يكفي أن يحبك قلبها
بقلم_ولاءيحيي
الحلقة (٤)
هاجر صحيه من النوم…. فتحت عينها لقيت نفسها نايمه في النص بين تقي وريم….. وتقريبا وخده السرير كله…. ريم نايمه علي الحرف اليمين….وتقي الشمال ……رحت ضحكت بشقاوة وطفوليه وفردت ايدها ورجله….. فوقعت تقي وريم من علي السرير فنزلوا الاتنين……. ماهبودين علي الارض وصرخوا
امل ومديحه وفاطمة قاعدين يشربه قهوه…. سمعوا صوة الهبده وصريخ البنات……. قاموا يجروا يشوفه في ايه لقي هاجر قعده تضحك علي السرير…… وريم وتقي واقعين علي الارض
مديحه وهي بتضحك علي شكلهم …..وهم التلاته لبسين زي بعض ……. و ريم مسكه ظهرها وبتتألم ……. و تقي مسكه راسها…. وهاجر هتموت من الضحك
مديحه بضحك : حسبي الله علي ابليسك…… ليه كده يا هاجر
امل تضحك اوي وراحت تقوم ريم …..ومديحه بتشوف راس تقي
ريم وهي بتتالم وبغيظ : ماشي يا جوجو….. ما فيش نوم جمبي تاني ……..انتي وهي تنام في شقتكم بعد كده
تقي بغيظ : ااااه يا راسي …..( وتبص لريم)….. وانا مالي يا ست ريم ما انا وقعت …..زي زيك
هاجر بضحك : هنام هنا كل يوم عكم انت نين……. ووقعكم كل يوم
الكل مقدرش غير انه يضحك….. علي براءة وفرحت هاجر
وبعد الصلاة…. شريف اخد حسن وراح النادي…. وعبد الحميد راجع البيت هو و عمر ……..ووهم مشين في الطريق
عمر : ناوي علي ايه يا عمي
عبد الحميد بهدء : والله يا عمر طول الليل بفكر…… عشان اعملهم الصالح …….و ملقتيش غير اني هقعد مع ريم وفاطمة وديهم فلوسهم اللي في البنك…… واخد ريم اكتب لها الارض والدور بتاع الفيلا باسمها……. وهي هتبقي تدي اخوها حقه لما يشد حيله ويقف علي رجله…… واسهم الشركة هشوف ايه اللي يريحها… تحب تدير هي بنفسها ….. واللي هنفضل زي ما احنا
عمر بابتسامه : فعلا يا عمي دا الحل السليم …..وياريت حضرتك تكلمها في موضوع الشغل….. ولو حبه تشتغل ف تشتغل في شركه الأدوية……. انا بصراحه مش حابب مروحها لمستشفى الحكومة….. واللي لصيدليه بليل
عبد الحميد : ان شاء الله هقولها ….. هي اصلا نزلت الصيدلية…. عشان مصاريف علاج فاطمه ….لكن دلوقتي الحمد الله معهم فلوس ومش هتحتاج تشتغل فيها تاني
عمر : صحيح يا عمي ليه طنط فاطمه متسافريش….. تتعالج بره اظن دا افضل ليها…… وان شاء الله ربنا يكتب لها الشفا
عبد الحميد : والله فكره…… انا هقولهم وأسافر معهما كمان
عمر بسرعه : لا خليك حضرتك..( واخد باله من لهفته فهدي وكمل) انا بقول خليك حضرتك هنا يا عمي …..وانا هبقي اسافر معهم …..انا هتصل بالمستشفيات كلها….. وشوف الاحسن ل حالة طنط فاطمة …….بس عاوز التقرير والاشاعات…… بتعتها عشان ابعتهم
عبد الحميد يبتسم ليه : طول عمرك راجل يا عمر….. انا هكلم ريم وأجبلك منها كل حاجه تخص حالة فاطمه
وصل عمر وعبد الحميد البيت لقو الكل قعد تحت في الجنينة
عبد الحميد وعمر : سلام عليكم
الكل : وعليكم السلام ورحمه الله وبركاته
هاجر بضحك : بابا انا وقعت ريم وتقي علي الارض ونمت وحدي علي السرير
الكل يضحك علي فرحه هاجر بالمقلب اللي عملته فيهم
ريم ضحكت اوي وبصوة…… ودي كانت اول مره عمر يشافها وهي بتضحك كده…… فأعجب بيها زياده وامل كانت قعده ووخده بالها من نظرت عمر لريم وبتدعي ربنا يهديه وتكون ريم من نصيبه
ريم بضحك : دا انا اللي بعد كده يا هاجر….هانيمك علي الارض مش جمبنا
ساندي بطفوليه : انا نام جمبك ريم…. ومش هوقعك همسك فيك جامد كده ( وتلف ايدها علي رقبتها وتحضنها)…. ومش هسيبك تقعي خالص
عمر كان مستغرب جدا ان ساندي بتحض ريم…. وهي عمرها ما بتسامح لأي حد يبوسها او يحضنها غير القريبين منها اوي وبس
ريم بحب : يا حياتي …. دا انا اللي همسكك اوي كده…. ومش هنام غير جمبك انتي…. وهم الاتنين ينامه علي الارض
تقي بغيظ : يابنتي انا مالي …..ما انا وقعت زيك
ريم تغيظها : مش تؤام اللي يمشي عليها يمشي عليك الكل يضحك عليهم وبعد شويه
ريم بقلق: امل حسن فين يا عمي
عيد الحميد بابتسامه: رح مع شريف النادي عشان يشتركوا فيه
ريم بكسوف: ليه كده بس يا عمي تتعبوا نفسكم
عبد الحميد :تعب ايه دا….. وبعدين الولد فعلا بيلعب كويس جدا…… حرام ما يخدش فرصته والاشتراك النادي…. من فلوسكم انتم
فاطمه : فلوس ايه بس يا عبد الحميد…… دا والله لمتكم ومقابلتكم واهتمامك بينا …..بدنيا وما فيها واحنا مش عاوزين حاجه تانية غير كده
عبد الحميد بابتسامه: دا حقكم يا فاطمه….. ولازم يرجع ليكم النهارده قبل بكرا….. محدش ضامن عمره…..(ويبص لريم) عشان كده …..انا عاوزك يا ريم يا بنتي تيجي معايا بكرا
ريم باستغراب: علي فين يا عمي
عبد الحميد : هفتح ليكي حساب في البنك ……وها حولك فيه الفلوس اللي في الحساب الخاص بيكم… الكنت بحط ليكم فيه فلوسكم ……هحولوا كله باسمك …..ونروح للمحامي عشان ينقل الارض والشقة اللي في الفيلا هنا باسمك
ريم بخضه وخوف : ايه دا كله….. وبعدين ليه باسمي انا
عبد الحميد بابتسامه : وليه مش باسمك… حسن لسه قاصر ماينفعش احولها باسمه … هتبقي عاوزين وصاية… ومجلس حزبي… ووجع دماغ …. باسمك افضل
ريم : لو حضرتك مصمم يا عمي….. يبقي يتكتبوا باسم ماما
فاطمه : وهو انا ايه وانتي ايه يا ريم …..وبعدين انا لا بعرف اروح ولا اجي انتي اللي تعملي كله حاجه
امل : انتي خايفه من ايه يا ريم
ريم بقلق : خايفه من المسؤولية يا طنط….. واني اظلم اخويه ومحدش ضامن نفسه…. يمكن النفوس تتغير (بضحك) مش يمكن اطمع في الفلوس واخدها واهرب …..
الكل ضحك
عبد الحميد بحنان : وانا عشان خوفك بحولهم باسمك…… ولو خايف انك تظلمي حد….. فخايف انك تظلمي نفسك….. مش حسن واللي فاطمه
عمر كان قاعد بيسمع وهو قصص ليها ومبتسم ……فهو مبهور بشخصيتها….. اللي اول مره يسمعها وهي بتكلم….. هو اتشد ليها قبل كده لجمالها وبراءة وشها….. ال مش مزيفه بالمكياج….. وبطريقه لبسها المحترمة اللي بدري بيه كله جسمها….. ومع كده هي في منتهي الشياكة والزوق ….. وانبهر امبارح بجمالها بشعرها لما شافها صدفه….. في المطبخ و ال اول ما حست بيه استخبت تدريه…… رغم جمالها في بداريه عن عيون الناس…… ودلوقتي هو معجب بشخصيتها ال خايفه من نفسها لتظلم اخوها …… رفضه تاخد حقها من عزت نفسها
عبد الحميد : خالص يا ريم بكرا اول ما نصحي…….. هنروح انا وانتي البنك
ريم بابتسامه: حاضر يا عمي بس معلش بلاش بكرا
عبد الحميد باستغراب: ليه يا بنتي
ريم : بكرا ماما عندها جلسه….. وبكون معها طول اليوم فمش هينفع بكرا
مديحه : انا هروح مع فاطمة ومش هسيبها …..ورحي انتي مع عمك
ريم بكثوف : متشكره يا طنط متتعبيش نفسك….. وبعدين احنا مش مستعجلين لدرجه دي
مديحه : انا كده او كده مش هسيب فاطمه…. وهروح معها….. انا اتفقت معها من امبارح ….وانتي عندك شغل باقي الاسبوع…… وفرصه ان بكرا وخده اجازه…..فتروحي انتي مع عمك وانا هروح مع فاطمه
ريم بكسوف: اصل احنا…. هنروح يا طنط اول ما حسن يرجع….. فيبقي المشوار طويل علي حضرتك
عمر بضيق : هتروحو فين…. هنا بقي بيتكم خالص يا ريم…. ولازم تفضلوا وسطنا ومعنا
ريم بكسف : مهو احنا هنرجع تاني ان شاء الله …..بس لما حسن يخلص امتحانات….. عشان دروسه والمدرسة بتعته قريبا من البيت هناك
عمر بابتسامه: لو علي دروسه من بكرا احسن المدرسين يجوا البيت هنا لحد عنده ……والمدرسة يروح مع السواق في العربية…… يأخذه ويجيبه
ريم بخوف علي حسن من التغير : لاااا ماينفعش ابدا الكلام دا…… حسن في سن خطر…..و ان كل حاجه تتوفر له مره واحده بشكل دا مش كويس ليه…… مش معقول بين يوم وليله….. يشترك في نادي اللي يحلم بيه بسهوله….. ودروس لحد عنده في البيت…. وانها يروح بعربيه بسواق….. قدم اصحابه في المدرسة…… يلفت النظر ليه …… كل دا يأثر فيه ويتغر علي اصحابه….. حسن في الاول والاخر طفل وفي سن مراهقة….. لازم نأخذ بالنا كويس منه …
امل بابتسامه: فعلا يا ريم معاكي حق …..رينا يحميه ويحميك يا حبيبتي….. بجد يا فاطمه تسلم تربيتك
فاطمه بفخر ببنتها : ريم قلبها لما بيحب حد ….بتديله عمرها كله….. وحسن مش بس اخوها دا ابنها…. هي اللي مربية وشالت مسؤوليته من صغرها
عبد الحميد بابتسامه : خالص يا ريم….. هترجعوا لحد ما حسن يخلص امتحانات….. وبعدها تيجوا تعيشوا وسطنا….. وهو الامتحانات كمان شهر……. وبعدها يدخل ثانوي ان شاء الله في مدرسه قريبا من هنا
عمر بضيق وقلق : بس انتي لازم تسيبي شغلك ….. فيش ليه داعي دلوقتي
ريم وهي بصه للأرض : انا بلغتهم امبارح في الصيدلية اني مش جيه تاني….. واتصلت بواحده زميلتي هتمسك مكاني من النهارده
عمر : طيب والتامين هتفضلي فيه….. انتي لو حبه انك تشتغلي ممكن تشتغلي في شركة الأدوية بتعتنا …..وهتبقي احسن ليكي علي الاقل شركتك…. وهتبقي معايه…. ( ويرتبك) قصدي معنا في الشركة
ريم بابتسامه وهي بصه للأرض: متشكره جدا…….. بس انا مرتاحة في شغلي في التأمين ومش عاوزه اسيبو….. بس ولو غيرت راي هبقي ابلغ عمي
عمر وهو نفسه ترفع عينها و تبصله : طيب بعد ازنك انا عاوز التقرير والاشاعات بتعت طنط فاطمه
ريم رفعت راسها وبصت ليه واستغربت : حضرتك عاوزهم ليه
عمر بابتسامه انه بصت ليه اخيرا : اصلي عاوز ابعتهم للمستشفيات بره …..واشوف احسن مكان مناسب لعلاجها…. عشان تسافر تتعالج فيه
فاطمه باستغراب : لا يابني سفر ايه…. ملوش دعي…. و هنا زي هناك
مديحه : لا طبعا هناك احسن….. وتلقي اهتمام والعلاج
امل بخبث: ابعتي لعمر كل التقرير يا ريم…. اول ما تروحي مش انتي عندك نت وعندك ايميل طبعا
ريم بكسوف : ايوه
امل بابتسامه: خالص اول ما توصلي…. ابعتيها لعمر علي إيميل….. ابقي عرفها ايميلك يا عمر…. واديها كمان رقم تلفونك … وخد رقمها
ريم بكسوف : انا هبقي ابعتهم لعمي …وهو يديهم لحضرتك
عمر بابتسامه لكسوفها بس صمم يأخذ رقمها : وليه عمك يعني…. هو انا مش ابن عمك ….. ولازم يبقي معايا رقمك عشان لو حبيت اسالك علي حاجه مهمه … تكون مش واضح في التقرير مثلا
فاطمه بابتسامه: اديه رقمك يا ريم….. ما فيهاش حاجه عمر مش غريب
(امل بصت لفاطمة اللي بصت ليها هي كمان وتبدله النظر والابتسامة واتفقه الامهات علي ريم وعمر بنظره وربنا معهم بقي
)
دخل حسن وهو بيجري وفرحان ….ودخل وره شريف وهو بيضحك
حسن بفرحه: وافقوا يا ريم واقبلوني في الفريق ( وجري علي حضنها) وبقيت في فريق الناشئين
ريم بفرحه لآخوها : مبروك يا نجم بس اوعي تتغر علينا لما تشتهر وتنسانا
الكل بارك لحسن…. وشريف حكلهم عن اعجاب المدرب بيه وانه دخلوا الفريق اول ما شاف مهاراته…. وبعد القعدة و الغداء ريم ومامتها وحسن جهزوا عشان يمشوا
مديحه بابتسامه: هجيلك بكرا الصبح بدري ان شاء الله ونروح سووا
فاطمه وهي بتحاضنها : هتعبك يا حبيبتي
مديحه : تعب ايه يا بطه هو احنا في بنا الكلام دا
عبد الحميد : وانتي يا ريم هنتقابل بكرا اوعي تنسي
ريم بابتسامه: حضرتك ابعتيلي اجي فين… وانا هجي في الميعاد
عبد الحميد انا هبعتلك السواق الصبح وهو يجيبك لعندي
امل بمكر: يلا يا شريف….عشان تروح توصلهم يا حبيبي
عمر بسرعه: لاااا خليك انت يا شريف …..انا خارج اصلا ووصلهم في طريقي
امل بخبث تقرب من عمر وبصوة واطي محدش يسمعها غير عمر : خليك يا عمر انت…… وخلي شريف هو ليوصلهم…. ورح انت مشورك او روح لميرنا
عمر بغيظ : لا يا ماما انا اللي هوصلهم…. هم في طريقي
امل عاوزه تغيظه : طريقك ازي… هو انت رايح فين …..وبعدين انا عاوزه شريف هو ال يوصلهم عشان
عمر يقطع كلمها ويتكلم بصوة واطي بغضب: ماما شيلي الموضوع دا من دماغك خالص …ومتكلميش فيه مع شريف او اي حد تاني لو سمحتي
امل بتصنع الحزن : ليه بس يا عمر انا عاوزه اخطب ريم ليه
عمر بغير وغضب : ماما لو سمحتي ……انسي الموضوع دا خالص
امل بتصنع الحزن : طيب يابني علي رحتك
ريم رحت تسلم علي ساندي ….. اللي كانت واقفه قريبا من عمر فبص عليهم
ساندي بابتسامه : مس تتأخري… وتعالي تاني
ريم بحنان تبسها: حاضر يا قلبي… وانتي تأكلي كويس عشان لما اجي نعمل فريق انا وانتي…. ونكسب تقي وجوجو
ساندي بفرحه : ولو كسبنا تجبيلي هديه
ريم بابتسامه :طبعا يا روحي … الهديه اللي انت عاوزها… انتي عاوزه هديه ايه
ساندي قربت من ودانها…. وقالت لها هي عاوزه ايه من غير ما حد يسمع…. وريم ضحكة لما سمعتها
( عمر وقف وسمعهم و ضيق عنيه….. واستغرب اوي لما ساندي وشوشت ريم…. وبقي وعاوز يعرف ساندي طلبت ايه منها)
ريم بابتسامه: خلاص اتفقنا
ساندي : بس دا سر.. اوعي احكي لحد
ريم عملت علامة السوسته علي بقها ….وهي بتضحك وحضنتها وقامت
ورحو مع عمر في العربية…. وهو كان طول الطريق بيحاول يكلم ريم….. بحجه انه بيعرف منها حاله فاطمه بظبط… بس هي كانت بترد ردود مختصره ….وفاطمة بصه من الشباك وعمله تبتسم ….وتدعي لريم بلخير
واول ما وصله قدم البيت
فاطمه بطيبه: اتفضل يا عمر يابني اشرب حاجه
عمر بتسامه : مره تأنيه يا طنط ….وان شاء الله ويوم الخميس انا هاجي اخدكم…و تفضله معنا خميس وجمعه زي الاسبوع دا
فاطمه بابتسامه : ان شاء الله يا حبيبي عن ازنك
عمر يبص لحسن : شد حيلك يا حسن… وذاكر كويس عشان تجيب مجموع كبير
حسن بسعادة : ان شاء الله هجيب اعلي مجموع…. انا وعدت ريم لو دخلت النادي…. هنجح بتفوق وأنفذ وعدي
وينزله من العربية ويمشي مع فاطمه وريم جمبهم
عمر وهو مش عاوزها تمشي : ريم
ريم استغربت انه بينادي ليها ….فتبص علي مامتها لقيتها مسكت ايد حسن ….وسابقتها للبيت…. فرجعت خطوه للعربية وهي مكسوفه
ريم بكسوف : خير في حاجه
عمر بابتسامه: متنساش تبعتلي التقرير والاشاعات… لما تطلعي وخالي بالك من نفسك ….وووو من طنط وحسن
ريم بابتسامه وكسوف : ان شاء الله عن ازنك
وتمشي وتدخل بيتها بسرعه وهي مبتسماه وقلبها بيدق
وهو يفضل بصص عليها لحد ما دخلت… وحرك العربية ومشي
وبليل ريم بعتت التقرير والتحليلي لعمر في مستج ….. وحطت التلفون جمبها … ولسه هتنام لقيت الفون بيرن بمسيج …..استغربت ومسكت التلفون تشوف مين ….فلقيت المسيج عمر… قلبها دق وقمت قعده علي السرير …وفتحت المسيج تشوف يمكن في ورق تاني عاوزه
عمر في المسيج: ( اول مره القي تلفوني بينور… ومبسوط انه جيت له مستج…. تصبحي علي خير واحلام سعيدة وواقع اجمل)
ريم كانت بتقراء وقلبها بيدق ولقيت نفسها مبسوطة وبتبتسم
بس بعد دقيقه
ريم لنفسها بغيظ : هو فيه ايها ….انا مالي مبسوطة كده…. وبعدين هو يقصد ايه بمسيج دي وتصرفاته….. هو فكرني زي المايعة خطبته واللي ايه…. لاااا انا مش هديله فرصه…. ورحت حطه التلفون جمبه… وهي بتمثل العصبية.. . بس قلبها كان مبسوط وحطت راسها علي المخدة ونامت
وتاني يوم رحت لعمها زي ما اتفقت معه ……ومامتها رحت مع مديحه ….ومشيت امورهم عادي لمده كام يوم….. ريم كانت بتروح الشغل وترجع تفضل قعده مع مامتها واخوها …..وتذاكر لحسن وتكلم تقي وهاجر في التلفون….. ويهزره ويضحكوا…. وكانت بتكلم ساندي كمان كل يوم لما امل تتصل تطمن عليهم
ويوم التلات في شغل ريم ووقت الاستراحة ….قعده بتكلم هي ونهي ….وحكيت ليها علي التغيرات اللي حصلت…. فهم طول الاسبوع مكنتش عارفين يعقده من كتر الشغل
نهي بغيظ: ومرتضيش تشتغلي ليه معهم يا فقريه…. انتي غاويه وجع قلب يابنتي ….روحي وخديني معكي
ريم بضحك: انتي حشره نفسك في كل حاجه كده
نهي بضحك: مش صحبتي ….وبعدين مش احسن من وجع القلب ….والمليم اللي بناخدها هنا
ريم : انا بصراحه انكسفت اوفق …..بس ممكن بعد فتره ابقي اقول لعمي واشتغل هناك
نهي : اسمها نشتغل…. تكلميه عليه انا وانتي…. متبقيش ندله
ريم بضحك : يعني هتفضلي وريه وريه …..مش هخلص منك بقالك 7 سنين في وشي يا شيخه
نهي بتصنع الغرور : انتي تطولي يا ماما….. طب دا لو حسن اخوكي كبير…… كنت اجوزته وفضلت علي قلبك طول العمر في البيت والشغل
ريم بضحك : الحمد الله ان حسن صغير……. ربنا انقذنا
وبعد ساعه قدم المستشفى …..وقفت عربيه ونزل صاحبها وهو لبس بنطلون جينز…. وقميص كحلي…. ونظره الشمس وتحس نجم من نجوم هوليود ….ويدخل للمبني ويسال علي الصيدلية …..ويطلع بس يدخل الدور الرابع ….وتكون سمر وهاله وحازم قاعدين يضحكه
عمر قلع نظارته وخبط علي الباب…. وسمر اول ما شافته وقفت بسرعه…. وعدلت شكلها وابتسمت ليه بأغراء
سمر بابتسامه: اتفضل
عمر باشمئزاز من منظرها المبالغ فيه : الدكتورة ريم …القيها فين
الكل استغرب انه بيسأل علي ريم
هاله بابتسامه: ريم في الدور الخامس ….في الصيدلية التانيه الفوق دي
سمر خبطتها في رجلها بغيظ…. وبصت لعمر بأغراء
سمر بدلع: لو في اي خدمه انا ممكن اساعدك
عمر لبس نظارته : متشكر جدا سلام ( ومشي وطلع لفوق )
حازم بضيق وغيره: دا مين دا…. واشمعني عاوز ريم بلاسم
سمر بغيظ : عشان تصدقوا….. لما اقولكم ان البت دي مش سهله…. ورسمه عليكم الدور و مقضيها ….تبقوا تصدقه اهو جي يسأل عليها هنا وبنفسه
هاله بضيق: حرام عليكي يا سمر…. تلقيه قريبه ولا حاجه
سمر بغضب: انتي هبله يا بت قريب مين…. انتي مش شايفه شكله… دا لبس جزمه تمنها ما يقلش عن 1000 ج…. وريم دي معفنة طول عمرها…. وملهاش قريب….. مهي كانت معنا في الكليه… وعارفين كل حاجه عنها
حازم بغيظ: امل رسمي الدور علينا احنا ليه….. ومصدرا لينا الوش الخشب ورسمه الاحترام …ايه مش قد المقام
سمر بتريقه : دي بترسم علي الناس الثقيلة….. اللي معها فلوس بس….. لكن انت وال زيك تلبس عليهم ثياب العفا و الادب والاخلاق …… وانا وهاله نبقي مش عجبنها ….عشان صراحه وعلي طبيعتنا ….مش بوشيين زيها
وفي الدور الخامس كان صل عمر الصيدلية…. ولقي الباب مقفول رح ناحيه الشباك…. لقي ريم واقفه بتشتغل ….وقف في الصف لحد ما وصل لشباك….. وكانت هي بتكتب في الدفاتر قدمها ….و بترفع راسها تاخد الروجيته عشان تجيب الدواء…. لقيت عمر وقف قدمها بابتسامته وبيبص عليها بكل شوق
ريم باستغراب : استاذ عمر
عمر ضيق عنيه وبصلها اوي : استاذ ….قفلتيني منك ليه كده
ريم انكسفت وابتسمت: خير فيه حاجه
عمر بتسامه : عاوزك ضروري …بس هو ماينفعش ادخل جوه لازم من الشباك كده
ريم : هااااا (وبصت لنهي اللي هزت راسه ليه عشان تدخله ) اتفضل وانا هفتح لحضرتك
عمر لف وريم فتحت الباب
ريم بكسوف: اتفضل
عمر دخل قعد…. وهي فضلت وقفه ومكسوفه ونهي بتشوف الشغل ….وتبص عليهم
عمر بيبص ليها وساكت ومبتسم…. فهو مانع نفسه… الايام الفاتت انه يشوفها بصعوبة
ريم قلقت من سكوته
ريم بقلق : هي ماما وحسن كويسين
عمر حس انه قلقها بسكوته : الكل بخير متقلقيش…. انا عندي خبر ليكي حلو…. وحبيت اقوله بنفسي وشوف تأثيره علي وشك
ريم بابتسامه: خير
عمر يقف قدمها : مستشفى من اللي بعت ليهم تقرير وحالة طنط فاطمه … بعتو ليه النهارده….. وقالو انهم قبلوا حاله طنط فاطمه… وقالو ان المستشفى عندهم علاجات حالات كتير زي حالتها وان نسبه الشفاء عالية جدا ان شاء الله ….وعاوزنها تروح في اقرب وقت
ريم كانت بتسمع ودموعها من الفرحة بتكون جو عينها
ريم بدموع مكتومه: بجد يعني ماما ممكن تخف…. وترجع زي الاول
عمر بحنان : طبعا كله بأمر الله…. و ان شاء الله فيه امل كبير بس لازم نسافرها بسرعه….. عشان كده جيت ليكي علي طول …….عشان تحضري جوز سافرها…… واحجز لها
ريم بداءت تفكر : اقرب وقت ازي…..و حسن وامتحاناته انا مش هينفع اسيبه هنا لوحده ….. واللي ينفع اسيب ماما
عمر بصلها اوي : اهدي واطمني اكيد هلقي حل …..وكل الامور هتبقي تماما …..وياستي اعملي حسابك العيلة كلها عزمه نفسها عندكم في البيت النهارده علي العشا ….. نحتفل بالخبر ونعقد نتكلم ….ونشوف انسب حل يناسب ظروفنا …. وانا هجيب سمك وانا جي متتعبيش نفسك
ريم بكسوف: لا طبعا انتم معزمين في بيتنا … وانا اللي هعمله الاكل بنفسي…….. هنستناكم ان شاء الله
عمر باعجاب: بس احنا مش عاوزين نتعبك…. وكمان انا عاوز اكل سمك
ريم ابتسمت : ما فيش تعب….. ولو علي السمك بسيطة ما فيش اسهل من كده….
ووهم وقفين بيتكلمه دخل حازم….. وشفهم وقفين قدم بعض ويتكلموا ويضحكه
حازم بغيظ: ازيك يا ريم
ريم بصت ليه باستغراب …..وعمر لف يشوف مين دا
ريم استغربت انه بيقولها ريم بس من غير دكتوره فبصت له بضيق: خير يا دكتور حازم…. في حاجه
حازم وهو بيقرب منهم : حبيت اطمن عليكي
عمر غار واضيق وبص ليه بضيق
ريم بنرفزة: وحضرتك تطمن عليه….. بتاع ايه
حازم بخبث : زميل في الشغل …. ولا هم اللي من بره الشغل…. بس اللي من حقهم يطمنه
عمر اضايق اوي….وراح رد هو
عمر بصله بغضب :ااااه اللي بره الشغل بس هم اللي من حقهم يطمنه…. عندك مشكله
حازم بغضب : دا مكان شغل يا استاذ …..والكلام الفارغ دا يبقي بره ……مش هنا
عمر يقرب منه بعصبيه : وانت مال امك
حازم : انا هعرفك دلوقتي انا مالي …..ولازم المدير يعرف المسخرة اللي بتحصل في المستشفى
عمربستهزاء : لا راجل ياض…. روح بقي بسرعه اشتكي لماما المدير
حازم بص لريم بضيق : كنا مغشوشين فيكي
عمر بغضب كان ريح يضربوا
ريم ببرود عكس العصبية الجوها: لو سمحت يا استاذ عمر سيبه….. ومتوسخش ايدك وتتخانق مع حتت عيل….. دماغه تعبانة ومفكر كل الناس….. من نفس اشكاله
حازم خرج متنرفز وعمر ….انبسط لتهزقيها ليه ….ونهي حطه ايدها علي بؤها وعمله تضحك
عمر يبص ليه بضيق: مين دا
نهي بسرعه: دا دكتور حازم…. دكتور الباطنة هنا في المستشفى ….. بس انسان بارد ومستفز…. ودايما بيحاول يتقرب من ريم ….بس هي مبتدلوش فرصه
ريم بصتلها بضيق للهي بتقوله
عمر بغيره لما عرف انها بيضيق ريم : انتي ليه متمسكة بشغل هنا …. ما الشركة بتعتك… موجوده روحي اشتغلي فيها
ريم : انا مش عشان واحد بارد ….هسيب شغلي وبعدين انا هنا بحاول اساعد الناس….. وحافظ علي حققهم من العلاج بدل ما بتسرق….
عمر يبتسم ليها: هنبقي نتكلم في الموضوع دا بعدين….. النهارده عندنا مواضيع تانية كتير…… اسيبكم تكمله شغلكم ونتقابل علي العشا….. سلام
وخرج عمر ونهي راحت لريم : ايه يا بت الموز دا ….هو فيه رجاله حلوه كده
ريم بضيق : استغفري ربك يا ختي….. اخدتي ذنوب وبعدين انتي ليه قولت…ليه ان حازم يضايقني
نهي بابتسامه: لان حازم كان عاوز يواصلوا ان فيه حاجه بينكم …….وكان لازم عمر يفهم ….عشان ميا خدش فكره غلط عنك
ريم بابتسامه: طيب يا فالحه يلا ارجعي لشغلك
حازم عند المدير
المدير بعصبيه: ازي الكلام الفارغ دا….. هي مستشفى ولا كازينو
حازم : انا جيت اقول لحضرتك …..عشان تتصرف الناس وقفه طابور قدم الشباك…. وهي قعده تضحك وعمله ضيافة جوه الصيدلية
المدير بغضب: طيب روح وانا هتصرف
وبعد ما يخرج حازم …..المدير كان بتكتب قرار تحويل ريم لتحقيق…. الباب يخبط ويدخل عمر
المدير يقف : اهلا يافندم تحت امرك
عمر يقرب ويسلام : عمر سويلم صاحب شركه………….. للأدوية
المدير بابتسامه : اهلا وسهلا ….غني عن التعريف طبعا اتفضل اقعد
عمر يعقد : انا مش هعطلك…. احنا شركتنا …..كل سنه بتبعت عينات ادويه لدكاترة….. ومجموعه للمستشفيات مجاني……. مساعده للمرضي المحتاجين….. وكنت قبلت الوزير وكلمته واتفقت معه اختار مجموعه مستشفيات….. يكون فيها نقص وانزل الأدوية ليها تبرع مننا …
المدير بفرحه : واحنا فعلا عندنا ناقص في ادويه كتير
عمر : ما الدكتورة ريم قالتلي كده برده ……وكنت جي النهارده عشان اشوف حالة الصيدلية بنفسي…….ااااه نسية اعرف حضرتك…… الدكتورة ريم سويلم تكون بنت عمي
المدير بصدمه باستغراب : الدكتورة ريم…..دي احسن دكتوره هنا…… وهي عارفه كويس حال الصيدلية…. و الليغ ناقص فيها …..واكيد مش هتكلم حضرتك اللي عشان عارفه ظروف الناس اللي بتيجي المستشفى هنا
عمر وهو يمثل الانزعاج : فعلا هي قالتلي …..بس فيه شيء ازعجني…. وحسيت المستشفى فيها عدم انضباط
المدير بانزعاج : خير يا فندم ايه الازعاج حضرتك عندنا
عمر بغضب : واحنا بنتكلم انا ودكتوره ريم ….وتعرفني الأدوية اللي فيها نقص عندها في الصيدلية…… دخل دكتور الباطنة ……اظن اسمه دكتور حازم….. دخل اتكلم بطريقه ماعجبتنيش….. وادخل في امور متخصش….. دا غير ان وانا جي …..عند حضرتك لقيت مرضا كتير قدم عياده الباطنة…… .مضايقين من عدم وجود الدكتور…… وقالو انهم موجودين من الصبح …..وهو مش في عيادته …..ولما سالت بعض منهم ….قالو الدكتور سايب شغله وبيلف يضايق في الموظفات ….ودا طبعا مثل سيء لدكتور ولمستشفى المفروض انها بتقدم خدمه للمواطن الغلبان…. انا حبيت ابلغك قبل ما ابلغ الوزير
المدير بخوف : لا يا فندم ما فيش داعي للوزير انا هاخد الاجراء ال لازم حالا
عمر يقف : اتمني وانا بجيب الأدوية للمستشفى…. القي الامور افضل من كده عن ازنك
وخرج عمر من عند المدير واتجه لعربيته
المدير بعصبيه رفع السامعة : اديني عياده الباطنة يابني
بعد شويه
الممرضة : ايوه
المدير : اديني الدكتور حازم
الممرضة بخوف : الدكتور حازم…. مش في العيادة يا فندم
المدير بعصبيه : شوفيه في اي دهيه ويجيلي حالا
وفي مكتب سمر
حازم : ورحت مهزاقهم…… وطلعت علي المدير عرفتو كل اللي حصل
هاله باستغراب : ريم قعده بتدلع عليه ومسك ايدها…… لا طبعا….. مش ممكن
سمر بغيظ: هو ايه المش ممكن…… بيقولك شافهم بنفسه…. انا قولت كتير البت دي داهيه……. ورسمه العفة علينا اهو ربنا ظهر حقيقتها…… وهتترفد لسوء اخلاقها
حازم بخبث: دي كانت بتدلع عليه دلع……. وال اللي يشتغله في الملاهي ليل…….. ولا هممها انها في مستشفى….. ولا الناس الوقفة قدم الشباك وعاوزه علاج……
الممرضة وهي تجري : دكتور حازم المدير عاوز حضرتك دلوقتي حالا
حازم بابتسامه : هروح ليه ( ويبص لسمر وهاله) اكيد عاوز يشكرني…….عشان انقذت سمعه المستشفى
سمر بفرحه: روح يا حزومتي …….وتعال فرحنا بقرار فصلها
ويخرج حازم ويرح مكتب المدير
حازم بابتسامه : ايوه يا فندم حضرتك طلبتني
المدير بعصبيه وصوة عالي مسمع لي المستشفى كلها : انت متحول لتحقيق يا دكتور ………وموقوف عن العمل لحد ما قرار النيابة الإدارية يطلع
حازم بصدمه وخوف :انا اللي متحول لتحقيق……. ليه انا عملت ايه
المدير بنفس الصوة العال ( والممرضات اجتمعوا قدم الباب)
المدير بغضب : طول اليوم سايب مكتبك…… وعمل تتنقل بين المكاتب….. وتضايق في الموظفات…….. وسايب عيادتك والمرضي……. انت عار علي المستشفى….. وانا هقدم فيك تقرير وأكتب كل دا فيه……وبعته لنقابة الأطباء
حازم بخوف : لا ارجوك……. انت كده هضيع مستقبلي
المدير بصوة عالي : مش احسن مضيع مستقبلنا كلنا…….. انت عار علي الطب…….. اتفضل امشي ومش عاوز اشوف وشك في المستشفى…….. قبل ما قرار التحقيق يطلع
ويخرج حازم من المستشفى….. وخبر طرده وتحويله لتحقيق وتهزيق المدير ليه وصل لكل اللي في المستشفى ……. وريم ونهي استغربه جدا…وسمر أخدت الخبر وهي مصدومة……. ف هي كانت منتظره خبر فصل ريم مش حازم
ريم روحت بيتها……. وعارفت مامتها بسافر وان العيلة كلها هتيجي تتعشا عندهم …….وكانت اشترت سمك وهي رجعه وبدأت في تجهيزه…… وعمل الرز واللي سلطات…… وحسن كان بيساعدها في ترويق البيت ……والساعة 8 الباب خبط ووصلوا كل العيلة وقعده في الصالون
هاجر بضحك وفرحه اول ما شافت ريم : انتي تجيش انا جيت ……واعقد عكي ونام جمبك
ريم بابتسامه: وانا موافقه ومش هسيبك تروحي معهم النهارده
تقي بغيظ: احسن خليها……. دي كل يوم بليل تفضل تزهقني…… وعاوزه تنام جمبي ……فكرني ممكن أنيمها جمبي تاني بعد المقلب
هاجر ضحكت بطفوله : لا خلاص مش هوقعك…… هنام حلو
ويعقده يتكلموا ويهزره ….وساندي من اول ما وصلت قعده علي رجل ريم
ريم : ايه رائيك يا ساندي تيجي تساعديني….. ونحط الاكل علي التربيزا
ساندي هزت راسها : ايوه ساعدك
هاجر بغيره : وانا كمان ساعدك ليش دعوي
ريم : وانتي معنا اكيد يا جوجو….. وانتي يا ست تقي قدمي يلا
ويدخله يحضره العشا….. ويعقده يتعشوا ويعجبهم اكل ريم جدا
عمر بابتسامه : بجد جميل جدا …..تسلم ايدك وكويس اني مجبتش سمك من بره…… مكنش هيطلع حلو كده
ريم بكثوف: بلهنا
مديحه : واللي الرز حلو اوي…… ابقي عرفيني عمله ازي يا ريم
ريم : حاضر يا طنط هقول لحضرتك علي طريقته
وبعد العشا الكل يعقدوا يتكلموا
فاطمه بخوف : طيب السافر ميتأجلش شويه يا عمر يابني لما حسن يخلص امتحانات
عمر : هم طلبوا ان حضرتك تسافره في اسرع وقت…… واحنا مش عاوزين نتأخر
فاطمه بقلق: ما احنا منقدرش نسيب حسن…… لوحده دا امتحاناته قربت
حسن : ليه ياماما هو انا صغير انا راجل …..متخافيش عليه
شريف بضحك : عاش يا وحش
عبد الحميد : طيب انا عندي رأي…… انا كده او كده هسافر معكم يا فاطمه…..ومش هسيبكم لوحدكم …..ف ايه رائيكم هسافر انا ومديحه مع فاطمه …… وريم تفصل مع حسن والبنات …….لحد ما حسن يخلص امتحانات …….وتبقي يسافروا لينا بعد الامتحانات…..وهو تبقي يا ريم اطمنتي علي حسن وعلي فاطمع
امل : انا شايفه ان دا….. حل مناسب جدا
ريم بكسوف: بس احنا كده….. هنتعبكم يا عمي
مديحه : عيب يا ريم احنا اهل…… وانا اصلا مكنتش هسيب فاطمه تسافر من غيري……. وكنت هسافر معها …..ف انتي لما تطمني علي حسن و عاوزه تيجي تعالي….. او خليكي واحنا هنرجع….. لما فاطمه تخف ان شاء الله
عمر بابتسامه وفرحه : خلاص كده يبقي بكرا…… هاخد الاورق واحجز ليكم…….. وانتي ياريم جهزوا نفسكم انتي وحسن…….. لأنكم هتقعدوا معنا في الفيلا…… ماينفعش تعقده لوحدكم هنا
ريم وهي بصه لأرض : احنا هنعقد لحد امتحانات حسن…. عشان دروسه والمدرسة….
شريف : لو علي حسن انا اللي هوديه دروسه ومدرسته وتمارينه ..وجيبوا بنفسي عشان تتطمني عليه
فاطمه : هنتعبكم كده يابني
شريف بابتسامه : تتعبيني ايه يا طنط…… دا شغلي….. ما انا عاينه نفسي مدير اعمل حسن ……عشان لما يشتهر انا اللي هعمل الصفاقات مع النوادي
حسن بضحك وفرحه : وانا عينتك واهو انت اولي من الغريب
والكل يضحك وتنتهي السهر…… بالاتفاق وبداء تجهيز لسافر و فاطمه تسافر يوم الخميس …… في رحله العلاج
ويوم الخميس سافرت فاطمه…… وكانت ريم اول مره تبعد عنها ……وبعد ما ركبوا الطيارة وسافرت….. ريم فضلت تعيط من غير صوة ……طول الطريق وهي ركبه عربيه عمر….. وعمر قعد يبص عليها في المرايا ….ونفسه يمسح دموعها
حسن بحزن : بطلي عياط بقي يا ريم ….احسن انا كمان هعيط
ريم وهي بتمسح دموعها بالمنديل : لا يا حبيبي انا خالص مش بعيط اهو
عمر ليغير مودها : ايه رائيكم نعمل حاجه مختلفة …..النهارده ونعملهم مفاجأة في البيت
حسن بمرح : ماشي انا بحب المفاجأة هنعمل ايه
عمر: انا عندي شاشه عرض هحطها في الجنينة …..ونعقد علي الارض….. ونعمل زي السينما……. بس تحبي افلام نوعها ايه يا ريم
ريم بكثوف : اي حاجه غير الرعب
حسن: لااااااا هات رعب…… دا هيبقي حلو في الجو دا
ريم : لا طبعا عشان ساندي وهاجر…. ولا انت عاوز تنبسط لوحدك ياسي حسن
حسن : ااااه صح….. فاتتني دي خالص يبقي كوميدي او اكشن
عمر وهو يبص لريم في المرايا : مبتحبيش الرومانسي
ريم انكسفت بس حسن سابقها ورد : دا هي مش بتتفرج غير علي رومانسي
عمر بابتسامه : خالص اجيب رومانسي
ريم بسرعه : لا ماينفعش برده …..عشان ساندي وهاجر مش ينبسطوا كده….. واحنا عوزنهم هم ينبسطوا….. يبقي كوميدي او فيلم كارتون جديد انا بحبهم اوي
حسن بضحك : قابل يا عم بتقولك كارتون …..البنات دول مش بيكبرو ابدا
ريم بضحك : ماشي يا عم الكبير…. بس هو مين ال كان امبارح صوة ضحكه جايب لأخر البيت ……وهو بيتفرج علي توم وجيري
عمر ضحك بصوة عالي …..وحسن اتكسف
حسن بكسوف: توم وجيري دول حاجه تانية الكل بيحبه المهم انتي بقي في السهرة دي …….تعملينا ايس كريم من بتعاك وفشار كتير
ريم ببتسامه:ماشي انا عليه الاكل…… وانتم عليكم تجهيز الجنينة…. بس لو سمحت يا استاذ عمر ممكن توقفني قدم سوبر ماركة اشتري حاجات
عمر بغيظ : لا مش هوقفك ….عشان كلمة استاذ دي…. انا عمر بس احنا ولاد عم…. وزي ما بقول ريم تقولي عمر
ريم انكسفت وبصت للأرض
عمر بابتسامه : يلا قولي….السوبر ماركة قرب …..ودي اخر فرصه
ريم ابتسمت : لو سمحت يا عمر
عمر بفرحه لنطقها اسمه : تحت امرك طبعا
ووقف قدم السوبر ماركة…… وسابها تنزل هي وحسن…… عشان تختار برحتها كل الهي عاوزه ….وبعد ما خالصو ورحو الفيلا ……وبداء في تجهيز الجنينة….. وريم كانت جابيه بالونات كتير عشان يعلقهم زي الحلفة….. ويرمهم علي الارض وقعد الكل في الجنينة ينفخ البالونات ويضحك كل ما حد بالوناته تفرقع….. وساندي وهاجر كانوا اكتر حد فرحان بالجو دا…… و ساندي كانت بتضحك بسعادة وفرح
وشريف وامل قرروا…. انهم يعمله حفل شواء …..
تقي بفرحه : الله انا كان نفسي من زمان ارسم علي وشي
ريم بابتسامه : عاوزني وارسملك ايه
تقي بفرحه: فراشه علي عنيه
وريم رسمت لها فراشه …..وطلعت جميله
هاجر: واناااا عاوزه فراشه زي تقي
تقي : لا كل واحد يرسم حاجه مختلفة
ريم بابتسامه: تعالي يا جوجو انا هرسملك حاجه احلي منها
ورحت هاجر …..وريم رسمتلها ارنب …..وكان شكلها حلو اوي و فرحت جدا
ساندي بفرح : وانا وانا عاوزه ارسم
ريم بحب : انا اصلا جيبه عشانك انتي….. تعالي هرسملك احلي منهم كلهم….. ورسمتلها قطه جميله وكانت ليق علي وشها الصغنن
حسن يقرب : وانا ارسمي ليا نمر
ريم بضحك : حاضر يا نمر تعال
ورسمتلها ريم نمر…….. وحسن فضل يجري ورا ساندي وهاجر علي انه نمر وها يأكلهم …..وهم يجري ويضحكه وطبعا عمر كان قعد متابع….. وعينه منزلتش من علي ريم وانبسط انها بحاجه بسيطة قدرت تفرح …..الكل وخاصة ساندي وهاجر
امل كانت قعده ومتابعه نظرات عمر….. وكانت مبسوطة لفرحت ساندي وضحكته…… واعجابها بريم كل يوم بيزيد و كانت حسه ان عمر اتغير….. فهو طول الاسبوع الفات ماشفتوش بيكلم ميرنا….. او بيزورها او بيتكلم عنها… و زاي ما يكون نسي وجودها
امل بخبث : تعالي يا شريف انت اللي عليك الدور خلي ريم ترسملك
ريم انكسفت فهي مكنتش فكره انها هترسم لشريف او عمر
شريف بضحك : بجد هو احنا كمان هنرسم……( ويعقد علي الكرسي قدمها)…. بصي يا ريموا بقي انا عاوزك ترسمي
صقر
ريم ابتسمت وبدأت ترسم ليه….. وعمر بقي غيران ان شريف دلعها بريمو….. وانه قعد قريب منها
شريف بعد ما خلص كان مبسوط زي الاطفال بظبط
ريم بابتسامه : وحضرتك يا طنط دورك
امل بضحك : ايه انا كمان هرسم
تقي : ايوه يا طنط طبعا كلنا هنرسم
امل : ماشي بس حاجه صغيره يا ريم
ريم رسمتلها ورده صغيره علي الجمب عينها …..بس فرحت امل
امل كانت عاوزه تسيب ريم لوحده مع عمر: تعالي يا تقي عشان تجيبي معايه الاكل من المطبخ …عشان نشوي
ريم كانت بتلم الالوان…. بس لقيت عمر بيعقد قدمها علي الكرسي…. الكانوا يقعدوا عليه
عمر بابتسامه ونظرة حب : انا اللي عليه الدور…. مش هترسميلي وتفرحيني زيهم
ريم بكسف ووشها في الارض : تحب ارسم لك ايه
عمر يبث ليها بحب وفرحان بقربه منها : ارسمي الوحش اللي حب الجميلة
ريم انكسفت….. وبدأت تحاول ترسم الهو عاوزه …..وكانت ايدها بتترعش….. وامل وتقي خرجوا وشافوا عمر وهو قاعد بيرسم….. وتقي قعدت تتفرج عليهم….. وامل كانت مبسوطة …… فعمر متغير وعايش حالها هي اول مره تشوفه فيها
بعد ما ريم رسمت لعمر…… وطلع شكله حلو وساندي فرحت ان عمر رسم…. وقعده تضحك وتهزر معه
هاجر : ارسم ليكي انت ريم
ريم بحيره : مش عارفه ارسم ايه
عمر يقرب منها وبصوة واطي….محدش يسمعه غيرها: ارسمي الجميلة اللي حبها الوحش……( ريم رفعت عينها وجت في عنيه وهو بصلها اوي وغمز ليها ) مع انها موجوده طبيعي متترسيمش اجمل من كده
قالها كده و قام مشي…… وهي وشها احمر وبقيت مش عارفه….. ايه البيحصل ليها
ريم بكسوف وارتباك : انا هطلع ارسم قدم المرايا
وخدت حاجتها …..وطلعت شقتهم….. وفضلت قعده شويه بتسأل نفسها…… هو عمر فعلا بيحاول يتقرب منها….. و احساس ال بتحس في قربه منها معناه ايه….. ومبقيتش عارفه عمر عاوز ايه منها… فقامت تتوضي وتصلي وتدعي ربنا…… وبعد الصلاة….. غيرت هدومها ورسمت قناع علي عينها…… ودا ظهر جمال عينها ولونهم….. ونزلت الجنينة ليهم
وبدأ الشوي…. واللعب….. لعبه كوتشينا وشد الحبل…… واخدوا صور سالفي كتير ليهم كلهم…… وهم مرسوم علي وشهم ويعمله حركات …..وفضله يضحكه علي اشكالهم ….والكل نسي نفسه وعاشوا اللحظة زي الاطفال……. والضحكة كانت مليه وشهم وقلوبهم ……وفضله يلعبه والكل كان بيشارك في اللعب….. وامل كانت الحكم وكانت مبسوطة وهي شايفهم بيلعبوا ويضحكه…… وعمر كان كل شويه يتلكك و يقرب من ريم وعينه بتقول كلام كتير……
والليل جه وبدأه يشغله الفيلم …..وهم يأكلوا …..وكان اول فيلم كارتون و كان كوميدي….. وساندي وهاجر وحسن كانوا هيموته من الضحك …..والكل بيضحك معهم….. وقامت ريم تجيب الايس كريم …..وعمر عينه عليها…. ولما لقيها جيه وشيلها حاجات كتير …..رح بسرعه لعندها عشان يساعدها….. ووهو بياخد منها الصنيه…… ايده لمست ايدها…… بس هي سحبتها بسرعه وارتعشت من لمسته …..وكسوفت ووشها احمر… وبترفع عينها….. لقيته بصص ليها بنظره فيها كل معاني الحب والهيام
عمر بحب : هو انتي بجد …..واللي حلم……لو انتي حلم انا مش عاوز اصحي منه …. عاوزه افضل عايش فيه عمري كله
ريم كانت بتبصله وعينهم في عنين بعض…… وفضله ساكتين شويه….. لحد ما قطع عليهم اللي لحظه صوة
:مساء الخير
تفتكره مين جيه في الوقت دا وايه هيحصل لريم وعمر نعرف الحلقة الجايه
