“كل شيئ واضح بالنسبة إليهم و لا يجتهدوا من أجل إدراك الحقيقة” ______________________________
أنا مروي من المنصورة في 3تربية عربي جامعة عين شمس عايشة في شقة جمب الجامعة مع اصحابي رضوي و مني و نرمين طبعاً هتقولوا أزاي بنات يعيشوا في شقة لوحدهم بس أصراحة سكن الطالبات مش حلو خالص و مينفعش يتعاش فية أصلاً و أحنا في الشقة دية بقالنا خمس شهور ساعات بنسافر بلدنا و نرجع تاني
روحت بعد الجامعة و أول ما دخلت لقيت نرمين بتجري عليا
_مروي أحنا لازم نمشي أو نشوف حل
=في أيه يا نرمين مالك !!خايفة كدة لية
_مش صاحب البيت قالنا إن مفيش حد ساكن في الشقة الي جمبنا
=ااة حصل
_طيب أنا ..
=أهدي كدة بس و خليني أخد نفسي و تعالي أحكيلي
دخلت الشقة و أنا متشوقة أسمع قصة نرمين و خايفة برضوة حاسة إنها عاشة موقف صعب و كمان رضوي زمانها في سابع نومة و مني في الكلية يعني كانت لوحدها
_الماية أهية
=تسلمي
_هااا أسمعيني بقة
=سلمت أمري لله أحكي
_كنت بتفرج علي التليفزيون و سمعت كركبة في المنور قومت أشوف في أية لقيت نور المطبخ في الشقة الي جمبنا شغال قولت يمكن حد أجر الشقة و بينضفها بعد شوية مبقاش فية صوت و لقيت باب الشقة بيتفتح الفضول خلاني قومت بصيت من العين السحرية و …..
نرمين أبتدت تعيط و أنا قلقت فعلاً
=كملي يا نرمين في أية
_لقيت واحدة شعرها اسود خارجة و لابسة فستان أبيض هو فستان فرح بس متلطخ بالدم و كان شكلها وحش أوي يا مروي
=أهدي يا نرمين يمكن بتتخيلي او حد بيهزر معاكي
_لا لا دة مش هزار و مبتخيلش كل دة حصل فعلاً
=طب كملي
_بعد ما شوفتها أترعبت و أتجمدت مكاني مبقتش عارفة أتحرك أو أغمض عيني حتي و مرة واحدة لقيتها بصتلي اة والله يا مروي بصتلي هي كانت عارفة إني باصة عليها و أبتسمتلي أبتسامة مرعبة خلت جسمي يقشعر و بعديها أختفت
=أنتي متأكدة إن دة حصل
_اة والله زيي ما بحكيلك كدة
=بصي أنا بؤمن بالحاجات دية بس مش لدرجة إنك تشوفي حاجات زيي كدة
_والله شوفتها
=خلاص مصدقاكي
_أنا همشي مش هعرف أقعد في البيت دة تاني
=هتروحي فين يا فالحة
_هرجع البيت
=اللي في طنطا انتي بتهزري يا نرمين!! مش هينفع تمشي و كويس إنك مشوفتيهاش في الشقة هنا ربنا بيحبك
_هنا !!!متخوفنيش أكتر
=المفروض نتصل ب عم عبدالله صاحب البيت و نحكيلة علي اللي حصل
دخلت أريح شوية و سيبت نرمين عمالة تكلم نفسها و مرعوبة من كل حاجة…
أنا نفسي أترعبت و أنا بسمعها بس الموضوع بنسبالي غريب أول مرة أعيش تجربة زيي كدة علطول بسمع بس
نمت و محستش بنفسي صحيت علي خبط و زعيق قومت و انا مفزوعة ابتديت أتحرك ورا الصوت و اعرف هو جاي منين….جاي من المنور!!!! نور المطبخ كان شغال زيي ما نرمين حكتلي بس قبل ما انام النور كان مطفي!! فية واحدة واقفة في الصالة و بتتخانق مع واحد بس مش شايفة ملامحة هو مشي بعد شوية و هي …..بصتلي و شكلها أبتدي يتغير تدريجياً و وصلت لاعلي درجة من البشاعة لدرجة ان أغم عليا
صحيت علي صوت رضوي
_أصحي يا مروي فوقي يا بنتي
=في اية
_في اية !!!انتِ أغم عليكي يا ستي و حالياً انتي علي أرض المطبخ
=هاا ااة ااة أغم عليا
_أنتي شوفتي حاجة !!
=لا يا نرمين مشوفتش حاجة
_لا شوفتي
=قولتلك مشوفتششش
قومت و أنا متعصبة من خوفي علي نرمين مكنتش عايزة أقلقها أكتر نرمين دية أقربلي من أختي و بحبها جداً بنسبة للباقي رضوي طيبة برضوة و مني دية أكتر انسانة غريبة في الكون و متقدرش إنك تفهم شخصيتها
افتكرت عم عبدالله و إني لازم أكلمة
_أزيك يا عم عبدالله
=أزيك يا بنتي عاملة اية
_بخير الحمدلله كنت عايزة اكلمك في حاجة كدة
=قولي يا بنتي
_صاحبتي نرمين شافت حاجات غريبة في الشقة اللي جمبنا
=ح ح حاجة حاجة اية يا بنتي!!
صوتة أبتدي يتغير كأنة عارف حاجة او مستغرب مفهمتش نبرة صوتة غير أنة مخبي حاجة
_سمعت كركبة في المطبخ و شافت واحدة لابسة فستان فرح متلطخ بالدم
=بتتخيل أكيد بتتخيل يعني
_عم عبدالله احنا مش صغيرين والله و مش عيال
=دة في الشقة اللي جمبكوا انتوا ملكوش علاقة
_ملناش علاقة!! المفروض إن دة أزعاج لسكان العمارة كلها و كمان جاية عليك بخسارة لانك مش هتعرف تأجر الشقة
=ومين قالك ان هأجرها أنا سايبها مقفولة بقالي 3 سنين و مش هفتحها
_3سنين !!لية يعني
=لو عوزتي حاجة كلميني و متفتحيش الموضوع دة تاني و شغلوا قرأن في الشقة سلام
الراجل دة أكيد فية حاجة أو مجنون !!
مبقتش مرتاحة في الشقة دية و أشمعنا مفيش حاجة حصلت الخمس شهور الي فاتوا لية دلوقتي !! معرفتش أعمل حاجة غير إني أنزل للست نعمة لان بقالها كتير في العمارة دية و أكيد عارفة حاجة
_راحة فين
=مني !!انتِ عايشة بجد
_بتكلميني كدة لية!!
=أصل حضرتك مختفية مش بنشوفك غير و أنتي داخلة المطبخ أو نازلة علي أساس إن مفيش بني أدمين في الشقة
_مشغولة
=مشغولة!!!عموماً مش مهم
_راحة فين
=وانتِ مالك أنتِ هتحاسبيني
_نرمين حكتلي عن اللي حصل
=عايزة أية يعني
_متدخليش في حاجة انتي مش أدها
=نعم مدخلش في أية
_ابعدي يا مروي عن الحكاية دية يا تقعدي بهدوء يا تمشي سيبيها ترتاح في الاخرة حتي هي تعبت كتير في حياتها
=مين دية أنتِ بتتكلمي عن مين بظبط بطلي ألغاز
_أنا قولت الي عندي ولازم أدخل انام تصبحي علي خير
كنت واثقة إنها إنسانة غريبة و وراها حاجات أنا معرفهاش و مش عايزة أعرفها
خبطت علي شقة ست نعمة
و أبنها الي فتحلي
_دكتور عمرو أزيك
=الحمدلله و أنتِ عاملة اية يا مروي مختفية يعني
_معلش المذاكرة بتهد الحيل ست نعمة موجودة
=اة أتفضلي
_مروي وحشاني والله مبتسأليش لية
=معلشي يا طنط بس أنتي عارفة المذاكرة بقة و كدة
_الله يكون في عونك يا حبيبتي قوليلي بقة مش ناوية توافقي ع واد عمرو
=أوافق أية بس مش لما أخلص و بعدين عمرو زيي أخويا
_لا انتوا مش أخوات و هو بيحبك
=معلشي يا طنط قفلي ع موضوع دة لو سمحتي
_ماشي براحتك
=كنت جاية اسألك علي حاجة و يارب يبقي عندك إجابة
_قولي يا بنتي
=الشقة اللي جمبنا
_مالها !!حصل حاجة
=حصلت حاجات ..نرمين شافت واحدة لابسة فستان فرح متلطخ بالدم و أنا شوفتها بس كانت بتتكلم مع واحد و بعدين وشها أتحول يا طنط كانت بشعة جداً و فية حاجة تانية أول ما سكنت هنا في يوم كنت راجعة من الجامعة و واقفة بفتح الباب لقيت باب الشقة اللي جمبي دية اتفتح و خرج منها شاب و كان بيجري و خايف من حاجة تاني يوم سألت عم عبدالله لو فية ساكن جديد بس قالي لا !!ساعتها قولت يمكن تخيلت عشان كنت راجعة تعبانة وكدة بس بعد الي حصل اتأكدت إن مكنتش بتخيل
_ …….
=ست نعمة
_ايوة
=عندك إجابة للي بيحصل
_الشاب اللي شوفتية دة يبقي خالد أبني
=بجد طب هو فين يمكن يشوفلي حل للي بيحصل
_خالد في مصحة نفسية من تلت سنين
=مصحة طب لية
_ بسبب واحدة مجنونة ربنا ريحنا منها
=طنط ينفع تحكيلي من الاول
_بصي يا بنتي احنا في الشقة دية بقالنا سنين بس من 3سنين بيعت العمارة لعم عبدالله عشان كنا محتاجين فلوس و أجرنا الشقة دية منة عشان نفضل فيها عم عبدالله كان وحداني ملوش غير بنت أختة نور كانت مؤدبة و محترمة بس عرفنا حقيقتها لما حبت خالد أبني كانت بتقولة إنها مش عايزة حاجة من الدنيا دية غيرة بس خالد كان خاطب وقتها و كان بيحب خطيبتة جداً فرفض و قلها أنة مبيحبهاش المشكلة إنها كانت بتقابلة كل يوم ع سلم
=كانت ساكنة في الشقة اللي جمبي!!
_ااة و شقتكوا دية كان فيها مني
=مني!!انا أزاي نسيت إنها كانت موجودة أول ما جينا
_مني مبتحبش تتكلم عن الموضوع دة ولا عمرها جابت سيرتة لحد لأنها كانت صاحبة نور بعد وفاة باباها و مامتها المهم في مرة نور أتصلت بخالد و قالتلة إنها وقعت و عم عبدالله مش موجود خالد أضطر إنه يطلع بس لقاها سليمة و كمان بتقولة إنها هتقتل خطيبتة و تقتل نفسها و قعدوا يتخانقوا لغايت ما مشي و خالد محطش الكلام في دماغة قعدت أنصح خالد إنة يمشي من هنا و يرجع بعد كام شهر بس هو مرضاش يا بنتي و في يوم سمعنا صويت جاي من شقة عم عبدالله طلعنا لقينا نور مقطعة شراينها و لابسة فستان فرح و باصالنا بأبتسامة خالد سمع صويت حد تاني لقي خطيبتة غرقانة في دمها و من ساعتها و هو مش مصدق إنها ماتت و قعد أربع شهور مبيتكلمش فاضطرينا نودية المصحة
=طب هي بتظهرلنا لية
_قبل ما تموت قالتلنا إنها هتفضل موجودة و مستحيل خالد يتجوز غيرها و فعلاً بقالة تلت سنين في المصحة
=أول ما جيت مكنش فية حاجة أشمعنا ظهرت دلوقتي
_لأن تاريخ أمبارح كان موافق أول يوم جت فية العمارة
=طب محاولتوش مع خالد
_خالد بيقول إنها بتجيلة و مش هتسيبة في حاله و أنا يا بنتي مبقتش عارفة أعمل أية
=طب خلاص شكراً يا طنط و أنا هحاول ألاقي حل
_بلاش يا مروي أنتِ مش أدها نور دية طول عمرها وحشة من جواها حتي و هي في تربتها مش مريحة حد أبعدي أحسن
=متقلقيش، هي نور لية كدة؟
_أهلها بعد ما أتطلقوا و كل واحد عاش حياتة سابوها لخالها عبدالله و هو الي رباها أصراحة مقصرش معاها بس هي مريضة نفسياً من و هى صغيرة
= ماشي يا طنط لو عوزت حاجة هكلمك سلام
خرجت من عند ست نعمة وانا إلى حداً ما فاهمة الحكاية
_مروي أستني
=ايوة يا عمرو
_لسة فية جزء ناقص ماما مش راضية تحكية لحد
