رواية( شمس وسط الظلام) البارت(41)و(42)بقلم :- أسماء أبوشادي
___________________________
شمس / أيوة أنا بحبك اكتر ما بتحبني أنا مجنونة بيك. وهفضل أحبك لآخر لحظة في عمري بس بس
مهاب بهدوء / بس ايه يا حبيبتي كملي انا سامعك ماتعرفيش أنا حاسس بايه دلوقتي أنا اسعد انسان في الكون أنا بحبك بحبك بحبك وصدقيني حبي ليكي اكبر من اي حاجة في الكون
شمس بتحاول تكون قوية / مهاب لو بتحبني سيبني. ابعد عني
مهاب بصدمة / ايه. أنتي بتقولي إيه
شمس نبضات قلبها بقت سريعة وقوية وصوتها بقى مهزوز / أرجوك. ابعد عني سيبني في حالي طل طل. أرجوك ابعد عني
مهاب / ايه مش قادرة تقوليها عايزاها بس مش عايزة تقوليها
شمس دموعها نزلت على خدودها/ أرجوك يا مهاب ابعد عني. وحياة أغلى حاجة عنك أطلع من حياتي كلها
مهاب مسك شمس من كتفها وبقى يهزها بقوة وهو في حالة ذهول من حالتها وصدمة من طلبها / انتي بتقولي ايه عايزاني ابعد عنك بتحلفيني باغلى حاجة عندي. ماتعرفيش انك انتي أغلى ماعندي أنتي ازاي قدرتي تطلبي مني كدة وازاي بتحبيني وازاي عايزة تسيبيني
شمس ببكاء / أيوة بحبك. بس مش هينفع نفضل مع بعض. صدقني هتفضل تعاني طول عمرك لو فضلت معايا انا منحوسة يا مهاب افهم لازم تبعد عني أيوة انا منحوسة. ابويا كان معاه حق أنا نحس
يوم ما اتولدت أمي ماتت. وأي فرح مابيدومش في حياتي ومروان اللي كان أغلى حاجة في حياتي مات. وبنتي اللي طول عمري بتمنى اني اتجوز واخلفها ماتت حتى قبل ما اشوفها.
وأنت لو فضلت في حياتي هخسرك وأنا مش هقدر اخسرك. وكمان لو فضلنا مع بعض هتبقى تعيس زيي. أنا عمري ما هفرح يا مهاب عمري ما هفرح
مهاب بصوت عالي / بس ماتعيطيش. أنا مش هسيبك أبدا وأنتي هتعملي العملية وبعدها هتبقي احلى ام في الكون وهتفرحي
( مهاب ضم راسها لصدره جامد ) هتفرحي أوعدك ان عمرك ما هتتوجعي تاني ابدا ولا هتزعلي هتعيشي طول عمرك مبسوطة وسعيدة مش هسمحلك تبكي ابدا
شمس بانهيار وهي في حضنه / مستحيل . دا مش هيحصل أبدا أنا مش هفرح طول عمري أنا هفضل تعيسة علطول هعيش واموت وأنا تعيسة. سيبني يا مهاب لو بتحبني سيبني
شمس سكتت مرة واحدة. وقلبها بقى يدق بوجع وينبض بقوة و لون وشها بقى اصفر وشفايفها بدأت تزرق
مهاب حس بنبضات قلبها وهي في حضنه. لأن جسمها بيتنفض مع الدقات
مهاب بفزع / شمس. شمس فيكي ايه . اتكلمي ردي عليا مالك يا شمس
مهاب شالها بسرعة وخرج برة. كان عمها ومرات عمها بس اللي موجودين واتخضوا لما شافوا شمس بالمنظر دا وهو شايلها لكن هو ما اهتمش بيهم وخرج بسرعة على العربية
مهاب بصوت كالرعد للحرس/ حد فيكوا يفتح العربية يا غبي أنت وهو. بسرعععععععة
مهاب حط شمس في الكرسي اللي ادام ولف ركب أمام عجلت القيادة وطار بالعربية وماكنش مهتم بالناس اللي ماشية في الشارع ولا الحاجات اللي كان هيخبطها
كل 5 ثواني يبص على شمس. اللي شكلها كأنها بتحتضر. ويرجع يبص على الطريق تاني اللي مش مركز فيه اساسا طلع تليفونه من جيبه واتصل بالدكتور.( زكريا ) اللي شمس كانت متابعة معاه وأول ما الدكتور فتح الخط مهاب زعق بأعلى صوت للدكتور. وقاله ان شمس بتموت الدكتور طلب منه يجيبها على المستشفى. وهو هيكون بانتظاره
مهاب بدموع وهو بيبص لشمس / ماتخافيش يا حبيبتي خلاص قربنا نوصل 5 دقايق بس وهنكون في المستشفى
أخيرا شمس نبضات قلبها هديت وبدأ الوجع يقل بالتدريج
شمس بصوت ضعيف / مهاب خفف السرعة شوية انا بقيت كويسة.
مهاب بصلها وهو لسه مفزوع و مرعوب من الحالة اللي شافها فيها / اتكلمي يا شمس ماتسكوتيش عايزك تفضلي تتكلمي لحد مانوصل المستشفى
شمس بتنهيدة وجع / اطمن يا حبيب العمر. أنا بقيت كويسة دا وجع بييجي شوية وبيمشي
مهاب بدموع وهو لسه بيسوق / ما ينفعش تتوجعي ولا لحظة واحدة ماقدرش اشوفك بتتوجعي
شمس بدموع علشان شافت دموع حبيبها / دا نصيبي يا مهاب. قدري هو انتي اتوجع طول عمري. ولو مش عايز تزيد وجعي يبقى ابعد عني. أنا ماقدرش اشوفك بتبكي عشاني ولا اقدر اشوفك ضعيف كدة
مهاب مسح دموعه وماردش عليها و وصلوا المستشفى.
بعد ما الدكتور كشف على شمس وعملها رسم قلب عشان يشوف سرعة النبضات وقوتها
الدكتور بأبتسامة / الحمد لله انتي حالتك اتحسنت عن الأول شوية
مهاب بصوت عالي/ أزاي اتحسنت بقولك من شوية
قاطعه الدكتور / عارف حضرتك عايز تقول ايه. الحالة اللي كانت فيها قبل ماتوصلوا هنا وعارف الاعراض كمان
مهاب بعصبية / ولما حضرتك عارف ليه ماتمنعش الحالة دى انها تجيلها وماتديهاش دوا يمنع الوجع دا
الدكتور / الوجع دا ملهوش مسكن. وطبيعي جدا تحس بيه لما بتعرض قلبها لمجهود وضغط فوق طاقتها
هي بأيديها تمنع الحالة دي. بأنها ماتضحكش جامد اوي وماتبكيش كتير ماتتوترش ماتزعلش. ولا
شمس كملت بأبتسامة مكسورة / ولا افرح
ماتقلقش يا دكتور مش هفرح مابقاش فيه فالدنيا حاجة تفرحني لدرجة أن قلبي يدقلها جامد
مهاب بحزم / دكتور تعالى أنا عايز اتكلم مع حضرتك برة شوية
الدكتور قام مع مهاب وخرجوا من مكتبه
مهاب بهدوء / هي ممكن تعمل العملية امتى
الدكتور / بص حضرتك هي الدوا والعلاج اللي بتاخده حالياً بيعمل نتيجة مع عضلات القلب وإن شاء الله ممكن نقدر نعمل العملية بعد شهر
مهاب / أنا هسفرها برة تعمل العملية في اكبر مستشفى في العالم
الدكتور / حضرتك أخدت تقارير حالتها مني وعرضتها على الدكاترة اللي برة. وشوفت بنفسك ان النتيجة كانت زي ما أنا قولتلك وهي لو انتظمت على العلاج العملية هتبقى سهلة أوي ومش هتحتاج لسفر برة. بس لو حضرتك مصمم تسفرها برة براحتك دا قرارك
@@@@@@@@@@@@@@@@
في أحد المطاعم الفاخرة
عمر / ها لسه ماخلصتيش أكل. بقالك ساعة بتاكلي
داليا بزعل مصطنع / هو انت متضايق عشان باكل كتير ومش عايزني اكول اشبع
عمر بهدوء / يا بنتي انا قولت كدة أنتي اساسا مابتكليش دا انتي بتقلبي في الطبق وبتكلي ببرود وبطئ
داليا / الله ماتسيبني اكول براحتي أنا مابحبش اتسربع في الأكل
عمر بملل / انتي بقالك ساعة بتاكلي ومش عايزة تخلصي يا داليا وانا مش فاضيلك
داليا سابت الأكل واتكلمت بضيق / خلاص يا عمر أمشي وأنا هتصل بالسواق يرجع عشان يوصلني
عمر بغضب / داليا أنا مش عايز تلاكيك أنتي طلبتي مني اعزمك على الغدا عزمتك وقاعدين بقالنا ساعة وأنا لازم اروح لبابا الشركة عشان في شغل ضروري
داليا / عمر احنا في مكان عام وأنا طلبت منك مليون مرة قبل كدة ماتكلمنيش بالأسلوب دا. وقولتلك أمشي وشوف وراك ايه وانا هتصل بالسواق يروحني
عمر / انتي جيتي معايا واتصلتي بأبوكي قولتيله اني انا هوصلك البيت يبقى أنا اللي هوصلك زي ماجيبتك
داليا قامت وقفت بضيق/ يلا يا عمر انا الحمد لله شبعت
عمر تأفف ودفع الحساب ومسكها من ايديها وخرج من المطعم
داليا كانت هتشد ايديها من ايده لكن افتكرت انها وعدت شمس إنها هتصالحه النهاردة
ركبوا العربية وبعد شوية داليا لاحظت ان دا مش طريق القصر بتاعهم
داليا بأستغراب / ايه دا احنا رايحين فين دا مش طريق بيتنا
عمر بأقتضاب / هروح الشركة الأول وبعدين هبقى اوصلك
داليا بضيق / ما قولتلك اتصل بالزفت ييجي يروحني طلاما حضرتك مش فاضيلي
عمر بهدوء/ ممكن تسكتي شوية عشان انا مصدع
داليا سكتت خالص وبتحاول ماتتعصبش عشان الموضوع مايكبرش اكتر
بعد شوية وصلوا لشركة ابو عمر. وعمر نزل من العربية لكن داليا مانزلتش فبصلها وسألها بأستغراب / مانزلتيش ليه
داليا بأقتضاب / هستناك هنا في العربية
عمر راح فتحلها باب العربية / انزلي يا داليا اخلصي أنا مش عارف أنا هأخر فوق ولا لاء ومش معقولة هسيبك قاعدة في العربية كل ده
داليا نزلت من العربية وهو مسك ايديها ودخل الشركة. والكل بيحييه من اول الأمن للموظفين اللي بيقبلوه.
ركبوا الأسانسير عشان يطلع لمكتب أبوه
داليا / هو انت هتفضل ماسكني من ايدي كدة زي الأطفال سيب ايدي بقى
عمر شدها عليه وقربها منه جامد لا يفصل بينهم سوى سنتيمتر واحد بس/ وبعدين معاكي
داليا بتحاول تبعد عنه لكن هو ماسكها من ظهرها ومقربها منه جامد ومش عارفة تتحرك خالص
داليا بتوتر / عمر سيبني ما ينفعش اللي انت بتعمله ده
عمر بهدوء/ يعني اللي انتي بتعمليه هو اللي ينفع
داليا بتوتر / انا أنا ماعملتش حاجة والله
عمر / وبتحلفي كمان. ماشي يا داليا لما اخلص بس ونمشي من هنا
عمر بعد عنها قبل ما الأسانسير يوصل بثواني دخلوا مكتب أبوه اللي سلم علي داليا برحابة شديدة.
وبعد نص ساعة داليا كانت قاعدة علي جنب في ملل عمر قالها يلا ومسكها من ايديها برضوه واخدها وخرجوا من مكتب ابوه وركبوا الأسانسير عشان ينزلوا بس عمر لاحظ أن ايد داليا بتترعش بين ايديه
عمر بأستغراب / مالك يا داليا
داليا بتوتر / ما ماليش
عمر قرب عليها / أومال ايدك بتترعش ليه
داليا بخوف / انا والله ما عملت حاجة ومش فاهمه انت كنت بتتكلم عن ايه
عمر ضغط على أحد ازرار الأسانسير خلاه يقف بيهم وقرب عليها اكتر / داليا أنتي خايفة مني
داليا بتوتر ملحوظ/ اه. ل لاء مش خايفة
عمر حاوطها بزراعه عشان يقربها منه داليا حطت ايديها عاش شفايفها بسرعة
عمر بأستغراب / داليا أنتي بتعملي كدة ليه
( ماردتش عليه وفضلت حاطة ايديها ) داليا شيلي ايدك و كلميني زي مابكلمك
داليا اتكلمت وهي لسه حاطة ايديها على بؤها/ عمر أرجوك روحني ونبقى نتكلم بعدين
عمر شال ايديها من على بؤها بعصبية / هو في ايه بالظبط انتي مالك كدة
داليا عنيها دمعت وبصت في الأرض ومارتش عليه
وعمر بعد عنها وضغط على ازرار الأسانسير تاني عشان ينزل بيهم. وبعد شوية كانوا خرجوا من الشركة و ركبوا العربية عمر ساق العربية بسرعة كبيرة وهو متعصب و داليا بتزيد في العياط. عمر وقف بالعربية في حتة هادية على الطريق قبل قصرهم بشوية
عمر بهدوء / ممكن افهم أنتي بتعيطي دلوقتي ليه
داليا مسحت دموعها بايديها واتكلمت بطريقة طفوليه/ انا مابعيطش
عمر بيحاول يتمالك اعصابه / يا داليا ارجوكي. اتكلمي انا جيبت اخري معاكي طلبتي مني اقابلك واعزمك على الغدا عزمتك. اتضايقتي عشان استعجلتك وأحنا في المطعم. قولت خلاص اخدك معايا الشركة وبعدين اخرجك تاني مع انك ماقولتيهاش صريحة انك عايزة تفضلي معايا لكن انا فهمتك واخدتك معايا عشان ارضيكي إنما دلوقتي أنا مش فاهمك
داليا / أنا فعلا كنت عايزاك تفضل معايا. عشان نتصالح سوا لكن انت ضايقتني لما قولتلي أنا مش فاضيلك
عمر / طيب واحنا فى الشركة ايدك كانت بتترعش ليه وخوفتي مني بشكل دا وحطيتي ايدك على بؤك ليه
داليا بتوتر / م ما انت اللي خوفتني لما قولتلي لما اني عملت حاجة وقولتلي لما نمشي من هنا
عمر بهدوء / أنا قصدي لما نمشي من الشركة هنتكلم واعاتبك على الفترة اللي بعدتي عني فيها وأظن ان دا مايستحقش الخوف دا كله
داليا / انا افتكرتك هت. هتعمل معايا زي ما عملت قبل كدة
عمر بأستغراب / نعم. وأنا عملتلك إيه قبل كدة يخليكي تخافي مني بالشكل ده
داليا وشها احمر وبصت في الأرض
عمر / ما تردي يا داليا أنا عملت ايه يخوفك بالشكل دا
داليا بخجل / أنت بوستني جامد
عمر بدهشة / يعني انتي لما حطيتي ايدك كدة خوفتي اني اكررها تاني خوفتي مني يا داليا
داليا هزت دماغها بمعنى اه
عمر / حبيبتي أنا قولتلك اني مش هعمل كدة تاني ليه بتخافي مني يا أميرتي دا انا عمر حبيبك وخطيبك وهبقى جوزك
داليا اتكثفت و بصت للجهه التانية
عمر بأبتسامة / بموت فيكي لما بتتكثفي شكلك بيبقى كيوت أوي
داليا / بس بقى يا عمر بطل رخامة
عمر / انا دلوقتي بس عرفت ليه كل ما حاول اقرب منك أو ابوسك تبعدي عني بسرعة
داليا بتوتر / ما ماهو انت السبب
عمر قرب عليها / طيب انتي دلوقتي مش غلطتي لما بعدتي عني شهر بحاله ولا لاء
داليا / غلطت بس غصب عني. انت عارف شمس بالنسبالي إيه وكان صعب عليا اشوفها بالحالة دي
عمر / حبيبتي انا مقدر موقفك بس انتي بالغتي أوي في رد فعلك. وبعدين انا عمري ما طلبت منك تبعدي عن صحابك. وشمس هي اللي كانت قاصدة تخبي موضوع مرضها عن الكل
داليا بتنهيدة / الحمد لله ان احنا عرفنا قبل ما حالتها تسوء اكتر
عمر / طيب مش هتصلحيني بقى
داليا بأستغراب / اومال أنا بعمل ايه دلوقتي
عمر بطريقة طفولية / لاء أنا ماليش دعوة أنا عايز بوسة
داليا بشهقة / أنت بتقول ايه يا عمر أنت لسه بتقول مش هتعمل كدة تاني
عمر برومانسية / حبيبتي ماتخفيش أنا بوعدك ان البوسة دي مش هتتكرر تاني بس لو ماصلحتنيش دلوقتي أنا هفضل زعلان منك علطول
داليا / لا لاء خلاص هصالحك
داليا قربت منه وباسته في خده. وابتسمت / ها يا حبيبي سامحتني بقى
عمر بأستنكار / هي دي البوسة. هو انتي بتصالحي ابن اختك
داليا / أومال انت عايز ايه بس يا عمر
عمر بخبث / تعالي وأنا اقولك
ثم مال على شفتيها لكي يسرق منها قبلة في منتها الرقة. جعلها تدوب معه وتبادله قبلته
___________________________
رواية( شمس وسط الظلام) البارت(42) بقلم:- أسماء أبوشادي
___________________________________
عند رودي وأحمد
أحمد / انا ماصدقتش نفسي لما شوفت الرسالة. لدرجة اني قرأتها اكتر من مرة وبقيت اقول معقول رودي عايزة تقابلني النهاردة
رودي / على فكرة شمس هي اللي طلبت مني اعمل كدة. ها شمس اللي انت كنت بتقولي كل وقتك لصحابك
أحمد / يا رودي الكلام دا من فترة كبيرة وأنا ماقصدتش بيه المعنى اللي انتي فهمتيه دا خالص خصوصا ان وقتها احنا كنا لسه صحاب مش اكتر
رودي / بس يا احمد. شمس و داليا هما اخواتي مش بس اصحابي أنا اختي الكبيرة عايشة معاها في نفس البيت. بس دايما مشغولة عني بشغلها وجوزها و أولادها تقريبا ماتعرفش حاجة عني وممكن ماشوفهاش غير كل يومين. إنما صحابي دول أنا ماقدرش ماشوفهمش يوم واحد وخاصةً شمس لأني بعتبرها أمي واختي وكل حاجة
يعني ما ينفعش تمنعني عنهم يوم
أحمد بأبتسامة / أنا مبسوط جدا. أنا اسعد إنسان في الدنيا. أن حبيبتي تفكيرها كدة ومابتحبش تتخلى عن صحابها وصدقيني انا عمري يوم ما امنعك عنهم.
( ثم اكمل وهو يصطنع الزعل )
بس انتي قولتى هما عيلتك و قولتي فيهم اشعار. أنا بقى ماليش حاجة كدة ولا اي لازمة في حياتك دي
رودي بكثوف / لاء طبعا دا انت حبيبي و حياتي
أحمد / الله اكبر. دا انا دا. أنتي بتتكلمي عني انا. هو انتي اصلا اللي بتتكلمي
( نسيبهم بقى يكملوا حوارهم )
_________________________
مهاب وشمس
قاعدين في مكان شيك جدا على النيل
ومهاب بيحاول يقنع شمس انها ترجع القصر
شمس بهدوء / انت مش قولت انك بتحبني. يبقى أرجوك ريحني
مهاب بيحاول على اد ما يقدر مايتعصبش وبيتكلم بهدوء لأنه مش عايز يشوفها في نفس الحالة اللي كانت فيها من شوية
مهاب / يا حبيبتي مش انتي عايزاني ابعد عنك شوية. وأنا بقولك انا موافق.
بس بشرط انك ترجعي معايا البيت. وهتقعدي في الأوضة اللي كنتي قاعدة فيها أول ما اتجوزنا
شمس / مهاب. أنا مابقولكش تبعد عني فترة معينة. لاء. أنا بقولك سيبني ابعد عني احنا مش هينفع نكمل مع بعض
مهاب / انتي بتطلبي المستحيل. أنا لا يمكن أبعد عنك او اسيبك لأي سبب. حتى الموت نفسه مش هسمحله يبعدك عني
شمس ترغرقت في عيونها الدموع / حرام عليك يا مهاب ليه مش عايز تريحني أرجوك أبعد عني. سيبني أعيش الوقت اللي باقي ليا في الدنيا من غير ما اشوفك بتتألم أدام عنيا
مهاب مسك ايديها / ماتقوليش كدة. أنتي هتعيشي. أنا مش عارف انتي ليه بتقولي كدة. ليه اليأس ده. أنتي خلاص كلها شهر وهتعملي العملية وهترجعي أحسن من الأول وهنفضل مع بعض طول العمر
شمس بسخرية / ههههههههههههه وأنت فاكر اني حتى لو عيشت وقلبي بقى كويس هعيش مبسوطة. لااااا يا مهاب. قولتلك أنا إنسانة منحوسة مافيش اي فرح ولا سعادة هتدوم في حياتي والأفضل ليك وليا. اننا نبعد عن بعض على الأقل حد فينا يبقى مبسوط وصدقني أنا لو شوفتك مبسوط هبقى أنا اسعد إنسانة في الكون
مهاب بحزن / هو انتي فاكرة انك لو بعدتي عني وسيبتيني هبقى مبسوط.
شمس انتي شمسي. حياتي. روحي. عمري. كل شئ ليا في الدنيا. أنتي الوحيدة اللي دخلت قلبي. أنا قلبي ملكك أنتي
أنتي لو سيبتيني أنا هبقى اتعس إنسان والفرح مش هيدخل قلبي أبدا
شمس / ما تقولش كدة. أنت مش هتبقى كدة أبدا بالعكس صدقني والله دا الافضل لينا
مهاب بهدوء / بصي يا شمس أنتي حبيبتي وهتفضلي طول عمرك حبيبتي وشمسي وحياتي
أنا هسمحلك تفضلي عند عمك الفترة دي ودا مش علشان هسيبك أو هسمع كلامك وأبعد لاء دا عشان انا مش عايز اغصبك على وجودك في بيتي . واعملي حسابك هتعملي العملية بعد الامتحانات علطول. والممرضة هتفضل تجيلك كل يوم. وماتقوليلهاش انك مش محتجالها تاني علشان لو مشيتيها تاني. هاجي أنا أخلي بالي من ادويتك وهرجعك معايا علي البيت
( مهاب أخد شمس ورجعها على البيت على اد ماهي متضايقة أنه ماسمعش كلامها بس مبسوطة جدا انه رفض يتخلى عنها )
@@@@@@@@@@@@@@@@@@@
بتمر الأيام على الكل بيقربوا من بعض.
داليا و رودي. وحتى جميلة مش بيسيبوا شمس و علطول بيزوروها ويقعدوا معاها ويتكلموا كتير ويهزروا
شمس بتاخد العلاج. وسمحت للممرضة إنها تجيلها كل يوم بعد ما كانت قالتلها ما تجيش لأنها مش محتاجالها. وذاكرت وعوضت كل اللي فاتها من محاضرات
بتبين أدام صحابها إنها قوية ومش تعبانة وبتضحك وبتبتسم عشان هما مايزعلوش عشانها أو يتضايقوا. لكن هي من جواها موجوعة حاسة باليأس. دايما تقول انا صبرت كتير أخدت ايه وجع. دايما باخد الوجع. أنا مش هقدر اتحمل تاني ومتأكدة اني اذا عملت العملية مش هتنجح ولو نجحت.برضوه مش هفرح لأن هيحصلي حاجة اسوء منها
شمس رفعت بوست علي الفيس
( لا تقولوا على يوم اسوء يوم في الحياة كلها
بل قولوا اسوء يوم رأيته في حياتي إلى الآن. لأن الحياة دائما تعصف بما هو اسوء )
كل متابعين شمس على الفيس استغربوا جدا لأنها عمرها مارفعت بوست مليان يأس بالشكل دا. وخصوصا انها بقالها فترة مافتحتش الاكونت بتاعها. ويوم ما تفتح تنزل كلام حزين أوي بالشكل دا و يائس و بائس بدرجة كبيرة
وعندما سألوها ليه بتقولي كدة خلي عندك امل. ردت عليهم وقالتلهم.
( كان لدي أمل ولكن سرقته مني الحياة )
مهاب :- بيراقب شمس من بعيد و بيشوفها كل يوم لكن من غير ماهي تشوفه بيتألم من بُعدها لكن هو مش عايز يغصبها على القرب. وبيتأكد كل يوم من الممرضة إنها بتاخد الأدوية في مواعيدها
وكمان هو مخصص ليها سواق يوصلها كل يوم للجامعة. ويفضل طول الوقت معاها
وبرغم اعتراض شمس إلا انه اصر على كدة وهي وافقت عشان يسيبها براحتها ويفضل بعيد عنها
مازن قال لمهاب انه عايز يتقدم لجميلة ويبقوا يعملوا الخطوبة بعد الامتحانات.
مهاب وافق. والعيلة كانت معترضة على جميلة. لكن مهاب اقنعهم وأخد القرار بالموافقة والكل وافق وراحوا فعلا يخطبوها شمس و رودي كانوا هناك مع جميلة لأن جميلة وحيدة معندهاش أخوات خالص. ملهاش في الدنيا غير ابوها وأمها
شمس شافت مهاب. وهو كان واحشها جدا كانت نفسها تجري عليه وتترمي في حضنه لكن للأسف ماعملتش كدة. عقلها بيقولها أن الأفضل له انها تبعد عنه عشان مايتجوعش زيها. ماتعرفش أن بُعدها بيوجعه اكتر بكتير من ما تتخيل.
مازن خطب جميلة واتفقوا ان بعد الامتحانات بأسبوعين يعني في أيام العيد هيعملوا الخطوبة وكتب الكتاب في يوم واحد والفرح بعد الخطوبة بشهر ونص. عشان يكون ابو جميلة جهزها الجهاز اللي يقدر عليه. مع ان مهاب طلب منه مايجيبش حاجة وأن جناح مازن في القصر مش محتاج إي حاجة لكن أبو جميلة أصر. @@@@@@@@@@@@@@@
شمس و رودي فضلوا يزنوا على دماغ داليا عشان تعمل كتب كتابها وفرحها مع مازن
داليا طبعا رفضت. لكن شمس و رودي ماسكتوش
رودي لداليا / يا بت انتي عبيطة. أنتي ومازن مولدين في في شهر واحد ورضعين على بعض ودرستوا في مدرسة واحدة و جامعة واحدة وطول عمركوا مع بعض وجاتلك فرصة انكوا تتجوزوا في يوم واحد. استغلي الفرصة يا غبية
داليا / يا بنتي احنا خلاص اتفقنا. ما ينفعش ارجع في كلامي.
شمس / يا داليا استغلي كل يوم من عمرك في انك تكوني مبسوطة وجنب حبيبك. بلاش عيند افرحي وفرحي حبيبك. وفرحينا احنا كمان
داليا / يعني اروح اقوله انا غيرت رأيي تعالى نتجوز عشان انا مستعجلة
شمس بغمزة / بقولك ايه سيبي الموضوع دا عليا انا و رودي. احنا هنخليه هو اللي يتكلم
________________________________
تاني يوم في الجامعة
بعد المحاضرة الأولى
قعدوا البنات في الكافترية
شمس / داليا أظن أن دكتور عمر تلاقيه خلص المحاضرة اللي كان فيها من شوية اتصلي بيه ييجي يشرب معانا حاجة
داليا بأستغراب / ليه يعني اشمعنا
رودي / بت اسمعي الكلام وأنتي ساكتة
داليا / حاضر أنا مش عارفة انتوا ناويين على ايه بالظبط
شمس بأبتسامة خبيثة / كل خير. احبيبتي. بس يلا اتصلي بسرعة
داليا اتصلت بعمر و رد عليها وقالتله. حبيبي أنا في الكفاترية مع البنات ما تيجي نشرب حاجة سوا.
عمر وافق وقالها دقيقتين وهكون عندك
وفعلا بعد دقيقتين شافوا عمر جاي عليهم
شمس بصوت واطي / بت يا داليا عمر جاي اهوه بعد ما يقعد بدقيقتين قومي روحي الحمام
داليا / ليه ان شاء الله أزاي اقوله تعالى وازاي عايزاني أقوم اروح الحمام.
شمس / ماتعصبينيش بقى واسمعي الكلام
داليا / بس انا مش عايزة اروح الحمام أنا
رودي / معلش اسمعي الكلام بس و روحي ولما ارن عليكي تيجي علطول. ماشي
عمر وصل عندهم / السلام عليكم ورحمة الله وبركاته
البنات / وعليكم السلام ورحمة الله وبركاته
عمر بأبتسامة / ازيكوا يا بنات
الكل / الحمد لله كويسين
عمر / وانتي يا شمس بتاخدي الدوا في ميعاده ولا لاء
شمس بتنهيدة / الحمد لله باخده في ميعاده وكل شئ تمام
بعد شوية رودي غمزت لداليا عشان تقوم
داليا / عن اذنكوا أنا دقيقة واحدة أنا هروح الحمام
الكل / اتفضلي
بعد ما داليا راحت الحمام
شمس / انا مش عارفة الامتحانات مش عايزة تيجي بسرعة ليه
عمر / نعم انتي عايزاها تيجي بسرعة. ودي ثقة بقى انك مذاكرة ومقفلة المنهج
شمس / لاء الموضوع مش كدة بس اصل مازن وجميلة صحبتي هيتخطبوا ويكتبوا كتابهم بعد الامتحانات ما تخلص يعني في أيام العيد
رودي بأبتسامة/ وكمان بعد كتب الكتاب بشهر ونص الفرح
عمر بأبتسامة / اه ما أنا عرفت داليا قالتلي ربنا يوفقلهم
شمس / بقولك ايه يا دكتور ماتعملها أنت و داليا كمان وتكتبوا كتابكوا معاهم والفرح يبقا في يوم واحد وتفرحونا كدة
عمر بضيق / على اساس انك مش عارفة قرار داليا. اننا مش هنتجوز غير بعد ما تخلص جامعة
رودي / طب ما دا كمان كان رأي شمس في الاول ومع ذلك غيرت رأيها. واكيد انت لو فتحت الموضوع مع داليا هتوافق
شمس بأبتسامة / ايوة فعلا. بس حضرتك حاول بس كدة مش هتخسر حاجة. داليا بتحبك جدا واكيد نفسها أن يوم فرحها معاك يقرب
عمر بتفكير / تفتكروا يعني لو كلمتها هتوافق
شمس / نفتكر اوووووي. بس حضرتك كلمها
عمر / بصوا لما تيجي هكلمها ادامكوا عشان انتوا كمان تكلموها معايا عشان ماتفتكرش اني بغصبها أو رجعت في كلامي معاها
رودي مسكت تليفونها و رنت على داليا وبعد دقيقة واحدة داليا جت
داليا / اتأخرت عليكوا
عمر / ايوة الصراحة اتأخرتي أوي
رودي / عيني يا عيني مش قادر على بُعدك 5 دقايق
شمس / طب ما طلاما كدة ماتخلوا فرحكوا مع فرح مازن. ويبقى خير البر عاجله
عمر بيبص لداليا / ياريت. أنا عن نفسي اتمنى النهاردة قبل بكرة لكن ماقدرش اغصب حبيبتي على حاجة. اللي هي عايزاه انا موافق عليه
داليا اتكثفت وبصت في الارض
رودي / ايون وشها احمر واتكثفت وسكتت يبقى السكوت علامة الرضا
شمس / مية مية يبقى النهاردة بقى يا دكتور تروح لعمي ومهاب وتكلمهم. وهنا ان شاء الله هيوافقوا
عمر مسك ايد داليا / ايه رأيك يا حبيبتي موافقة
داليا اتكثفت وحركت راسها بمعنى الموافقة
رودي قامت وقفت / لولولولولولولولولولولولي
داليا شدتها من ايديها / اقعدي يخربيتك فضحتينا الطلبة بيبصوا علينا
عمر / ايه يا داليا ماتسبيها براحتها ما اللي يبص يبص. خلي الدنيا كلها تعرف أن حبيبتي خلاص وافقت إنها تبقى مراتي
_______________________________
في بيت المصري بالليل
شمس كانت قاعدة في اوضتها زهقانة قالت تطلع تقعد على سطح البيت شوية في الهوا
طلعت شمس السطح واتفاجأت لما شافت. محمد ابن عمها واقف وماسك ايد رحمة اختها
هي وقفت مكانها من الخضة لأنها ماكنتش متوقعة ان في حد علي السطح. وهما لاحظوا وجودها. محمد اتوتر وساب ايد رحمة بسرعة
رحمة بخوف / شمسسس
شمس بأستغراب / انتوا بتعملوا إيه هنا دلوقتي.
رحمة بتوتر / ما مابنعملش حاجة احنا. احنا
محمد بهدوء / شمس ماتفهميش غلط أنا و رحمة بنحب بعض
شمس بهدوء / والكلام دا من امتى بقى
محمد / أنا كنت بحبها من زمان بس ماكنتش واخد بالي غير لما لقيت خالتي من من ييجي شهرين كدة بتقول لأمي أن جالها عريس ساعتها كنت هتجنن.
شمس / اه وبعدين
محمد / وبعدين كلمتها وقولتلها. وطلعت هي كمان بتحبني بس ماكنتش بتبينلي
شمس بصت لرحمة / ايه يا رحمة ساكتة ليه مش عايزة تقولي حاجة
رحمة دموعها نزلت وعيطت وخافت
شمس قربت على رحمة وضمتها / ايه يا بت بتعيطي ليه هو الواد دا بيكذب ولا ايه اوعى تكوني مابتحبهوش وهو اللي بيرخم عليكي
رحمة بسرعة / لا لاء انا كمان بحبه
شمس بضحكة بسيطة / ههههههههههههه ولما هو كدة بتعيطي ليه بقى
رحمة / اصل خوفت انك تزعقي وتقولي للعيلة
شمس / أنا فعلا هقول للعيلة كلها
رحمة بخضة / ايه 
شمس / ايه مالك اتخضيتي كدة ليه. مالازم العيلة كلها تعرف وتتخطبوا كمان عشان ماحدش يتجرأ ويبصلك. والكل يعرف انك مخطوبة لابن عمك
محمد / بس عمي مش هيوافق يا شمس. لأن كل عريس بييجي بيقوله لسه صغيرة
شمس سرحت لما محمد قال كدة وافتكرت ان ابوها من اول عريس جالها وهي اصغر من رحمة كمان كان عايز يوافق لولا عمها عبدالحميد ومروان.
رحمة / أيوة يا شمس فعلا مش هيوافق
شمس فاقت على صوت رحمة / لا يا حبيبتي ان شاء الله هيوافق مش انتي امتحاناتك قربت خلاص وهتخلص في رمضان
رحمة حركت راسها بمعنى اه
شمس بأبتسامة / خلاص يبقى مالكوش دعوة بحاجة وأن شاء الله انا هكلم عمي عبدالحميد يكلم ابوكي.وتتخطبوا بعد نتيجة الثانوية.
رحمة ومحمد / بجد يا شمس
شمس / ايون طبعا بجد. بس ياريت تركزي في مذاكرتك يا استاذة رحمة عشان تجيبي مجموع يدخلك طب زي ما انتي عايزة
رحمة / لا انا ان شاء الله هدخل كلية صيدلة
شمس / ان شاء الله.
على فكرة انا زعلانة منكوا اوي عشان خبيتوا عليا وماقولتوليش حاجة
رحمة / والله كنا هنقولك بس المشكلة ان الموضوع دا حصل قبل ما انتي تتعبي وتعملي عملية الاجهاض علطول.
محمد / فأنا قولتلها أن احنا مش هينفع نعرفك دلوقتي. بس والله كنا هنقولك كل حاجة
شمس / خلاص انا مش زعلانة. ربنا يارب يسعدكوا ويفرحكوا. المهم ان انتوا تكونوا مبسوطين
محمد و رحمة انبسطوا جداً من موقف شمس ولأنها وقفت جنبهم.
_________________________________
الامتحانات بدأت. والشهر الكريم بدأ. سهى و نوال طلبوا من مهاب انه يجيب شمس.
وهو فعلا راحلها وحاول يقنعها بأي شكل لكن للأسف رفضت وهو أتضايق ومشي
وبعد ما مشي قعدت تعيط كتير كان نفسها تمشي معاه عشان تكون موجودة في بيته في اول رمضان ليهم مع بعض. لكن جواها احساس بيقولها أن البُعد أفضل ليهم وهو لازم ينساها وهي لازم تكون برة حياته.
شمس مقتنعة تماما انها خلاص اصبحت مصدر حزن وكآبة لمهاب. ودا اللي واجعها. ومقتنعة أن بالبعد حياته هتكون افضل
يأست وصدقت انها خلاص مش هتفرح طول عمرها ونسيت طعم الفرحة. قررت أن لو هي ليها عمر مفروض تعيشه. هتعيشه بس عشان تسعد اللي حواليها. وتدوس على الوجع اللي بتحس بيه ومش هتظهره أدام اي حد هتحتفظ بوجعها لنفسها مش هتسمح لحد يشاركها ألمها و وجع قلبها والحزن اللي مالي كيانها سواء من ماضي او حاضر
خلاص بقت كارها الدنيا بكل اللي فيها أصبحت مقولتها لنفسها عشان تصبر نفسها على الالم
( تباً للدنيا وما عليها )
تأكدوا ان هذه الكلمة لن يقولها إنسان إلا اذا بلغ اليأس كل ذرة بقلبه وعقله وكيانه
شهر الصيام. كل يوم قبل الفطار بندعي ربنا يحقق احلامنا ويسعد قلوبنا
أما شمس كل يوم دعوتها لمهاب وبعد كدة بتدعي لكل اللي حواليها.
أبوها حاول مليون مرة انه يكلمها لكن هي دايما مابتديلهوش فرصة حتى يتكلم معاها. بتسيبه وتمشي أو تدخل اوضتها
خلاص هي اعتبرته حاجة من الحاجات اللي الدنيا سرقتها منها
مافيش أم مافيش آب مافيش مارو. في وجع. في ألم حزن هم جراح.
أخيرا خلصوا الامتحانات.
وشمس كلمت عمها في موضوع محمد و رحمة. وعمها ومرات عمها فرحوا جدا وطلبوا رحمة من عاصم وهو وافق طبعا ونادية مراته فرحت جدا لانها كان نفسها من زمان ان محمد يطلبها عشان بنتها ماتبعدش عنها وكمان محمد يبقى ابن اختها وابن سلفها يعني اكيد هيحافظ عليها
حددوا ميعاد الخطوبة بعد العيد بأسبوع. ودا كان رأي شمس اللي قالته لعمها. عشان كتب كتاب صحابها في اجازة العيد
الدكتور حدد ميعاد العملية لشمس
وشمس طلبت إنه يخليها بعد خطوبة محمد و رحمة. عشان تكون فرحت مع صحابها وكمان أختها وبعد كدة تدخل المستشفى عشان تعمل العملية بعد مارفضت إنها تعملها برة مصر.
خرجوا البنات كلهم عشان يشتروا فساتين لكتب الكتاب وشمس اخدت رحمة معاهم. عشان تشتريلها فستان للخطوبة. وأصرت إن هي اللي تدفع ثمن الفستان. من معاها هي
شمس ما اشتريتش لبس للعيد ودا اول عيد في حياتها ماتشتريش هدوم فيه. بس طول الايام دي كانت بتدعي لمروان بالرحمة
صحابها أصروا عليها لما خرجوا يشتروا الفساتين انها كمان تشتري لنفسها زيهم. وفعلا اشترت
@@@@@@@@@@@@@@@@
النهاردة. كتب كتاب
مازن و جميلة. عمر و داليا
اللي عملوه في اكبر قاعة في القاهرة وحضروه صحافة كتير
الكل مبسوط وفرحان.
رودي وشمس كانوا لابسين زي بعض فستان جميل جدا لونه ابيض بحملات وطويل وفيه شريط ذهبي من أعلى الخصر وينزل بأتساع كبير
( طبعا شمس كانت لابسة بادي نفس لون الفستان وحجاب دهبي واكتفت بوضع كحل فقط وملمع شفاه وكانت كالعادة شمس
انما رودي مالبستش بادي لأنها مش محجبة. وفردت شعرها على ظهرها مع ميكب خفيف وكانت جميلة جدا )
جميلة لبست فستان رقيق جدا لونه أزرق كان تحفة و حجاب من نفس اللون وحطت ميكب رقيق برضوه
داليا لبست فستان أزرق برضوه زي جميلة. لكن تفصيلة الفستان مختلفة بحيث فستان داليا كان قصير لحد الركبة وبحمالات اما فستان جميلة فكان طويل وبأكمام
مهاب لما شاف شمس اتجنن من شكلها خصوصا انها كالعادة لفتت انظار كل اللي حواليها
مهاب شدها من جنب رودي وأحمد. وراح بيها بعيد
مهاب بغضب / ايه اللي انتي عملاه دا حاطة ميكب و روج والفستان كمان ديق
___________________________ نزلت الحلقتين دول علشان خاطركم بس ياريت تدعولي_____
نكمل في الفصل اللي جاي
ماحدش يلوم على شمس
ماتنسوش إنها صبرت على حاجات كتير. وهي مش سيدنا ايوب. كل واحد عنده طاقة. للتحمل
