“ريم” اتفاجئت من كلامه وكانت ماسكه الايس كريم كان هيقع ولحقه “لوهان” :
ضحكت “ريم”: اعتقد مسمعتش كويس بتقول ايه ..؟
بطريقه هزار : لعبه .. هو انا بقولك هنكون حقيقي لا لعبه وبما ان الايام دى اعياد حب وهدايا ,, هنمثل اننا مرتبطين ل ابريل وناكل النودلز مع بعض ونحتفل برجوعنا سينجلز تاني ,,
ضحكت “ريم”: ودا هينفع وازاى ..؟
_ هنمثل اننا مرتبطين زى اى اتنين مرتبطين يعني
_ لا اكيد بتهزر صح ..انا عارفه انك بتهزر
بنبره جاده : لا انا بتكلم بجد ,,انتى رافضه ليه دى لعبه ..؟
_ فرضا لو وافقت للاسف هتكون لعبه بايخه وتمثيل ممل
_ ليه ..؟
_ لان ببساطة انا معرفش المرتبطين بيتعاملوا ازاى مع بعض ولا الارتباط عبارة عن ايه,, انا ولا مره ارتبطت ومطلوب مني امثل انى مرتبطة ,, لا لا لا انسي
“لوهان” بنبره حماس واصرار : ولا انا ارتبطت قبل كده ,,وبعدين انتي متعمليش حاجة انا هعمل كل حاجة وهوريكي المرتبطين بيتعاملوا ازاى ,, 3 شهور بس ل ابريل وهنختم العبه ب النودلز واهو بنجرب حاجه جديده علينا ,, قولي موافقة .. موافقة..؟
“ريم” استمرت بالضحك: انت بتتكلم بجد ,, انا بجد مش هقدر لان الارتباط كفكره حاجه مرعبه ..
_ رما دى لعبه انا وانتي فيها وبس عارفين بدايتها ونهايتها امتي ,, مش انتي بتحبي الالعاب المرعبه والنط من الاماكن العاليا وانا بوافقك رغم خوفي ,, احنا نواجهه الخوف وانتى هتجربي مينفعش تخافي من حاجه مجربتهاش ,, التجربة بتاكدلك خوفك او بتعرفي انه وهم .. وافقي يلا ..
اترددت “ريم” وطلعت ورقه وقطعتها اتنين :
_ اوكيه .. انا لما بحتار فى حاجه بلعب اللعبه دى ساعات بتساعدني ,, هكتب فى الورقتين نعم او لا وانا ع حسب ما هيطلع فى الورقه اللى هتختارها انت دا هيكون جوابي عليك .. اتفقنا
_ ايه شغل الاطفال دا
_ هتتريق ومش عاجبك يبقي انسي خلاص مفيش لعبه ولا تمثليه
_ اوكيه .. اوكيه اعملي اللى انتي عاوزاه .. بتجهز الورق : عاوزه اقولك ان الورقه دى ساعدتني فى حاجات كتير فى حياتي
_ اعتذراتي للورقه
ضحكت”ريم”: مستعد
بملامح توتر : ايوه
قفلت ايديها ع الورقتين وبصت للوهان : 1..2..3
ورمت الورقتين : يلا اختار واعرف ان دى اجاباتي ومفيش محاوله تانيه اوكيه
_ اوكيه ..
ملامح “لوهان” الجاديه ضحكت “ريم”: يلا اختار بسرعه
_ متستعجلنيش لو سمحت
_ اوك .. حاضر يلا
اختار ورقه ومسكتها “ريم” : افتح
_ بسرعه
فتحتها “ريم” واتغيرت ملامح وجهها وعرف “لوهان” انها “لا”
بملامح حزينه: كنت عارف انه لا اوكيه ..
ضحكت “ريم”: لا طلعت “نعم” شوف
فرح جدا “لوهان” : بجد يعني موافقه
_ بجد مستغربه فرحتك دى لعبه
_مش مهم اللعبه المهم مين شريكي فيها ..
_ اوكيه ..
_كده مفيش تراجع لمده شهرين وهنبتدي من انهارده اتفقنا
_ من انهارده ,, ولو بدأنا من انهارده انا مشترتش هديه لك ..!
_ انا هديتي وصلت
_ فين ..؟
بالكوري: انتي هديتي ؟؟
_ تاني بالكوري يا “لوهان”
بيضحك: اقصد موافقتك دى هديتي
بيهزروا وبيتكلموا قربوا منهم “ادمز” و”مريم”:
_ ايه الضحك دا ضحكونا معاكم
ردت “ريم”: “لوهان” زى البيبي بيفرح اوى ب اللعب
_ وكنتم بتلعبوا ايه بقي وغير كده بتلعبوا من غيرنا ..؟
_ لا اللعبه اللى احنا هنلعبها انتم اساسا فيها بس حقيقي
_ قصدك ايه ..؟
“لوهان” قاطع “ريم”: دا سر بينا
ابتسمت “ريم” : سر ايه دول اصحابنا ,, هقولكم انا ,, هنلعب لعبه الارتباط يعني هنمثل اننا مرتبطين لمده شهريين وفى شهر ابريل هنختم اللعبه ب النودلز ونرجع سينجلز تاني زى ما كنا
ضحكت “مريم”: لدرجه دى غيرانين مننا
ادمز بملامح جد نظر ل “لوهان”: لعبه الارتباط …؟
لوهان لاحظ نظرات “ادمظ وتجاهلها : انا رايح اجيب كوفي حد عاوز
ادمز بسرعه: انا وهاجي معاك ..ادمز واقف مع لوهان” وبيطلب الكوفي وبيتجنب النظر ل “ادمز:
_ بتحبها كريمه كتير صح ..
_ قولي الاول ايه اللى سمعته دا ..؟
_ بقولك بتحبها كريمه صح ولا بتحبها حاجه تانيه
بنبره جد: “لوهان” ..انا بتكلم جد بلاش هروب
_ ايوه يا “ادمز” اللى سمعته صح
_ عاوز تقنعني انك هتلعب لعبه لمده شهرين وبعدها هتاكلوا النودلز مع بعض وهترجعوا عادي ,,
_ ايوه ..
_ انت مصدق نفسك ,,هو دا الحل اللى قلت عليه ,,انا لما لقيت علاقتكم مستقره فتره قلت انك عملت حدودو ورجعت عن تفكيرك
اتنهد “لوهان” : ادمز ,,
قاطعه” ادمز”: انت كده بتغلط غلطه كبيره وهتخسر “ريم” للابد
“لوهان” بعصبيه: ادمز انا بحب ,, بحب ريم بجد ومش تمثيل ودا متاكد منه زى ماانا متاكد من وجودك قدامي دلواقتي ,, انا حاولت .. حاولت كتير اتراجع واعمل زى ما قلت لكن فشلت ,,كل مره بشوفها او اسمع صوتها بتعلق بيها اكتر عن الاول ..
_ لكن دا غلط ..
_ حتي لو غلط وهكون معاها انا موافق ,,انا ممكن اعمل اى حاجه وافضل مع “ريم” ,,انا عارف ان ممكن فى اى لحظه هتختفي ل اى سبب مجهول ومش هضيع دقيقه بعيد عنها مهما كانت صفتي ,, “ادمز” انا عمري ما حسيت باللى بحسه مع “ريم” ولا فى واحده حركت فيا الاحاسيس دي ..انت بتقول غلط ,,مش غلط اعيش حلم صغير لمدة صغيرة اننا مع بعض حتى لو تمثيل انا موافق المهم اكون معاها
_ ازاى هتتعامل مع مشاعرك انها لعبه ؟
_ ومين قال انها هتكون لعبه بالنسبالي ,, بالنسبالي هتكون فرصه اعيش حلم ومشاعري هتكون حقيقيه
حتي لو هى فاكراه تمثيل ..المهم اكون معاها ..
_ لوهان انت ..
_ انا عارف بعمل ايه ,, وياريت حقيقه مشاعري ليها سر بيني وبينك ,,يلا نطلب القهوه ..
وقف “ادمز” محتار من تصرفات “لوهان” وقلقان من النتيجه اللى اكيد هتكون قاسية وصعبة عليهم هما الاتنين ..!
رجعت “ريم” البيت ودخلت غرفتها وغيرت ملابسها ولسه هتقعد ع السرير موابيلها رن وكانت رساله من “لوهان” :
_ بكرة اول ميعاد لينا لوحدنا الساعه 4 هنتظرك عند مطعم “ابو مريم ”
_ اوكيه
ضحكت “ريم” ع اصرار وفكره اللعبه واتحمس “لوهان” انه هيكون مع “ريم ” ,, تاني يوم نزلت ريم” مع “مريم” للمطعم ,, الساعه 4 لوهان ارسل رساله ل “ريم” تخرج بره وكان منتظرها :
_ مدخلتش ليه ..؟
_ لاننا هنخرج مع بعض لوحدنا
_ لوحدنا دا بجد ..
_ طبعا مش انتين مرتبطين بيكونوا لوحدهم مش معاهم جيش
بتضحك”ريم” : سوري اعذرني انا معرفش الكابلز بيكونوا ازاى ولا بيعملوا ايه
_ وانا قولتلك مش مطلوب منك تعملي حاجه غير انك تسمعي كلامي وانا هعرفك
_ اوكيه
مد “لوهان” ايده وبعد ااقل من لحظات من التردد مسكت ايده واتحركوا بالعربيه لمول كبير وكان “لوهان” متخفي كالعاده و”ريم” بتنفذ كلامه ,, حضروا عرض سيرك وكانت “ريم” سعيد به جدا و”لوهان” كان مبيتفرجش ع العرض لان عيونه كانت متجهه ل”ريم” وبيبتسم ل ابتسامتها ,, خرجوا واتمشوا شويا واشتروا ايس كريم واتعشوا ووصلها البيت :
_ ايه رأيك فى اليوم ؟
_ كان جميل جداااا شكرا ع اليوم دا وع انك وصلتني ..بس فى حاجه لحظتها ..!
_ ايه هى ..؟
_ مفيش حاجه مختلفه عملناها ,,احنا كل خروجاتنا بنعمل كده
_ احنا لسه فى اول يوم احكمي بعد الشهريين
_ اتفقنا ,, وميرسي ع الشوكلت الكتير دى
_ يو ويلكم ,, يلا اطلعي
_ صحيح هنبدء امتي دروس اللغه
ضحكك”لوهان”: متحمسه اوي انتي
_ بصراحه جدا علشان عاوزه افهم كلامك اللى بتقوله بالكوري دا ولو مش فاضي انا ممكن اتعلمها اونلاين انا اغلب اللغات اللى اتعملمتها اتعلمتها اونلاين ..
_ لا اكيد فاضى وهنظبط مواعيدها قريب ..
_ اوكيه ..تصبح ع خير
فى يوم اتفقت “ريم” و”لوهان” يتقابلوا فى كافيه يبدؤ كورس اللغات :
_ ها تبتدي انت ولا انا
_ هبدأ انا ,,انتي جاهزة ..؟
_ جدااا
مسك ورقه وقلم وقتح اللاب وابتدأ يعرف “ريم” الحروف ونطقها وهى بتردد وراه ,, اتكرر يتقابلوا ساعتين يذاكروا لبعض ,, وفى يوم وهما قاعدين بيعرفها كلمات الترحيب والالقاب ,,دخل ع الكلمات المعبرة عن المشاعر :
بالكوري : وحشتيني ..
رددت وراه “ريم” بعد ما عرفت معناها وتذكرت انها سمعتها منه
قال بالكوري : بحبك
سكتت “ريم” للحظه لما عرفت معناها وحست انها سمعتها قبل كده ورددت وراه
_ بحبك جداا
اكتر كلمه رددها “لوهان” و”ريم” اتفاجئت واتملكها احساس غريب فى اللحظه موبيلها رن وكانت “رنا” ,, انهوا الدرس ورجعت ع البيت ,, قعدت فى غرفتها فتحت اللاب بتراجع الكلمات اللى اتعلمتها وتذكرت لحظه “لوهان” بيقول “بحبك” ونظرته المختلفه عن المعتاد بسرعه رجعت لمراجعه وشتت تفكيرها ..!
لسبب غير معروف لما “غادة” اتكلمت مع “ريم” محكتش ليها ع لعبه الارتباط واستغربت “ريم” انها عملت كده ,,استمر مقابلات “ريم” و”لوهان” لوحدهم بمعرفه من “ادمز” الدائم القلق و”مريم” مش فاهمه اعتراض “ادمز” وقلقه الغير داعي ,, مر شهر وقرب اليوم الابيض وقرر “لوهان” يقضي اليوم كامل مع “ريم” :
_ جاهزه ..
وقفت ربعت ايديها: فين هديتي ..؟
ضحك”لوهان”: انا هديتي اليوم كامل بحاجات جديده هنعملها
_ وانا موافقه ..نزلوا ع وسط البلد وهما بيتمشوا لحظت “ريم” ملابس كابلز (ثنائيه) :
_ حلووين اوي دا لتؤام
بيضحك”لوهان”: تؤام .. لا دا ل الكابلز بيلبسوهم مع بعض تحبي تجربي
_ لا انا كنت بسأل بس ..
“لوهان” مسك ايد “ريم”: تعالى ندخل يلا متخافيش ..
_ لوهان ..احنا ..
_ احنا زى ما اتفقنا مرتبطين وطبيعي اننا نجرب الحاجات دى يلا ..
دخلوا المحل وشجع “لوهان” “ريم” انها تختار هى الجواكت دخلت “ريم” تقيس وخرجت كان “لوهان” لبس التاني مسك ايديها ووقفوا امام المرايا :
_ ايه رأيك ..؟
_ حلووين اوى .. يلا نغير بقي ..
_ لا هنغير ايه احنا هنخرج بيهم من المحل هنشتريهم
_هنفرج الناس علينا كده لا ..
_ مفيش حد هيبص ع حد هنا ولو حد بص هيقولوا اتنين بيحبوا بعض
_ ها ..
_ اللعبه انتي ناسيه ..
_ اها ..
مسك الموبيل : يلا نتصور للذكري
وقفت “ريم” قريب من “لوهان” للحظه ارتبك “لوهان” لكن كان سعيد واتصوروا صور كتير منها مضحكه وكانت “ريم” سعيده ,, خرجوا واتجهوا ع محل شوزات واشتروا شوزات كابلز وكانت تجربه جديده ع “ريم” وسعيده بيها ..
“ريم” بتبص ع صورها هى و”لوهان”: احنا فعلا مجانين
_ هو فى احلى من لحظه جنان مبتتكررش .. جوعتي
_ اكيد
سندوتشات هتعجبك ومتقلقيش حلال
ضحكت “ريم”: خلاص وانا معاك مبقتش اقلق ولا اخاف ..
ابتسم “لوهان” وطلبوا الاكل واتكلموا وهزروا وخرجوا اشتروا ايس كريم وقابلهم ماكينه للالعاب بالعملات واتجهوا اليها ولعبوا و”ريم” طول الوقت بتضحك و”لوهان” سعيد لان “ريم سعيده ,, بص ع الساعه وشد ايديها :
_ يلا بينا هنتاخر
_ ع فين ..؟
_ السينما ..
وقفت “ريم”: لا . مش هينفع مره تانيه
_ ليه ..؟
_ بلاش اخرب اليوم فى الاخر واحنا مبسوطين
_ ومين قالك انه هيتخرب بالعكس وبعدين انتي نسيتي وصفتي السحرية ولا ايه وانا معاكي متخافيش
مسك ايديها : امسكي ايدي ومتسيبهاش ومتخافيش انا معاكي ومش هسيبك مهما حصل ..
اطمنت “ريم” واتجهوا للسينما ودخلوا القاعه فى انتظار بدء الفيلم :
_ يعني يوم ما اتشجع ادخل سينما تدخلني فيلم كوري انا لسه مبتدئه موصلتش لمرحله ادخل فيلم وافهمه
بيضحك”لوهان”: وانا روحت فين .. هترجملك كل حرف فيه ,, وبصراحة الفيلم جميل جدااا هيعجبك
_ هتتعب كده ومتعه الفيلم هتروح
_ بالعكس متعتي وانا معاكي يكفيني
لحظت “ريم” نظرات “لوهان” المختلفه وغيرت الكلام :
_بس تعرف محرج اوى حكايه الكابلز يبابسوا زى بعض زى هنا
_ لا هنا عادي دا طبيعي متقلقيش خليكي ع طبيعتك
هقوم اجيب عصير وبوب كورن اوك
_ اوك
اتحرك “لوهان” و”ريم” بتحاول تهدي من المكان رن موابيلها وكانت “رنا” وطلبت منها متتاخرش .. رجع “لوهان” بالعصير والبوب كورن :
_ اتفضلي العصير المفضل
_ ميرسي
_ ايه رايك فى اليوم مختلف ؟
_ جدااا .. رغم اللى حصل انهاردة من اختلاف واللى حصل من وقت ما بدأنا اللعبه مفرقش كتير عن اللى بنعمله فى العادي غير اننا لوحدنا ,, بس انا مبسوطه بجد .. شكرا لوهان
_ انا اللى بشكرك انك وافقتي ليا اكون معاكي الفتره دي
_ ها .
_ الفيلم بدء .. ركزي هيعجبك
_ اوك ..
مد ايده “لوهان” ومسكت “ريم” ايده وابتسم وحس بسعاده لحظتها ,,نفذت “ريم” التعليمات وفتحت عينيها :
_ قولي بيقولوا ايه ؟
ابتدا “لوهان” يترجم ليها المشاهد و”ريم” تتفعل مع ترجمته تضحك وتفرح وتحزن للحظات ,, وقت الاستراحه اضاءه القاعه عليت وطلبت “ريم” تخرج وخرجت وقفت فى الهوا بتتنفس وقلق “لوهان:
_ انتي كويسه ..؟
_ كويسه .. كويسه
_ لو مش قادرة ممكن منملش ونمشي
“ريم” بصت ل “لوهان”: لا هنكمل الفيلم انا قررت .. وانا مش تعبانه اوى انا كويسه ومش هخرب اليوم مهما حصل
_ ايه تقمص الشخصيه دى ؟
_ احنا فى لعبه ومش عاوزه اكون انا سبب الخساره
ضحك “لوهان”: اوك وانا قابلت التحدي يلا ..
_ يلا ..دخلوا القاعه وابتدا الجزء التاني و”ريم” ماسكه ايد “لوهان” وابتدا يترجم المشاهد ,, فى المشهد الاخير البطل بيعترف للبطله فى مشهد رومانسي :
_ باين المشهد دا جميل متسيبش حرف اتفقنا
_ اوك ..
نظر “لوهان” لشاشه العرض للحظه ووجهه نظره اتجاه “ريم” وابتدا يترجم كلام غير كلام المشهد :
_ بيقول اول مره شوفتك فيها حسين بحاجه بتشدني ليكي ,, عيني كانت متبعاكي فى كل خطوة وحركة حاولت امنعهم مقدرتش ,,ولما قابلتك تاني وشوفت ابتسامتك عن قرب احساس زاد عن الاول ومكنتش فاهم ايه دا ,, وقابلتك تالت مره واتكلمت معاكي حسيت براحة وطمائنينة فى صوتك كنت مفتقدهم من سنين وقابلت رابع مره فى اللحظه اللى بكون معاكي الكون بيثبت عن حركته وابتسامتك بتنور حياتي زى شروق الشمس بعد ليله مظلمه ,,
(فى اللحظه دى و”لوهان” بيتكلم “ريم” شعرت بقشعريره ودقات قلبها كانت واضحه وسريعه نظرت ل “لوهان” كان ثابت نظراته اتجاهها وكمل كلامه :
_لمسه ايديك دنيا تانيه بحسها .. اى وقت صعب بيمر عليا بيهون فى وجودك ..لو حزين الحزن بيختفي ويستبدل بفرح وسعادة ,, صوتك موسيقي عذبه من السما مسمعتش زيها ,, ابتسامتك حكايه تانيه بتخطفني بتنور روحي ,, زمان لما سالوني تتمني ايه كنت بقول “اعيش” لكن لما قابلتك وسالوني تتمني ايه قلت” اعيش ليكي لانى عايش الحياه دى بيكي ومن غيرك مفيش حياه اعيشها ”
“ريم” اتجمدت من كلام “لوهان” وختم “لوهان” كلامه :
_ انا حاولت افهم ايه احساسي دا ومعني السعاده اللى بعيشها فى وجودك بس كانت الاجابه واضحه انا حبيتك .. انا بحبك ..
لحظت “ريم” اختلاف “ملامح وطريقه كلام “لوهان” عن الجزء الاول من الفيلم واضطرابها ودقات قلبها اللى لحظتها ل اول مره تكون واضحه كده ونسيت انها فى سينما ,, للحظات الاتنين كانوا وجوههم اتجاه بعض فى صمت منتبهوش لمكان غير لما اللى فى القاعه صفقوا لنهايه الفيلم السعيده ,, بسرعه مسكت شنطتها وخرجت ووقفت فى الهوا وحطت ايديها ع صلبها :
_ فى ايه .. من الفيلم والضلمه صح .
قرب “لوهان”: فى حاجه يا “ريم” ..؟
_ ها .. لا لا مفيش
_ طيب تمام .. ها هنروح فين نروح عند نهر الهان نتمشي
_ لا انا لازم ارجع البيت “رنا” كلمتني وطلبت مني متأخرش
_ اوك . يلا
فى العربيه :
_ لوهان ..
_ ايوه ..
_ انت ازاى ترجمتلي اخر جزء من الفيلم وانت مش شايف المشهد
سكت للحظات: عادي .. انا سمعت الكلام وترجمته
_ انت قولتلي اول مره تشوفه صح .. كنت حافظ ازاى الكلام كده
_ اول مره احضره معاكي لكن انا شوفته فى الصين لما كنت هناك مع اصدقائي علشان كده اختارته لينا
_ اهاا ..
_ فى حاجه ..؟
_ لالالا مفيش
وصلوا البيت :
_ شكرا ع اليوم الجميل جداا دا .. بجد مش عارفه اعملك ايه ارد به جزء من اللى بتعمله ..؟
_ اولا مفيش داعي من الشكر .. ثانيا انتي عملتي واكتر كمان
_ عملت ايه ..؟
_ ابتسامتك دى كفايه عليا ..
ابتسمت “ريم”: اعتبرها معاكسه
_ لكن دى الحقيقه
سكتت “ريم” للحظه ولاحظ “لوهان” انها هتحس بحاجه : بس الولد كان شقي اوى الصغير شوفتي كان بيعمل مقالب فى جدو ازاى
ضحكت “ريم”: ايوه …
_يلا اطلعي ..
_ تصبح ع خير
متحركش غير لما اتاكد انها دخلت العماره واتنهد وحط ايده ع قلبه : اهدي ..اهدي ..!
دخلت الشقه “ريم” وهى كانت مبتسمه : مساء الخير ..
اتفاجئت “ريم” بوجود”امير ” : امير
_ ايه رأيك يا “روما” ع المفاجاءه مردتش اقولك فى الموبيل علشان تتفاجئ
_ فعلا مفاجاءه ..
لحظت تغير ملابس “ريم”: ايه اللى لبساه دا مكنتيش نازله بكده ..
اتلجلجت : ها .. اصل فى عصير وقع عليها ف اشتريت دول
_ اها .. حلووين ع فكره شبهه ملابس الكابلز رسمه نص القلب دى شوفتهم من فتره فى محلات وسط البلد
اتفاجئت “ريم”: بجد .. مكنتش اعرف .
قرب “امير” : ذوقك حلو يا “ريم”
_ حمد الله ع السلامه يا “امير”
_ انا قولت اعمل مفاجاءه ليكم كلكم هقضي معاكم يومين واشوف ملوكه واشوفك
_ بجد .. حاجه جميله .. عن اذنكم بس اغير وراجعه
_ متتاخريش علشان نتعشي مستنينك
_ اوك ..
دخلت “ريم” غرفتها ول اول مره تكذب واستغربت نفسها ليه عملت كده وقفت امام المرايا شافت نفسها وتخيلت للحظه “لوهان” واقف بجوارها وبيشاورلها تبص للصوره وبصت جنبها كان اختفي ,, بسرعه “غيرت ملابسها وخرجت ,,,!
“لوهان” رجع ع شقته وكان سعيد جدااا واول ما دخل الشقه نور الليفنج نور وبيقرب :
_ اوووبا
اتفاجئ “لوهان” ب “يومي”: يومي .. انتى جيتي امتي ..؟
_ الصبح رجعت روحت الشركه كنت مش موجود ورحت عند “ادمز و”مريم” مكنتش هناك فرجعت هنا قعدت استناك ونمت وانا مستنياك وصحيت ع فتح الباب ..
حضنته “يومي”: وحشتني اوووى طول ما انا فى لندن كنت بفكر فيك وبفكر بتحب ايه وعاوز ايه ونزلت يوم الفلانتين واشتريت احلي هديه اتفضل ..
_ ميرسي ..
_ فين هديتي بقي ..؟
اتفاجئ “لوهان”: هديتك ..؟
_ انت كل سنه فى اليوم الابيض بتشتريلي هديه .. فين ..؟
سكت لحظات : هبقي اشتريها
_ هتبقي .. انت نسيت
_ انشغلت وانتي عارفه بقي كنت بسافر كتير و ..
بملامح حزينه قاطعته: ولا مره نسيت هديتي ..
_ سوري بجد ..
_ اوكيه .. افتح الهديه وقولي رايك ..؟
_ بعدين ..
_ عاوزه اعرف هتعجبك ولا لا بليز
مسك العلبه وفتحها وكانت برواز منقوش فيه صورتهم سوا وبملامح عاديه : جميله ..ميرسي
_ بس كده ..
_” يومي” انا راجع مرهق من بره روحي يلا ..
_ طيب مش هتقولي هتحطها فين ..؟
_ هشوف حاضر يلا ..
_ حطها فى اكتر مكان بتقعد فيه علشان تكون فى وشك طول الوقت
_ الحمام .. احطها فى الحمام ..
بملامح زعل : اوووبا ..
_ بصي حطيها انتي فى المكان اللى يعجبك انا ميفرقش معايا كتير ..
_ اوك..
بيقلع الجاكت : ايه دا .. جاكت كابلز ..؟
اتفاجئ “لوهان” وانكر : كابلز .. لا طبعا انا وقعت قهوه عليا وكان دا اللى قدامي لبسته مؤقت
_ بتاع مين ..؟
_ مش مهم .. المهم دلواقتي عاوز انام يلا روحي
_يعني انا قولت هنسهر مع بعض
_ مش قادر ..
_ عموما انا فضتلك خلصت جامعتي وفضيالك طول الوقت هتلاقيني قدامك
بملامح لا مبالاه: متنسيش تقفلي الباب كويس ..باي
دخل “لوهان” غرفته ورجعت “يومي” بنظرات شك تبص ع الجاكت …!فى البيت عند “ريم” كانت قاعده مع امير و”رنا “:
_ قولي يا “امير” هتقضي اليومين ازاى مخطط هتروح فين هنا فى اماكن حلوه اوى اسال ريم
_ مش محتاج اخطط ل حاجه انا هقضيهم مع ريم ومعاكم ونها اتعرف ع اصدقاء “ريم” ..رامي دايما يتكلم عنهم
اتفاجئت “ريم”: اصحابي انا ..؟
_ ايوه “مريم” وادمز و.. و.. المغني دا اسمه ايه ؟
_ لوهان ..
_ ايوه ولوهان ,, جميل يبقي ليكي اصدقاء جنسيات مختلفه الصداقه حاجه جميله وتأثيرها بيبقي قوي
ردت “رنا”: فعلا من وقت ما “ريم” اتعرفت عليهم وهى اتغيرت للاحسن زى ماانت شايف
_ واجب بقي اشوفهم واشكرهم بنفسي ومنستهمش من الهدايا
_ كلك ذوقك يا “امير ” .. هشوف ملك وراجعه
كانت “ريم” ساكته ولاحظ “امير”:
_ اتمني تكوني مفاجئتي حلوه ..
_ اه طبعا يا “امير ”
انتي فعلا وحشتيني جداا يا “ريم” ,, ومفتقد وجودك فى البيت وحياتي كلها ..
_ هانت راجعه قريب ..
_ انا قولت انك حبيتي الحياه هنا وهتستقري
_ لا ازاى يعني و “رامي” وماما ..
_ وانا ..؟
_ وانت اكيد ..
_ هتفسحيني فين .. ولا اقولك متخططيش ل اى حاجه اللى بتعمليه كل يوم انا هعمله معاكي تمام
_ ها … اوكيه
تاني يوم منزلتش “ريم” تتمشي كالعاده ,, اتصل “لوهان” بيها وعرف انها هتكون فى المطعم ولظروف مش هتقدر تخرج الايام دى ,, نزلت “ريم” مع “امير” يتمشوا واتجوا ل “ايتوان” واتجهوا لمطعم “ابو مريم” ,, رحبت بيهم “مريم” وقعدوا مع مجموعه “ريمط تعرفهم ,, وطلبوا اكل واتكلموا كلهم واندمج معاهم “امير” ,, بعد فتره دخل “لوهان” المطعم كمفاجئه ل “ريم” ,, دخل يدور ع “ريم” شافها قاعده بجانبها شخص غريب اول مره يشوفه ولاحظ ان “ريم” بتتعامل عادي ومش حاسه ب اريحيه قرب منهم :
_ مساء الخير ..
_مساء الخير .. ليو
“ريم” ابتسمت تلقائي: ليو ..
“امير” ابتسم ونظر اليه وكان “لوهان” لبس نفس الجاكت اللى كان مع “ريم” وقف ومد ايده :
_ انت اكيد “لوهان” اللى سمعت عنه كتير من “رامي ..؟
“ريم” وقفت”: اعرفك “لوهان” صديقنا .. امير “اخو رامي” عيلتي و ..
رن موبيل “ريم” وكان “رامي” وخرجت ترد عليه ,, رحب “لوهان” ب “امير” وقعد وشعر بعدم ارتياح ل “امير ” و”امير” شعر ب حاجه غربه بتحصل بين “لوهان” و”ريم” من نظراتهم خصوصا ابتسامتهم الواضحه لبعض لما رجعت “ريم” وانشغلت مع “مريم” وقعد “لوهان” و”امير” مع بعض :
_ لوهان ..
_ ايوه
ب ابتسامه: حقيقي كنت حابب اتعرف عليك دايما “رامي” يحكي عنك
_ فرصه سعيده ..
_ احب اعرفك بنفسي بشكل أدق واكمل اللى “ريم” ملحقتش تقوله ..
_ اتفضل ..
_ زما قالتلك “ريم” انا عيلتها و خطيبها
اتفاجئ “لوهان”: خطيبها ..؟
_ ايوه الخطوبة الرسميه قريب جداا ف اكيد تحضر انت من المقربين ليها
من الصدمه مقدرش يقول كلمه حرك راسه واستاذن وخرج .. رجعت “ريم” كان مشي من غير ما يعرفها ,, اتصلت مردش سالت “امير” قالها استاذن ان عنده شغل … !
لحظت “ريم” ان “لوهان” ما ارسلش ليها رساله بليل زى كل يوم وتاني يوم الصبح كان موبيله مقفول ,, ارسلت رساله ( لوهان .. انت كويس .. هستني رساله تطمني عليك )
طول اليوم كانت “ريم” ماسكه الموبيل وكل شويا تراقبه ومنتظره اتصال او رساله من “لوهان” ولحظ “امير”:
_ هنروح فين انهارده النهار خلص وقولتي هننزل بليل
_ اللى انت عاوزه اكيد ..
_ انتى تحبي نروح فين ..؟
_ انا .. لا اى مكان
_ اوك ..
نزلت مع “امير” وكانت بتراقب الموبيل وطول الوقت كانت غير سعيده لكن كانت بترسم ابتسامه مزيفه .. اتجهت مع “امير” لمقابله فى الفندق ومسكت الهاند فري وشغلت ميوزك وفجاءه وصلت رساله من “لوهان :
_ سوري “ريم” كنت مشغول وسافرت الصبح لما ارجع هكلمك انا كويس اطمني . استمتعي بوقتك مع “امير” ..
اطمنت من الرساله لكن شعرت ان فى حاجه .. كملت اليوم مع “امير” وكانت سرحانه اغلب الوقت اللى بيتكلم فيه “امير” بتفكر ايه حصل وغير “لوهان” ,,, كان “امير” عزمها ع “سينما :
_ ايه دا ؟
_ انا سمعت انك بتدخلي سينما عادي ولا دى اشاعه
_ ها .. ايوه لكن ..
_ لكن ايه .. مبتدخليش غير مع اصحابك
لحظت تلميح “امير” عن “لوهان”: لا عادي اوك ..
دخلوا وحاولت تستجمع اعصابها وتذكرت كلام “لوهان ” ,, حاول “امير” يمسك ايديها بعدت ايديها وربعت ,, ابتدا الفيلم وغمضت عينيها وتخيلت “لوهان” فى الكرسي الجانب التاني منها اتملكها احساس راحه وتخيلت انها ماسكه ايده وكملت الفيلم ,,, خرجوا وكان “امير” حجز فى اغلي مطعم للعشا :
_ ايه كل دا ..؟
_ انا طلبت مخصوص الاكل واغلي مكان ليكي ..
_ لكن اى مطعم كان عادي
_ لا طبعا ..
تذكرت الاماكن اللى راحتها مع “لوهان” وكانت سعيده ,, ما اكلتش وطلبت من “امير” يرجعوا البيت دخلت غرفتها شغلت الهاند فري ونامت … !
تاني يوم سافر “امير” ,, مر يومين و”لوهان” متصلش ولا ارسل رساله ل “ريم” ,, شعرت “ريم” بفراغ كبير وان فى حاجه كبيره مفتقداها واتغير مود وحاله “ريم” لسكوت والصمت زى زمان و قلت من خروجها من البيت ولاحظوا تغير حالتها ومقدروش يعرفوا السبب غير انها عاوزه ترجع لندن ل “رامي ” ,, وهى قاعده فى غرفتها موابيلها رن وكان “لوهان” بدون اى مقدمات :
_لوهان .. انت فين كل دا ,, ولا رساله ولا مكالمه .. كنت فين ؟
لوهان بيضحك: اهدى اهدي انا اسف جدا بس حقيقي كنت مشغول
_ مش عذر ..
_ واضح انا زعلتك جداا
_ جداا هو دا اللى اتفقنا عليه
_ وانا مستعد اصالحك ممكن ..؟
_ شوكليت وايس كريم لا مش موافقه
ضحكك “لوهان”: لا هنقضي يومين فى جزيره جيجو مع ادمز ومريم ايه رايك موافقه
بتضحك “ريم”: اكيد وافقه
_ بكره اشوفك الصبح
_ اوكيه
قفلت مع “لوهان” وكانت سعيده جداا وابتدت تجهز شنطتها لرحله …!
تاني يوم وهى نازله لاحظ “فريد” و”رنا” تغيير حالتها للاحسن واستغربوا ,, نزلت مع “مريم” وادمز” واتجهو للمطار وسافرو لجزيره “جيجو” وكان “لوهان” فى انتظارهم ,, اتجهوا لغرفهم واتجمعوا ع الشاطي يلعبوا وقضوا اليوم مع بعض ,, بليل كان فى تجمع بعض الاشخاص ومصابيح كبيره كل شخص هيكتب امنيته ويعلقها فى مصباح ويطيره فى الهوا اعتقادا انها هتتحقق ,, كل شخص كتب امنيته ,, “لوهان” وهو بيكتب امنيته نظر اتجاه “ريم” للحظات وكتب ( اتمني السعاده كامله ل “ريم” بدون لحظه الالم ) “وريم” كانت بتفكر فى “لوهان” وكتبت ( اتمني السعاده ل “لوهان”) ,, طيروا المصابيح ,, فى اشخاص مصابيحهم وقعت والبعض مصابيحهم طارت ,, اتفق “لوهان” يطلع الجبل مع “ريم” وافقت ,, كانت جاهزه تاني يوم واتجهت هى و”لوهان” لقمه جبل :
ريم بسعاده : واااااااه بجد منتهي الجمال
_ سعيده يا ريم
_ جداااا .. شكرا لك
_ شكرا ليكي
ريم بتضحك ..لوهان: بتضحكي ليه ؟
_ قبل ما انزل “مريم” بتقولي هتطلعي الجبل انتي و”لوهان” مجانين علشان لعبه وسالتني ايه السبب انه بيعمل كل حاجه ليكي مهما كانت قولتلها علشان ..
قاطعها “لوهان” وقرب منها خطوتين وبالكوري : بحبك
اتفاجئت “ريم” لان الصوت كان واضح : ها ..
قرب خطوتين وبالانجليش: بحبك .. بحبك يا ريم ..!
