تتشابك الخيوط و تكثر الأقاويل حتى نبتعد عن الطريق الصحيح
_______________________
(الفصل الثالث)
_شوفتي أية!
_نفس البنت
_نور!!كملي
_جتلي في الحلم و كانت بتعيط بنفس الفستان و بعديها صحيت على خبط و كان جاي من المنور و كان فيه شاب معاها و كانوا بيتخانقوا بس أنا مش سامعة صوت أنا كل الي شايفاة حركاتهم بعصبية و صوت كركبة بس البنت كانت بتعيط و فجأة أبتديت أسمع و كانت بتقولة أبعد عني يا خالد لو أنت عايزنا نكمل يبقى لازم تيجي تخطبني من خالي و خالد دة أتعصب و قلها أنه خاطب و أزاي بس هي بصتلة بغضب و قالتلة أنت خاطبها عشان فلوسها و أنت عارف كدة و لو عرفت إنك مرتبط بيا ساعتها هقرالك الفاتحة أنت جبان يا خالد خايف من أبوها الي هو مديرك بس مش خايف لأفضحك و أنزل أقول للحاجة نعمة أنك واعدني بالجواز خالد أتوتر و لسة هيتكلم بس هي طردتة و اختفوا هما الاتنين
_طب مجاش سيرة تهديد بالقتل أو حاجة
_لا !
_بتفكري في أية يا مروى
_لازم أروح لتقى خطيبة خالد هي الحل لكل دة هتعرفنا خالد كان عامل ازااي معاها و عرفت بحوار نور ولا لا
_و هي أية علاقتها بكل دة المفروض ندور ورا خالد
_لا خطيبتة أهم أنا حاسة إن خالد مخبي حاجة عننا و عم عبدالله كمان و أكيد تقى هتزود المعلومات شوية بدل اللخبطة دية
_طب هتقنعيها إنها تحكيلك ازاي!
_هتصرف المهم نرمين طبعا أنهاردة أجازة فهتروحي معايا كام مشوار كدة
_مشوار أية
_يا ستي خلصي أكل و بعدين أقولك
_ماشي
قعدت شوية مع منى
_هي نور كانت بتحكيلك كل حاجة!!
_ااة أنا كنت كل حاجة بنسبالها
_طب مقالتلكيش حاجة على خالد غير أنة خاطب أو كدة
_لا هي في الاول قالتلي أنة بيحبها و إنهم بيخرجوا مع بعض و معوضها عن وفاة باباها و مامتها نور كانت بتحب الاهتمام و الناس الي بتدور على حاجات اللي بتفرحها وهو أستغل دة و بعد كدة كانت شافت واحدة بتسلم على حاجة نعمة و لما سألتها قالتلها إنها تقى خطيبة خالد ساعتها نور كلمت خالد و فضلت كذا شهر متكلموش بس هي ضعفت قدام محاولاتة أنه يكلمها ورجعت تكلمة و يخرجوا برضوة
_طب أزاي كان بيدخل شقتها
_نور محترمة يا مروي و متربية أحسن تربية بس كسرتها كانت صعبة خالد دخل شقتها مرة واحدة بس كانوا بيتخانقوا و كانت سايبة الباب مفتوح و أنا كنت واقفة قدام باب الشقة
_طب أية سبب الخناقة و أزاي تسمح أنه يدخل الشقة اصلاً
_وقتها نور قالت أنه كان خايف عليها بس مكنتش مصدقاها اصراحة الخناقة لما عرفت أنه خطب فضلت حابسة نفسها و هو جيه و كلمها نفس الي شافتة نرمين معرفش ازاي عرفت كل دة !
_متأكدة أنه نفس الي شافتة نرمين؟
_أيوة
_طب علاقتها بخالها كانت عاملة أزاي
_كان بيضربها ساعات و معظم الوقت كان بيعاملها على إنها خدامة و بيحسسها إنها موجودة هنا شفقة على حالها إنسان كل هامة الفلوس
_طب و الجيران ميعرفوش حاجة عن الكلام دة
_مفيش غير أنا و خالد الي نعرف
_الحاجة نعمة بتقول أنه طيب!
_هي متعرفش كان مبهدل نور أزاي مش اكتر
_و الشرطة قالت أية مين الي خبط تقى و مين الي قتل نور ولا انتحرت؟ أنا أسفة إني بفتح في المواضيع دية بس لازم أعرف
منى كانت بتتكلم بدموع
_ولا يهمك أنا منستش و لو لحظة عموماً الشرطة قالت إن نور أنتحرت بس خالد خبطها في بطنها بس دة مموتهاش و بالنسبة لتقى فقالت إن فية واحد خبطها و هي متعرفوش
_معرفوش مين
_لا بس القضية محلولة لان السكينة معلهاش غير بصمات نور و كمان تقى قالت إن خالد الي خبط نور في بطنها يعني القضية خلصانة بنسبالهم
_هي كانت مقطعة كام أيد
_الاتنين
_الاتنين!!
_أية!!
_مفيش بس أنا أعرف إن لما حد بينتحر إن أيد واحدة الي بيقطعها و التانية مبيقدرش!! المهم شكراً جداً يا منى
_أنتِ عايزة تساعديها لية؟
_نور هي الي عايزاني أساعدها معني إنها تظهرلي أنا و نرمين و كمان تدلني على مذكرات يبقة أكيد محتاجاني
نزلت أنا و نرمين و روحت لبيت تقى خطيبة خالد
_السلام عليكم
_و عليكم السلام مين حضرتك
_انا صاحبة تقى كنت عايزة أتكلم معاكوا شوية
_بس تقي مش موجودة
_ طب انا عايزة أتكلم معاكوا شوية ممكن
_قوليلي أنتِ مين الاول
_أنا مروى و دية صاحبتي نرمين أحنا جيران أستاذ خالد خطيب تقى
_متجوش هنا تاني مش عايز أشوفكوا و إلا هبلغ الشرطة
_يا حاج أسمعني بس أنا محتاجة مساعدتك و أنا مش في صف خالد أصلاً كل الحكاية إني طالبة مساعدتك ممكن؟
_خمس دقايق بس
_تمام
دخلنا و أحنا متوترين واضح إن باباها عصبي جداً و مبيحبش يسمع أسم خالد
_أنا كنت عايزة أعرف بس تقى قبل ما تروح شقة نور كانت عارفة بالحكاية ولا لا، هو حضرتك تعرف نور؟
_ااة تقى كانت عارفة قبل ما تروح و أنا ممكن أنادي حد هيعرف يشرحلك أكتر
_مين
_هتعرفي دلوقتي
_مروى أنا مش مطمنة للراجل دة
_ولا انا يا نرمين بس لازم نفهم
بعد دقايق
_أساعدك أزاي
_مين حضرتك!
_أنا تقى
_تقى ااة أهلا معلشي مشوفتكيش قبل كدة
_أزاي جاية و أنتِ متعرفنيش
_الموضوع كبير شوية
_أشرحيلي أنتِ جاية لية
_بصي يا مروى أنا عرفت بالصدفة إنة يعرف نور و فهمت أنهم جيران و قررت إني أروحلها و أصراحة كنت رايحة و أنا متعصبة على الأخر واجهتها و أتخانقت معاها هي أصراحة كانت بتعيط كتير و تقول إنها ملهاش دعوة هو الي كدب علينا و قالتلي إنها بعدت عنه و هو خاطبني عشان فلوسي صعبت عليا جداً و صدقتها عرفت إن خالد دة أحقر إنسان قابلتة في حياتي
شوية و خالد طلع لنور محستش بنفسي غير وأنا رافعة السكينة و عايزة أقتلة قعدت أقولة أنت كداب و بتلعب ببنات الناس و بكرهك وقت ما كنا بنتخانق السكينة جت في بطني غصب عنة هو مكنش يقصد بس كان قاصد لما خبط نور في بطنها زيي و خلاها هي الي تمسك السكينة عشان البصمات شوفت كل دة و أنا واقعة على الأرض
_ماشي و خالد جري وقتها و نور أنتحرت طب لية بتظهرلي ما خالد في المستشفي
_نور منتحرتش !!
_أزاي؟
_أنا شوفت حد هو الي مسك السكينة و قطعلها شراينها و بعدين مسكها السكينة تاني كأنها أنتحرت
_نور ماتت من الطعنة؟
_لا نور ماتت من الي قطع شراينها الطب الشرعي أثبت كدة
_معناة إن نور بتجيلي عشان أعرف مين الي قتلها
_أنا قولتلك كل الي أعرفة صدقيني غير كدة معرفش
_تقدري توصفيلي الراجل اللي قطعلها شراينها
_ممم هو …يعني…اصلةةةة
_في أية أتوترتي كدة لية!!
_أصلة أخد جزاءة لية نفتح في المواضيع تاني
_مين اللي قطع شراينها يا تقي
_هاااا….بصي هو هو ….خالد
_خالد!بس الكل قال إن هي الي أنتحرت و خالد خبطها بالسكينة و جري
_لااا أنا شوفتة ااا هو الي خبطها و قطعلها شراينها كمان
_أزااي دة !!
_دة كل الي أعرفة
_يعني خالد هو سبب كل دة
_اة
_طب كدة هو الي قتلها
_بس أخد جزاءة هو في المستشفي و بيتعالج
_بس دة قتل فاهمة يعني أية قتل و بعدين هو أتحاكم عشان خبطها بس إنما هو قتلها
_مروى خالد مينفعش يتسجن دة بقالة 3 سنين مش واعي للي حوالية عايزة أكتر من كدة أية !!
_ماشي بعد اذنك…يلا يا نرمين
مشيت من عندها و أنا خايفة لتكون بتكدب عليا و يكون خالد ملوش ذنب أصلة خبطها لية هيرجع يقطعلها شراينها! و عمرو قالي خبطها بس! ما هو أخوة يعني لازم يقف في صفة
تاني مشوار …روحت لخالد المستشفي حالتة كانت صعبة أصراحة بيبص في الاركان و يقول نور نور أنا أسف
سألتة عن الي حصل بس مكنش بيبصلي اصلاً
_خالد أنا عايزة أساعدك كل الي أنت فية دة بسبب ضميرك قولي أية الي حصل لنور
_…..
_نور بتظهرلي يا خالد و هترتاح في تربتها لما نعرف مين الي قتلها
لف وشة ليا بدهشة
_بتظهرلك بجد!دية بتظهرلي بقالي 3 سنين و محدش كان مصدقني
_أنا مصدقاك بس محتاجة أعرف أية الي حصل
_ مش عايز أتكلم
_أنا روحت لتقى
_ااة تقى ههه جتلي بعد اليوم المشئوم دة بيومين كانت بصالي بشفقة
_خالد أرجوك ساعدني عشان أساعدك على الأقل ريح ضميرك
أتنفس بصوت عالي و كأنة بيستعد لحرب
_ماشي بس قوليلي أنتِ تعرفي أية عن الموضوع
_أعرف إنك ضحكت عليها و تقى أكتشفت دة و راحت لنور و بعديها حصل كل دة
_فعلاً ضحكت على نور بس هتصدقيني لو قولتلك إني حبيتها بجد و كنت ناوي أسيب تقى عشانها
_هاا حبيتها أومال خبطها لية دة كان ممكن أصدق أنك بتحب تقى أكتر لأنك خبطتها غصب عنك
_أسمعيني للاخر يا ..أنتِ أسمك أية
_مروى
_بصي يا مروي أنا ……
