اعوذ بكلمات الله التامات من شر ما خلف
لا إله إلا الله محمد رسول الله
سبحان الله وبحمده وسبحان الله العظيم
مر يوم اخر على الجميع .. وكارما قاعده طول الوقت على اعصابها .. ودموعها بتنزل من غير سبب وهى شايفه فعلا ترتيبات بتم فى البيت بتدل على ان العريس الا بيقولو عليه جاااى بتفكر تهرب وتروح لعمر .. هى لايمكن تبقى لحد غيره خلاص
رامى : انتو ها تسيبوها ها تفرقع مننا دا عماله ترزع فى البيبان بتاعة الشقه لما ها توقعهم علينا
سميره : مش ابوك الا طلب مننا كدا
رامى : بيبص على كارما وهى ماشيه عماله تلطش فى حاجات الشقه ..
كارما : من امتى بتجيبو ورد فى البيت .. دى جنازه والا جوازه
رامى : دى جوازه انما ايه فل الفل وربنا .. بس لليفهم
كارما : ماما انا ها انزل لبابا عايزا اقوله حاجه
سميره ؛ متتاخريش عشان تساعدينى
كارما : ماشى .. ياله سلام ونزلت .. طلعت من الشارع على طول فى وشها ركبت تاكسى وقالتله على العنوان .
وصلت القصر وعرفت انه مش هناك فى الشركه خدت العنوان وكملت بالتاكسى على هناك
سواق التاكسى … 250 يا ابله
كارما : ليه جايبنى من بلطيم
سواق التاكسى : انا بلف معاكى من ساعتين خلصى هاتى الفلوس
كارما : طيب استنى هنا ها اطلع اجبلك الفلوس
سواق التاكسى : لا انا مش مختوم حضرتك .. قدامى .. وطلع معاها الشركه وماشى يتلفت من جمالها ..
كارما بالهفه : عمر .. عمر
عمر : كان رايح على مكتب ادم و لف وشه اول ما سمع صوتها وبسرعه لها .. ضمها من غير خوف ولا كسوف وماسك وشها بين ايديه .. حبيبتى مالك مخضوضه ليه
كارما : اصل عليا 250 جنيه لسواق التاكسى ومش معايا فلوووس ياعمر .. وبتعيط بجد
عمر : طيب خلاص ها اديلو انا الفلوس ولا تزعلى نفسك
كارما : بتمسح دموعها زى الاطفال ومناخيرها فى كم البلوزه .. وبشنهفه ..اديلو طيب
عمر : مسك.ايدها وبينزلها بطراطيف صوابعه . ايه الا بتعمليه دا يا كارما عيب يا ماما عيب
كارما : اعاااااا وعيطت تانى مش معايا منديل
عمر : مسك ايدها رافعها على وشها خلاص امسحى ولا تزعلى نفسك
سواق التاكسى : مشينى يا باشا دى شكلها هورمات حمل انا عارفها مراتى قرفتنى فى عيشتى بيها
كارما : ادته بالرجل .. حمل مين يا راحل انت .. وبتشاور عليه وعيطت جااامد وحطت راسها على عمر .. وبتقوله ارفد الراجل دا يا عمر يا انا ياهو هنا
عمر : مش فاهم فى ايه وها يرفد مين اصلا .. هو مش شغال عندى يا كارما انا نفسى ماكملتش يومين شغل ها ارفد الا شغال والا مش شغال هنا
كارما : هو كان شغال ايه دلوقت
عمر : سواق
كارما : لمين
عمر : ليكى عشان وصلك هنا
كارما : بعصبيه خلاص ارفده .. انا مش عايزاه
عمر : طلع الفلوس وبيديها للراجل وبيغمز له خد انت مرفود .. ياله من هنا
كارما : استنى يا راجل انت
السواق : نعم يا ست
كارما نتشت الفلوس وخدت ال50 الزياده الا فيهم وحطتها فى جيبها وبتقوله خلاص أمشى
السواق : يا ساتر يارب
كارما : اه لو ليك جنيه واحد ممكن تنزل تعملى محضر فى القسم بيه انما لينا عادى ايه يعنى
عمر : ابتسم .. وبعد ما الراجل ما مشى .. ضربتى على ال50 جنيه من اولها بتقلبينى يا كوكو
كارما : عيطت تانى .. دى بتاعتى ياعمر . وبتشده وكمان تعالى هنا انت سايبنى يستفردو بيا
عمر : بيعيط عياط مصطنع .. اسكتى يا كوكو . انا مش نايم مع ابويا
كارما : امال نايم مع مين
عمر : مع مافيا .. رئيس عصابه انما وربنا عسل
كارما : عمر جايبنلى عريس .. والمفروض انه جاى انهارده
عمر بذهول : انتى بتقولى ايه .. انا جوزك ازى يعنى
كارما : احنا لازم نهرب
ادم : قرب عليهم براحه وبصوته كله .. انتو واقفين تتنحنحو هنا وانا الا بقول اختفى راح فين اه ماهى شرفت
عمر وكارما اتنفضو من مكانهم وبعيدين عمر بصله بصه مش مفهومه
ادم : ايه مش انا وربنا ما انا
عمر : اه هو ايه بقى الا مش انت
ادم : انا عارفلك .. مش انت الا بتبصلى بصة مرات الاب .. وبيقرب عليه وبيضربه على راسه جوز امك انا يالا .. حاطتنى فى دماغك ليه
عمر : انا قولتلك انت بتخططت انت وهو عشان تختبرو صبرى صح
عمر : مسكه من ايده : تعالى ندخل المكتب مش كل شويه تفرج عليا الشركه
عمر : مش داخل هه
ادم : طب يمين على يمينك لأنت داخل هه
كارما : عمى
ادم : استنى انتى دلوقت وحط ايده فى جمبه
كارما : عمر
عمر : لو سمحتى يا كارما سبينى عليه عشان هو مش عايز يجبها البر معايا ..
ادم : بيشاور بايده قدامى على جوا .. انا قربت انقل مكتبى فى الطرقه من كتر ما بتخانق معاك فيها
عمر : وانا جبت اخرى مش عايز تريحنى ليه .. انت مش خطفتنى انا وهى مره ومش بمزاجنا
ادم : اه
عمر : وبيشاور على نفسه المره دى انا الا ها أخطفك لحد ماتشوفلى حل مع الراجل دا وشال ادم على كتفه ونازل بيه وكارما بتجرى وراه
ادم : كل ما حد من الموظفين يبص له .. يعملووو باااى ويبتسم .. ويقول لهم ها اتفسح شويه انا وابنى وجاااى .. وبيخبط عمر نزلنى ضيعت هبتى فى الشركه
عمر : مش قبل ما تروح له وتمم موضوعى انا زهقت … وركب عربيته وركب ادم جمبه وكارما ورا .. ومحى مشى وراه بعربية ادم وعربيتن الحرس بتوعه .. وصلو الشارع بالعربيات دى كلها وشكلها الفخم جدا ودا خلى الناس طلعت تتفرج وتشوف فى ايه
عمر : ادخل
ادم : مش داخل
عمر : ماهو انت هاتدخل وبيشد ايده يدخله جوا بيت كارما
كارما : انتو فرجتو عليا الشارع طيب دخلنى انا لحد يشوفنى معاكو وعمر وسع لها الطريق وهى طلعت على فوووق
سعيد : كنتى فين يا كارما
كارما بتوتر : كنت .. اصلى ..كنت
سعيد : انطقى اظاهر انى دلعتك كتير وخدتى على الدلع ومسكها من دراعها .. ولسا ها يزعق لقى عمر شايل ادم وبينزله قدامه
سعيد : تنح . ايه دا ادم
ادم : سعيد يا حبيبى وحضنه وباسه .. ايه راجل من امبارح للنهارده ما تسألش عليا ليك وحشه
عمر : يابابا .. فاتحه فى الموضوع
ادم : يابنى استنى
سعيد : بيستفز عمر .. تعالى ياراجل ندخل جوا نتكلم براحتنا انت كمان واحشنى
عمر : بصوت عالى .. انا جايبك تتعرفو على بعض .. خلصنى
سعيد : انت مديانا .. ثم كمان ايه الا حابك هنا
عمر : عشان عايز اتجوز بنتك
سعيد : بيبص لادم وبيضحك .. هو مش متجوزها .. هو جاى يشتغلنى
ادم : بقنع فيه بقالى اسبوع انها مراته مش مصدق قال ايه لازم يخطبها من ابوها على ايه يعنى
سعيد : أما انك راجل لسانك طويل طيب انا معنديش بنات للجواز
ادم : ولا انا عندى بسكوته تتجوز بنتك ياله يا بنى
عمر : يالهووووى .. ارحمونى بقى مش كدا .. وربنا ما كدا وبيبص لكارما .. انا الا مش عايز اتجوز هه ولسا ها ينزل
ادم : مسك فيه .. رايح فين انت امال ايه تعالى خلص موضوعى ومزهقنى زن فوق المخده وزن تحت المخده
عمر : خلاص مش عايز .. ومش ها تشوف وشى تانى وبصوته كله .. كارما
كارما بخضه وبتبص لابوها : وبتقوله لاء يا بابا لاء ووقعت أغمى عليها
عمر : قدم شالها ونيمها على الكنبه وبيفوقو فيها
سميره : بعياط .. هاتجيب أجل بنتك حرام عليك .. كنت قولها ان هو العريس وبتشاور على عمر
سعيد بيفوق فى كارما : مش وقته يا سميره ابنك فين لسا مارجعش
عمر : ابتسم بمكر .. وبلهفه فوقى يا كارما خلينى الحق المأذون عشان نتطلق .. كارما
ادم : انت عايز تموتها يابنى ماتهدى شويه
عمر : انا محدش يقولى اهدى .. قومى يابت
سعيد : هو دا المؤدب البسكوته
ادم بأنكار : مين الا قال مؤدب انا لايمكن .. ثم كمان اد الحيطه قدامك وبسكوته ازى
سميره : فوقولى بنتى واتخانقو وفضلو جمب كارما لحد ما فاقت ..
مؤمن : طالع .. اهلا عم روميو اكيد انت الا مدوخنا وراها
عمر : انا مش طايق كلمه منك .. فا لو سمحت ابعد عنى عشان ما تزعلش بجد
كارما : بتعيط جااامد و صوتت فى وشهم كلهم .. كفايه .. كفايه حرام عليكو .. كفايه
سعيد : قعد جمبها اهدى يا حبيبتى ما تزعليش نفسك
ادم : قعد الناحيه التانيه .. لا يا كوكو .. دا احنا نكيدهم والبسمه على وشنا من هنا لهنا وبيشد وشها عليه خليكى معايا تكسبى
سعيد : مسك ادم من هدومه .. تكيد مين ياراجل انت وانا ابوها .. تخليها معايا انا
ادم : مسكه هو كمان .. وكارما فى النص بينهم .. انت يا مستفز سيب
سعيد : مش سايب .. لما تسيب انت الاول
ادم : سيب وانا اسيب
كارما : اعاااا وبتزق ايدهم .. خنقتونى انتو عايزين ايه .. ايه الجواز الا يطلع الروح دا وبجنون طلقنى ياعمر .. طلقنى
رامى : بيهز راسه .. ايوا طلقها
عمر : طيب مش مطلقها
رامى : ها تطلقها انا اساسا مش مرتحالك
عمر : وانا مش طايقك واصواتهم كلهم عليت جااامد وكارما واقفه فى جنب هى وسميره متنحين مكانهم
************
أم فهمى : ام محمد .. ماتعرفيش ياختى العربيات الاوبهه دى بتاعت مين
ام محمد : بيقولو عمر الا ساكن هنا طلع ابن راجل تقيل قوى ومن ساعة ما كارما اتخطفت وهو ها يموت عليها ويتجوزها عشان كدا كان بيهرب بيها من العصابه
أم فهمى : ياختى ياختى .. طيب مفيش حد يخطفنى وارجع بعريس يلهفنى
ام محمد : ههههههههه انتى عايزا عربيه نقل تلهفك يا وليه .. اتهدى جواز ايه تانى
أم فهمى : ضل راجل ولا ضل حيطه يا ام محمد .. ها افضل بطولى .. رجب .. يارجب ياعطار
رجب : نعم يا ام فهمى
ام فهمى : مش ناوى تخطفنى ينوبك ثواب
رجب : ليه مستغنى عن عمرى .. ادخلى يا ام فهمى ربنا يهديكى انا مش عارف فهمى سايبك وطالقك علينا ليه
ام فهمى : بتضحك .. ياله ملكش فى الطيب نصيب
رجب بيبوس ايده وش وضهر : احمدك يارب انى مليش نصيب
******************
ادم : بعد ما كلهم قعدو وهديوو تماما .. انا جاى اطلب ايد كارما بنتك لعمر ابنى
سعيد : يا مرحب يا اخويا نورتنا والله انت وابنك .. اعملى قهوه يا كارما
عمر باصص للسقف وبينه وبين نفسه بيقول اللهم طولك ياروح
كارما : دخلت المطبخ وبتكلم مامتها بعصبيه ايه الا بتعملوه دا انتو متفقين علينا
سميره : ضمتها لحضنها جاااامد .. وعدلتها ومسكت وشها بين ايدها .. مبروك يا قلب أمك دا الا كان لازم يتم ياكارما نحس اننا اهلك ومسئولين عنك مش واخدك من الشارع .. البنت غاليه ولازم جوزها يعرف ان قيمتها كبيره عند اهلها عشان تكبر فى عيونه
كارما : بإرتياح حطت راسها على صدر مامتها .. يا حبيبتى .. ريحتينى قوى يا ماما .. واتعدلت بس الصراحه عمرى ما شوفت بابا كدا هو وعمو ادم ايه عيال صغيره
سميره : ههههههه ايوا تحسيه رجع لشبابه مره واحده خصوصا بعد ما ادم ظهر تانى .. اصل الصديق هو الحاجه الوحيده الا عمرك ما تحسى معاه بسن مهما تكبرى تفضلو تشاكسو فى بعض طول الوقت ودايما الماضى هو الا الا بيسيطر عليكم
كارما : انا وعمر ها نبقى احلى احباب واصدقاء .. مش ها افكر ابوح بسرى غير له .. ولا العب وارجع لطفولتى غير معاه هو وبس تعرفى يا ماما بيقولى ها اصلى كل يوم معاكى العشا
بقوله اشمعنا العشا .. قالى عشان اختم يومنا باحلى حاجه فى الدنيا وهو اننا الاتنين نبقى واقفين قدام ربنا وندعى من قلبنا يبارك فى بيتنا ويبعد عنا الشيطان .. بحبه .. كل حاجه فيه حلوه يا ماما حتى عيوبه
سميره : لازم تفهمى مهما كان الحب الا بينكم الحياه صعبه مش سهله وياما ها يقابلكم
كارما : عارفه يا ماما .. وفاهمه . بس هو مش انسان عقد . مش بيستخسر البسمه فى وشى . مش بيستخسر يعيش الجنون معايا وممكن نلعب نهزر ..المشاكل عنده مش نهاية الحياه كله بيعدى ومهما كانت المشكله كبيره بتصغر وتنتهى لو مدنهاش قيمه وكبرناها احنا بإيدينا
سميره : يارب يا حبيبتى يسعدك ويفرح قلبك الغالى عليا .. ياله شيلى القهوه واطلعى قدمى لعريسك وحماكى .. وطلعو تممو اتفاقهم وتعالت الزغاريط وكان الفرح بعد اسبوووع ..
…………
مر الاسبوع هوا … وقبل الفرح بيوم عمر زى عادته نايم جمب ادم وبيوهم ابوه انه فى سابع نومه عايز يعرف بياخد ايه
ادم : مد ايده تحت المرتبه وبيطلع شريط ولسا بياخد منه حبه يحطها فى بوئه .. عمر نتشه منه
عمر : بصدمه ايه دا
ادم : نتش الشريط منه هات يا رخم عاملى كامين
عمر : هههههههههههههههههه لا بجد انت بحق وحقيقى
ادم زى الاطفال : بحبه مابعرفش انام غير وهو فى بوئى
عمر : قرب على ادم باسه .. حبيبى يا باشا دا طلع بونبونى بجد بس معمولك مخصوص على هيئه برشام .. طيب ليه وانا الا قولت اكيد تعبان وقالقنى عليك يا دومى يا عسل
ادم : انت عايز حد من الخدامين يكتشف الموضوع ويشهر بيا والاقى الاخبار كلها عليا .. قولتلك من الاول بونبونى صدق وابعد عنى
عمر : دخل فى حضن ادم زى الاطفال . خدنى فى حضنك انت بقيت بتوحشنى
ادم : دموعه نزلت وبيضمه قوووى .. يااااه على المرار وسنين الفراق والوجع الا حس بيهم فى اللحظه دى بالذات .. ليه فى ناس موجوده بينا بالشر دا .. ليه يحرمو اب وام من ضناهم ليه وعشان ايه لو عاشو ساعه واحده من الوجع الا هما عاشو فيه عمرهم ما يفكرو فى دا وافتكر كريمه مراته واد ايه كانت بتتمنى بس تشوفه وتموت . بس ماتت من غير ما تشوفه ولا تحس بأبنها فى حضنها هى وبس .. وبعد وقت نامو الاتنين وكانهم جسد وروح واحده .. اب اتحرم من ابنه وابن اتحرم من ابوه . وعمر عرف واتاكد فعلا ان مفيش اب ولا حضن اب زى ابوه ادم .. ادم وبس
**************
ذهب الليل بظلامه واتى النهار بنوه
سا تتغير ملامح الدنيا والكون فى اعيونهم فى هذا اليوم الذى سايجمع بين الاحبه .. وتتراقص فيه قلوبهم على صوت افراحهم ودق طبلوهم .. اجواء ملايئه بالمشاعر والشوق الذى يختبئ وراء نظرات من اعيونهم .
اقيم حفل الزفاف فى قاعه كبيره حضرها اعداد مهوله من الناس وبعد وقت كبير من الحماس والفرحه .. وعرسانا الجمال .. كارما بفستنها الرائع والحجاب الذى زين فرحتها وفرحة عمر فى هذا اليوم .. غادرو القاعه .. وطارو بالطائره الخاصه لأكثر مكان جمع قلوبهم فيه .. جزيرة الاحلام ..
********
عمر : دخل وهو شايلاها .. ونزلها براحه وقرب من شافيها يدوق طعم الحياه من جديد .. بعد شويه .. وبهمس مبررروك يا عروسه
كارما بخجل : الله يبارك فيك
عمر : انتى مكسوفه كدا ليه .. خلاص مفيش بابا ومفيش ماما ومفيش اخويا
كارما : مسكته من بدلته وبتشده عليها وبهمس مفيش ايه تانى
عمر : بهمس أكتر مفيش كسوف .. مفيش خوف وانتى فى حضن حبيبك وجوزك وشالها بين ايديه .. وطلع على فوووق .. قفل باب الاوضه عليهم .. وبعد فتره كارما نازله جرى بالبجامه .. وشكلها خايفه
عمر : نازل على السلم .. ما تعصبنيش يا كارما واشربى العصير
كارما ؛ مش شاربه .. اكيد فى حاجه ادام انت مصمم انى اشربه كدا
عمر : ما انتى ها تشربى العصير يعنى ها تشربى العصير تعالى هنا وهى طلعت تجرى على برا وهو بيلاحقها من خوفها نطت فى الميه وهو نط وراها وازازة العصير اتكبت فى الميه كلها
عمر : مسك كارما وبيعيط عياط مصطنع .. العصير اتكب
كارما : بتواسيه ما تزعلش ياعمر
عمر : ازاى يعنى انا اتجوز والسمك يعمل دماغ وربنا دا ظلم
كارما : ضربته على صدره وهى ماسكه فيه بايدها التانيه .. ياقليل الادب عايز تعملى دماغ
عمر : هو انا نافع فى حاجه ما انتى عامله زى الزيبق فوق كل ما اقرب تهربى وطلع من الميه وطلعها .. وشالها وطلع على فوق .. ومدهاش فرصه تعترض فى حضنه او تقول لاء عاش معاها اجمل لحظات .. وهى عاشت اجمل واحلى واغرب قصة حب
بقلم : لبنى طارق
عايزه رايكم بصراحه .. كل روايه وانتم طيبين وبخير دايما .. بحبكم فى الله
حلقه خاصه من الروايه
لا حول ولاقوة إلا بالله العلى العظيم
سبحان الله وبحمده وسبحان الله العظيم
اعوذ بكلمات الله التامات من شر ما خلق
بعد مرور ثلاث سنوات بالتمام
ادم : قاعد فى ارض الجنينه وحواليه ولاد عمر أحمد عمر و أسيل عمر توأم .. تعالى يا جميله ..
أسيل : تدو .. أمد تدو .. أمد
ادم : ماله أحمد
أسيل : رابنى تدو
ادم : تعالى يا بلطجى زى ابوك انت بتضرب عروستنا ليه هه
أحمد : قرب على ادم ..أت بون تدو
ادم : لا ادام بتضرب اختك مفيش بونبونى
أحمد : قعد بعيد وزعلان جدا .. أسيل راحت عنده وقعدت جمبه وباسته
ادم : ههههههه يعملوها العيال واقع فيها انا . غلبتونى انتو وابوكو .. وبيبص وراه لقى عمر داخل بالعربيه ومعاه كارما
كارما : شالت أسيل وطت على ادم باسته الاول .. عامل ايه يا بابا
ادم : الحمد لله با حبيبة بابا
عمر : دومى يا عسل .. ايه اخبار البونبونى
ادم : ياخى انا كنت خايف من الخدامين وناسى ان معايا الاذاعه والتلفزيون .. نايم فوق راسى
عمر : شايل أحمد .. ماله الباشا زعلان ليه
ادم : عشان ماخدش بونبونى
عمر : اديلو طيب
ادم : لا عشان ما يضربش اخته تانى
عمر : نزل أحمد .. وبيقرب على ادم
ادم : بيلف ايده ايه .. انت داخل عليا كدا ليه
عمر : بدء يركب ادم الهوا .. واحشنى يا دومى يا عسل .. وبيحضنه جااامد وبيزغزغ فيه .. وربنا بحبك .. بحبك
ادم : بيضحك لحد ما نفسه راح وبيزق عمر .. وبصوت مقطع .. خلاص كفايه اوعى
عمر : طلع شريط البونبونى .. وبيضحك .. خد ياحبيب بابى البونبونى كله . ماتاكل شكوبونو زى ابوك
احمد بفرحه خد الشريط : وبيبص لادم .. وبيلف ايده بالشريط . وبيقوله تدو اءاء .. تدو
ادم : بيشاور بصباعه الواد بيغظنى .. ما هو العيب مش عليك .. على ابوك .. وبيوطى صوته الحرامى
عمر : قرب عليه على فكره سمعتك وبقولك اتقى شر عبدالحليم وأم كلثوم
ادم : ونجات الصغيره لاءه
كارما : هههههههه بابا انت اتغدت والا لسا
ادم : لا لسا هو ينفع اتغدى من غيركم
كارما : طيب تعالو انتو قدامى عشان نطلع نغير واقول لعبده يجهز السفره .. ودخلت القصر .. وعمر دخل بعدها
ادم : بهزار .. بيحط ايده على بوئه .. وبيقول عمر يا حرامى
عمر : هههههههههه تعالى يابابا ربنا يهديك
ادم : مجنون انا قدامك
عمر : الدنيا عندك فى كفه والبونبونى فى كفه تانيه .. بس قولى هو انت كل ما تبقى عايز حاجه واحنا مانعملهاش .. تعمل فيها تعبان وتفضل تسف فى بنوبونى ها نعملك غسيل معده والا غسيل لبوئك
ادم : بعرفكو انى بنتحر بالبتئ وأغسل اى حاجه ان شاالله تغسل المواعين
عمر : ايه بتئ دى كمان .. وحط ايده على كتف ابوه ودخلو جوووا ها اطلع فوق اغير وانزل .. خلى بالك من العيال
ادم : اه منا بقيت الداده الفلبينه الا جبتها لعيالك
عمر : ههههههههههه ماعاش ولاكان الا يقول كدا يا دومى دانت فوق راسنا وفى عنينا يا باشا
ادم : اهو شرف هو كمان اصلها ناقصه الحكايه
سعيد : حبيبى يا ادم وباسه وحضنه
ادم : شوفت بمدح فيه من الصبح .. اتفضلى يا سميره ادخلى وسلم عليها هو وعمر وسلم على حماه
عمر : حماتى وعمى يا مراحب يا مراحب
سعيد : روح شوف انت رايح فين
عمر : نفسى أفهم انت مش طايقنى ليه دا انا خلفتلك وردتين عايز ايه تانى
سميره : ياحبيبى دا انت زى رامى
عمر : حتى انتى ياطنط مش طايقنى اطلع بكرامتى أحسن ..
سميره : بينها وبين نفسها هو انا غلطت فيه والا ايه .. حبايبى .. حبابيبى .. وأسيل واحمد ماسكين ايد بعض ونازلين من فوق قمه فى الشياكه
سعيد : تعالى يا حبيبى .. انت حبيب جدو سعيد والا جدو ادم
أحمد : جدو عيد
ادم : لسا العيد ماجاااش يا ابو مخ تخين وطلع بونبونى وبيشاور لأحمد مين حبيبك
احمد : تدو اتم
ادم : بيزق سعيد .. هههههه هواينا ياله انا نبر وان
سعيد : طلع المصاصه الا احمد بيحبها هو و أسيل .. حبايبى مفيش غيرى انا ..تيجو فى حضنى هنا ..
ادم بغيظ : وربنا ياسعيد لو ما لميت سوبر مركيت السعيد دا وبطلت ترشى العيال ما ها يحصلك كويس
سعيد : حط راسه فى راس ادم .. ورينى ياسى ادم ها تعمل ايه .. العيل بتحبنى وانت متغاظ ليه
سميره : حطت ايدها على راسها : يادى النيله .. انتو مولودين فوق راس بعض
ادم بعصبيه : هو جوزك طول عمره رخم من ساعة ماكنا فى الجيش مع بعض يخلينى نايم فى الخدمه يروح يبلغ عنى واتحبس
سميره : اكيد انت مش ها تفوتها انسو الا فات بقى وافتحو صفحه جديده
سعيد : ماهو كان بياخد سلاحى ويدوخنى عليه وبردو يروح يبلغ عنى
سميره : هههههههههه انتو كنتو بتأدو خدمه والا بتلبغو عن بعض
**************
عمر : دخل الاوضه .. وماشى براحه وقف ورا باب الحمام اول ما كارما طلعت خضها جااامد
كارما : اعاااااا .. حرام عليك ياعمر
عمر : بيقرب عليها وهو مبتسم ومسك ايدها .. حبيبى عموووور مين حبيبى .. وضمها له وهى لابسه بجامة البيت وشعرها مبلول ..وحشتينى ياكوكو
كارما : بنفس الابتسامه .. قربت بوشها وبتناغشه فى وشه .. وانت كمان ياحبيبى .. خلص بسرعه عشان نتغدى
عمر : بيهز راسه .. توء لسا بدرى اصل حمايا المبجل وحماتى العسل تحت وطبعا الحرب اياها لسا ها تبتدى فاخلينا شويه
كارما : بدلع .. توء ياعمر . اوعى كدا يقولو علينا ايه
عمر : هما فى ايه والا ايه .. اصبرى ادم وسعيد ها يجننو بعض ويتخانقو على العيال فا احنا خلينا بعيد شويه .. وقرب عليها وعلى رقبتها وبيبوسها .. بطلى كلام بقى
كارما : بتزوقه من صدره اوعى كدا ياعمر خلينى اجهز نفسى بقى هو رامى وسالى ماجوش معاهم
عمر : بيهز راسه بالنفى .. لا وشدها من وسطها .. وقعد على السرير وقعدها على رجله .. بقولك ياقلبى
كارما : نعم وحاوطت رقبته بايدها
عمر : عايز يومين اروح فيهم النادى انا مابحبش جو الضغط بتاع الشغل طول الوقت دا
كارما : خلاص ياحبيبى روح وانا موجوده بدالك
عمر : كنت عارف يا أم أحمد انك مش ها تخزلينى
كارما : بدلع أكتر .. وبتلف عينها يمين وشمال بس اوعى عينك تزوغ كدا والا كدا والا تلاقى واحده حلوه وتبص عليها
عمر : ضمها أكتر نفسه يخبيها جوا قلبه ملت عليهم البيت هو وابوه .. وربنا كرمهم بأولاده الا نفسه يخطف حته من السما ويحطها تحت رجليهم .. مفيش واحده تملى عينى غيرك
كارما : بحب باسته بمشاعر جميله .. وانت كمان ياحبيبى مفيش واحد يملى عينى زيك .. وقامو الاتنين وهى ساعدت جوزها يغير هدومه ونزلو قدامهم وايدهم متشبكه فى بعض وسعيد مبسوط ان شايف بنته محبوبه ومرتاحه جدا قعدو اتغدو مع بعض .. وبعد الغدا رامى ومراته سلوى الا اتجوزو بعد عمر سنه وحياتهم نوعا ما مستقره ولكن لسا ربنا مارزقهمش بالاطفال .. وقضو وقت كبير معاهم .. وبعدين كل واحد روح لبيته .. وأسيل واحمد نايمين فوق فى سرير جدهم لازم يبقو معاه
ادم : خليكو معايا شويه
عمر بيتواب : مش قادر يا بابا .. ياله ياكارما
ادم بزعل : كدا روحو ياله
كارما : اقعد يا عمر بطل بقى .. وقعدو الاتنين جمب بعض وادم بيتفرج على التلفزيون ومندمج قوى معاه .. وعمال يتكلم بس محدش بيرد بيبص عليهم الاتنين لقى روسهم فى روس بعض ونايمين ..
ادم : ياحبايبى نامو .. وقام يا ولاد قومو نامو ياله .. لاقى كارما وعمر قامو وماسكين ايد بعض وطارو على السلم زى الراهوان هههههههه ياولاد الطيبين بلاش نقول حاجه تانيه صحيح ولاعمره ها يطمر فيكو .. هه وطفى التلفزيون وطالع على فوق ينام .. ولسا بيروح فى النوم لقى اسيل قاعده على المخده من الناحيه دى واحمد الناحيه التانيه ..
احمد ؛ تدو
اسيل : تدو
ادم : يادى النيله ..ليه سيبتو كل حاجه فى أبوكو وطالعين لازقين فى المخده زيه .. اطلع انام فوق …. الدولاب .. دا حتى امكم كل ما تزعل معاه تيجى تطلعلى فوق المخده مجانين انتو
أحمد : تدو بون تت المأده يا تدو
ادم : هو ابوك الا قالك على المخبئ صح
أسيل : بابا قول تت المأده تدو .. ياتدو أت بقى
ادم : طلع البونوبنى .. وادى لاحمد وأسيل وفضل يلعب معاهم شويه .. وبعدين غسل اسنانهم وخدهم فى حضنه ونام وهو فى قمة السعاده وكل الا معاشهوش مع عمر بيعيشه مع ولاده
************
كارما : بتضحك جاااامد
عمر : بيضحك هو كمان وبيحط ايده على بوئها اسكتى
كارما : انت فظيع ما صدق لقيتك شدتنى وجريت ولا كأنك كنت فى المعتقل
عمر : واحشانى يابت . اخطفك والا اعمل ايه انا
كارما : ما انت خطفتنى عايز ايه تانى
عمر : نام على السرير هو وكارما واخدها فى حضنه وبيرغو مع بعض زى عادتهم الاتنين .. وبعد وقت مليان شوق وحب .. راحو فى النوم
وتوتا توتا خلصت الحدوته
بقلم : لبنى طارق
