الفصل الحادي والعشرين
بسم الله الرحمن الرحيم
اللهم صلي وسلم على سيدنا محمد سيد الخلق اجمعين وعلي اله وصحبه اجمعين
_____ زين والقمر بقلمي دودو محمد
في شركه الحديدي للازياء
يقف زين علي بعد مناسب من قمر
بحيث يراها هو ولا تراه هي
دخلت قمر المكتب
قمر باقتضاب : السلام عليكم
دره وصبا. : وعليكم السلام
صبا : مالك ياقمر
قمر : مالي ما انا كويسه اهو
دره : اهدي انتي داخله حاميه ليه كدا
قمر : انا هاديه انتو شايفني بشد بشعري ولا حاجه
صبا : بت في ايه
دره : اتعدلي كدا واتكلمي وقولي في ايه
قمر بسخريه : زياد
صبا : ماله مش دا الحب
قمر : مطلعش زياد
دره : صبا قمر بتنكت علي الصبح
صبا : براحه كدا فهميني تقصدي ايه
قمر : اقصد أن زياد طلع زين اخو ملاك صاحب الشركه وكان بيضحك علي قمر الساذجه الطيبه العبيطه
دره بذهول : يلهووووووي
قصت لهن قمر ما حدث
صبا : يا ولاد اللعيبه بصي يا قمر اضربي طناش أو زي البت دره ما بتقول صدري الطرشه
قمر : انا فعلا بعمل كدا
دره : بقولك اي ياقمر المفروض أن المصممه اللي هو انتي كنتي هتروحي شرم الشيخ علشان الوفد اللي جاي من المانيا عايزين تصاميم الصيف وكدا.
الصبح ملاك اجت طلبت مننا أن واحده فينا تروح وتسيبك انتي
روحي ياقمر هي المده هتكون 12يوم روحي صفي ذهنك وسيبك منهم
قمر: عندك حق انا فعلا محتاجه اروح طب سلام اروح اشوف اي الحوار
____ استغفر الله________
عند زين الواد الحليوه دا
كان يقف ليري قمر وليته لم يراها
فقد كانت ترتدي جينز ضيق جدا ومقطوع من علي الركبه وشميز ابيض تاركه لشعرها العنان وتضع بعض مستحضرات التجميل التي زادتها فتنه
وشميز ابيض تاركه لشعرها العنان وتضع بعض مستحضرات التجميل التي زادتها فتنه( الواد ولع يا حاجه قمر )
)زين : طب اروح اموتها دلوقتي علشان اللي عينهم هتتخلع عليها دي
ولا اروح اجيبها من شعرها الليهي فرحانه بيه دا وولع فيه
ولا اروح اخطفها
زين : اهدي يا زين انت كدا بتنيل الدنيا بدل ما تصالحها عايز تعمل فيها كدا وبتختار كمان هتقتلها ازاي
صبرني يارب انا عارف اني انا غلطان كان يوم اسود
صبرني يارب وادي ام الملف مش عارف اشتغل حتي
( احسن خليك والع كدا مش هطفيك )
)_______الحمد لله________
قمر للسكرتيره
لو سمحتي انسه ملاك عندها حد
السكرتيره : لا يافندم ثواني اديها خبر
وبعد دقيقه. دلفت قمر للداخل
ملاك : ازيك يا قمر
قمر : احم انسه ملاك انا عايزه اروح عرض شرم الشيخ للوفد اللي جاي
ملاك بحزن : مش هينفع
قمر بعمليه : صبا ودره مش هيعرفوا يروحوا فرحهم بعد اسبوعين وطلبوا مني اروح بدالهم
ملاك : اللي تحبيه يا قمر السفر بكره الفجر والملف دا في كل حاجه هتحتاجيها ودا كارت الفندق اللي هتقيمي فيه المده دي
قمر : تمام شكرا
ملاك : قمر انا اسفه
قمر : احم حضرتك شمس هتكون معايا أن شاء الله مفيش داعي زيا٠٠٠٠٠٠٠ احم اسفه مفيش داعي مستر زين يعرف علشان لو عرف . استقالتي هتبقي علي مكتبك بعديها
ملاك : مش هيعرف
قمر بسخريه وهي تقلب عينيها : ياريت
عن اذنك يا فندم
خرجت قمر وتركت تلك القابعه تبكي ورائها
أمسكت ملاك الهاتف.
ملاك ببكاء : رعد انت فين انا محتاجاك
رعد بقلق : في اي يا ملاك في ايه ياحبيبتي انتي فين
ملاك : انا في الشركه
رعد : طب اطلعي علي أقرب كافيه وثواني واكون عندك
أغلقت ملاك وجمعت اغراضها وذهبت
بعد ساعه
رعد : انتي غلطانه ٠٠٠٠٠ متبوصليش كدا ايوه انتي غلطانه لما تضحكوا علي واحده علشان البيه مش واثق فيها طب دلوقتي متشحتف وراها ليه طالما مش واثق فيها
عايزه الحق انا نفسي أولع في زين اخوكي دا عايز الحرق كنتو ناويين تضحكوا عليها لإمتي
ملاك ببكاء : لا والله هي سمعتنا هو كان يومها عايز يقولها
رعد : لو فعلا عايزاها صديقه تاني يبقا تعتذري مره واتنين وعشره وهي طيبه وهتسامحك هي بس محتاجه وقت علشان تهدي انا عارف انها بتحب زين وبنت عليه امال كبيره وفجأه كده يطلع كداب وشايفها عبيطه
لا هي محتاجه تهدي الاول سبيها شويه وقولي للنطع اخوكي يهدي علي نفسه نافش ريشه علي ايه
ملاك : ربنا يديمك في حياتي انت دايما بتديني امل
رعد بحب : امال لو مدتكيش امل هديكي فوزيه مثلا ثم اكمل بمرح. يا بت دا انتي الحته الشمال
ملاك :
بقيت لوكل اوي يا دودو
رعد : دودو مين
ملاك : انتي دودو
رعد بغيظ : بقا انا النقيب رعد يتقالي دودو يا خساره هيبتك يا رعد راحت في الأرض طب حتي احترمي الشنب دا
ملاك : حاضر يا ٠٠٠٠٠ دودو
حاضر يا ٠٠٠٠٠ دودو رعد بغيظ ؛ قسما عظما لو قولتيها تاني هاعمل
ملاك ببرود : هتعمل ايه
رعد : ولا حاجه
ملاك : بحسب
رعد لنفسه : حسبي الله عيله ظلمه حتي اللي بيقولوا عليه صاحبي
نسيبهم بقا يكملوا قعدتهم
_________ اللهم لك الحمد______
في المساء بمنزل قمر
قمر : بابا حبيبي يا ميدو
الأم : اتلمي علشان الشبشب هينور وشك دلوقتي
قمر : ايه يا طمطم لسه بتغيري
الأم فاطمه : اخلصي عايزه ايه
قمر : هو احم يعني ٠٠٠٠٠٠٠٠٠٠انا كنت بقول
٠٠٠٠٠انا كنت بقولالاب : براحه يا قمر براحه
قمر بسرعه : بص يابابا بليز ما تعترضش في شغل ليا في شرم الشيخ هينقلني نقله تانيه هقعد هناك 12 يوم ودا شغل مش رحله فكنت بستأذنك اني اروح
فاطمه بغضب : نعم لا طبعا شغل ايه اللي 12يوم
مفيش بيان بره البيت
الاب : قمر يا حبيتي انا واثق فيكي بس فعلا ما ينفعش تروحي مكان زي دا لوحدك كدا احنا خايفين عليكي
( اه طبعا قاهره الرجال واللي مكسراهم )
)الأم : برده لا دا كده نيلتيها عايزين انتوا الاثنين البنات تروحوا لوحدكوا. مستحيل
الأب : روحي يا قمر لو دا هيريحك روحي
قمر : حبيبي يا ميدو اروح اقول لقمر
فاطمه بغضب : انت اتجننت
احمد : فااااطمه الزمي حدودك ولادك بميه راجل انتهي
فاطمه ببكاء : هو انا مش ام وبتحس ولا ايه دول ولادي
احمد بغموض : أظنك عارفه كويس اوووي
فاطمه بصدمه : ايه اللي فكرك دلوقتي
احمد. : مفيش انا هنام
فاطمه بقلق مبهم : استر يا رب
______ بقلمي دودو محمد
شمس : الله هاي هاي هاي هاي بجد هنسافر شرم
قمر : يابت اتهدي احنا مش رايحين شاليه بابي ومامي والأرف دا احنا رايحين شغل ها شغل
شمس : شغلك انتي إنما أنا بقا هنطلق اشوفلي موز كدا اجنبي
قمر : لا بقولك ايه احنا لسه فيها هتيجي معايا يبقي تلازميني زي ضلي
ما تروحيش في حته من غيري مهما كان احنا بنات
شمس : يا شيخه اتنيلي مهو لازم اتفسح وأخرج مش هروح شرم وارجع من غير ما انبسط
قمر بتنهيده : ربنا يسهل نامي دلوقتي علشان ورانا سفر الفجر بالعربيه
شمس بحنق : مش عارفه كان لازمتها ايه ترفضي تذاكر الطيران
قمر : نامي واسكتي تصبحي علي خير
شمس : وانتي من اهله يا اختي
________ بقلمي دودو محمد
دره : صابر انت كنت عارف
صابر : والله ما اعرف ومش عارف عمل كدا ليه سكت قليلا ثم قال ٠٠٠٠٠٠ كله منك يا هاجر الزفت
دره : مين دي يا صابر
صابر : دي واحده مستغله جشعه بتحب اي حد معاه فلوس أو بمعني اصح مش بتحب بيبقا عندها هوس امتلاك الشخص دا
دره : طب زين ماله ومالها
صابر : زين كان من ضحاياها
دره بعدم فهم : ازاي يعني
صابر : اسف بس ما ينفعش اتكلم اكتر من كدا زين صاحبي ومهما كان مش هقول سره
دره بمرح : الله عليك يا جامد انت
صابر. : بقولك ايه تيجي نتفرج علي فيلم
دره : اشطاتوا يلا هنروح السينما
صابر : لا هنعمل جو السينما هنا هجيب اللاب توب واجي اشوف فيلم وانتي روحي اعملي فشار
دره : فوريره
بعد مده
دره وهي ترتجف : خلاص يا صابر بالله عليك اقفله
صابر : مكنتش اعرف انك جبانه كدا
دره بحنق : مش جبانه بس اقفله انت مش شايف المناظر يع دم ورقاب وقرف هرجع
صابر : اش فهمك في الرعب انتي جتك نيله
دره بصراخ : صااااااابر اقفل
صابر : لا
دره بصراخ اكبر : هو ايه سكتناله دخل بحماره مش علشان سكت افتكرت اني طيبه لا بالعكس دا انا دره والأجر علي الله
وادي الفيلم الزفت وعلي الله يتفتح وقوم من هنا يله
صابر : براحه اهدي علي نفسك كدا
دره : انت يا صابر الزفت امشي من وشي لإما قسما عظما لو ما مشيت هنشوف مني شئ مش هيعجبك
صابر : خلاص خلاص هروح اعمل اكل علي ما تهدي يا هرقليز انتي
دره بعيون حمراء من العصبيه : نعم هرقليز ؟ مين هرقليز
صابر بخوف من شكل دره : اهدي يا برعي
دره : برعي ورحمه ابويا اللي ما عندي اغلي منه ما هسيبك يا زباله انت
جرت دره الهبله وري صابر ل نص ساعه كامله
ل نص ساعه كاملهصابر : خلاص اتعلمت والله ورحمه ابوكي لتسكتي
انتي ايه يا شيخه فرهدتيني
دي تدريبات الشرطه مش كدا لا اله الا الله قطعتي نفسي
( هي مش اتعاملت معاك بالحسني ومعجبكش اشرب بقي )
)دره : صابر
صابر وهو يضع يده علي فمه : اتخرس صابر مات صابر
دره بدلع : لا بعيد الشر عنك يا صاصا
صابر : تسلميلي يا قلب صاصا كنت عارف انك اصيله وما يهونش عليك
دره : لا انت فهمت غلط امال هتخانق مع مين كل شويه.
صابر. بحنق : ماديه حقيره
دره : صاااابر
صابر : خلاص تنزل المرادي
سكتوا قليلا
ثم انفجر الاثنان بالضحك معا علي جنونهم
دره : ربنا يديمك في حياتي
صابر : ويديمك ليا
( جفاف عاطفي والنعمه السناجل علي جمب كدا )
)_________ دودو محمد
في تمام الساعه العاشره صباحا
كانت قمر تقف مع الوفد لتري آرائهم في التصاميم التي كلفت بعملها
الحوار مترجم
قمر : سيدتي أعتقد أنه إن كان الفستان مغلق قليلا من الصدر سيكون اروع
بيتر مدير الوفد : معكي حق جميلتي
قمر بتجاهل لذاك البيتر ؛د: ما رأيك
السيده : انا أثق بآرآك سوف اجرب من جعلت ملكه الاردن بجلالها تثني عليها
قمر : اتنمي أن أكون عند ظنك سيدتي اعتذر علي الذهاب الان سوف اراكي غدا لاريكي التصاميم الجديده
السيده. : لا بأس
بيتر : جميلتي انتظري قليلا
شمس : بت يا قمر هو ايه الحوار. اقوم اخلع له عينه ابن المبقعه .دا
قمر : عيب يا شمس
قمر لبيتر : اعتذر منك سيدي علي الرحيل ف هناك عمل كثير ينتظرني
بيتر بحزن : اوووه لا عليكي ساراكي غدا ولا مجال للأعذار
قمر باتسامه خطفته : حسنا الي اللقاء
شمس : قمر بقولك ايه ما تسيبي الواد زين وتخليكي في بيتر دا
قمر : ليه بتقولي كدا
شمس : علي اساس انك مش عارفه دا الراجل طول ما هو قاعد عينه ما ترفعتش من عليك يخرااااااااااابي العرق الاجنبي فيه طافح اووي يعني يخربيت العيون الخضر يا شيخه
قمر وهي تتنهد : القلب وما يريد
شمس : طب سيبيهولي انا دا مز المزاميز يا بنتي
قمر : هتعرفي وتسيبي مالك
علي الجانب الآخر
وقف بيتر واضعا يده في جيب بنطاله عينيه علي قمر وشبح ابتسامه بلهاء يرتسم علي شفتيه
بيتر : صدق من قال إن الجمال الشرقي لا يقارن يا الهي. انتي فعلا قمر
قريبا ستكونين ملكي فاتنتي ٠٠٠٠٠٠٠٠
لم يكمل جملته بسبب ضيق تنفسه بفعل اليد التي امتدت لرقبته. وقامت بخنقه
بيتر وهو يلتقط أنفاسه : علي مهلك يا رجل ما ذا بك
استوب كدا
الفصل خلص
توقعاتكم مين هو الشخص اللي خنق بيتر؟؟
ملاك هتقول لزين وتخذل قمر تاني ؟؟؟
