لا إله إلا انت سبحانك انى كنت من الظالمين
اعوذ بكلمات الله التامات من شر ما خلق
سبحان الله وبحمده وسبحان الله العظيم
سعيد خرج من عند ادم بعد وقت كبير قضوه سوا .. وقابل عمر الا قاعد لوحده فى الجنينه برا
عمر : قام بسرعه راح ورا سعيد .. عمى . عمى لو سمحت اسمعنى وبعدين احكم عليا
سعيد : عارف كان ممكن اسمعك وافتح دراعاتى ليك واقولك يا مرحب لولا الا انت عملته
عمر : غصب عنى بس والله ما عملت حاجه وحشه .. انا حبيت كارما ومش ها اقدر استغنى عنها ابدا وقدر موقفى اكيد ادم باشا قصدى ابويا حكالك على كل حاجه وادم واقف وراه
سعيد : انا الا عايزه بلغته لابوك .. ولو ابوك مجنون انا اجن منه سلام عمر مسك دراعه بسرعه
عمر : سلام ايه بس يا عمى .. قولى طيب انت عايز ايه
سعيد : قلب وشه ما تقولش ياعمى بتعصبنى .. انت ها تطلق بنتى ودا اخر كلام وشد دراعه ومشى
ادم : بالسلامه بنتك تطلق ويجى غيرها 4 على زمته مره واحده
عمر بجنون : اربعه ايه شايفنى رجدى اباظه قدامك
ادم : انت احلى من روجدى وبيخبط على صدر عمر .. وأمتن من روجدى
عمر : يا بابا ماتعصبنيش .. انا عايز كارما .. كارما وبس
ادم : وانا عايز عيل .. عيل وبس ان شاء تجيبه فى ايدك وانت راجع من اى حته .. هيه .. ودخل على جوا وساب عمر الا واقف ها يتجنن من الاتنين دخل ورا ادم ..
عمر : انت وعدتنى انك ها تحلها
ادم : هى معقده اعملك ايه .. قولتلك شربت العصير قولتلى لاء .. اشرب بقى كان زمانه هو الا بيتحايل علينا دلوقتى
عمر : انا مش ندل .. وكمان كنت عايزنى اشرب العصير وارقص عشره بلدى .. منظرى ايه قدامها
ادم : ضحك بصوت عالى جدا .. وربنا شكلها هى الا شربت العصير ورقصت بلدى .. منظرك ايه دلوقتى قدام نفسك .. ياد جايب الثبات الانفعالى دا كله منين
عمر : احممم .. هى ما شربتش حاجه
ادم : مسكه من رقبته وبيشده عليه .. ها اسكتلك عشان انت ماتعرفيش .. انا الحوت الا السوق كله فى جيبه فا خلى بالك مش اى كلام يتصدق ولا أى حد يشرب العصير .. ياحبيبتى يا كارما
عمر بذهول : انت بجد .
ادم : لا تقليد انت عايز كارما
عمر بتاكيد : اه
ادم : عندك ابوها اتصرف معاه عشان دا راجل رخم وانا ما بحبش الرخمين
عمر : كدا يعنى طيب بتشقطونى لبعض انتو الاتنين وسابه ومشى
ادم بعد ما عمر مشى : بيبتسم والله الواد دا طلع نبيه لابوه .. وبيشاور على نفسه الا هو انا .. بس يا ترى طالع مؤدب لمين ها اتجنن واعرف لمين
*******************
سميره ورامى قاعدين يستقبلو جيرانهم الا جاين يباركو رجعو كارما .. وناس تمشى وغيرهم يجى .. وكل ما يسئلو على كارما يقولو تعبانه ونايمه ومش بيريحو حد فى الكلام ابدا ومابيقولوش غير عصابه خطفت بنتهم والشرطه قبضت عليهم .. واتفجائو بسعيد الا راجع ومعاه كرتونة تفاح كبيره ولا كأن فى حاجه
سميره بحيره : والله انا ما بقيت فاهمه حاجه
سعيد : هو فى ايه ممكن تفهميه يعنى .. خدى قطعى تفحتين لكارما .. يا حبيبتى زمانها جعانه
رامى : عملت ايه يا بابا
سعيد : ولا حاجه ها اعمل ايه يعمى .. جهز نفسك بكرا ها نروح نخطبلك سلوى والا تخليها بعد بكرا
رامى وقف متنح ومش فاهم اى حاجه .. وساعتها رنت فى دماغه كلمة كارما الا دايما بتقولهاله .. والله غبى .. والله غبى ..ابتسم وضرب كف عل كف ودخل اوضته من غير كلمه واحده
سميره : واد يا رامى .. رايح فين مش ترد على ابوك … وبتبص لسعيد .. الا دخل على اوضته ياسعيد مش تعرف ابنك ها يعمل ايه ..ومردش عليها ودخل يغير عشان يروح يشاكس فى كارمته .. خدت التفاح ودخلت المطبخ وبتقول بصوت مسموع .. العيله كلها شكلها اتجننت .. وعملت طبق التفاح وسعيد خده منها ودخل لكارما الا نايمه والتعب ظاهر عليها جدا ..
سعيد : حط ايده على وش كارما .. ماغيرتيش هدومك دى ليه ياحبيبتى
كارما : بعياط بابا ها تعمل ايه مع عمر
سعيد : إلا لازم يتعمل يا كارما
كارما بترقب : ايه هو
سعيد : تطلقى .. ولما يبقى مناسب يبقى يتقدم ساعتها بس اقول تتجوزيه والا لاء خدى ياله كلى التفاح الا انتى بتحبيه
كارما بعصبيه : لا مش عايزا تفاح
سعيد برخامه : عايزا ايه ياحبيبتى وانا اجيبه
كارما : صوتها عالى شويه .. ترمس .. ترمس يا بابا ترمس
سعيد : هههههههههه ها اجبلك منين ترمس دلوقتى .. كلى دا وبكرا نجبلك ترمس
سميره : دخلت على ضحك سعيد .. ومسكت كارما من ايدها .. قومى خدى حمام وغيرى المسخره دى
كارما : قامت وهى دايخه بتتسند على الحيطه ولسا سميره بتمسك ايدها .. قالت لها لا
سعيد : خلى مامتك تساعدك
كارما : لا شكرا مش عايزا
سميره : بزهق امال عايزا ايه يا مجننانى .. عايزا ايه
كارما : عايزا ترمس .. ترمس يا ماما وسابتها ودخلت الحمام وقفلت على نفسها
سعيد : ترمس تانى .. وبيفكر يكونش دى كلمة السر الا بينها وبين عمر .. لما تقول ترمس يقولها شوبيك لوبيك
سميره صرخت فى وش سعيد : ماتفهمنى فى ايه بدال ما انا ها اتجنن بينكم كلكم
سعيد اتنفض من مكانه : مش لما افهم انا الاول .. هاه وقام وسابها
*****************
عمر بقى رايح جاى تحت البيت ويطلع شقته ويحاول يشوفها مش عارف مش بتظهر .. ها يتجنن عشان يطمن عليها .. اخر ما زهق راح لادم اول ما الحرس شافه فتح له على طول .. دخل كان ادم فى سريره ولسا ها ينام .. قلع جزمته .. وطلع على السرير وقعد له على المخده زى الاطفال
عمر : بابا .. بابا .. بابا .. ما انت مش تغرقنى وتنام
ادم : بيتكلم وواضح ان فى بوقه حاجه بياكلها . نعم
عمر : انا مش ها اطلق كارما
ادم : ماشى
عمر : انا عايزها
ادم : ماشى
عمر : ممكن ترجعهالى
ادم : ان شاء الله سبنى بقى عشان انام
عمر : انت بتاكل ايه
ادم : انت مالك .. وبعصبيه سبنى انام بقى
عمر : مش قبل ما اعرف انت بتاكل ايه
ادم : ههههه بونبون .. تاخد
عمر : لا انت مش مضمون
ادم : طيب هوينى خلينى انام قاعدلى زى العيال الصغيره فوق راسى
عمر : ولا كانه سمع حاجه .. هو بجد الا فى بوقك بونبون
ادم : تدخل جوا بوئى تتاكد .. واتعدل والا اعمل ايه فى ام الليله دى سبنى انام
عمر : خلاص ما تتعصبش .. طيب ها انام فين
ادم : ام القصر دا كله فاضى . نام على الجمب الا يريحك فيه
عمر : طيب ادخل شويه عشان بحب انام على جمبى اليمين وبيزق ادم وبينام جمبه
ادم : داقت بيك الدنيا وعايز تنام جمبى وكمان بهدومك
عمر : تصبح على خير .. وادم لف وشه والابتسامه من هنا لهنا .. ومستمتع جدا بابنه الا بيشاركه كل حياته
*****************
اختلف اليوم عند الكل القلق ذهب ومعاه كل الافكار السيئه الا عاشوها .. شقشق صباح جديد عليهم كلهم الطبيعى والعادى .. انما على كارما وعمر مش عادى .. مختلف من غير بحر وهوا يرد الروح .. وكلام بيقربهم مش بيعبدهم ..
**********
فى منتصف النهار .. وسعيد قاعد بين ولاده بيتغدى
سعيد : ها تعمل ايه نروح نخطبلك انهارده
رامى : لا .. مش عايز انهارده اخر الاسبوع
سعيد : براحتك .. وبيبص لكارما .. لا أسكت الله لكى حسا
كارما بأبتسامه : ربنا يخليك ليا يا بابا .. وظهر حوالين عيونها كدامات من اثر الخبطه
رامى : مسك ايد كارما .. ما تزعليش منى حقك عليا وقام باس راسها
كارما : فرحت من جواها هى عارفه ان اخوها طيب .. ربنا مايحرمنى منك يا رامى
رامى : ولا منك يا حبيبتى .. وخلصو اكلهم وكل واحد نزل يشوف شغله .. وعمر وصل الشارع رايح جاى بردو نفسو يلمحها .. لحد ما خرجت فى البلكونه وشاورت له يدخل مدخل البيت .. وفعلا دخل المدخل وطلع على اول السلم .
كارما : استغلت ان مامتها نايمه وخرجت براحه جدا .. ونزلت الا عمر
عمر بشوق غير عااادى ضمها وكانها فعلا مخطوفه منه وهى ضمته بقوتها ..
كارما : بتعيط .. كنت خايفه عليك قوى
عمر : باس راسها الملفوفه .. مش اكتر منى عامله ايه دلوقتى
كارما : كنت ميته بالحيا واول ما شوفتك حسيت انى لسا عايشه .. اوعى تطلقنى او تسيبنى
عمر : قرب عليها وبيمسح دموعها وساعتها خد باله من الكدمات الا حوالين عيونها .. طلع منديل من جيبه وبيمسح عيونها تانى .. ايه دا يا كارما .. دا من الخبطه وكارما هزت راسها بمعنى اه .. قرب على كل عين باسها برقته المعروفه فى التعامل .. وضمها تااانى .. انا اسف يا حبيبتى انى السبب فى دا كله
كارما : ولا يهمك عايزا اشوفك على طول ها استناك
عمر : حاضر ها اعمل المستحيل عشان تبقى فى حضنى .. ولسا ما كملش .. كارما سمعت صوت رامى فى الشارع ومن خوفها وبدون اى مقدمات .. زقت عمر جااامد من على السلم وبتقوله اجرى اخويا جه
عمر : اختل توازنه على السلم ونزل ولحق نفسه على اخر لحظه قبل ما يقع . وقام وهو بيتفرج على كارما الا طارت من قدامه .. وبيكلم نفسه .. انا عارف ان جنانى على ايدك وايد ابويا الا فى البيت دا ونزل بسرعه .. وبص يمين وشمال واستغل ان رامى بيتكلم مع حد .. وخرج
رامى : بينادى عمر
بقلم : لبنى طارق
