الحلقه 32
لا إله إلا أنت سبحانك إني كنت من الظالمين
*****************************
سما : خلاص بقى الا حصل حصل بس قلبى مش قادر يسامحه
مرنا : ها يسامحه يا سمسمه يا حبيبتى دا مروان الحب كله
أميره : حب ياحب
مرنا : يا سيدى الناس
أميره : حب ياحب
مرنا ؛ كل الناس
سما : ههههههه يخربيت كدا شردو الاغنيه
مرنا : يعنى ها نعمل فرح يكسر الدنيا بقى وكدا
سما : انا مش ها أعمل أفراح ها تبقى حفله على الديق
أميره : ليه يافقر ربنا موسعها تدياقيها ليه
سما : أسكتو بدال ما أحلف ماحد ها يشوف وشى تانى
مرنا : لا وعلى ايه يا مرات الوحش مقدما خليكى ياختى أخواتك عايزينك……
سما : ها أقفل انا بقى ونرغى بكرا براحتنا اوكشن
مرنا : وأميره اوكشن وها تقوليللنا كل حاجه عملتيها طول السنه فاهمه ….
سما : انا ما كملتش سنا ياختى انتى وهى
مرنا : هما بالنسبه لنا سنين سلام
سما : سلام
*********
كريمه : الاكل جاهز أتفضلو
مروان : قعد جمب سما وبصوت واطى بسم الله يا عروسه
سما : بصوت واطى عرسه لما تلهفك
مروان : ها أهون عليكى
سما ؛ ايوا
لولو : ايوا بقى شغل الخطاب والوشوشه أشتغل
مروان : ايوا بقيتى عزول يالولو ومفيش أيس كريم
لولو : مروان باشا حد شافه ياجدعان كان قاعد هو وأختى هنا من شويه
كلهم : هههههههه
فايزه : انتى دماغ
لولو : أحب أقولك ياجميل أنتى لازم تكونى لماحه وتسايسى أمورك عشان تعيشى
محمد : لا انتى لازم تشتغلى فى الشركه معايا
لولو : أحبك هو دا الكلام ويبقى عندى مرتب وأجيب مكنة ايس كريم لوحدى ياسلام دى ها تلعب
عبدالعزيز : بتاعت مصلحتها
مروان : ايوا طبعا ومروان اتركن على الرف
كريمه ؛ مش قولتلكو
سمر : هههه فرحانه فيكى
لولو : ايه انتو كلكو عليا والا ايه
سما : خلاص يا لولو دا انا ها أجيب ليكى أحلى مكنة أيس كريم ولو عايزا التلاجه كمان اجبهالك ياستى من بكرا
لولو : أحلى سما فى الدنيا بس قولى وربنا
كلهم : ههههههه
سما : وربنا
لولو : خلاص ناكل ونروح تشتريها ليا بس ها أحطها فين اه جمب سريرى فى مكان فاضى واهو منه نوم وأكل
سما : حطيها فى المكان الا يعجبك
مروان : انتى بتتكلمى بجد
سما : ايوا بجد مش بهزر
مروان : خلاص انا الا ها أجبها للولو حبيبتى
سما : لا انا الا ها اجبها ومن أحسن مكان كمان
لولو : أستنو أستنو أقرصينى يا سمر سمر قرصتها لولو اه ايه الغل دا انا بقولك اقرصينى مش عضينى
كلهم : هههههههه عبد العزيز الفقى لما يسعد
كريمه ؛ يجيلو تلاجتين
لولو ؛ لا سما تجيب واحده ومروان باشا يدينى الفلوس أجيب البسكوت واللبن والذى منه
مروان : اه دخلنا على الطمع عنيا ليكى يا ستى خلصى أكل بس عشان نطير ونجبهالك
لولو : انا خلصت قبل ما أبدء أصلا ياله بينا لترجع فى كلامكو
كريمه : اتهدى يابت وانتو كملو أكلكو هو الكلام بجد
************
رجائى : عمو أبوسك انت وطنط والا أعمل ايه والله وجودك فرق معانا احنا كنا خلاص ها نستعين بصديق
يحى : هههههههه احنا أهو خلاص ولا صديق ولا غيره
احلام : حبايبى العيال دى بيفترو عليكو
أميره : دا هما يفترو على بلد انا كنت خلاص ها أحط عودين كبريت فى عينى أفتحها بيهم
أحلام : هههههه هى الامومه سهله انتى لسا فى الاول
رجائى : عندك حق والله الله يكون فى عونكم
يحى : ربنا يبارك فيهم ويكبرو ويلعبو مع جدو وتيتا
أحلام : يلعبو مع تيتا الاول وبعدين جدو
يحى : لاهما حبايب جدو أطلعى منها يا أحلام
أميره ورجائ ههههههه خلاص ها يلعبو معاكو أنتو الاتنين
*********
كريم : معتز ها نطلع مع حملة التأمين دى
معتز : لا مش هانطلع ها نفضل هنا المكان محتاج تأمين بردو
كريم : ربنا يستر انا نفسى أشوف أخر لولاد ال…. دول
معتز : دول ملهمش أخر طول ما فى ناس عمله لهم غسيل مخ وبتغرى عنيهم بالفلوس والخلافه الوهميه وكله كوم والا بيفهم ان فى جنه لهم بعد الا بيعملوه فى بلادهم بيحاربو بلادهم تخيل….
كريم : عندهم حول ربنا يخلصنا منهم
معتز : يابنى كله تمويل ولعب على كبير واحنا الا بندفع التمن ربنا يهديهم ويفوقم من الوحل الا غارقنين فيه
كريم : يارب
معتز : تخيل سيف وحشنى قوى
كريم : لحق
معتز : اه والله يابنى أحمد عامل عليه حصار غير طبيعى وشويه شويه ها يعمل ليا انا ومرنا حظر تجوال
كريم : هههههههه ابوك دا عسل وربنا
معتز : عسل بس بزياده ها يجبلى السكر
كريم : ههههههه ربنا يخليهولك وما يحرمك منه
معتز : أمين يارب
********
عبد العزيز : انتو وخدنها جد رايحين فين
لولو : ما تقطعش برزقى
عبد العزيز : مش وقته يا لولو فى شوية حاجات لازم نتفق عليها عشان فرح أختك وأختك ملزومه تعملك الا انتى عايزاه
سما : مش ها نتأخر ياباب
عبد العزيز : مش وقته
مروان : خلاص يا ستى انا ها اروح التوكيل وانا ماشى واديهم العنوان ينقولها على هنا وانت تدفعى زى ما انتى عايزا
سما : اوك كدا تمام
بما ان الكلام دخل فى الجد فى دا شرط لو عايزينا نتجوز
محمد : كفايه شروط يا سما
عبد العزيز : عيب كدا انتى بتلوى دراعنا كلنا
مروان : خلاص انا موافق انا الا ها أتجوز وموافق على كل شروطك مش ضعف منى ولا لوى دراع لا عشان أثبتلك إنك غلطانه …….
سما : خلاص يبقى فى حاجه لازم أقولها ليك على انفراد قبل ما توافق ممكن تيجى معايا الاوضه بعد أذنك طبعا يا بابا أنت وعمى
هما اتفضلو …..
مروان : قام ودخل الاوضه معها أتفضلى سامعك
سما : احنا ها نتجوز على الورق مفيش جواز رسمى ها يتم بينى وبينك لحد ما نطلق وطبعا دا بينا احنا الاتنين
مروان : انتى ليه كدا طيب ادى نفسك فرصه وادينى معاكى يمكن الوضوع يتغير …..
سما : أنت قولت موافق على كل شروطى انتو بتجبرونى على الجواز رغم انى عندى بدال الواحد الف عايزين يتقدمو وكلهم شخصيات مرموقه على فكره بس هما مصممين عليك أنت بالذات …..
مروان : بنرفزه وجذبها من دراعها بشده إحترمى نفسك معايا ولا انا ولا أهلى قوليلين انا الا مصبرنى عليكى انى بحبك وعايزك وحطى الكلام دا حلقه فى ودنك انتى بتاعتى بتاعت مروان محمد القاسم فاهمه والا أفهمك بطريقتى
سما : شدت اديها منه لا مش فاهمه وانا مش بتاعت حد ولعلمك الجواز مش ها يبقى أكتر من سنه دا لو قدرت أستحمل انى أعيش معاك سنه أصلا ….
مروان ؛ بيدايقها بنفس طريقتها هو فاهم هى عايزا توصل لأيه ماعنديش مانع واظاهر كدا فعلا انى كمان مش ها أستحملك أكتر من سنه ……
سما : تعالى هنا أنت بتقول ايه انت مش ها تستحملنى عايز تتجوزنى وها تموت عليا ليه…..
مروان : انتى هبله انا ما بموتش على حد فاهمه هما الا ها يموتو عليا وبكرا اوريكى بعيونك دول يا سمسمه انا موافق على طلباتك كلها عشان مش فارق معايا حاجه تانى
سما : مستفز
مروان : بأبتسامه دايقتها أكتر وخلتها تقسم بينها وبين نفسها لأتخليه يلف حوالين نفسه عارف ياقطه ياله نطلع بقى ليقولو انك بتستفردى بيا ههههههه وخرج وهو عارف انها هاتموت من قهرها وانه مدهاش الفرصه تدايقه زى ما هى عايزا ……
غادرو عائلة محمد بعد الاتفاق على كل شئ وسما أتفقت مع والدها ووالدتها انهم ها يأجرو شقه كبيره بعد مشاورات كتير وها ينقلو فيها بس ها تكون فى القاهره وينقلو شغلهم هناك وهى اتعرفت على ناس ممكن يخدموها فى موضوع النقل دا ليهم كلهم وهما وافقو عشان شغلها وفايزه وعشان سمر كمان ها تتجوز جمب أختها فا يقعدو بعيد ليه وسما كانت مرتبه كل حاجه حتى السمسار بتاع شقق كانت مكلامه لما عرفت انها راجعه لأهلها عشان تقعد فايزه جمبها
**********
مرت الايام بعد لقاء سما بأعز أصدقائها الثنائى مرنا وأميره وبأحلى الهدايا قدمتها حبا فيهم فهم أخواتها وليست أصدقاء
…… وسافر مروان لعمل أجازه لزواجه من سما وفرح أصدقائه كثيرا فاهذا اليوم لهم جميعا مميز فكم تمنوه له حتى يخرج من حزنه والخداع الذى تعرض له وقبل الفرح بيوم مروان رايح لسما البيت وداخل واتفاجئ بأطفال كثيره أمام البيت
………..
طفل : عمو انت داخل تاخد أيس كريم زينا
مروان : ههههههه ايوا ممكن ادخل والا بالدور
الطفل : أتفضل ياعمو انت كبير عيب لما تقف فى الدور زينا
مروان : بتفهم والله وسعولى بقى كدا
لولو : جوا وربنا الا ها يطلع برا الصف ماهو واخد
مروان : حتى انا يا مجنونه ايه الا انتى عملاه دا
لولو : مروان باشا انت الصف كله انا قولت الا ياكل لوحده يزور فا أكلت الشارع كله ……
مروان : ههههههه شاطره أعملى لأخرتك
لولو : دا عمل جماعى ادخل أما أمشى نافورة العيال الا ملهاش أخر دى ياله ياواد انت وهو من هنا ها أفتح الساعه 9 الا ماخدش ياجى ياخد فاهمين
العيال فاهمين ومشيو …….
كريمه : ادعى عليكو بأيه وبتشاور على مروان وسما أنتو السبب حد يجيب ماكنة أيس كريم فى البيت ولواحده مجنونه …..
لولو : لا يا كركر ما أسمحلكيش تغلطى فيا
وكريمه تمسك الازازه البلاستك الا جمبها وترميها على لولو انتى لسا ها تسمحيلى ولولو دخلت الاوضه جرى …
فايزه ؛ ههههههههه والله هارتنى عمايل بسكويت والبسكوت يخلص تطلع علب ودمرت الاوضه جوا ….
مروان : ههههههه سبوها براحتها لولو تعمل الا هى عايزاه
لولو : تخرج على باب الاوضه مروان باشا الا ناصفنى فى أم العيله دى امتى اتجوز يارب وأخلص
مروان : ههههههه احنا نتجوز الاول ياختى
لولو : دا احنا مجوزكو وكمان أحلى طبق ايس كريم طبق ايه حلة ايس كريم لمروان باشا انا عايزاك تعوم جواها
مروان : دا انا ها اغرقك جواها امشى يابت على جوا
سما : أهلا
مروان ؛ بتريقه وسهلا بكملها اصل القطه كلت حته من لسانك ……
كريمه : اتفضل يابنى معلش البت دى ها تجننى والله
مروان : انتو مش جاهزين ليه مش ها تسافرو معايا
كريمه : لا خد سما واحنا ها نكون بكرا بأذن الله عندكو
سما : انا جاهزه وسلمت عليهم ومشيت مع مروان عشان تروح تقيس الفستان السواريه الا صممت تحضر ببه كتب الكتاب والفرح وتمم على كل حاجه والا ناقص تحيبه
مروان : وهو فى العربيه مالك مكشره كدا ليه
سما : ولا حاجه دماغى مصدعه وعايزا انام
مروان : نروح عل الفيلا تريحى شويه وننزل أخر النهار
سما : كدا كدا ها اروح على الفيلا أرص الهدوم الا معايا فى الدولاب وبعدان ها نخرج مفيش وقت للراحه
مروان : هانت بكرا ان شاء الله ترتاحى
############
بقلم : لبنى طارق
#####$$$$$$$
الحلقه 33
*********
عبد العزيز القاسم : مبروك يا أخويا والله فرحتلك من قلبى ربنا يسعده وتفرحو بيه وبعياله
محمد : يارب انا كلمتك تانى عشان ما تزعلش منى انى ماقدرتش اجى انا وروقيه انت عارف مرنا لسا ولده حتى أجلت السبوع لما يرجع معتز ومامتها كل شويه عندها والوقت ديق……
عبد العزيز : ولا يهمك انا ها أجيب العيال وأمهم وها أكون عندك الصبح بأذن الله
محمد : تنور يا حبيبى وقفل معاه
****
مروان : اتفضلى ماما يا ماما
مفيش رد ….
مروان : تقريبا كدا محدش فى الفيلا أكيد ماما راحت تجيب حاجه ناقصه ياله تعالى وطلعو على أوضة مروان
مروان : سما ريحى شويه شكلك تعبان قوى
سما : فعلا مش قادره بس مش مهم فنجان قهوه ها يعدل الدنيا ….
مروان ؛ طيب انا ها انزل أعمل اتنين قهوه واجيلك ماشى
سما : ماشى ونزل وسما راحت على السرير وقالت تريح شويه على ما يطلع وراحت فى سابع نومه
مروان : طالع بالقهوه لقى سما نايمه حاول يفوقها ما فقتش
مروان : نام جمبها وفضل يبوس كل حته فى وشها ويقول لها وحشتينى قوى وحشنى شقاوتك معايا وحشنى حضنك يارب اقدر ارجعك ليا تانى …….اد اي وقام يرص لها هو ملابسهافى الدولاب بأحتراف شديد هو منظم ومرتب بطبيعته وساب سما تريح شويه ويبقى يقومها براحتها
سما : ايه دا انا نمت والا ايه وبتبص فى الساعه يا نهار ابيض الساعه 5 وانا معادى فى الأتليه 6
مروان : خبط ودخل كل دا نوم فوقى ياله
سما : انا لسا ما معملتش حاجه ازاى تسبنى انام
مروان : وهو قاعد جمبها انا عملتلك كل حاجه
سما ……..
مروان : ممكن تفوقى كدا وتظبطى نفسك وتنزلى عشان نلحق معاد الأتليه وعلى فكره ماما هنا وها تروح معانا عشان مش تبقى لوحدك وانتى بتظبطى الفستان
سما : حاضر ها أنزل على طول
****
مرنا : عمو ممكن تمسك سيف على ما أعمل شنطة هدومه وأحضر البدله بتاعت معتز عشان ينزل من الشغل على الفيلا على طول يلبس معانا هناك ….
أحمد : هاتى حبيبى الا طلعت بيه من الدنيا
مرنا : فى حاجه اجهزه لحضرتك غير الا قولتلى عليه
أحمد : لا يا حبيبتى هو لازم اروح معاكى سبينى هنا ايه الا ها يجرالى يعنى
مرنا : لا ياعمو لازم تبقى معايا واسماعيل مش هنا كمان بقى بيساافر كتير بلدهم بعد ما معتز أجر له الشقه الا فوق
أحمد : ربنا يخليكى لأبنى ولينا يا غاليه انا ربنا كرمنى بولد وبنت وحفيد الحمد لله ربنا يحميكم ويبعد عنكم الشر
مرنا : أمين يارب
****
معتز : كريم انت يالاه
كريم : ايه يابنى سبنى اريح شويه
معتز : ولا تريح ولا تتنيل فوقلى كدا انا سامع دوشه تحت مع العساكر
كريم : قام اتفزع من مكانه وشالو سلاحهم وبقو فى وضع الاستعداد واتواصل مع الا واقف يراقب الوضع وبلغهم ان فى عربيه بتحاول تعدى الحاجز الأمنى والعساكر بيتعاملو معاها …….
كريم : محمد راقب الوضوع ممكن يبقى كمين معملو لنا وفى حد تانى وراهم وهما بيلهونا ….
محمد : تمام يا فندم فعلا شايف عرببه دفع رباعى مش بتهدى السرعه وجايه ورا التانيه من على بعد
معتز : اتجمعو جهة اليمين يا رجاله كريم اتعامل انت مع الواد دا وعطله حاول ما يمتش عشان نعرف مين الا وراه
كريم : أتعامل انت مع العربيه التانيه برجالتك بسرعه أكيد فيها متفقجرات من على بعد يا معتز إنجز
معتز ؛ اتحركو بسرعه ياله وفعلا معتز ورجالتو اتعاملو مع العربيه من على بعد رغم ان المسافه كانت قربت بعض الشئ عليهم ومع التعامل العربيه انفجرت ومعتز اتصاب فى كتفه والعساكر الا معاه كل واحد فى مكان مختلف بس الاصابات مش جامده قوى…….
وكريم : سيطر على الوضع تماما وقدرو يقبضو على الواد التانى الا كان بيقوم بعملية الإلهاء للكمين كله ….
كريم : جرى هو والعساكر الا معاه على معتز وطلبو دعم وفرقة تمشط المنطقه ووصلو عند معتز ولقى معتز بينزف وبيحاول يطمن على رجالته كلهم وبيشيلو المصابين وكريم بيساعدهم عشان يغادرو المكان بسرعه ….
كريم : ورينى يا معتز مالك
معتز : ما تشغلش بالك بيا فى أصابات أخطر منى اتعامل انتى على وجه السرعه ياله
كريمه : خلاص ما تقلقش اتحرك معايا
معتز : مش ها تحرك يا كريم غير مع أخر راجل من رجلتى فاهم ……
كريم ؛ فاهم يا صاحبى طيب ورينى كتفك أشوف الأصابه
معتز : وهو بيصارع مع نفسه عشان ما يقلقش كريم ويتلهى فيه لا اتحرك بعيد عنى بقى خلينا نخرج من هنا وبالفعل بدئو بالأنسحاب من المكان بعد ما اتاكدو ان الامور كلها تمام
*********
مروان : اتوتر مره واحده بعد ما واصلو ان فى هجوم على الكمين الا فيه معتز وكريم وبيحاول يوصل لهم عشان يطمن عليهم بنفسه … .
رجائى : بيكلمه فى أخبار يا وحش والا اسافر لهم دلوقتى
مروان : لو ما وصلش اى معلومه عنهم ها نتحرك انا وانت فى خلال ساعه استنى منى مكالمه وانت حاول توصل لهم انت كمان …..
رجائى : بقلق حاضر ها أحاول سلام
**********
مرنا : يا ساتر يارب ايه النغزه دى
أحمد : مالك يابنتى
مرنا : مش عارفه ياعمو جاتلى نغزه وخنقه كدا مره واحده
أحمد : والله وانا كمان محنوق كدا وقلقت على ابنى ربنا يسترها معاه وينجيه هو والا معاه من كل شر ما تكلميه يا مرنا ..
مرنا : للاسف ياعمو المكان الا فيه مفيهوش شبكه وانا بستنى مكلمته ليا بفراغ الصبر لما يروح لمكان فيه شبك
********
معتز : حاول تكلم مروان ورجائى أكيد وصل لهم خبر طمنهم علينا لمروان يسيب الدنيا كلها هو رجائى ويجى على هنا انت عارفهم …..
كريم : حاضر ما تقلقش ها ابلغهم وانت كل دى أصابه فى كتفك وسايبها يا معتز ممكن النزيف يموتك انت عنيد ليه كنت وقفت النزيف عل الأقل.
معتز : الحمد لله جت سليمه وانا تمام انجز بقى عشان ننزل لهم أكيد الاخبار انتشرت ان فى هجوم على الكامين بتاعنا الرجاله كلها تمام ……
كريم : الحمد لله تمام وها يتجننو عليك
معتز : وهو بيغمض عينه الحمد لله
كريم : طلع برا المستشفى وسأل على تليفون ارضى مباشر دا الحل الوحيد عشان يعرف يوصل لمروان ولرجائى
كريم : ايوا يا مروان انا كريم
مروان : كريم طمنى عليكو وعلى الرجاله انتو تمام ومعتز فين …..
كريم : اهدى يابنى الحمد لله كله تمام
مروان : بيقولو فى اصابات معتز فين يا كريم
كريم : والله كله تمام فى اصابات بس مش جامده طمنهم بقى وانا عملت طلب نقل لمعتز بالأسعاف عشان فى أصابه فى كتفه
مروان : بقلق معتز ماله انا جاى لكم
كريم : والله هو كويس واحنا قدامنا ساعه بالكتير على ما الاجرائات تخلص وها نتحرك ما تقلقش
مروان : طمنى عليه وخليه يكلمنى
كريم : حاضر طمنهم انتى بقى سلام
مروان : سلام
مروان : كلم رجائى وطمنه واتصل على مرنا يطمن عليها ويعرف اذا كان فى اخبار وصلت لها وعرف انها مش عارفه حاجه فا قفل ومقالهاش عشان ما تقلقش هى وابو معتز
سما : نزلت هى وروقيه من الاتليه بعد ما خلصو
روقيه : ايه يامروان واقف هنا ليه وسايبنا من بعد ما جبتنا
مروان : ولا حاجه يا ماما كله تمام يا سما
سما : و هى بتبص فى عينيه حست ان فى حاجه اه تمام الحمد لله والفستان معانا أهو ….
مروان : طيب كدا ها اروح أجيب بدلتى وبدلة بابا بعد ما اوصلكو ..
سما : ممكن اروح معاك
مروان : بحب ممكن طبعا تعالى اوصل ماما الاول بس عشان مرنا : على وصول
******
مرنا : سامح ممكن تدخل الشنط وعمو أحمد لو سمحت
سامح : اتفضلى يا مرنا هانم وانا ها اساعده يدخل
مرنا : شكرا
روقيه : حمد الله على سلامة حبيب تيتا وباست مرنا
مرنا انتى لوحدك ياماما
روقيه : ايوا يا حبيبتى سما مع مروان بيجيب البدل
مرنا : ربنا يتمها على خير
روقيه : بقلق مالك يا مرنا
مرنا : انفجرت فى العياط مش عارفه ياماما مخنوقه وقلقانه قوى على معتز وما كلمنيش انهارده خالص
روقيه : يا حبيبتى ما تقلقيش لو فى حاجه كان مروان جرى على هناك مانتى عارفه ….
مرنا : ربنا يستر
روقيه : أتفضل يا حج أحمد انتو منورنا والله
أحمد : ربنا يعزك يا ست الكل
******
سما : مالك يا مروان حصل حاجه شكلك قلقان
مروان : ولا حاجه يا سما انتى عرفتى منين انى قلقان
سما : من عنيك زى ما بعرفك على طول
مروان : شال اديها وباسها ربنا يخليكى ليا
سما …..
مروان : سكتى ليه مش ها تبطلى تفكيرك دا
سما : على فكره مفيش حاجه اتغيرت انا عايزا أطمن على معتز وكريم أكيد فى حاجه انت عرفتها وهى الا قلقتك كدا
مروان : ايوا حصل هجوم على الكمين ومعتز مصاب
سما : بشهقه معتز جراله ايه
مروان : اطمنى اصابه خفيفه الحمد لله وها ينزل هو كريم انهارده . .
سما : الحمد لله ربنا يسترها يارب
مروان : يارب
ومر الوقت فى ترقب من مروان ورجائى ومحمد بعد ماعرف هو كمان وسما ومروان عارف انهم فى الطريق وقربو يوصلو الفيلا عندهم بعد ما عرف معتز وكريم ان مرنا ووالده فى الفيلا
*****
كريم : انت تمام يامعتز والا نطلع على المستشفى الاول
معتز : والله تمام انزل العبلك ضغط عشان تصدق
كريم : هههه جاتك نيله انا قولت ضربوك فى لسانك
معتز : بقولك ايه وقف الاسعاف دا عند شقتى واطلع معايا أخد شاور وأغير وانت هات عربيتك ودينى بيها عشان أكيد مرنا خدت العربيه مش عايز اروح بمنظرى دا
كريم : بس المفرض مفيش ميه تيجى على الجرح
معتز : ما أنت ها تساعدنى
كريم : حاضر وفعلا خلصو واتجهو للفيلا
*****
مروان : خرج لهم برا يطمن ان معتز تمام وواقف قلقان لحد ما يشوفه ……
كريم : وهو سايق شايف الوحش واقف ها يموت من القلق عليك أهو …..
معتز : ربنا ما يحرمنا من بعض ولقى عربيه وراه وطلع رجائى
نزل معتز ومروان قرب منه وحضنه الف سلامه يا قناص
معتز الله يسلمك يا وحش ….
رجائى : حمد الله على السلامه يا رجاله الف سلامه عليك يا حبيبى ودخلو عل الفيلا جوا
مرنا : بصدمه وطلعت تجرى على معتز وبتعيط انا كنت حاسه ان فى حاجه ومعتز حاضنها والله انا كويس ما تقلقيش عليا …….
محمد : حمدالله عل السلامه يا ولاد
كريم ومعتز الله يسلمك
معتز : هو بابا فين
مرنا : فوق يا حبيبى فى الاوضه أطلع له
روقيه : با حبيبى يا معتز مالك
معتز : ولا حاجه يا طنط اصابه خفيفه
سما : الف سلامه وحمد الله على السلامه
معتز : نورتينا ياسما اوعى تسبينا تانى
كريم : انا مبسوط انى شوفتك والله
سما : وانا كمان انى أطمنت عليكو
رجائى : مبروك يا سما
سما ؛ الله يبارك فيك فين أميره
رجائى : ما رضتش أقلقاها
سما : هانحط الاكل على السفره أكيد جعانين
كريم : ها نموت من الجوع
معتز : ها اطلع أطمن على بابا
محمد : اتفضل يا حبيبى وقضو الوقت بعد كدا فى كلام كتير واطمئنان عليهم ومرنا ماسكه فى معتز مش راضيه تسيبه لحد ما كلو أنصرف للنوم
################
بقلم : لبنى طارق
#####$#######
الحلقه 34
*******
أشرقت شمس يوم جديد تحمل المفاجأت والفرح لأبطالنا
********
مروان : صباح الخير يا بابا
محمد : صباح الخير ياحبيبى
مروان : مازن مش ها ينزل بردو
محمد : والله يا مروان فى مشاكل كبيره فى الفرع الا هناك أعذره أهو بيتصل…….
مروان : صباح الفل على الناس الهرابه
مازن ؛ مبروك يا عريس صبرت ونولت
مروان : هههههه نولت على الأخر قركو الا جايبنى ورا
مازن : اتجوز أنت بس وانت تعرف ان قرنا دا كان فى مصلحتك من الا هاتشوفه
مروان : ماشى يا أخويا مش ها نشوفك بقى
مازن : أظبط الدنيا هنا وها أنزل عشان فاطمه ها تجنن عايزا تشوف أهلها
مروان : تيجى بالسلامه يا حبيبى طيب ماشى سلام
محمد : قفل من غير ما يكلمنى
مروان : مش عارف مين دخل عليه المكتب وقالى ها يكلمنا كلنا تانى
محمد : طيب جهزت كل حاجه
مروان : كله ما تقلقش من الناس الا أنت عازمها ابنك ها يشرفك…..
محمد : بضحك يا خوفى
مروان : بقولك ابنك ها يشرفك ههههه
محمد : اهلا بالناس الكسلانه
معتز : صباح الخير يا عمى صباح الخير يا مروان
مروان : ومحمد صباح النور
مروان : عامل ايه دلوقتى
معتز : تعبان قوى يا مروان كلم الدكتور بتاعكو يقولى على أسم مسكن قوى
احمد : تعالى نروح المستشفى نطمن على الجرح وتغير عليه
مروان : تعالى ياله وانت خليك هنا يابابا ومشى هو ومعتز ووصلو المستفشى وغيرو لمعتز على الجرح وقفلو عليه كويس لانه كام بينزف تانى والدكتور ادالو حقنه مسكنه عشان الألم ……
مروان : عامل ايه دلوقتى
معتز : الحمد لله أحسن انت مش ها تعمل فرح بجد يا مروان …..
مروان : ها أقولك بس ما تقولش لمرنا ولا لحد …….
معتز : ايوا كدا خلينا نفرح
مروان : طيب انزا بقى زمان مرنا قالبها مناحه جوا
معتز : اه يا مروان دا كل ربع ساعه امبارح انت فيك حاجه انت حاسس بحاجه والله مش عشان أختك انا بحمد ربنا انه رزقنى بيها …..
مروان : ربنا يسعدكم يا حبيبى ودخلو الفيلا
مرنا : معتز يعنى تبقى تعبان وما تقوليش
معتز : انا تمام أهو قدامك كنت بغير على الجرح
مروان : هى سما لسا نايمه
مرنا : لا دى فى المطبخ بتجهز الفطار مع روكا خد يامروان سيف عشان أساعدهم
مروان : هاتى حبيب خالو ها تلبس بدله انهارده فاهم ما تخليش العيال دى تضحك عليك ويقولو دا صغير خليك راجل من وأنت فى اللفه ..
معتز : ههههههه انت ها تعمله راجل علينا من دلوقتى
مروان : يا دوب
معتز : عقبال ما تشيل عيالك يا وحش انت وسما فى خروج سما ومران بيبص لها
مروان : قول يارب يا صاحبى ومر وقت ليس بقليل وبدء الجميع يحضرون الى الفيلا عم مروان وعيلته وأهل سما وأميره ورجائى
مرنا : وهى والبنات فى الاوضه الحقو يا بنات دا فى معدات وحاجات كتيره وناس بيعملو حاجه فى جنينة الفيلا الخلفيه
أميره شكلهم ها يعملو فرح كبير
سما : ايه دا انا ها ألبس فستان سواريه ازاى فى الا بيعملوه دا ….
لولو : سما سما الحقى دا فى حتة فستان فرح انما ايه الاميره ديانا ملبستهوش
سمر : فين يا بت انطقى
مرنا : هو فين يا لولو
لولو . فى اتنين شايلينه وطالعين بيه على هنا
أميره : . بتتطنط وبتحضن سما مبروك يا سمسمه
سما : . أخوكى دا مجنون يا مرنا
مرنا : . دا احلى جنان ياختى ياريت الرجاله كلها مجنونه زيه
لولو : وسعو كدا اتفضلو من هنا
البنتين دخلو ومعاهم الفستان الا اول ما شافوه كلهم اتصدمو وسما كانت طايره من الفرح من حبيبها ومش مبينه ودخلت ست كبيره معاهم هى فين العروسه
مرنا : مسكت سما هى دى
مصممة الازياء ممكن تسبونا لوحدنا وجميعهم أنصرفو من الغرفه عشان المصممه تشوف شغلها
تعالو يا بنات واحده تجيب شنطة الشغل دى والتانيه تلبسها الفستان عشان لو فى تعديل
وفعلا لبست الفستان وكان متفصل عليها تفصيل وكانت الأميره سما فى جمالها وجمال الفستان
المصممه شكله بيحبك قوى عارف المقاس بالملى
سما : بأبتسامه وانبهار ايوا بيحبينى قوى وانا كمان بس خليها فى سرك
المصممه بضحكه سرك فى بير ساعدوها يا بنات تقعله لحد معاد بدء الحفله وبعدان نزلو تحت وطلعو على طول بنات عشان يعملو لها اللازم لجمال بشرتها وجسمها وسما فى حالة زهول من حصار مروان لها الغير مباشر وكل واحد فى العيله بيعمل حاجه شكل حتى أصحاب مروان عشان الامور كلها تكون تمام بعد ما عرفو ان مروان ها يعمل أحلى من أى قاعه ممكن يأجروها وكمان اتفق على تورته 10 ادوار وبعض المطربين المشاهير .
مر الوقت .. . سريعا وبدئت حفل الزفاف وتقدم مروان من سلم الفيلا تحت التصوير والاضواء حتى يتسلم أميرة قلبه وأحلامه من والدها…….. الذى فرح لها كثيرا وظل يدعو بينه وبين نفسه…… ان يسعدها ويبعد عنها الشر وعيون الناس وتقدمت مع دقات قلبها المسموعه من أمير أحلامها حقا انه أمير…. وأخذ يدها وقبلها قبله طويله من بين عيونها التى تأثره وخرجو تحت أنظار الجميع المعجبه ومن بينهم أيضا الحاقده الى قاعة الأحلام التى اعد لها مروان ونفذها على الفور . .
سما : بصدمه وفرحه ايه الا انت عملته دا كله
مروان : دى أقل حاجه ممكن أقدمها ليكى
سما : براخمه انسى والله لو عملت ايه
مروان : بثقه ها نشوف
وبدأت مراسم الزواج وحضور الجميع للحفل
**********
تقدم الجميع للتهانى بعد كتب الكتاب لسما ومروان والتمنى لهم بالحياه السعيده ماعدا منال التى تستشيط غضبا وحقدا على تلك الفتاه المسكينه …….
منال : شايف يا عبد العزيز الاوبهه الا بنت أخوك فيها اتارى ما رضيتش بأبنى رسما على كبير الحلوه ..
عبد العزيز : ارحمينا بقى يا منال ما انتى كنتى بتحاربى عشان ما تتجوزش ابنك ..
كريمه : منورا يا منال منور يا ابو حاتم
منال : الف مبروك يا حبيبتى صبرتى ونولتى والله فرحتلك
كريمه : الحمد لله ربنا بيدى كل واحد على اد نيته وسابتها ومشيت وهى ها تولع فى نفسها ….
منال : قصدها ايه دى ان نيتنا كانت وحشه والا ايه
عبد العزيز : يوااه بقى ارحمينى بقى لنقوم نمشى
************
مروان : مبروك يا مراتى يا حبيبتى
سما : مراتك على الورق اوعى تنسى ماشى
مروان : عارف عارف طمنى نفسك
وانتهى حفل الزفاف الاسطورى الذى جمع بين مروان وسما وبدء الجميع فى الانصراف ما عدا الاصدقاء الا قررو يرخمو عليهم ……
معتز… ورجائى ….وكريم . ..احنا جعانين ومش ها نمشى غير لما ناكل الحمام ….
مرنا …وأميره…. ايوا احنا تعبنا معاكو طول اليوم خساره فينا الأكل
مروان : ما تباتو فى اوضتى بالمره
كلهم والله فكره
مروان : انتو الا جبتوه لنفسكو وكلهم طلعو يجرو تحت ضحك البنات ومحمد وروقيه وأحمد وشايلين البيبيهات وواقفين يتفرجو
وسما : بتساعدهم يدايقو مروان أكتر
سما : ايوا كدا يا رجاله كان عايز يمشيكو من غير أكل دا حتى يبقى عيب فى حقكو ..
كلهم : لا عمرها ما تحصل
مروان : انتى ها تلحنى معاهم انتى الا جبتيه لنفسك وراح ناحيتها وهى مش عارفه تتحرك بالفستان بسرعه مروان شالهاا وقالهم خاليكو قاعدين انا ولا يهمنى …
محمد : ههههههه مبروك اطلع يابنى وانا ها أعشيهم
كريم : أحبك انا
رجائى : هو دا الكلام
معتز : انت شايف يا عمى انا محتاج غذى
البنات : هههههه مفاجيع
********
مروان : دخل الاوضه ونزل سما وبيقرب منها
سما : اوعى تقرب منى فاهم خلى فى حدود
مروان : ايوا حدود ازاى واحنا فى اوضه واحده وها ننام على سرير واحد
سما : لا يا مروان باشا انت ها تنام على الكنبه وانا على السرير فاهم
مروان لا مش فاهم انام على الكنبه ازاى وانا قاعد سيتك طيب انتى شبر ونص
والناس الطويله الا زى حالتى
سما وهيا رافعه صوابعا فى وش مروان انا مسمحلكش ومروان يضربها على صباعها ينزله وها ترفعه تانى انا مش شبر ونص فاهم
مروان : ايه شبر بس 
سما : اه نسيت انك رخم 
مروان : وهو ماسك خدودها أكتر منك بكتير يا سمسمه ياله ياحبيبتى من هنا
سما : ما تزقش
مروان : طيب ياله من هنا يا شاطره
سما بقولك ما تزقش ومشيت من قدامه وهى ها تفرقع ودخلت الحمام تغير الفستان وتلبس بجامه
مروان : واقف مبسوط انها معاه وبيدايقها قبل ما هى تتعمد تدايقه وغير هو كمان ولبس بنطلون الترنج بس
سما : خرجت اتكسفت من منظره ايه الا انت عامله دا ما تلبس حاجه
مروان : منا لابس أهو هو انا عريان قدامك
سما : ايوا عريان انا هانام معاك فى الاوضه مش ها تبقى لوحدك
مروان : انتى مراتى مش عيب وبطلى رغى ها ادخل أخد شارو أطلع الاقيكى نمتى فاهمه
سما : مش فاهمه
مروان : ها أفهمك بطريقتى وسابها ودخل الحمام وطلع لقاها نايمه عل الكنبه فى سابع نومه كان يوم طويل ومرهق للجميع شالها ونيمها على السرير جمبه وفضل يتأملها شويه وهو وبيمسد على شعرها ووشها ونام فى حضنها زى ما كان بيحلم ……
سما : قامت الصبح لقت نفسها نايمه على صدر مروان وهو حاضنها
سما وشبح الابتسامه ظاهر على وشها وبتقول بينها وبين نفسها وحشتينى قوى بس نقول ايه عنيهم فيه ويقولو اخيه هى الستات كدا وربنا
سما : متصنعه الجديه وبصوت عالى مروان مروان
مروان : قام مفزوع من نومه فى ايه يا سما حصل حاجه
سما : ايه الا نيمنى هنا وكمان حاضنى دا الاتفاق
مروان : أصطبحى يا سما انا قولت الدنيا اتهدت يعنى كنت أسيبك على الكنبه
سما : اه سبنى والا مش قادر وها تخل بأتفاقك
مروان : انتى فاكره نفسك ايه انتى ولا تهزى فيا شعرا انتى ما شوفتيش البنات كانو بيحسدوكى عليا ولو عايز اتجوز دلوقتى 3 عليكى ها اتجوز وهما ميتين فى هوايا
سما : دا انت واخد مقلب فى نفسك وعايز حد يفوقك قال 3 قال احمد ربنا انى رضيت بيك وتبوس ايدك كمان
مروان : بأستفزاز لسما انتى ولا فى بالى أصلا واوعى كدا خلينا اخد شاور وانزل أعمل تمارينى وسابها ودخل الحمام وهى عماله تفكر ازاى تستفزه زى ما بيعمل وأكتر
******
مروان : ماما عملتى فطار
روقيه : صباحيه مباركه يا حبيبى ما الاكل فوق انت ماكلتش والا ايه
مروان : لا عايز فطار عادى
روقيه : عنيه
سما : صباح الخير يا طنط
روقيه : صباح الخير يا عروسه ايه الجمال دا كله
سما : شكرا انا جبت صنية الأكل ملوش لزوم تفضل فوق
روقيه : ايه دا انتو ماكلتوش حاجه خالص
سما : بكسوف مصطنع هو مروان ادنا فرصه يا طنط
مروان : بينه وبين نفسه وحياة أمك
روقيه : ربنا يسعدكم يارب وحضنتها وباستها
محمد : انا رايح الشركه صباح الخير يا عرسان
سما : ومروان صباح الخير
محمد : ايه الا نزلكو من الاوضه بدرى كدا
*********************
بقلم : لبنى طارق
*******************
عاوزا روايات حلوه