رواية زين و القمر الفصل 24

اذكر نفسي وإياكم بذكر الله

زين والقمر بقلمي دودو محمد ⁦⁩⁦⁩⁦⁩

________ زين والقمر بقلمي دودو محمد⁦⁩⁦⁩

ونكمل

بتمر الايام واهي ايام وبنعيشها بس بنختلف

في مننا عايش حياته سعيد وطائر في السما ومننا اللي حزين وفي سابع ارض

والمكسور واللي تعبان واللي اخيرا لقي حبه الحقيقي

واللي حب وطلع حبه مش حقيقي كأنه بيتسلي

واللي ضاع منه حاجه. ومش عارف يرجعها

بس لكل واحد حياته نروح لقصتنا

ال 15 يوم مروا بسلام وفرحه علي البعض و بحزن علي البعض الآخر

نبدأ بقمر

عدت عليها المده دي وهي فرحانه جدا وقلبها بيرفرف من السعاده مع انها ما شافتش زين

بس فكره أنه مهتم بيها وبشعورها وأنه خايف عليها الفكره دي نفسها مفرحاها جدا بتصحي كل يوم علي رساله زين وبتنام برده علي رسالته

ومفرحها اكتر أنه بيحكيلها تفاصيل يومه وعمل ايه في محاوله منه أنها ترد عليه بس هي مستمره في عقابه وتجاهله وهي عارفه أنه مبيحبش التجاهل

والناحيه اللي مضيقاها جدا

السمج ابو عيون خضره زي ما قالت عليه شمس

بيحاول بكل الطرق انه يجذب انتباهها ليه وبيحاصرها دائما

بس هي عارفه أنه ما ينفعش ليها اصلا لعده اسباب

واولهم ديانته هو مسيحي مش مسلم زيها ودا حرام وعارفه كمان قول ربنا ( ولعبد مسلم خير من مشرك ولو أعجبكم )

وثانيا أنه مش من بلدها وهي مش عايزه تبعد عن اهلها وصحابها

بس هي مبسوطه باهتمام زين جدا

زين

بيعمل زي ما ملاك قالت له بالضبط وماشي علي تعليماتها. وبيحاول بكل الطرق انه يخليها تتكلم. حتي أنه بيتعمد انه يقول إن كان قاعد مع بنت وعملت موقف مش لطيف كمحاوله فاشله من أنها ترد عليه

بس هي زي ما بيقولوا في المثل

مصدره الطرشه

وفي نفس الوقت خايف جدا من أنها تسيبه بعد ما حبها هو بيعترف لنفسه أنه حبها. ومش هيقدر يبعد عنها أو يحب غيرها

شمس ومالك

دول بقا الحياه بينهم استقرت مالك عرف ازاي يصالح شمس ورجعوا تاني عادي يتخانقوا. ويتصالحوا ويضحكوا. ويهزروا

شمس عايزه مالك يحبها وعلشان كدا صالحته

ومالك عايز شمس تحبه ومستني يحس من تصرفاتها. أو من كلامها أنها حبته علشان يعترفلها

دره وصابر

دول بقا في خناق علي طول بس مش خناق بمعني الكلمه

هو زي ما بيقولوا ضرب الحبيب زي اكل الزبيب بيناقروا بعض يعني دره بتحط التاتش بتاعها علي أي حاجه العلاقه اللي فيها ملل ولا مبالاه نادرا لما بتنجح لأن أي طرف في العلاقه دي مجرد ما يلاقي حد يدخل الفرح حياته هيسيب الطرف التاني ودره بتعمل بالمقوله دي

امجد وصبا

امجد مبسوط بصبا جدا لأنها بدأت تظهر غيرتها ومش خايفه دا بكل جرأة واقفه. وبتقوله أنها بتغير

ايوه بتغير مش نقصان ولا ضعفان بس بتغير.

بتحسسه أنه الراجل الوحيد اللي على الأرض هو فاكر لما كانو في المول وواحده عاكسته أو كانت بتكراش عليه وطلبت. رقمه جابتها من شعرها ومرمطت بيها الأرض وفرجت عليها المول كله

مكنش متوقع صبا الهاديه القطه الوديعه يطلع منها دا كله

ومع ذالك

ما بيترددش لحظه انه يظهرلها حبه ولهفته ليها زي ما هي بتحسسه أنه ملكها الأوحد هو كمان بيحسسها أنها ملكته الوحيده. ملكه قلبه ودنيته

رمزي وعلا

دول بقا في كوكب تاني كوكب الحلويات كوكب البيتزا سموهم اللي تسموهم

من بعد تلميح رمزي لعلا وهو ماحولش أنه يتكلم معاها هو ركز في دراسته ومستقبله وفهمها دا وفهمها كمان أنها ممنوع تقف مع ولد او تكلم ولد

وهي احترمت دا جدا

وما حولتش تناقشه بالعكس بتشجعه علشان يخلص السنه دي ويشتغل ويتجوزها

________ استغفر الله________________

نيجي بقا ليوم الفرح

٠٠٠٠٠٠٠ : انتي فين يا زفته هو انا مش صاحبتك ولا ايه يا قمر هانم

قمر : اهدي يا دره انا في الطريق

دره : بسرعه ما تتاخريش انا اصلا مش علي بعضي من الصبح وخايفه

قمر : انا قدامي ربع ساعه وهكون عندك ما تخافيش

مر بعض الوقت وكانت قمر مع دره وصبا

قمر بضحك : انا مش عارفه انتي مرعوبه ليه كدا خايفه من ايه مش شايفه التلحه اللي هناك دي بتاكل وضاربه الدنيا طناش وعادي يعني

صبا والطعام في فمها : يعني اكل ولا اموت من الجوع علشان البيه يتجوز ما انشالله عنه ما اتجوز المهم انا

قمر : صح ٠٠٠ انتي صح المهم انتي

خليكي ريلاكس يا درتي ٠٠٠٠ ريلاكس

دره بعصبيه : بقولك ايه انتي وهيا سبيني في اللي انا فيه مش ناقصاكي هيا

قمر وصبا : . حاضر. اخلصي بقا خليها تعملك الميكب

في المساء

يقف امجد وصابر معا أمام صالون التجميل في حاله من التوتر

مالك : ما تنشف ياض منك ليه دا البنات مش متوتره زيكوا كدا

زين : سيبك منهم دول فرافير اللي يشوفهم دلوقتي ما يشوفهمش وهما ماسكين السلاح وبيرعبوا اجدعها مجرم هه هه هه

امجد : تسلم يا صاحبي دا العشم برده اتريقوا اتريقوا بكره اشوفك مكاني انت وهو وهسحلكم مش هرحمكوا

زين : ادعيلي ابقا مكانك بس انا وقمري واسحلني براحتك. هييييح هيييييييح اووووي يعني

( منك لله يا ايه الكلمه لزقت في لساني

امي بتشكتي مني هيييح اي دا بردوا)

مالك : فاكر ياض يا زين لما كانوا واقفين الاتنين يلبسوا ومن كتر الربكه اللي هما فيها مش عارفين يلبسوا الجرافته

زين : لا وايه البت سندس عرفت أن امجد هيتجوز راحت جايه البيت بتقوله

زين محاولا تقليد صوت سندس : ما تسيبنيش يا أمجد انا بحبك يا أمجد مش هقدر اعيش من غيرك يا أمجد افتكر أن احنا صحاب وجيران حتي

مالك :. ولما فشلت معاه راحت بتقوله ايه طب سيبني اعدلك الجرافته اخر حاجه هعملهالك. علشان خاطر صحوبيتنا. بس

زين : اها قلبه دعيييييف راح موافق

صابر : انت بتقولوا وتلحنوا لبعض ما تتلم انت وهو

زين : صابر ايوه صاصا خليني ساكت احسن دي فضايحك لوز اللوز

صابر : احم براحتك ياباشا

امجد : لا راجل ياض ما تسكت بقا انت وهو

زين : لا احنا نتكلم براحتنا دا حتي صبا هتفرح اوووي لما تعرف سندس

امجد : ايه ينهار اسود لا لا والنبي

زين بانتصار : ايوه كدا. يله ادخلوا هاتوا عرايسكم

بس استني كدا هدخل اشوف كل حاجه وابعتلكم

بعد مده

كانت دره تجلس بجانب صابر تتلقي التهاني

وهي في غايه التوتر من هذا الاحتفال المدجج بالقامات العسكريه اصحاب صابر و امجد حسنا يبدو ان لهذا الثنائي اصحاب كثيرون او لنقل زملاء لم اكن اتصور ان فرحي سيحضر به هذا الكم الهائل من القامات العسكريه

حسنا على ما اعتقد ان هناك ما يقرب من ثلث مائه شخص من الداخليه فقط غير الاقارب يبدو ان زوجي ذو شعبيه كبيره

في وسط هذا الاحتفال ظهر ذاك البغيض يبارك للعروسين هو ووالدته

٠٠٠٠٠ ايه دا انتي ببتجوزي لا وايه ظابط شرطه

التفتت لتري من يحدثها شحب وجهها عندما رأته ذاك السمج هو وأمه التي تود دفنها حيه أو إحراقها أو رميها للذئاب

لاحظ صابر نظرات الكره والسهام الحارقه المتوجهه من عينيها الي ذالك الثنائي الام وابنها فطن علي الفور أنها عمتها

دره : ايوه بتجوز عند سيادتك مانع ولا ايه يا فوزيه

فوزيه باستنكار : فوزيه. ؟!!!! فوزيه حاف كدا دا انا حتي عمتك

دره : اممم عمتي طب ياعمتي انا متبريه من النسب دا ومش عايزاه اعلي ما في خيلك اركبيه وجودك مش مرحب بيه هنا من غير مطرود بقا ومن غير سلام

صابر : في حاجه يا حبيبتي

دره : لا يا حبيبي متشغلش بالك دول ناس زباله كنت بعطف عليهم بس ما يستهلوش فجايين يشحتوا

عماد بغضب : جري ايه ياروح امك نشحت ايه احنا نشتريك كلك علي بعضك كدا

صابر بغضب انت و الاخر : ما تلم نفسك واعرف انت بتكلم مين

فوزيه : الجوازه دي باطله انا عمتها وابني وكيلها المفروض هو اللي كان يتجوزها اصلا بس طالما مش جوزها يبقي هو وكيلها

صابر بهدوء : امممم طيب طلباتك

فوزيه : بانتصار ابني يبقا وكيلها ولازم تدفعلنا مهر

دره : جري ايه يا وليه يا حربايه انتي في ايه

صابر : رفع يده وطرقع بأصابعه ثواني وكانت الاسلحه موجهه لفوزيه وابنها عماد

صابر : عرفتي بقا بتتكلمي مع مين وانت يا ننوس

عين امك في ايه ماشي وري حريم يا ابن امك

ثم اه افتكرت ازاي انسي حاجه مهمه زي دي

ثم مال علي فوزيه وهمس بجانب أذنها

صابر : قضيه قتل اخوكي انفتحت ووصلات الأمانة المزور اللي كنتي ممضياه عليها وورث مراتي اللي اخدتيه

يعني قضيه قتل هلبسهالك وايه كمان ايوه وقضيه تزوير وقضيه اتهام ابنه بقتل والدها باطل

قضيه التستر على مجرم اللي هيا مرات اخوكي

وما تنسيش الأعمال غير المشروعه اللي بتشتغلي فيها زي مخدرات واللذي منه يعني اقله مؤبد إذا مكانش اعدام

انتي والأمور اللي واقف جمبك دا وحاجه كمان قضايا الاغتصاب اللي مرفوعه عليه وبتشيليها لحد من رجالتك أو تدفعي للبنات علشان يسكتوا هفتحها هي كمان. منا مقولتلكيش انا مش ورايا غيرك. يا حلوه

شحب وجه فوزيه وهي تسمع منه هذا الكلام عن أعمالها

هو ليس بالشخص السهل. أنه يراقبها هي وإبنها كما تري من يحاوطونها بالاسلحه من كل مكان ثواني وكانت خارج القاعه

امسك صابر المايك : بعتذر يا جماعه عن الشوشره اللي حصلت دي كملوا الحفله ويارب تنبسطوا اسف مره تانيه

نظرت دره لصابر بامتنان : انا لو قعدت ميه سنه اشكرك مش هوفيك حقك انت بجد كتير عليا ربنا يديمك ليا وما يحرمنيش منك ابدا

صابر : بتشكريني علي ايه يا هبله انتي مراتي

دره : صابر انا بحبك ⁦⁩⁦⁩

لم يستوعب صابر ما قالته وقف يحدق بها ببلاهه

دره : صابر انت ٠٠٠٠٠٠ انت كويس

صابر : انتي قولتي ايه ٠٠٠٠ لا والنبي مش وقت كسوف دا انا افتكرت اني هخلل جمبك يا شيخه بالله عليكي قولي كنتي بتقولي ايه

دره بكسوف : احم انا ٠٠٠٠٠ احم

صابر بلهفه : ها انتي انتي ايه

دره : انا بحبك ⁦⁩

ثواني وكانت في احضان صابر معشوقها

صابر : حرام عليكي يعني جايه تقوليها دلوقتي

قم جذبها للرقص

ضحكت بدلع محبب لقلبه : امممم كنت عايزني اقول امته يا صاصا يا حبيبي

صابر : لابقولك ايه ارحمي امي انا مش ناقص بلاش دلع والنبي

دره : لا اله الا الله

نسيبهم مع بعض بقا عيب كدا ونروح للجهه التانيه من الفرح

صبا وأمجد : يتراقصان سويا علي انغام موسيقي رقصه السلو الخاصه بالعروسين وبعض الكابلز بجوارهم. وطبعا مالك وشمس من ضمن الكابلز

ترقص صبا مع أمجد وهي تتذكر زين وما قاله لها حين طلب منها التحدث قبل مجيئ امجد

فلاااااااش بااااااك

صبا : في ايه يا مستر زين قلقتني

زين بجديه : اسمعيني للأخر في واحده انا متأكد انها هتيجي الفرح علشان تخرب عليكي اسمها. سندس

دي كانت جاره امجد وقت ما كان بباه ومامته عايشين وبعد كدا قربت منه بقت صديقه بالنسبه لأمجد وانا متأكد من ده بالنسبالها بقا فهي بتحبه ومستعده تعمل اي حاجه ومتأكد جدا أنها هتيجي تحرق دمك بكلمتين

بصي يا بنت الناس علشان ما تخربيش على نفسك

هي جت لأمجد النهارده. وكنت أنا وصابر ومالك واقفين وهي بكل بجاحه

جايه تقوله أنها بتحبه وما يسبهاش راميه نفسها عليه ووالله هو طردها بس امجد بيحبك انتي والله

صبا بامتنان : شكرا يا مستر زين وانا واثقه في صابر جدا. وعارفه كويس أنه ما يعملش كدا

باااااااااااااا ااااااااااااااااك

امجد : صباااااا يا صبااااا

صبا : ها ٠٠٠٠٠٠٠٠ إيه يا أمجد في حاجه

امجد : دا انتي مش هنا خالص في ايه

صبا : ما تشغلش بالك سرحت شويه وبصراحه خايفه

امجد بجديه : خايفه ؟ متخافيش انا عمري ما أذيكي اپدا

انتهت الرقصه

وذهب امجد وصبا الجلوس دقائق معدودة وكانت احداهم تسلم علي امجد بدلع مقرف

انتقلت بالسلام إليها ثم قالت

سندس : خلي بالك من امجد دا حتي طلب مني انا اللي اربط له الجرافته ما تتخيليش انا وأمجد قراب من بعض قد ايه

كانت الصدمه من نصيب امجد ينظر لدره بمعني هي كاذبه لم افعل هذا اقسم لكي اعتبرها صديقه فقط لست قريبا منها ثواني وكانت له الصدمه الأكبر

صبا : وانتي مش واخده بالك أن البدله كلها اتغيرت بما فيها الجرافته يعني بعد ما كانت سوده بقت كحلي والجرافته بعد ما كانت سوده بقت كحلي برده

شحب وجه سندس : نعم ازاي يعني

صبا وهي تتعلق بيد صابر بتملك وتحدثها بلامبالاه زائده

صبا : اللي فهمتيه امجد ما بيخبيش عني حاجه عارفه انك روحتي ترمي نفسك عليه تخليه يتجوزك وهو طردك كتير آخرهم النهارده عارفه امجد حبيبي لما قالي هو اللي أصر أنه يغير البدله علشان يمحي

اي اثر ليكي

مش واحده زيك اللي هتيجي توقع بينا ثم نظرت لها بقرف واكملت انا بثق فيه جدا عارفه يعني ايه ثقه

صح ما انتي متعرفيش هقول ايه المهم انا لو شوفته بعيني وهو بيخوني وهو قالي لا معملتش كدا هكدب عيني وأصدقه

وبره بقا من غير مطرود علشان انتي خنقتيني مش عارفه امجد كان عارفك ازاي ومستحمل الاشكال الزباله دي اوووووف

يلا يا بيبي تعالي نرقص يا روحي

جذبته صبا للرقص معها وهو يمشي كالمسحور يعرف أن صبا لن تمرئ الليله علي خير ابدا

بينما الأخري خرجت تجر أذيال الخيبه ورائها بعدما فشلت بمخططها في الإيقاع بين صبا وأمجد

صبا : عارفه من غير ما تبرر أن ملكش ذنب دا انا سبحان من صبرني عليها السلعوه دي مش عارفه جيبت الهدوء والثبات الانفعالي دا منين

كان عايز عليا أموتها

امجد : علشان كدا اصريتي اني اغير البدله ؟؟

صبا : طبعا امال اسيب السلعوه دي توقع بيني وبين حبيبي

امجد بعيون لامعه. : حبيببك ؟؟! يعني انتي بتحبيني

صبا بكسوف : ايوه بحبك ⁦⁩⁦⁩⁦⁩

امجد : ربنا يباركلك فيكي انا مبسوط بيكي اوووي ما تتخيليش انا سعيد قد ايه

صبا بشراسه : اياك يا أمجد اياك ثم اياك اشوف اي سلعوه قريبه منك انا بحذرك اهو

امجد : حاضر يا حبيبتي خلينا ننبسط بقا ما تبوظيش الليله

( جماعه اقسم بالله من كميه المحن دا انا جالي جفاف عاطفي. حد زيي بت يا ايه انتي فين مش لاقيه حد يشهيصني )

___________________________________

اللهم لك الحمد كما ينبغي لجلال وجهك وعظيم سلطانك_________________________

______

تلك القمر منذ أن رايتها وقد سلبت ما تبقي من عقلي بعد ما اخذت كل قلبي

كيف لها أن تكون بذاك الجمال يا الهي سوف ارتكب جريمه تطالعها كل العيون وكأنما لم يروا فتاه من قبل لا بل لم يروا جنس حواء من قبل

اخبكئي اين عيونهم تلاحقك لو فقط تعطيني فرصه

ماذا لو تحدثت الروح عنك؟

فقد تقول الكثير والكثير وأنك اول من أحبت فأنك لها مأمنها الخاص ومسكنها عزيزتي

ثواني. واتجه اليها يكفي لقد فاض به لن يتحمل بعد الان

خاصه مع ذاك الفستان



أما عن قمر فهي لم تحد بنظرها عنه تطالعه في الخفاء

تردد سنعتاد على كل هذا الحزن وعلى ان نبقي منفردين ونرمم كل إنكسار بداخلنا دون الحاجه إلى أحد ونتعلم ان هذه الحياة ليست عادلة فهي تأخذ منا كل شئ نحبه ونعتاد أيضا إنكم كنتم أقرب منا إلينا وتركتونا نعاني من إنكسار قلوبنا

زين : قمر. احم ٠٠ ازيك

قمر : كويسه الحمد لله

زين : مش ناويه تسامحيني بقا

قمر : وهو انا زعلانه منك

زين : ايوه دا اللي انا شايفه انك زعلانه

قمر : لو سمحت يا مستر زين احنا في فرح اعز اتنين علي قلبي مش عايزه انكد عليهم

زين : لا يا قمر انا مش قادر استحمل لازم نخلص الموضوع دا النهارده

قمر : تمام قولي شايفني زعلانه ازاي هو انت عملت حاجه تزعل ؟

زين : احم ٠٠ ايوه

قمر ببرود : سمعتك قول ايه هي لأني بصراحة معرفش ؟؟

زين بحرج : احم يعني هو

احم ٠٠٠٠٠ كدبت عليكي وقولتلك اسم غير اسمي وكدبت عليكي بخصوص عيلتي

قمر : بس

زين بحرج اكبر : كنت فاكرك بنت مش ٠٠٠٠٠٠ يعني

قمر : ايه

زين : كنت فاكرك ٠٠٠ بنت مش كويسه يعني ممكن تخونيني في اي لحظه وتروحي مع أي حد ٠٠٠٠٠٠ علشان الفلوس

قمر بصدمه : كمان كنت فاكرني فتاه ليل يعني عاهره

زين بسرعه : لا لا لا لا متفهمتيش غلط بقول كنت فاكر قبل ما اعرفك

قمر بحرقه : وايه كمان

زين : في الاول خالص كنت ناوي العب بيكي٠٠٠٠٠بس

بعد كدا حبيتك جدا وكنت هعترفلك في اليوم اللي سمعتيني فيه

قمر : وايه كمان

زين بخزي : عيبت في حقك جدا وكنت بتفق مع ملاك عليكي

قمر : ايه كمان قول قول اشجيني

زين : ؟؟؟؟؟؟؟؟؟؟

قمر : طب بص بقا علشان انا سبحان من مصبرني عليك دلوقتي

انا كنت سامحتك اصلا بس بعد كلامك نجوم السما اقربلك مني فاكرني عاهره انتي مش عارف دا معناه ايه

انا اللي غلطانه اني بتعامل مع الناس بحسن نيه انت صح لما قولت عني ساذجه وعبيطه وبصدق اي كلمه

مش عايزه اعرفك تاني

مشاعر الناس مش لعبه علشان تلعب بيها ذنبي ايه انا علشان تاخدني بذنب غيري. كل الحكايه اني طيبه

هي الطيبه في الزمن بقت غلط وعيب وحرام ما بتصدقوا تلاقوا حد طيب تجرحوا فيه

سلام مش عايزه اشوفك تاني. وخرجت من الحفل بعد أن ودعت صديقتيها وحزنهم أنها ذاهبه فقد كانوا يتابعون ما يحدث

واخبرت شمس أن تعود مع مالك فهي بحاجه للاختلاء بنفسها قليلا تبحث عن الهدوء

( ايه الفرح الكارثي دا هو في ايه يا جدعان )

نجيب شمس الفصل الجاي بقا )

استوب كدا