رواية( شمس وسط الظلام) البارت(37)و(38) بقلم :- أسماء أبوشادي
___________________________
النهاردة الجمعة. تحس أن شوارع مصر بتبقى زحمة في اليوم دا اوي
ناس كتير ماشية اللي مكشر واللي مبتسم واللي ماتعرفش من ملامحه اذا كان حزين ولا فرحان مش باينله ملامح
وسط الزحام. تمشي الشمس.
بلا وجهه. بلا هدف. فقط الضياع
نعم هي ضائعة . تائهه في بحور الهموم. التي كلما حاولت النجاة من الغرق فيها تجذبها للقاع أكثر
لم تنتبه لتيفونها اللي مش مبطل رن بأعلى صوت وهو في شنطة ايديها ولا حتى منتبهه هي ماشية فين ورايحة فين ولمين هي ماشية وخلاص
ضاقت بيها الدنيا كلها وما اصعب ذلك الشعور المميت. الدنيا بكل ما فيها من ارض وسماء وبحر وجناين وشجر و ورود
كل دا وتحس انها ضاقت بيك
شمس ماشية بملامح مش باين عليها غير حاجة واحدة. اليأس. فقط اليأس
يتردد في اذنها كلام الدكتور منذ قليل
” البيبي دا لازم ينزل. ما ينفعش تكملي الحمل كدة هتكرري نفس مأساة والدتك أنتي قلبك ضعيف وعضلات قلبك تعبانة مش هتستحملي. لازم الاول تتعالجي وبعد كدة عوضي البيبي دا. وأحنا لسه البيبي في عمر شهرين شهرين بس. لازم نعمل عملية الاجهاض في اسرع وقت. ”
خطر على عقلها بجانب ذلك الكلام
كلام مارو. لما تحس انها مخنوقة كان يتلوا لها بعض الآيات من كتاب الله ثم يأخذها لزيارة قبر. أمها
“إذا ضاقت بكم الصدور فعليكم بزيارة القبور”
وصلت المقابر الجو هدوء مافيش اى صوت مافيش بشر. سواد الليل بدأ يغطي على نور النهار
وصلت لقبر عائلتها. وقعدت ادامه. مافيش دموع. مافيش صراخ مافيش كلام
فقط السكوت. وما اوحشه من سكوت
( ربي يكفيني ويكفيكم شر ذلك السكوت )
شمس قاعدة وما انتبهتش أن في شخص تاني موجود معاها.
بس هو انتبهلها وفزع من وجودها في المكان دا. دلوقتي
عاصم / شمس أنتي ايه اللي جابك دلوقتي
لم تبالي له. كأنه مش موجود ظلت على حالها قاعدة في هدوء. بتبص ادامها بس
عاصم قرب عليها / يا بنتي مالك إيه السبب اللي يجيبك هنا في الوقت دا. مين زعلك اتخانقتي مع جوزك بعد ما مشيتي من عند عمك.
شمس ماردتش عليه غير بنظرة. وكأنها بتقوله خليك مكانك ماتقربش ابعد. أنت مالكش حق تسألني
عاصم فهم الكلام اللي هي قالته بعنيها وفضل بعيد عنها شوية وهو بيتكلم معاها أو بيحاول يخليها تتكلم معاه
عاصم وهو بيبص في الارض بندم./ انتي معاكي حق انك ماتعتبرنيش ابوكي
أنا عارف انى غلطت. وغلطي أكبر من انك تسامحيني عليه. لكن واللهي يا بنتي انا ندمان على كل لحظة كنت ببعدك فيها عني. بدل ما كنت اقابلك أكتر.
كنت كل ما اشوفك افتكر امك. عنيها ملامحها صوتها. طيبتها. كل حاجة فيكي كانت منها كأنك نسخة منها. ماكنتش بشوف غير قمر اللي حبيتها.كنت جاهل. اتهمتك انك السبب في موتها ونسيت ان كل شئ بأيد ربنا
لكن للأسف عرفت دا متأخر اوي.
متأخر 20 سنة.
( شمس برضوه متجاهلاه. فهو كمل كلامه )
مش قادر انسى لما ماتت أدام عنيا. ماتت أول أنتي ماجيتي الدنيا
شطاني قالي انك أنتي اللي سرقني روحها. وكل ماكنتي بتكبري اكتر
كان يقولي شوفت ما اكتفيتش بس بروحها دي كمان أخدت ملامحها عنيها شعرها جسمها صوتها. ماكنتش بشوفك غير انك سرقتيها مني وبس
( الكلام دا كان اخر كلام هي محتاجة تسمعه يمكن لو كان خدها في حضنه وسكت هي ماكنتش هتعارضه لكن بكلامه خلاها تيقن حاجة واحدة بس
إن اللي حصلها هي بعد موت امها هيحصل للي في بطنها بعد موتها
طب والعمل. هي اكيد مش هتقتله عشان تنقذ نفسها من الموت
ولا حتى قادرة تتخيل إنها تخلف وجوزها يعمل نفس اللي أبوها عمله بدافع الحب
يا الله ما العمل ماذا افعل
كل هذا كثيراً. بل اكثر من كثير. انه فوق احتمالي
_______________________
في بيت المصري
مهاب بصوت جهوري / يعني ايه مشيت من العصر. وازاي مشيت بدون ماتتصل بيا عشان ابعتلها السواق. انطقوا قولوا شمس فين عملتوا فيها ايه
عبدالحميد / يا ابني احنا قلقانين عليها زيك بالظبط لكن والله هو دا اللي حصل. هي اصرت إنها تمشي ورفضت ان محمد يوصلها
منى بقلق شديد / طب شرفها يا ابني عند رودي صاحبتها إلهي يسترك. يمكن تكون راحتلها
مهاب بصوت عالي / ومين قالك انى ماعملتش كدة. اساسا رودي دلوقتي موجودة في القصر مع داليا وهما الاتنين مايعرفوش عنها حاجة
عبدالحميد / شوفي بس يا حجة التليفون بتاعها تكون نسيته هنا عشان كدة مابتردش
منى دموعها نزلت من كتر قلقها على شمس خصوصا أنها كانت متغيرة النهاردة غير كل مرة بتروحلهم / ما انت عارف ان شمس مابتنساش حاجة أبدا. انا قلبي مش مطمن حاسة ان حصلها حاجة
نادية ( زوجة عاصم )/ ماتقوليش كدة ان شاء الله هتبقي كويسة وبخير
خرج مهاب بعدما تأكد أنهم مايعرفوش عنها حاجة وكمان محمد اللي خرج يدور عليها حواليهم.
مهاب قلق جامد وبدأ يظن ان حد أذى شمس وأمر الحرس بتوعه يبحثوا عنها في كل مكان و مرعوب من فكرة ان حد يكون خطفها أو هي يون حصلها حاجة
تليفون مهاب رن وهو في العربية وبيسوق بجنون وهو مش عارف يروح فين ولا يعمل ايه
رن رن رن
الاتصال كان من شركة الاتصالات اللي قدروا يحددوا مكان وجود شمس
وبلغوا مهاب المكان واتصدم لما عرف إنها هناك. لكن لسه برضوه قلقان عليها
@@@@@@@@@@@@@
في المقابر
عاصم لسه قاعد بيتكلم وبيطلب السماح من شمس وبترجاها
عاصم / سامحيني ارجوكي. طب اتكلمي معايا. قولي اي حاجة طب أنتي جيتي هنا ليه جوزك زعلك
أخير شمس نطقت بس سألته سؤال مالهاش إي علاقة بكلامه معاها / كنت بتحبها
كنت بتحب امي
عاصم / يمكن صحيح انا اتجوزت بعدها ويمكن حبيت اللي اتجوزتها كمان وخلفت منها لكني عمري مانسيتها ولا لحظة هي ما ينفعش تتنسي كانت حبيبتي وزوجتي وصاحبتي وامي واختي
كنت بحبها ولسه بحبها وهفضل طول عمري أحبها وهموت وأنا بحبها
شمس بهدوء عكس مابداخلها / طب لما انت حبيتها ليه ماحفظتش عليا
مش أنا حتة منها مافكرتش إنها هتتعذب في قبرها لما تحس أن بنتها تعيسة ومش مبسوطة في حياتها بسبب أن أبوها بيكرهها وبيحملها ذنب هي ماارتكبتهوش.
لما انت بتحبها ماحستش اد ايه هى بتتألم مجرد من تخيل أن بنتها موجوعة
( شمس كانت بتتكلم عن نفسها مش بتتكلم عن أمها. لا هي خايفة ان مصير اللي في بطنها يكون نفس مصيرها ومجرد الفكرة دي بتزيد وجع قلبها اضعاف مضاعفه لكن هي مش مهتمه بوجعها هي كل همها دلوقتي واهتمامها أزاي تضمن ان اللي حصلها مايحصلش للي هيكون في بطنها )
عاصم ساكت مابيردش على شمس. مش لاقي كلام يقوله
وشمس كمان سكتت وبتفكر هتعمل ايه جواها صرخات لكن مكتومة
نار مشتعلة لكن بها جبال من جليد
ضعف وانهيار لكن قوة عشان جنينها يعيش
حب وعشق لمهاب لكن كره بمجرد ماتتخيل إنه هيعمل زي ما أبوها عمل في اللي لسه هييجي الدنيا
قطع ذلك السكوت مهاب وعدد من حراسته الخاصة التي كانت تتبعه
مهاب جرى على شمس حضنها وسألها بلهفة / حبيبتي أنتي كويسة. حصلك حاجة
مهاب شاف عاصم اللي اللي كان قاعد على الارض بعيد عن مراته شوية.
ساب شمس وراح مسكه من تلابيب ملابسه
مهاب وعنيه مليانة شر / أنت عملت فيها ايه. وازاي تجيبها هنا وازاي تتجرأ وتقرب منها اساسا
شمس مسكت ايد مهاب واتكلمت بهدوء وبلهجة غير اسلوبها لهجة غامضة مش معروفة إذا كانت حزن قلق خوف بس الاكيد ان اللهجة دي فيها كمية قهر كبيرة
شمس / سيبه هو ماجبنيش أنا اللي جيت لوحدي وقابلته هنا صدفة
مهاب سابه ومسك ايديها وبيبص في عنيها اللي مليانة حزن وقهر وحسرة وعجز
مهاب بهدوء / مالك يا شمس في ايه هو قالك حاجة تزعلك ردي عليا وأنا مش هرحمه ولا هرحم اي حد يتسبب في حزنك
شمس بهدوء / محصلش حاجة وأنا ما اتكلمتش معاه في حاجة تزعلني ولا هو يهمني في حاجة عشان ازعل منه او من كلامه.
مهاب بقلق / طيب مالك. وليه جيتي هنا وكمان مابترديش على تليفونك
شمس بلا مبالاة/ قولتلك ماليش. وأنا جيت هنا عشان كنت عايزة اجي هنا وماردتش عشان مش عايزة ارد على حد.
مهاب مستغرب من حالة شمس.جدا.واتضايق من ردها عليه بالكلام دا بس ماردش عليها لأنه شايف أنها مش في حالتها الطبيعية اخدها ورجعوا على القصر. وتبعتهم الحراسة الخاصة به
$$$$$$$$$$$$$$$$$$$$$
وصلوا القصر كانت داليا و رودي قاعدين قلقانين جدا عليها ومستنين اي حاجة تطمنهم عليها والعيلة كلها قاعدة قلقانة
بمجرد ما شافوا مهاب داخل وماسك ايد شمس. جريوا عليهم بلهفة واضحة
داليا حضنتها/ شمس أنتي كويسة يا حبيبتي
شمس بعدت عن داليا بهدوء وهزت دماغها بمعنى انها اه كويسة
رودي كمان حضنتها. / كنتي فين يا شمس كنا هنموت من القلق عليكي
شمس / أنا عايزة أطلع ارتاح شوية عن اذنكوا
سهى بأستغراب / في ايه انتى مالك يا شمس شكلك عامل كدة ليه
شمس تجاهلتها وسابتهم وسابت ايد مهاب كمان وطلعت من غير ماتهتم لأي حد من اللي موجودين
سامح بدهشة من تصرف شمس اللي أول مرة يشوفه أو هي تتصرف كدة / مراتك مالها يا مهاب
مهاب تجاهلهم هو كمان وطلع ورا شمس بهدوء لأنه ببساطة معندهوش إجابة عن سبب الحالة اللي شمس فيها
@@@@@@@@@@@
شمس طلعت الجناح دخلت اخدت شور ولبست البورنس بتاعها وخرجت قعدت على طرف السرير وقررت انها هتغير معاملتها مع مهاب عشان لما تموت هو مايكرهش ابنها أو بنتها بسبب موتها وتتكرر المأساة مرة تانية
مهاب قرب من شمس لأنها ما اخدتش بالها أنه موجود معاها اساسا
حضنها بشويش وبيملس على شعرها المبتل ولسه أثر الاستحمام عليه
مهاب بهدوء / مالك يا شمسي احكيلي يا حبيبتي إيه اللي مزعلك كدة
شمس بعدت عنه واتكلمت بصوت عالي بعض الشيء / أنا قولتلك مافيش حاجة مزعلاني أنا بس تعبانة شوية ومحتاجة ارتاح ممكن ولا لاء
زاد غضب مهاب الذي يحاول ان يخفيه عنها حتى لا يزيد الامر سوء / شمس في ايه انتى من امتى بتتكلمي معايا كدة. أنا عمال اتكلم معاكي بهدوء وبتحكم في اعصابي اللي محروقة طول اليوم وأنا بدور عليكي. أنا عايزة اعرف في ايه وأنتي كنتي فين من ساعة ماخرجتي من عند عمك
شمس بهدوء / ماحدش قالك تحرق في اعصابك أو تدور عليا
مهاب مسكها بايده من كتفها وهزها بعنف شوية / انتي بتتكلمي كدة ليه.أنتي خارجة الصبح من هنا كويسة فهميني بالظبط في ايه انا مش عايز افقد اعصابي وأنا حذرتك قبل كدة من عصبيتي
كنتي فين انطقي
شمس شالت ايديه من على كتفها / كنت في المقابر مكان ما انت جيت واخدتني
مهاب بعصبية / وكنتي بتزفتي تعملي ايه في المقابر الوقت دا كله
شمس / يعني هعمل ايه كنت قاعدة هناك أنا بقالي اكتر من شهرين ماروحتش
مهاب بعصبية اشد / وما استأذنتنيش ليه وماكنتيش بتردي على تليفونك ليه
شمس بهدوء مستفز / مافيش داعي ان كل ما اجي رايحة مكان استأذنك مش انا استأذنتك قبل ما اخرج
وأنا كنت مصدعة مش عايزة ارد على تليفونات
( كل ما شمس بتتكلم كل ماهو عصبيته بتزيد وهي بتستفزه اكتر وفاهمه إنها بمدة بتتصرف صح )
مهاب بصوت مرعب / شمس أنتي بتتكلمي معايا انا كدة أنتي ناسية اني جوزك ولا ايه وقولتلك مليون مرة ممنوع تعملي اي حاجة بدون ماتستأذنيني
شمس ببرود أشد / لا الكلام دا انا ماليش فيه أنا ذهقت من التحكمات دي وبعد كدة هخرج براحتي واروح مكان ما أنا عايزة
لم يتحمل مهاب كل هذا لقد زادت عصبيته اضعاف مضاعفه
مهاب مسكها من شعرها جامد وبعصبية شديدة / ليه متجوزة خروف
( القوة المصطنعة اللي كانت بتقوي نفسها بيها اتبخرت
هي اساسا ماكنش فيها قوة هي كل اللي فيها ألم وجع. خوف يأس.)
شمس ماقدرتش ترفع ايد مهاب عن شعرها ولا حتى قدرت تحاول لأنها فقدت الوعي بمجرد ماهو عمل كدة )
مهاب لاحظ تراخي جسمها وأنه لو ساب شعرها هتقع في الارض وفعلا أتأكد انها فقدت الوعي وشالها بلهفة شديدة وقلق وندم انه فقد اعصابه ومد ايده عليها
مهاب أخد احد زجاجات العطر وحاول افاقتها / شمس حبيبتي فوقي أنا اسف. حقك عليا انا ماقصدش أنتي اللي استفزتيني والله
( كل هذا دون فائدة شمس مش واعية لأي حاجة خالص ). مهاب اسرع واتصل بأحد الحرس الخاصين بيه وطلب منهم / تجيبلي دكتور بأسرع وقت ممكن بأي طريقة لو مالقتش دكتور ادامي هنا دلوقتي هقتلكوا كلكوا
بعد 10 دقايق كان الحرس جابوا دكتور لأنهم مش مستغنين عن عمرهم وعارفين ان اذا هو قال حاجة بينفذها
العيلة كانوا قاعدين تحت لأن دا الوقت اللي بيتعشوا فيه
أحد الحراس بلغ مهاب أن الدكتور وصل ومهاب أمره أنه يخليه يطلع بسرعة
سامح بيسأل الحارس / ايه في ايه و مين دا
الحارس / حضرتك دا دكتور لأن مهاب باشا طلب مننا نجيب دكتور بسرعة وقالي اخليه يطلع الجناح بتاعه
أفراد العيلة كلهم اتخضوا وطلعوا مع الدكتور لجناح مهاب
كان مهاب في الوقت دا عدل من نومة شمس على السرير وغطاها كويس وحط حجاب على راسها عشان يخبي شعرها
دخلوا الجناح واستنوا في أوضة الجلوس الملحقة بيه
و سهى ونوال دخلوا مع الدكتور. لاوضة النوم
مهاب اول ما شاف الدكتور / شوفها مالها بسرعة ومش بتصحى ليه
الدكتور / طيب ممكن تهدا بس يا فندم وتتفضل تطلع حضرتك برة عشان اكشف عليها
مهاب بعصبية / مين دا اللي يطلع برة دي مراتي واخلص بسرعة شوف هي مالها
الدكتور قرب من شمس وبيفحصها وطبعا مسك زراعها عشان يقيس لها الضغط
سهى لاحظت ان ابنها عينه بتطلع شرار قربت عليه وكلمته بهدوء شديد / حبيبي الدكتور هيفحصها ودا شغله استنى انت برة وأنا ومرات عمك هنفضل معاه
مهاب مش قادر فعلا يشوف الدكتور وهو بيلمس مراته ادام عنيه فخرج بسرعة من الاوضة
داليا اول ماشافت مهاب خارج جريت عليه وسألته بلهفة وبكاء / ابيه شمس مالها حصلها ايه ارجوك طمني عليها
مهاب بصوت عالي/ داليا ابعدي عني دلوقتي. الدكتور لسه جوه بيكشف عليها لما يخرج هنعرف مالها
بعد شوية خرج سهى تجري على مهاب بأبتسامة سعيدة / مبروك يا مهاب شمس حامل
مهاب الفرحة مش سيعاه هيبقى اب ومن البنت اللي بيموت فيها دخل بسرعة لشمس بس كانت لسه مافقتش.
( الخبر كان سعيد للكل لأنهم على اد ما هما اغنية و معاهم فلوس لكن ماغيرتهمش وهما عيلة واحدة وبفضل جد مهاب ومهاب من بعده فضلوا عيلة متماسكة )
الدكتور كتب لشمس على شوية فيتامينات وطلب منهم يجيبوا محلول بسرعة وفعلا جابوه وعلق لشمس محاليل لأن جسمها كان ضعيف جدا ومجهد
المحاليل خلصت وشمس بدأت تفتح عنيها وبصت جنبها
مهاب بحنية / الحمد لله على سلامتك يا حبيبة قلبي
داليا بفرحة / مبوووووووك يا سوشي هتبقي ماما. وأنا هبقى عمتو
شمس بصت حواليها كانت العيلة كلها موجودة وفرحنين بالخبر اللي الدكتور قالهلهم
بصت في عيون مهاب شافت سعادة مالهاش اخر ماتتوصفش. فرحت اوى لما شافت السعادة دي واتاكدت أن مهاب هيحافظ على الطفل اللي جاي لكن برضوه هي لازم تغير معاملتها. لأنها عارفة ومتأكدة ان اد ما أبوها كان بيحب امها. مهاب هو كمان بيحبها ويمكن اكتر
شمس غمضت عنيها تاني.
في محاولة إنها تلاقي شجاعة تلاقي قوة. بتدعي ربنا جواها
يارب ارجوك مش عايزة طفلي يشوف اللي انا شوفته يارب ارحمني. أرجوك ارحمني
سامح / يلا بقى احنا ننزل نتعشى ونسيبها ترتاح شوية
سهى بفرحة/ مهاب خليك معاها وأنا هبعتلكوا العشا هنا
نوال / خلي بالك منها يا مهاب وخليها تاكل كويس انت سمعت الدكتور بيقول ايه
داليا بفرحة / سيبوني أنا عليها وأنا هخليها تاكل. دا انا هبقى عمتو. هبقى عمتو
مازن بمرح / يالهههههههوووووي دا انتي هتبقي عمتو المجنونة.
أنا بقى هبقى هخليه يقولي يا مازن ومزون كمان.
داليا / ماتقلقش أنا هخليه يقولك ياض يا مازن. بس هو ييجي بس
مهاب قاعد بيسمعهم وهو فرحان ومبسوط بس في نفس الوقت مستغرب ان شمس مش باين عليها انها فرحانة ولا اي حاجة
رؤوف لداليا ومازن / يلا انتوا الاتنين على برة هتجننوا الواد من قبل ما ييجي
( بعد ما الكل خرج وسابوا مهاب وشمس لوحدهم )
مهاب / حبيبتي أنتي زعلانة مني. حقك عليا انا اسف اتهورت عليكي. لكن غصب عني انتي استفزتينيي
ماعرفش أنتي كان مالك كدة شكل هرمونات الحمل ابتدت تشتغل. بس دا انتي لسه حامل في شهرين
شمس ساكتة بتسمعه لكن في عالم تاني
مهاب لاحظ شرودها / شمس انتي مش سمعاني
شمس صوت ضعيف/ سمعاك
مهاب بقلق / طيب إيه مابتتكلميش ليه
شمس / اتكلم اقول ايه
مهاب / قولي اي حاجة يا حبيبتي أن
قاطع كلام مهاب خبط على الباب كانت الخادمة ودخلت بعد ما مهاب اذنلها تدخل
الخادمة / العشا يا مهاب بيه. سهى هانم امرتني اطلعه لحضراتكوا هنا
مهاب / طيب سيبيه عندك وامشي انتي
( بعد نزول الخادمة )
مهاب بأبتسامة/ يلا يا حبيبتي عشان تاكلي
شمس / مش عايزة أكل
مهاب / لا يا حبيبتي لازم تاكلي. أنتي دلوقتي بقيتي اتنين في واحد يعني لازم تاكلي اد الاول مرتين
شمس بضعف / قولتلك مش عايزة أكل سيبني أنام. بقى
مهاب / يا حبيبتي هسيبك تنامي بس كولي الأول وبعدين نامي
شمس تجاهلت كلامه ولفت وشها في الاتجاه التاني وغمضت عنيها
مهاب لف وشها له تاني / شمس أنا ليه حاسس انك مش فرحانة انك حامل
شمس استغلت الفرصة وخلاص قررت وهتنفذ قرارها / عشان انا ماكنتش عايزة ابقى حامل
مهاب بصدمة / نعم. أنتي بتقولي ايه. شمس انتي واعية للي انتي بتقوليه. وأنا سمعت صح ولا بيتهيألي
شمس مش قادرة تشوف مهاب كدة مصدوم فيها وقلبها ابتدا ضرباته تزيد وتجعها / مهاب أرجوك سيبني أنام ونتكلم الصبح
مهاب ساب شمس وخرج من الأوضة كلها
وهي نامت لأنها كانت فعلا تعبانة
@@@@@@@@@@@@@@@@@@
شمس صحيت الصبح مالقيتش مهاب نايم جنبها
قامت أخدت شور واتوضت وصلت فرضها
وسجدت تنادي ربها
يارب. ارحمني. يارب ارحمني أنا تعبت قلبي مش مستحمل أوجاع تاني.
يارب انا راضية بحكمك وقضائك هون عليا. وماتجعلش نصيب طفلي وقدره نفس نصيبي وقدري
أنا تعبت خلاص مش حمل حاجة تانية. قويني يارب على اللي انا فيه
شمس خلصت صلاتها ودعائها.وقامت قعدت على السرير
مهاب دخل وأخد هدوم من الدولاب. ودخل الحمام غير هدومه وخرج تاني بص على شمس اللي لسه قاعدة ري ماهي
مهاب بجدية / ممنوع تقومي من على السرير دا وتاكلي كويس وتاخدي ادويتك في ميعادها ممنوع تعملي اي حركة. فاهمه
شمس ما بصتلهوش وعملت نفسها مش سمعاه أصلا ودا ضايق مهاب جدا
مهاب قرب عليها و وقف ادامها ورفع وشها عشان تبصله / سمعتي انا قولت ايه
شمس بتمثيل العصبية / اه سمعت في إي أوامر تانية حضرتك عايز تقولها
مهاب / اووووووووف. أنتي فيكي ايه. متضايقة عشان حامل زعلانة عشان هتبقي ام
شمس / ايوة زعلانة عشان هبقى أم أنا ماكنتش عايزة اخلف أصلا. واشيل مسؤولية وأنا لسه الطريق طويل ادامي وكمان انت انسان عصبي ومتحكم بتتحكم فيا وفي كل حاجة تخصني تقدر تقولي هخلف منك ازاي
لم يكن ذلك الكلام سوى صدمات بالنسبة لمهاب. ومش مستوعب اساسا ان دي شمس. حب حياته اللي عايشين مع بعض بقالهم فترة في سعادة ماتتوصفش
مهاب بذهول / مش عايزة تخلفي مني يا شمس
شمس بأنفاس تتلاحق / ايوة يا مهاب. أنا ماكنتش عايزة أخلف. وزعلانة اني حامل
مهاب بصدمة / مستحيل تكوني انتي شمسي اللي انا حبيتها. وعشقتها من اول نظرة.
شمس / انا كنت باخد برشام منع حمل اساسا. بس اوقات كنت بنساه بسببك وللأسف حصل حمل
مهاب بصوت عالي / بس اسكتي ماتكمليش اخرصي
شمس / حتى لو سكتت بس برضوه الحمل دا غلطة
مهاب سابها وخرج بسرعة جري على برة ركب عربيته وطار بيها وخرج من القصر بدون حراسة
أما شمس فهي مكانها الدموع اللي رفضت تنزلها أمبارح نزلت النهاردة عشان حبيبها حاسه بوجعه والمه بس مافيش ادامها حل غير كدة. مافيش حل غير الجفاء في مشاعرها له
مش هتظهر له غير قسوتها وهتتحمل نتيجة كلامها وافعالها. بالنسبة لها اهي فترة وهتعدي.
@@@@@@@@@@@@@@@@@@@@@@
فات أسبوع على الموقف دا
طول الأسبوع دا مهاب بيتجنب شمس. متبينمش معاها على السرير. بينام برة على شزلونج كبير في الصالة
أما شمس فدايما بتبكي وتكلم اللي في بطنها وتدعي ربنا ان نصيبه مايكنش زيها لكن بمجرد ما تشوف مهاب ترسم ملامح الجمود واللا مبالاة
سهى و نوال طلبوا من مهاب أنه ياخد شمس لدكتورة نسائية عشان تتابع معاها طول مدة الحمل واقترحوا عليه اسم دكتور شاطرة
شمس جهزت نفسها ونزلت لمهاب اللي كان قاعد تحت مع سهى و نوال. بيكلموه عن الدكتورة
شمس بجمود / يلا انا جاهزة عشان نروح للدكتورة
مهاب اخدها وراحوا للدكتورة. وأول ما وصلوا دخلوا علطول والدكتورة كانت بأنتظارهم.
شمس كانت قلقانة ان الدكتورة تعرف ان قلبها تعبان وكانت بتهدي نفسها جامد عشان الدكتورة ماتحسش
الدكتورة عملت سونار على بطن شمس وشافوا الجنين ادامهم شمس ومهاب كانت فرحتهم ماتتوصفش لكن للاسف شمس اخفت فرحتها. ومهاب فرحته مش كاملة
الدكتورة طلبت من شمس تمشي على نظام غذائي معين وأدوية معينة عشان الحمل
شمس اطمنت وارتاحت لما خرجوا من عند الدكتورة
في العربية مهاب طلب من السواق يقف عند مطعم كبير غي طريقهم. ونزلوا. رغم ان شمس اعترضت لكن هو أصر أنهم يتعشوا في المطعم دا
دخلوا وقعدوا. والجرسون أخد طلباتهم ومشى عشان يجهزها. وهما كانوا قاعدين ساكتين. مهاب قطع الصمت بسؤال بالنسبة لشمس غريب عجيب غبي متخلف. سؤال مش مفهوم أصلا
مهاب بهدوء وصوت مكسور وحزين / لو كان الحمل دا من مروان ابن عمك كنتي برضوه مش هتبقي عايزاه
شمس بأستغراب وذهول / نعم أنت تقصد ايه
مهاب بوجع / لو كان لسه عايش وكملتوا قصة حبكوا واتجوزتيه وبقيتي حامل منه كنتي هتبقي زعلانة لأنك حامل زي دلوقت
__________________________
رواية ( شمس وسط الظلام) البارت(38) بقلم :- أسماء أبوشادي Ana Amera Habeby
_________________________________
شمس مش مستوعبة كلام مهاب خالص ولا فاهمه اي حاجة
مهاب / ساكتة ليه ما تردي للدرجة دي الإجابة صعبة عليكي طيب هو كان بيعملك إيه أنا مش قادر اعمله هو كان أحسن مني في ايه لدرجة اني مش قادر اخليكي تنسيه
شمس / أنا مش فاهمه حاجة من كلامك. أزاي يعني انا انسى مروان وأنت ليه بتقول كدة
مهاب / بقول أنتي ماحبتنيش. حبك ليا كان حب احتياج بعد ماهو مات كان عندك فراغ فأخدتيني أنا سد خانة مش اكتر
شمس بذهول / بس يا مهاب ايه اللي انت بتقوله دا
مهاب / دي الحقيقة. أنا كنت فاكرك حبيتيني زي ما أنا حبيتك بس طلع كل دا وهم. أنا بالنسبة ليكي ولا حاجة أنتي لسه بتحبيه هو. اديني فرصة يا شمس حبيني صدقيني انا استاهل انك تحبيني أنا ممكن اعمل عشانك اي حاجة
شمس اتصدمت من كلامه وكمان من الحالة اللي هو فيها مهاب المغرور المتكبر اللي ماحدش يقدر يتكلم معاه. الدكتاتور بيتكلم بانكسار وضعف كدة
شمس تعبت نبضات قلبها ابتدت تتسرع وتألمها والألم ابتدا يظهر على وشها.وشفايفها ابتدت تترعش شوية
شمس بتعب / أنا عايزة امشي.
مهاب لسه بيتكلم بلهجة الحزن / بس انا لسه ماخلصتش كلامي معاكي يا شمس
شمس بتحاول تداري وجعها وتتحمل الالم عشان مايزيدش ومهاب يلاحظ.
وكمان هي مش قادرة تشوفه بالحالة دي.ولا حتى قادرة تتكلم وتقوله أن اللي بيقوله دا غلط وتفهمه الحقيقة
شمس بتعب / مهاب انا تعبانة بجد وعايزة اروح. ارتاح ارجوك
مهاب بص كويس في ملامح شمس لانه ماكنش بيبصلها وهو بيتكلم. ولاحظ فعلا على وشها التعب. واتخض جدا وقلق عليها
مهاب بقلق شديد / مالك حاسة بأيه نرجع تاني للدكتورة
شمس / لا لا دا بس من عشان انا لسه في بداية الحمل. أروح بس ارتاح شوية واخد العلاج وهبقى كويسة
___________________________
مهاب وشمس رجعوا على القصر طول الطريق شمس بتبص على الطريق أو بتوهم مهاب انها بتبص من الشباك عشان مايلاحظش التعب على وشها. ويرجعوا تاني للدكتورة لان وقتها اكيد الدكتورة هتعملها فحوصات وتعرف إيه اللي عندها
نزلوا من العربية. مهاب لاحظ ان شمس مش قادرة تمشي وبدون اي كلام شالها وطلعها الجناح وطلب من الخدم يطلعوا الأكل.
مهاب أكل شمس بأيديه وبعد كدة اداها العلاج. ونيمها على السرير
شمس ما صدقت أنها نامت لأنها ماكنتش قادرة تحط عنيها في عينه مش قادرة تشوف حبيبها كدة. وهي حاسة بكل اللي هو فيه
مهاب كان تايه ضايع. مجروح حزين. بس في نفس الوقت بيفكر في رد فعل شمس من الكلام اللي قالهولها لأنها اندهشت واستغربت من كلامه.
@@@@@@@@@@@@@@
فات اسبوع كمان على الموقف دا
والنهاردة أول يوم في الدراسة. شمس ما صدقت ان الدراسة بدأت عشان تخرج من البيت وتقدر تروح للدكتور اللي متابع حالتها لأنها طول الاسبوعين اللي فاتوا ماعرفتش تروحله. ولما كلمته في التليفون طلب منها انها تروحله ضروري . لأن آخر مرة لما كانت هناك كل الفحوصات نتيجتها طلعت معادا الاشاعة. اللي اخدت وقت عن باقي الفحوصات وكمان شمس مشيت بسرعة بعد ما الدكتور طلب منها تجهض البيبي.
شمس بقت بعيدة عن رودي. و داليا مابقتش بتتكلم معاهم زي الأول طول النهار نايمة حتى لما داليا بتروحلها الجناح وتحاول تتكلم معاها. شمس بتقولها انها تعبانة ومحتاجة ترتاح. سهى و نوال بيقولوا إن دا من أعراض الحمل. والوحم وطبعا داليا و رودي صدقوا.واقتنعوا لأن شمس عمرها ماكنت بتتهرب منهم كدة
كل شئ من حواليهم بقى كئيب مابقتش حتى قادرة تعيط والوجع بيزيد وبتتحمل بس عشان اللي في بطنها بس مجرد مابتشوف مهاب والحالة اللي وصلها طاقتها بتقل. كل دا كتير فوق طاقة كل البشر
مهاب بيهتم بشمس بطريقة فوق العادي لكنه فقد الثقة في نفسه ودايما بيسأل نفسه لو كان الحمل دا من مارو كانت شمس هتبقى حزينة. طيب ليهرهي ماحبتهوش. وإيه اللي هو ممكن يعمله عشان يخليها تحبه
@@@@@@@@@@
في الجامعة وصلوا البنات ودخلوا الكافترية على ما ميعاد المحاضرة ما ييجي
رودي و داليا بيتكلموا عن عمر وأحمد. وأنهم بيغيروا جدا. ومتشددين شوية في علاقتهم
شمس بتفتكر مارو لما كان بيوصلها وأنها لأول مرة في حياتها تروح اول يوم دراسة لوحدها. وكمان بتفكر في طريقة عشان تخلع من المحاضرة وتروح للدكتور بتاعها
قاموا البنات ودخلوا المحاضرة الأولى وشمس دخلت معاهم. وبعد المحاضرة دي راحوا الكافترية ينتظروا المحاضرة التانية.
وبعد شوية
رودي / شمس. يا شمس
شمس بأنتباه / ايوة يا رودي في ايه
داليا / بقالنا ساعة بنقولك يلا عشان المحاضرة هتبدأ.
شمس / معلش ما اخدتش بالي.
رودي / ولا يهمك يا شوسي. يلا بقى عشان ندخل قبل ما الدكتور يدخل
شمس / طب بقولكوا إيه ادخلوا انتوا المحاضرة دي وانا هستناكوا هنا عشان انا حاسة اني دايخة شوية
داليا / حبيبتي طب خلاص يلا نروح ومش مهم المحاضرة دي
شمس / لاء ادخلوا انتوا الاتنين احضروا وماتقلقوش عليا انا تقعد هنا اشرب عصير على ما المحاضرة تخلص وانتي اكتبيلي المحاضرة اوكيه
رودي بقلق / متأكدة انك هتقدري تستني هنا ولا أفضل أنا معاكي و داليا تدخل المحاضرة وأحنا نبقى ننقلها منها
شمس / اووووف قولتلكوا ادخلوا بقى انا كويسة بس لو دخلت المحاضرة مش هركز أنا هستناكوا هنا. يلا ادخلوا
بعد الحاح شمس عليهم دخلوا المحاضرة وسابوها هي في الكافترية
بمجرد ما مشيوا شمس قامت وخرجت بسرعة وقفت تاكسي. وكانت بتتلفت حواليها خايفة يكون السواق اللي بيوصلهم شايفها
بعد ربع ساعة كانت في المستشفى عند الدكتور.
بمجرد ما دخلت عنده. الدكتور قام وقف
الدكتور / ايه يا بنتي مابترديش على تليفونك ليه وفين من ساعة ما كلمتك وقولتلك لازم تيجي
شمس بتوتر / آسفة يا دكتور غصب عني ماكنتش عارفة اخرج
الدكتور بهدوء / بصي يا بنتي انتي لازم تبقي مؤمنة. وترضي بقضاء ربنا وتأكدي انه هيعوضك خير بأذن الله
شمس / بص يا دكتور لو سمحت قول اللي عايز تقولهولي بدون مقدمات وماتقلقش أنا الحمد لله راضية بكل اللي ربنا كتبهولي
الدكتور / حيث كدة يبقى أنا هقولك اللي ضميري المهني يحتم عليا اني اقولهولك
أنتي لازم تعملي عملية اجهاض للجنين. لأنك لو اتمسكتي بيه واحتفظتي بالحمل احتمال كبير انك ماتكمليش الحمل. لأن قلبك ضعيف وأنتي محتاجة عملية في القلب وممكن ماتوصليش للشهر السابع حتى.
شمس بهدوء شديد / وبعدين لو نزلت الحمل ايه اللي هيحصل
الدكتور بأستغراب إنها لسه متماسكة ومش باين عليها خوف من الكلام اللي قاله / بعد ما تجهضي هتبتدي تاخدي أدوية لفترة معينة عشان نعالج عضلات القلب وبعدها هتعملي العملية.
شمس / وبعد العملية إيه اللي هيحصل
الدكتور / أن شاء الله لو العملية نجحت هتعيشي حياتك طبيعي جدا وتقدري تحملي وتخلفي عادي جدا
شمس بجمود / ولو العملية مانجحتش
الدكتور / خلي عندك امل في ربنا ان شاء الله هتنجح
شمس / نسبة نجاح العملية كام في المية
الدكتور / انا ماقدرش احدد النسبة دلوقتي لازم بعد ماتجهضي وتاخدي الأدوية اللي مفروض كنتي بتاخديها قبل الحمل
شمس / ولو انا ما اجهضتش
الدكتور / ما ينفعش لازم تجهضي صدقيني نسبة انك تكملي فترة الحمل ضعيفة جدا
شمس بأبتسامة مكسورة / بص يا دكتور انا طول عمري راضية بكل شئ وبحمد ربنا على كل اللي انا فيه. ومسألة الحياة والموت بأيده هو
ولو انا مكتوبلي أكمل الحمل واللي في بطني يعيش دا اللي هيحصل
ولو مكتوبلي أموت انا وهو يبقى دي ارادة ربنا. وأنا برضوه مش معترضة
الدكتور بأنفعال/ انتي بتقولي إيه بقولك ما ينفعش لازم تجهضي
شمس بهدوء / لو اجهضت البيبي واخدت الأدوية تضمنلي اني اعمل العملية وتنجح وأعيش
الدكتور / يا بنتي الحاجات دي بتاعة ربنا وأنا مادخلتش في علم الغيب والأعمار بيد الله
شمس / بس هو دا المفيد كله بأيد ربنا والاعمار بيد الله يبقى أنا سلمت أمري لله. هو حسبي و وكيلي
( شمس قامت وقفت ومدت ايديها تسلم على الدكتور )
شكرا لحضرتك أنت عملت معايا اللي ابويا معملهوش وأنا بدعي ربنا انه يحافظ على أولادك ويباركلك في حياتك. عن إذن حضرتك
الدكتور بأسف / لو احتجتي اي حاجة انا موجود يا بنتي ولو رجعتي في قرارك اتصلي بيا فورا.
شمس / شكرا عن اذنك
@@@@@@@@@@@@@@@@@@@
شمس خرجت من المستشفى ركبت تاكسي ورجعت الجامعة تاني وكانت لسه المحاضرة باقي عليها نص ساعة عشان تخلص وصحابها يرجعولها الكافترية
قعدت بتفتكر كل احداث حياتها والأوقات اللي مرت بيها. أمتى فرحت وامتى زعلت.
ابتدت تتخنق وكأنها بتغرق في بحور الأحزان مافيش في حياتها فرحة كملت ابدا كله ألم وجع حزن جرح هم
افتكرت لما كانت بتشوف زمايلها و معاهم أهلهم أبوهم او أمهم. وهي كان بيبقى معاها مروان. عشان يعوضها عنهم
افتكرت لما حتى كانت بتطلع الاولى على المدرسة. ويعملولها حفلة تكريم وماحدش كان بيحضرها غير مروان مع ان زمايلها اللي اقل منها معاهم أهلهم
افتكرته لما كان بيشيل أختها أو يلاعبها ولا يشترلها حاجة وهي بيتجاهلها. حتى العدية في العيد كان بيديها لمراته تدهالها
افتكرت لما سمعته وهو بيقول انه بيكرهها وأن هي نحس يوم ما اتولدت أمها ماتت. وافتكرت مروان اللي مات بين ايديها. وافتكرت مهاب اللي بيحبها اكتر من نفسه وهي بتأذيه وتبعد عنه افتكرت لما الدكتور قالها على مرضها ومنعها حتى من الضحك أو العياط. وافتكرت لما عرفت انها حامل ولما راحت للدكتور وقالها الحمل دا لازم ينتهي. وافتكرت كلام الدكتور اللي لسه قايلهولها
مهلا هي مش بتفتكر هي اساسا مانسيتش اي حاجة من دول. هي بس رجعت بالذاكرة لورا كأنها بتعيشهم من أول وجديد.
وقالت لنفسها انها حتى لو ماتت دلوقتي دا الاحسن ليها لأنها خلاص معندهاش طاقة تتحمل حاجة تانية أوي تعيش جراح وهموم مرة تانية
رودي و داليا. رجعولها تاني
رودي بمرح / ها يا ست شوسي أخبار الدوخة ايه دلوقتي
شمس بأبتسامة / الحمد لله كويسة.
داليا بفرحة / ياختيييي ازغرط بقالك اد ايه حرمانا من الابتسامة دي بقى
شمس / معلش بقى يا دودي أعمل أنا ايه يعني غصب عني
رودي / انا دلوقتي بس صدقت أن هرمونات الحمل متغيرة ومتقلبة.
شمس / طب كويس انك صدقتي حاجة لحسن انتي بت رخمة أوي
رودي / رخمة أنا رخمة. حرام عليكي دا انا كيوت خالص
داليا / اه ماهو باين بأمارة دكتور احمد اللي انتي مطلعة عنيه
رودي / حوشي يا بت انتي اللي ملاك مع الدكتور عمر دا الراجل خلاص بقى ماشي يكلم نفسه
قبل ما داليا ترد كانت شمس ردت / ممكن تأجلوا فقرة الردح دي لوقت تاني ويلا عشان نروح
داليا / اه يلا لحسن انا فصلت وجوعت أوي
رودي / روحوا انتوا بقى انا هروح المكتبة. ونبقى نتقابل بكرة يا مزز
@@@@@@@@@@@@@@@@
شمس و داليا رجعوا القصر واتغدوا. وبعد كدة شمس طلعت ترتاح شوية
قعدت وهي بتفكر في مهاب يا ترى توضحله علاقتها بمروان كانت ازاي ولا لاء.
شمس بتحسس على بطنها وبتكلم اللي في بطنها / أنا حاسة انك بنت مش عارفة اقولك ايه. خايفة اتمنى اني اعيش لحد ما اولدك يبقى مصيرك زي مصيري. وخايفة اتمنى اننا نموت سوا يبقى حرام عليا. بس كل اللي هقولهولك حاجة واحدة. أنتي لو عيشتي هتبقي أحسن مني مليون مرة لأن عندك بابا حنين اوى ومافيش زيه في الدنيا كلها. وعمره ماهيكون زي ابويا أبدا.
تعرفى كان نفسي اعيش واخلفك واربيكي واكبرك واسميكي قمر. عشان تبقي قمر بنت شمس بنت قمر
وعشان مهاب يبقى عنده الشمس وكمان القمر
مهاب قاطع حديث شمس ودخل وهي قاعدة على السرير
مهاب وهو بيخلع جاكتة بدلته والجزمة / عملتي إيه في الجامعة النهاردة
شمس / الحمد لله تمام
مهاب / خلي بالك من نفسك ومن اللي في بطنك. انا مارضيتش امنعك انك تروحي الجامعة عشان ماتزعليش بس ياريت انتي ماتخلنيش أندم على قراري ده
شمس / اطمن. هخلي بالي من اللي في بطني كويس وههتم بيه
مهاب راح قعد جنبها على السرير وحضن وشها لكفوف ايديه / وخلي بالك من نفسك اهم شئ يا شمس. زي ما اللي في بطنك مهم عندي أنتي كمان مهمة ويمكن اهم منه
شمس بصت في عيون مهاب اللي ظاهر فيها حزن كبير ومع ذلك بيهتم بيها ويتكلم معاها كويس
شمس اتكلم من غير ما تحس بالكلام اللي هي بتقوله / عارف وأنا صغيرة. لما كنت بقع وأنا ماشية ماكنتش بنادي يا ماما ولا بابا زي كل الاطفال لا كنت بنادي يا مارو
عارف انه بالنسبة ليا ماكنش ابن عمي لاء هو اللي مربيني كان سندي وظهري كان ابويا وامي كان ليا كل حاجة. عمري ماخبيت عنه اي حاجة في حياتي. ولا مرة خوفت منه كان دايما هو اماني
مهاب بيسمع شمس وكل كلمة هي بتقولها كأنها سكينة بتتغرز في قلبه. حبيبته بتوصف حبها لشخص تاني. يمكن لو كان الشخص دا عايش كان هو قتله
شمس بتكمل كلامها / حب مارو في قلبي أكبر من حب الأب والأم والأخ. لان هو كان كل دول فاهم يا مهاب انا قصدي ايه ابويا وامي واخويا
مهاب بأستغراب / قصدك ايه يا شمس إن
شمس / ايوة زي ما أنا أول حب في حياتك انت اول حب في حياتي. وزي ما انت حبيتني من اول نظرة أنا كمان حبيتك من اول نظرة أول ماعيني جت في عنيك سرقت قلبي وعقلي
تعرف أن مارو هو اللي قالي ان الإحساس اللي حسيته يوم ماشوفتك مارو هو اللي قالي ان دا حب
مهاب بدهشة وفرحة / انتي بتقولي إيه يعني . يعني ماكنش في بينك وبينه حاجة
شمس بأبتسامة حزينة / لا طبعا كان فيه
كان في حب أكبر من اي حب في الدنيا
حب الأبوة الأخوة البنوة. كان معوضني عن كل حاجة في حياتي وبيهون عليا وجعي من اللي حواليا
مهاب حضن شمس جامد وفرحته حاليا ماحدش يقدر يوصفها حب عمره طلعت ملكه هو بس حبيته زي ماحبها عشقته زي ماعشقها.مافيش حد في قلبها غيره
شمس وهي في حضن مهاب / مصدقني يا مهاب
مهاب بفرحة شديدة / مصدقك يا عيون مهاب وروح مهاب. انا بموت فيكي. بعشقك أنتي ماتعرفيش أنا حاسس بأيه دلوقتي
شمس غمضت عنيها وهي في حضنه ونفسها تفضل في الحضن دا علطول هي حكيتله حقيقة علاقتها بمروان عشان مش قادرة تشوف النظرات اللي في عنيه دي. لكن هي برضوه مش عايزاه يتألم بعد فراقها لان هي اكتر واحدة عارفة يعني ايه فراق
شمس بعدت عن حضن مهاب وبتحاول تهدي نفسها وتتكلم ببرود وتخفي مشاعرها / أنا حكيتلك كل حاجة عشان ماترجعش تفتح الموضوع دا معايا تاني. ممكن بقى تسيبني أنام عشان انا تعبانة
مهاب بقلق / مالك يا شمسي فيكي ايه اطلبلك الدكتور
شمس / لاء مش كل ما اقولك تعبانة تقولي كدة. قولتلك دا طبيعي في الحمل انا بس عايزة ارتاح
مهاب بحنية / شمس هو انتي لسه زعلانة بسبب الحمل يا حبيبتي
شمس تعبت من الكلام خلاص جابت اخيرها مش هتقدر تكمل حوارها معاه / لو سمحت سيبني أنام. مش قادرة اتكلم كتير.
مهاب / طب يا حبيبتي هسيبك ترتاحي شوية ونتكلم بعدين. بس ماتناميش قبل العشا استني لما تتعشي وبعدين نامي براحتك
شمس / انا اكلت من شوية واخدت الدوا. مش هقدر اكول تاني سيبني أنام محتاجة أنام وبس
مهاب اتنهد وقام وسابها
شمس استسلمت للنوم عشان تهرب بيه من كل حاجة
__________________________________
شمس صحيت الصبح لقيت نفسها نايمة في حضن مهاب ياااه اد ايه وحشها إنها تنام في حضنه. من اسبوعين وهو بينام بعيد عنها حضنه وحشها أوي شمس بتبص على مهاب وهو نايم وعلى ملامحه وقالت بينها وبين نفسها / أنت الحاجة الوحيدة اللي الدنيا نصفتني فيها واديتهالي
مهاب ابتدا يصحا ويفتح عنيه
مهاب قربها له بزراعه اللي تحت رأسها / اجمل صباح على عيون شمسي
شمس ببرود / صباح الخير
مهاب / تعرفي انك وحشتيني أوي وكنت كل يوم وأنتي نايمة اقعد جنبك وابص عليكي. رغم اني كنت زعلان منك لكن ماكنتش قادر على بُعدك
شمس لنفسها / لازم تتعود على بُعدي يا مهاب لأن هو دا قدرنا
مهاب لاحظ شرودها/ حبيبتي سرحانه في ايه
شمس / ولا حاجة انا هقوم عشان البس
مهاب / بس لسه بدري يا حبيبتي على الجامعة
شمس وهي بتقوم من حضنه / ما انا مش رايحة الجامعة أنا هروح عند عمي النهاردة عشان كلمني امبارح وزعلان مني هو ومرات عمي
مهاب بأبتسامة / خلاص يا حبيبتي اجهزي وأنا هوصلك لهناك
شمس / لا مافيش داعي خليك وبعدين انا لسه هفوت على المقابر قبل ما اروحلهم
مهاب / مش مشكلة هروح برضوه معاكي المقابر
شمس / أنا مابحبش حد ييجي معايا المقابر بحب اروح لوحدي. عن اذنك تدخل الحمام اغير هدومي
شمس ما استنتش حتى تسمع رد مهاب. وهو مستغرب جدا من طريقتها واسلوبها وحاسس أن في حاجة غلط وأنها مخبية عليه حاجة وحاجة كبيرة كمان
@@@@@@@@@@@@@@@@
شمس راحت المقابر وقعدة أدام القبر وبتكلم مروان
شمس / شوفت يا مروان مهاب كان فاكر اننا كنا بنحب بعض ومتفقين على الجواز مايعرفش أن اللي كان بينا كان اكبر من كدة بكتير
بس ماتقلقش أنا قولتله كل حاجة. مع اني ماكنتش عايزة اقوله بس ماقدرتش اشوفه كدة وكمان بصراحة انا محتاجة لحضنه الأيام دي أوي
( في اللحظة دي كان وصل عاصم للقبر عشان يزور مراته قبل ما يروح الشغل. بس لما شاف شمس وسمعها وهي بتتكلم قال يسيبها تتكلم براحتها شوية. وهو استخبى بعيد عنها شوية لكن كان سامع كل كلامها )
شمس دموعها بتنزل / خلاص يا ماما ميعاد لقائنا قرب. هانت.كلها مدة قليلة وهكون عندك واشوفك. واشوف مارو كمان لانه وحشني أوي وأنتي كمان نفسي اشوفك وتضميني. وتحسسيني بالامومة اللي اتحرمت منها
واحتمال ماجلكوش لوحدي ممكن يكون معايا بنتي أيوة أنتي موتي بعد ماجبتيني الدنيا لكن انا احتمال اموت قبل ما اللي في بطني يشوف النور
انا حاسة انها بنت.نفسي تعيش يا ماما وتشوف الدنيا
بس كمان قلقانة عليها اوي. تعرفي أنا مبسوطة اني هموت. ومش هقتل بنتي عشان انا هعيش لأني اصلا مش عايزة أعيش
انا تعبانة اوي بموت بالبطيئ يا ترى أنتي كمان كنتي بتتألمي كدة زي ما انا بتألم
مارو ياريتك كنت موجود دلوقتي معايا كنت هتهون عليا كتير اوي بس خلاص انا هجيلك هسيب الدنيا الظالمة دي واجيلك مش هعيش فيها تاني. دي وجعتني اوى. خلاص حتى احساسي بالحب بقى بيموت مش شايفه حاجة في الدنيا حلوة مش عايزة منها فرح خلاص انا رضيت بنصيبي بس ياريت هي تسيبني أمشي منها بسلام. انا دلوقتي بشوف أسود أيام حياتي
كل مرة كنت بتوجع فيها كنت بقول دا اسوء يوم في عمري. لكن كل ما بعيش اكتر بشوف اسوء اكتر
ظلت شمس تحكي وتتكلم وتبكي. لكن بكائها هادئ. بمعنى دموع تنزل بصمت وبتتكلم بهدوء
أما عاصم فهو بيسمع بصدمة بذهول ومن صدمته واقف مكانه مش عارف يعمل ايه يجري يحضن بنته ولا يعمل ايه بالظبط
شمس خلصت وخرجت من بين القبور كان السواق مستنيها برة عشان يوصلها لبيت عمها
@@@@@@@@@@@@@@@@
عاصم بعد ما شمس مشيت أنهار على الارض وبقى يصرخ. ويبكي بنته الحاجة اللي بقياله من ريحة حبيبته هتسيبه زي ما حبيبته سابته
بينته اللي ولا يوم اخدها في حضنه زي اي أب. هتموت وبنفس الطريقة اللي مراته ماتت بيها
عاصم قام بسرعة من الأرض وخرج من القبور ومسح دموعها وركب تاكسي وطلب منه يطلع على شركة العدلي. وطبعا. هذا الاسم غني عن التعريف
راح الأول على فرع من الشركة قالوله إنه موجود في الفرع التاني
خرج وراح بسرعة على الفرع التاني
ودخل بعد تحقيقات كتير من أمن الشركة. كان مهاب لسه واصل يدوبك الشركة وقالهم إنه عاصم المصري وطلب منهم يعرفوه بس بالاسم
وفعلا السكرتيرة قالت لمهاب وهو استغرب من زيارته. وطلب من السكرتيرة تسيبه في الانتظار شوية وبعد كدة تدخله
وبعد نص ساعة السكرتيرة دخلت عاصم لمهاب
عاصم اول ما دخل عند مهاب جري عليه كان مهاب قاعد علي كرسي مكتبه وهو بيحاول يبوس ايده
عاصم برجاء / ابوس ايدك انقذ بنتي ماتسيبهاش تموت أرجوك
مهاب قام وقف. ووقفه هو كمان / أنت بتتكلم عن مين بالظبط في ايه
عاصم / شمس. شمس هتموت
مهاب بقلق/ أزاي دا لسه السواق مكلمني وبلغني إنها وصلت بيت عمها
عاصم / شمس هتموت دي حامل ومريضة بالقلب. هتموت زي ما امها ماتت انا بنفسي سمعتها في المقابر وهي بتتكلم مع أمها
عاصم حكى كل الكلام اللي سمع شمس بتقوله
مهاب بمجرد ما عاصم خلص كلامه خرج بسرعة من مكتبه بس قبل ما يخرج قال لعاصم
مهاب / شمس مش هتسيبني فاهم مش هتسيبني والكلام دا اكيد فيه غلط
مهاب ركب عربيته وهو اللي بيسوق رفض أن السواق يكون معاه
كان رايح لشمس عند عمها عشان يواجهها بالكلام دا لكن فضل يفكر في معاملتها اللي اتغيرت. وحزنها اللي علطول باين في عنيها
راح على القصر وطلع الجناح بتاعه. وبدأ يفتش في هدومها وشنط اليد بتاعتها ومالقاش اي حاجة. وقرر أنه هيروحلها ويواجهها وياخدها عند اكبر دكاترة في مصر
لكن قبل ما يخرج شاف ورقة من اللي كانوا في شنطة من شنطها مكتوب عليها اسم مستشفى ورقم تليفون دكتور
مهاب اخدها وكلم الدكتور علي الرقم دا وقاله انه محتاج يقابله في حالة مستعجلة
الدكتور وصفله عنوان المستشفى مهاب خرج وطار على العنوان اللي الدكتور وصفهوله
مهاب قابل الدكتور وضغط عليه بكل الطرق. عشان يكلمه والدكتور ماصدق إنه شافه لأنه كان بيحاول يوصله عشان يقنع شمس تغير رأيها
الدكتور حكى لمهاب على حالتها بالتفصيل. وكل حاجة عن حالتها وطلب منه يقنع شمس بأي طريقة تعمل عملية الاجهاض لأن كل مابيمر وقت اكتر كل ما حالتها بتسوء اكتر والوضع بيبقى صعب
مهاب خرج من عند الدكتور تايه موجوع. حبيبته هتسيبه كل اللي بيفكر فيه. أنه مش هيسيب الموت ياخدها منه
مهاب قرر انه يعمل خطة واتصل بأحدى أكبر المستشفيات في البلد وطلب من الدكتور اللي كان متابع حالة شمس إنه يسبقه على هناك عشان يشرح للدكاترة اللي هيعملوا عملية الاجهاض حالة شمس بالتفصيل. ( لأن الدكتور. دكتور صدر وقلب مش نسا )
______________________
مهاب أخد شمس من بيت عمها وركبوا العربية وسط صمت فظيع
شمس / أنت مش مفروض تكون في الشركة دلوقتي
مهاب بجمود / لا ما انا اخدت إجازة النهاردة عشان اجيلك
شمس ببرود / وجيت ليه انا مش قولتلك هقضي اليوم عند عمي النهاردة وبعدين كنت بعت السواق هو وصلني
مهاب بهدوء / أصلي عايز اخدك ونروح للدكتورة عشان نطمن على البيبي عشان انا قلقان
شمس قلقت وقلبها مقبوض ومش مرتاحة لكن هي طمنت نفسها أن مهاب مايعرفش اي حاجة خالص عن حالتها
وصل
