقرب الخير والصالح ليها مهما كان مين
_ حاضر .. حاضر
وصلوا مكان الحفله ونزلت من العربيه وقرب “امير” ايده يمسك ايديها رفضت “ريم” وبعدت عنه ,, لكن قرب منها وطلب منها علشان شكلهم وهما داخلين تحط ايديها بين دراعه ,, بتردد لمست صوابعها ايد “امير” ع خفيف ودخلوا واتفاجئت من ردود فعل الموجودين وصاحب الحفله :
_ خطيبتك جميله جدا يا “امير ”
_ ميرسي ليكم
زوجه صاحب الحفل : ممكن اخطفها منك دقيقتين
_ اتفضلي ..
متفاجئه “ريم” من الكلام ورد فعل “امير” الطبيعي .. وقفت مع بعض الضيوف يتكلموا وهى كانت ساكته وعيون “امير” عليها ,, استاذنت واتجهت لترابيزة وقعدت وقرب “امير” وقعد :
_ وشك حلو يا ريم ,, الصفقه اللى كنت قلقان انه متمش فى ميتنج بعد بكره فى الشركة ل نمضي العقد
_ مبروووك
_ مبروك ليكي ماهى فلوسك
_ بس دا مجهودك
_ ايه رأيك فى الحفلة
_لطيفة ..
_ مالك فى حاجه مضايقاكي
هتتكلم فى شخص نده ع “امير “: ثواني وراجعلك
_ اوكيه
خرج “امير” بره القاعه وابتدا عرض يشتغل والاضاءه خفت و”ريم” حست انها فى ضلمه حواليها ,, خافت واتوترت افتكرت “لوهان” ويوم السينما ونفذت كلامه وتخيلت وجوده وانها مسكت ايده واطمنت وهديت ,, اشتغل النور بصت كان اختفي عرفت انها تخيلت وجوده ,,, قرب منها “امير”:
_ انتى كويسه ..كنتي مغمضه عينك ؟
_ تمام .. تمام ممكن نرجع البيت
_ اوكيه ..يلا ..
وصلوا البيت وقبل ما يدخلوا طلبت “ريم” تتكلم مع “امير “:
_ فى حاجه يا “روما”..؟
_ عاوزه تفسير للى حصل هناك والكل بيتكلم اننا مخطوبين
لاحظ ملامحها الجاده : مالك يا “ريم” لدرجه دى ضايقك انه اتقال انك خطيبتي ..؟
_ اللى مضايقني ان حاجه اتقالت محصلتش اصلا ..
_ انا محبتش احرجهم وللحظه حسيت اننا مناسبين وشكلنا كان جميل واحنا داخلين
_ اوكيه . اوعدني ميتكررش تاني
_ “ريم” انتي ليه رفضاني كده معقول من اللى سمعتيه زمان ؟
_ يا “امير” انا قولتلك نسيت ,, واحنا قفلنا موضوع دا ,,انت مفيش غلط فيك لكن انا غير مناسبه لك وهى دى الحكاية .. انا محتاجاك صديق واخ يا “امير” . انا مليش اصحاب وانت عارف , مش عاوزه اخسرك ممكن .. انا ببساطه مبفكرش فى الارتباط ..!
_ يعني وعدك لسه موجود ..
_ وعد ايه ؟
_ انك لو فكرتي فى الارتباط هكون اول شخص تفكري فيه
_ دا لو حصل وصدقني مش هيحصل ؟
_ اوعديني ..
_ اوعدك .. لكن نصيحة مني متبنيش احلام ع الهوا وعيش حياتك .. تصبح ع خير
_ تصبحي ع خير ..
دخلت “ريم” البييت واتجهت لغرفتها ومسكت الموبيل كان فيه رسائل كتير ومكالمات من “لوهان” مسكت الموبيل وابتدت ترد ع الرسائل … و”امير” قعد فى الحديقة يدخن السجائر وبيفكر ,,قرب منه “عاصم “:
_ انت لسه صاحي لدلواقتي ؟
_ بابا ..
_كنت بخلص شغل فى المكتب وسمعت صوت العربيه وشوفتكم قاعدين هنا انت و “ريم” ,, انا مقصدتش اسمع كلامكم مع بعض بس عاوز اقولك حاجة ..
_ اتفضل ..
_ فى حاجات كتير بتتاثر بالضغط وحاجات تانيه لا ومهما ضغطت مبتغغيرش ,, المشاعر وانسجام مشاعر شخصين مع بعض بتحصل طبيعي من غير ضغط ,, لان جمالها فى طبيعتها ,, وفى فرق بين المشاعر والبيزنس ,, يعني صفقة عاوزها بتصمم عليها وبتحارب علشان تكسبها لانها بتكون متاحه ل اى شخص اللى يقدر ياخدها ياخدها ,, لكن المشاعر لا بتكون مجهوله صاحبها بس اللى يعرفها وهو اللى بيقرر اتجاهها فين ولمين ببساطه المشاعر لو مش متبادلة هتكون صفقه فاشله وتضيع وقت ,, ركز فى شغلك يا “امير” وبلاش ضغط ع “ريم” لان الضغط مبيقربش اوقات كتير بيبعد وبتكون خسارة ..
_ بابا انا ..
قاطعه : انت بتحب “ريم” ؟
_ ريم مناسبة ليا زى ما “رنا” مناسبه ل فريد
_ فريد ورنا مشاعرهم انسجمت مع بعض وحبوا بعض واتجوزو ,, و”ريم” مش رنا وانت مش “فريد” , سيب “ريم” تعيش بدون ضغط حره قرارها ,,هى وضعها مختلف عن اى بنت واللى مرت به مش سهل واللى وصلتله مكنش سهل ,, فكر تكسبها الاول وطمنها قبل ما تعرض عليها الارتباط بخطوه هى عاشت عمر وشايفه علاقه والدها مع “حنان” ومعاها ازاى ,, “ريم” عاوزه تتطمن الاول وبعدها تفكر فى الارتباط ,, وحاجه اخيره يا “امير” ,, “ريم” عيلتي ومش هسمح ل اى حد مهما كان يأذي بنتي حتي لو انت ,, حافظ ع الموجود ومطمعش بمجهول وسيب بكره باللى فيه لوقته ,, تصبح ع خير ..!
سافرت “ريم” و”رامي” كوريا ل “رنا” وكان “رامي” سعيد بسفره ل اسباب كثيره هيشوف رنا وهيكون مع “ريم” وهيقابل اصدقائه “ادمز” و”مريم” و”لوهان” ,,, وصلوا البيت عند “رنا” وغيرو ملابسهم وقابلو “مريم” واتجهوا للمطعموبعدها قابلوا “لوهان” فى كافيه ,,, وهما قاعدين خرج “لوهان” يرد ع موبيله واشتغل فيديو موسيقي لفرقه فى التليفزيون ,, “رامي” لاحظ شبه بين المغني و”لوهان”:
_ روما مش دا شبه “لوهان”
_ مش عارفه يمكن
_ لا هو الحسنه اللى ع حاجبه اهي هو ..
لحظت “ريم” ضحك “مريم” و”ادمز” ع حوارها مع “رامي “:
_ بتضحكوا ليه ..؟
بتضحك ” مريم”: ماهو فعلا دا “لوهان”
خبطها “ادمز”: مريم ..
_ ماهى لازم تعرف مش اسرار حرب يعني ..
“ريم” متفاجئه: تقصدي ان اللى فى التى فى هو لوهان
مسكت “مريم” موابيلها وفتحت فيديوز للفرقه : ودى اغانيه
“ريم” اتفاجئت انه مغني مشهور فى كوريا ومذكرش اى شئ وتذكرت انه دايما بيتخفي بكاب وماسك ونظاره ,,,
_ “ريم” ع فكره “لوهان” ميقصدش يخبي عليكي هو بس كان مستني فرصه مناسبه اسالى “ادمز”
_ ايوه فعلا ,, كان مستني الفرصه وعلشان متحسيش بضغط وتكوني ع راحتك
_ اوكيه ..محدش يقوله انا عرفت…
رجع لوهان : ها طلبتوا حاجه
_ لوهان فى حاجه عاوزه اوريهالك ممكن واخد رأيك
_ بالتاكيد
شغلت ريم الفيديوز : ايه رأيك
لوهان بص ع اغانيه اتفاجئ وبص ع مريم وادمز كانو بيضحكوا بص ع ريم كانت مبتسمه : ها ..ايه رأيك …؟
لوهان بلجلجه: ريم ..انا
ريم اخدت الموضوع ببساطه بعد مافهمت من ادمز ومريم وعلشان حست ان لوهان مش قاصد يكذب عليها ..: كان عادى انك تقولى انت وضعك ايه هنا ع الاقل مكنتش احرجك باسئلتى انا معرفش الميديا هنا الممثلين والمغنيين والكى بوب معرفهمش كنت عرفنى ع الاقل متحرجش ويضحك عليا كده ..واسببلك ازعاج وانك تكون ف اماكن انت مش حاببها ومتبقاش ع راحتك فيها
_ صدقينى كنت هقولك وغير كده انا ببقى مرتاح وانا معاكى اقصد معاكم وكله تمام
ريم بتضحك: مفيش مشاكل..وحاجه كويسه ان ليا صديق مغنى مشهور
_ افهم من كده عجبتك الميوزك
ريم باابتسامه : جداااا
لوهان فتح موبيله : هسمعك كام سونج حلوه كلماتها كورى بس الميوزك حلوه وهفهمك معناهم انا ..ريم باابتسامه: اوكيه
بعد اجهاض “رنا” كان “فريد” اغلب الوقت مع “رنا” لحزنها لفقدانها الجنين ,, رجعت “ريم” هى و”رامي” من بره ودخلوا الشقه لحظوا “فريد” و”رنا” بيتفرجوا ع التليفزيون و”رنا” فى حضن “فريد :
_ روما واضح اننا جينا فى وقت غير مناسب
_ ايوه فعلا .. اعمل نفسك مش هنا ويلا ع الاوضه بهدؤء
رنا وفريد سمعوا وضحكوا : تعالو هنا
اتجهوا وقعدوا معاهم وضحكوا وهزروا واتكلموا واتعشوا وبعدها نامو .. “لوهان” ارسل رسالة ل “ريم” : متتاخريش بكره مستنيكي ..
ابتسمت “ريم” ونامت …
تاني يوم نزلت “ريم” مع “مريم” و”رامي” وقضو النهار فى المطعم وقرب الليل اتجهوا لكرنفال الزهور عند نهر الهان ,, وهما واقفين بيتفرجوا ع العروض كان “لوهان” موصلش لسه وكانت “ريم” بتدور عليه اغلب الوقت وتبص ع الساعه والموبيل ,, وصل “لوهان” وابتسمت “ريم” .. وهما واقفين اشتغلت الالعاب النارية وكان المنظر مبهج فى السماء :
_ مكنتش اتوقع انه هيبقي بالجمال دا
_ يا بنتي انا عمري ما قولت حاجه غلط ابدا انا بنت هنا وعارفه كل حاجة
ضحك “لوهان” وقرب من “ريم”: مش قولتلك هيعجبك وكان لازم تحضري
_ هو كل مره بالشكل دا
_ المرادي مختلف
_ ليه ..؟
_ المكان زاد جمال لوجودك فيه
ضحكت “ريم”: مجامله جميله ميرسي
_ انا بتكلم بجد .. كل مكان بتكوني فيه بيكون مميز عن طبيعته بيكون اجمل
سكتت “ريم” ومسكت “مريم” ايد “رامي” واتجهوا يشتروا ايس كريم و “ادمز” و”لوهان” اتجهوا يشتروا مشروبات :
_ اتفضلي
_ شكرا ..
_ الجو انهارده جميل جدا
ريم ب ابتسامه: جدااا
_ بتكوني سعيده بوجودك هنا .
_ اللى اقدر اقولهولك من وقت ما جيت “كوريا” وحياتي اختلفت بنسبه كبيرة ,, اتعرفت ع مريم وعرفتك وحاجات كتير شوفتها وعرفتها وجربتها معاكم ,, وطبعا لصديقي السبب الرئيسي ع تشجيعي ,, انت يا “لوهان” بتكمل كل حاجه معايا وبتساعدني كتير ومفيش حاجه عاوزه اعملها غير وانت بتشجعني ,, بجد مش عارفه اردلك جزء من اللى عملته ,, انا محظوظه ان ليا صديق زيك
ابسم “لوهان” : انا مش عاوز اكتر من كده
_ هو ايه ..؟
اتكلم بالكوري : شروق الشمس
_ تقصد ايه …؟
_ ضحكتك متختفيش
_اكيد مش هتختفي قدام الحاجات الحلوه دى ..
_ تيجى نلعب لعبه لغايه ما يرجعوا ؟
_ اوكيه .. لعبه ايه ؟
_ الصراحه ..
_ ازاى ..
_ كل واحد يسئل التاني سؤال ويجاوب بصراحة ولو رفض يبقي فى عقاب …
_ والعقاب ايه ..؟
_ اممممم ضربه ع ضهر الايد
_ تمام لكن بشويش
ضحك” تمام ..
_ هبدا انا … انتي مرتبطيش قبل كده ؟
ضحكت “ريم”: لا
_ احنا اتفقنا ع الصراحه
_ وهى دى الصراحه محصلش
_ ازاى ,, انسانه فى جمالك وروحك الحلوه والدفئ اللى جواكي وابتسامتك الجميله يشوفها ويسيبك ..
بتضحك “ريم”: شكرا ع المجامله الجميله جداا دى لكن مش شرط الاسباب دى تكون سبب
_ ازاى ..؟
_ يعني فى اجمل ومش مرتبطيش مش قاعده .. الفكره انا رافضه الارتباط فى حياتي العلاقه الوحيده المسموح بيها الصداقه فقط .. والارتباط دا صعب يحصل لانه هيكون غير محظوظ جدااا
لوهان متفاجئ: ليه
ريم اخدت نفس : اممم انا محتاجه الصداقه اكتر لانها ابقي وانقي فى الصداقه كل حاجه متاحه لكن بحدود انا ببقي عارفه حدودي واللى قدامي كمان عارف حدوده ,, وبنتعامل بمنطلق الوضوح والصدق والصراحة والمساعده ,,انا صعب اصادق اى شخص لفتره طويله لان الصداقه بتتحول ل اعجاب او حب من طرف ف انا مانعه الارتباط والمسموح الصداقه فقط …
_ الصداقه لما بتتحول لحب بيكون غير ارادي شئ بيكتشف مع الوقت مش اختيارنا ..
_ يبقي الطرف التاني اختار خسارتي منعا للعذاب له وتأنيب الضمير ليا انا مبحبش اظلم حد ولا اوجعه ,,
علشان كده بقطع علاقتي معاه بلا راجعه ..!
يعني ولا مره حسيتي بالحب ..؟
_ انا مش عارفه هو ايه علشان اميزه اسمع انه احساس جميل لكن مجربتوش ,, انت مش ملاحظ بتسألني اكتر .. انا هسألك ..!
_ اتفضلي ..
_ امممم قابلت حبك الاول امتي وحصل ايه ..؟
_ ايه الثقه دى بتسألي سؤال انه حصل فعلا ..
_ لان الشباب تجاربهم بتكون اكتر ..
_ اقنعتيني … ممكن تقولي مقابلتش حبي الحقيقي مش الاول
_ وايه الفرق بينهم ..؟
_ الحب الاول بيبقي الاول فى كل حاجه احساس ولمسه وقبله زى البيبي لما بيجرب يمشي وياكل بيتعرف ع حواسه ,, الحب الاول بيبقي بدايه لمعرفة ماهيه المشاعر .. بيعيش مع البعض وبيختفي مع البعض بحب اقوي وهو الحب الحقيقي .. اللى هو الحب المعمر اللى بيعيش معانا ومبيموتش ابدا ,, بيبقي جزء من حياتنا مهما طالت سنين بيتأثرش ولا فى حد بياخد مكانه ,,بيدخل حياتنا فجاءه و بيبقي هو الحياه لينا ,, هو الحب اللى القلب بيدقله من غير ما نحس ,, يشدني للبنت من غير ما افكر ,, لان وجودي معاها بيطمني ومش عاوز حاجه تاني الكون بيكون هى فى عيني ,, ببساطه هى بتكون سعادتي ,, هى بتكون حياتي ,, هى حبي الاول والاخير .
ابتسمت “ريم”: ايه الرومانسيه دى ..وياتري لقيتها ..؟
“لوهان” سكت وقلبه دقاته زادت وهو بيبص ل “ريم” .. “ريم” عادت السؤال :
_ لقيتها ولا لسه ..؟
_ يعني ممكن تقولي لقيتها وملقيتهاش لسه .
_ لغز دا ..
_ هى فعلا لغز بالنسبالي وهحله
كانت هتسئل “ريم” وسألها “لوهان”:
_ انتى مقابلتيش شخص تبقي حاسه انك عاوزه تعدي حدود علشانه
_ امممم لا مقابلتش ولو كان هيحصل انا مش هسمح بكده لانه هيكون انسان غير محظوظ …
لوهان اندهش من الكلام: ليه مش محظوظ الحب احساس حلو ايه ال وحش فيه ؟
_ ي ظروف حياتي صعبه مش اى حد هيستحملها
_ كل انسان عنده مشاكل وحياته فيها مشاكل ..بس الفرق مين بيواجهه مشاكله ويحاربها ويعيش
عن ال بيستسلم ليها ويضيع عمره ..يعنى مثلا عندك انا ابن وحيد ل اب وام انفصلوا وانا عمري 5 سنين وسافرت لندن مع ماما وعشت مع زوج ام وكت بسافر كوريا اجازات واقابل بابا واتوفت ماما ورجعت “كوريا” ,, كنت تايه ومشتت غير مستقر لكن انا مستسلمتش وقفت وكملت حياتي لغايه زى ماانتي شايفه قدامك .. لوهان ..
ريم حست بقرب للوهان اكتر وهو بيتكلم عن حياته الشخصيه وركزت معاه فى الكلام ..ريم: اوكيه .. سؤالى … بتخاف من ايه ؟
رد بالكورى : انك تبعدي عني فى يوم
_ ترجم ..
_ اقصد تقطعى علاقتك بيا يعنى لما تسافرى
_ لا دا صعب لان مفيش سبب يخلينى اعمل كده متقلقش
لوهان باصص لريم: ياريت .. سؤالي انتي بتخافي من الضلمه ليه ؟
_ لا دا موضوع كبير لا وقته ولا مكانه
|_ انا مستعد اسمع
_ حكايه ممله منصحكش
_ انا بحب اوووووى الحكايات الممله
اتنهدت “ريم”: اللى اقدر اقولهولك ان الضلمه بتفكرني بحاجات مش عاوزه افتكرها وبحاول انساها
اتمالكت نفسها ريم : ببساطه زى ماقلتلك شخصيه معقده ال هيرتبط بيا غير محظوظ
لوهان تلقائى مسك ايد ريم وريم اتفاجئت : عاوز اقولك حاجه واسمعيني وافهميني كويس ..
الشخص اللى تحبيه ويحبك هيكون اكتر انسان محظوظ فى العالم ودا حقيقي مش مجامله
شعرت “ريم” بقشعره بسيطه ودقات خفيفه فى قلبها فى اللحظه دى سمعوا اصوات الالعاب الناريه فى النهر انتبهت “ريم” وشدت ايديها ووجهت نظرها للسما تتفرج ولوهان مستمر بالنظر اليها …مر وقت ولحظت “ريم” ان “لوهان” مبيتفرجش ع الالعاب الناريه وبيبص عليها :
_ لوهان بتبصلي كده ليه حد يسيب المنظر الجميل دا
_ ابتسامتك
ابتسمت “ريم” : مالها
اتكلم بالكوري : وقعت فى حبها
فى اللحظه دى قرب “رامي” و”ادمز” و”مريم” واتحركوا اتمشو ولاحظ “ادمز” اهتمام ونظرات “لوهان ” ل “ريم” الواضحه ..:
_ ليو
_ ها
_ انت فيك حاجه متغيره صح
_ ازاى ..؟
_ اهتمامك ب “ريم” غريب شويا .. واحده قابلتها من فتره قصيره جدا وتهتم بالطريقه دى ..
_ صديقه .. وضيفه فى بلدى اهتم بيها فتره اقامتها دا الطبيعي
_ صديقه .. انت ليك صديقات كتير بينزلوا “كوريا” زياره وانت اوقات كتير بترفض علشان شغلك تقابلهم غير لحظات ,, لا خصصت ليهم من وقتك وقت مخصوص ل “ريم” ولا بتخرج فى الاماكن العامه بدون خوف ,, واحنا عارفين انشغالاتك وسفرك وتصويرك وحياتك ..
_ متشغلش بالك وتعالى نشوف بيعملوا ايه ..
شعر “ادمز ” هروب “لوهان” من الاجابه مسكه من دراعه ووقفه :
_ “لوهان” بصراحه انت عاوز ايه من “ريم”
“لوهان” بص ع “ريم” وهى بتضحك : بحبها
اتفاجئ”ادمز”: ايه…؟
بص ل “ادمز” متسالنيش ازاى وليه وامتي لانى معرفش .. اللى اعرفه واتاكدت منه بعد محاولات انكار ان مهما عملت هى نتيجه واحده بس انا بحب “ريم ” …!
