الفصل السادس والعشرون اللهم صلي على محمد و على اله و صحبه اجمعين
اللهم اغفر لنا ما تقدم من ذنوبنا وما تأخر
زين والقمر بقلمي دودو محمد
______ بقلمي دودو محمد __
__آسر بحزن : كل دا ومفكرتيش انك تقوليلي امال انا اخوكي ليه مش علشان ترمي عليا همك
قمر : معلش يا أسر
اسر : زين ابن الكلب دا والله لأوريه ومش هيعدي من تحت ايدي ازاي يقول عنك كدا. هو ايه حمار ما بيفكرش
قمر : خلاص يا آسر المهم انا جايلي فرصه عمل بره مصر لمده ثلاث شهور هقدر اتعافي فيهم نفسيا أن شاء الله
وافق علشان خاطري ولو سمحت أقنع بابا وماما
آسر : حاضر ياقمر بس مش دلوقتي الوقت أتأخر جدا بكره أن شاء الله
قمر : حبيبي يا اسورتي ربنا يديمك ليا يارب وما يحرمنيش منك ابدا يا اروع اخ
آسر بابتسامه وهو يحتضنها : ولا يحرمني منك ابدا يا قمري
آسر : يارب قوينا احنا داخلين علي مشقه جامده. ريقي هينشف بكره
_______ أستغفر الله __________
زين والقمر بقلمي دودو محمد
في الصباح التالي
تجلس تلك الشمس بعد أداء تمارينها الصباحيه
تجلس. امام النيل تغني اغنيه اصاله
قولي بحبك
هو احنا لازم نستنى لحد ما الشوف بينا يموت
ولا احنا نتمنى الفرصه ولما تيجى نسيبها تفوت
هو احنا لازم نستنى لحد ما الشوف بينا يموت
ولا احنا نتمنى الفرصه ولما تيجى نسيبها تفوت
هو احنا لازم نستنى لحد ما الشوف بينا يموت
ولا احنا نتمنى الفرصه ولما تيجى نسيبها تفوت
ستنى ايه نستنى ليه
هو احنا مش هنعيش
قلبى انا لو مش مكسوف
كنت انا اللى هقولها ليك
قول بحبك بقى متقول
ولا صعبه عليك
قلبى انا لو مش مكسوف
كنت انا اللى هقولها ليك
قول بحبك بقى متقول
ولا صعبه عليك
احساسنا بالحب لا يمكن
يكون مجرد نظرة عين
تعالى انا وانت نصمم
نفرح بايامنا الجايين
احساسنا بالحب لا يمكن
يكون مجرد نظرة عين
تعالى انا وانت نصمم
نفرح بايامنا الجايين
نستنى ايه نستنى ليه
هو احنا مش هنعيش
قلبى انا لو مش مكسوف
كنت انا اللى هقولها ليك
قول بحبك بقى متقول
ولا صعبه عليك
قلبى انا لو مش مكسوف
كنت انا اللى هقولها ليك
قول بحبك بقى متقول
ولا صعبه عليك
٠٠٠٠٠٠. : الله الله لسه فيه حاجات هكتشفها ولا ايه
شمس : اي دا ايه اللي جابك هنا
مالك : هو معقول ؟؟! فيه حد حمار يفوت الصوت الحلو دا
شمس : بلاش رخامه متجاملش صوتي مش حلو ع فكره قمر صوتها احلي
مالك بدهشة : اي دا بجد وبعدين انتي مستنيه مين يقولك بحبك
شمس بخجل : مفيش يعني كنت بدندن مع نفسي كدا
مالك : هو في حد نفسه يقولك اوووي حتي مستنيكي تتقبليه علشان يجي يتجوزك
شمس بخوف : مين دا حد اعرفه
مالك : عز المعرفه
شمس بتوجس : مين
مالك بتلاعب : امم اممممم ماينفعش يكون انا مثلا
مالك : ودي حاجه اهزر فيها انتي عارفه اني بحبك
من يوم ما شوفتك في بورسعيد وانتي بتتمشي
هو ماكانش حب يعني علشان ما نفشرش هو كان اعجاب واتحول لحب بس كنت بستاكي يعني تحبيني مهو مش معقول يعني هتجوز واحده مش متقبلاني أو متحبنيش
شمس بسرعه : لا متقبلاك. ثواني وأدركت ما قالت لتبتعد عنه بخجل وتضمت
مالك بخبث : اممم متقبلاني يعني اقدر اجي اقابل السيد الوالد
شمس : ها
مالك : اممم حددي ميعاد مع والدك وانا جاهز في اي وقت
شمس : ها
مالك : طب بمناسبه ها دي مش هتسمعيني حاجه من صوتك الحلو دا
شمس بخجل : احم عايز تسمع ايه
مالك : اممم نقول ٠٠ نداء شراره بحب الاغنيه دي اوووي
شمس : احم احم
مالي حاسة بارتباك و بحالة مش عادية عقلي اتجنن معاك مش عارفة ايه اللي فيا ٠٠٠٠٠ قوم فض الاشتباك او خبي عليك شوية دة انا واقعة فيك بجد
من كلمتين يا دوب ٠٠٠٠٠بلاقيني في حتة تانية مابشوفش فيك عيوب٠٠٠٠٠٠ و براقبك ثانية ثانية ازعل هتقوم حروب مش واحدة لا تمانية هو انت اي حد٠٠٠٠٠٠٠ انا نفسي اطير فرحانة جدا و دايبة و بطير حاسة بسعادة و دة احساس٠٠٠٠٠٠٠٠ خطير مجنونة بيك نفسي افضل قصادك و اقولك بحبك كتير و دة مش كلام٠٠٠٠٠٠٠٠ دة انا جاية اغرق عينيك اهتمام و دة وعد عليا و قرار٠٠٠٠٠٠٠٠٠ و التزام لو كنت اطول كنت امسح حياتي و نبدا من الليلة٠٠٠٠٠٠ قوام هو انت جيت منين٠٠٠٠٠ حبيتك بالتلاتة سهرانة بتاع يومين عايزاك و باستماتة مبسوطة حبتين لا حبتين تلاتة لا دة الموضوع يخض٠٠٠٠٠٠ من غير اي اتفاق عقلي في ثانية انت٠٠٠٠ خدته تاه مني و اما فاق مش ثابت زي عادته٠٠٠٠٠٠٠٠ ملهوف كله اشتياق بيروحلك و بارادته م الفرحة مش بيرد
مالك : الله بصي انا بحذرك اهو اياكي حد يسمع صوتك دا بقا ملكي ماشي انا اللي اسمعه بقا
سلام علشان هتأخر علي الشغل والحاج عز هينفخني سلام
شمس بهيام : سلام
_______ الله اكبر __________
علي الجانب الآخر
قمر : وافق بقا يا بابا دا شغل انت عارف يعني بعد الثلاث شهور دول ممكن افتح شركتي الخاصه
فاطمه : قولنا لا يعني لا انتي مش بتفهمي
عايزه. تبعدي عني يا قمر عن ماما
قامت قمر من مجلسها. وجلست علي حرف الكرسي وحاوطت امها بذراعيها : ازاي بس يا بطتي انا اقدر ابعد عنك
فاطمه : انتي بتستهبلي ما انتي عايزه تسافري اهو وبره مصر كمان
قمر : يا ماما الدنيا اتطورت هكلمك فيديو كل يوم صوت وصوره تشوفيني واشوفك كأني قاعده معاكي
احمد الأب : خلصتي انتي وهي مفيش سفر كلام نهائي
قمر بحنق : ما تتكلم يا آسر
آسر : بابا سيبها تروح انت عارف قمر كويس مفيش داعي الخوف. ثم إن دا حلم بنتك اللي تعبت علشانه سنين
عايزها بعد ماوصلتله تسيبه يضيع منها ازاي
احمد بشرود : لا مش هقدر. خلاص روحي يا قمر بس خلي بالك من نفسك
فاطمه ببكاء : هتبعد عني انت موافق تبعد عنك انا مش موافقه دي بنتي مستحيل
احمد : خلاص يا فاطمه دا حلمها تحققه وانا اطول اشوف بنتي احسن مصممه
قمر : ينصر دينك يا ابو حميد حبيبي يابابتي خلاص بقا يا ماما متزعليش
احمد : ربنا يوفقك يابنتي
قمر بحرج : احم بابا في حاجه كمان
الاب : قولي يا مصيبه
قمر : طب انتوا عارفين اني رايحه الأردن لو حد سألكوا متقولوش انا فين يعني اللي يسألكوا قولو اني في شغل تبع الشركه بس فين متعرفوش
الأم فاطمه : بس ليه كدا
قمر : معلش بس انا هكون مرتاحه كدا
الأب : اللي يريحك يابنتي
قمر : تسلم يابابا بس أي حد محدش يعرف انا فين علشان خاطري
قمر : المفروض بكره
آسر : ايه طب وانتي مش جاهزه ليه ولا حجزتي تذكره طيران ولا اتنيلتي بنيله
قمر : لا متخافش في طياره طالعه واخده شويه حاجات من مصر وفيها كمان ديزينر غيري الملكه عايزه الحفله يبقي كل حاجه فيها من مصر
احمد. : تمام يابنتي ربنا يوفقك عايزك ترفعي راسنا
قمر : أن شاء الله يا حبي
فاطمه : ما تتلمي يابت
قمر بضحكه باهته : حتي وانتي بتعيطي بتغيري عليه طب انتي في ايه ولا ايه
( احترامي للأردن وللناس اللي بتقرأ من الأردن
نعتذر يا جماعه إذا كان فيه اي اساءه )
_____ زين والقمر بقلمي دودو محمد____
____بعد قليل
٠٠٠٠٠٠ : وحشتيني جدا يا لميس بقالي يومين مش عارف اكلمك
لميس : معلش يا آسر انت كنت مشغول وانا كمان مشغوله تصدق انا بقالي يومين ما نمتش ومهدوده اوووي منه لله اللي قالي آجي هنا مالها عين شمس يعني
آسر : بتدعي عليا يا لميس مكنش العشم
لميس : اه مكنش عشماوي كان سيد
آسر : لميس خلي هدفك قدام عينك ومالكيش دعوه بحد وتخلصي بسرعه لإما قسما بالله اجي اتجوزك عندك. مش هخلل جمبك انا
لميس : تيته عامله ايه وحشتني اوووي
آسر بخبث : تيته بس
لميس بخجل : احم وانت كمان
آسر : يا سيدي المرسي ابو العباس ايه دا لا اخلصي بسرعه لإما والله ثم والله اجيلك عندك انا بقولك اهو
وستك يا ستي كويسه بعتلها شغاله ست طيبه علي قد حالها قاعده معاها ليل نهار
ونسيبهم بقا يتكلموا مع بعض عيب كدا
____ زين والقمر بقلمي دودو محمد_____
_____الأمان مش فلوس ومصاريف وهدايا و فسح .. ولا هو كلام ووعود كتير
الأمان أكبر من كل ده بمراحل .. وفي نفس الوقت أبسط من كل ده
الأمان إنها تبقى عارفة إنك هتفضل موجود .. إنك جنبها وقت ما تحتاجك تلاقيك
إنها وقت ما تختلف معاك تتكلم وهي عارفة إنك مش هتفهمها غلط .. و مهما وصل إختلافكو أو خلافكو تبقى مطمنة إنك معاها .. أن مفيش كلام هيتقال يجرحها .. أن ف الاخر ده مجرد إختلاف وهيروح لحاله و برضو أنتو مكملين
الأمان .. هو إنها متبقاش خايفة تقول اللي جواها عشان مش تلاقيك فجأة بقيت شخص تاني وتتحول وكأن كل اللي بينكم لم يكن
إنها تبقى متأكدة أن مهما كنتو زعلانين مع بعض مجرد ما تحتاجلك هتكون موجود من قبل ما هي تطلب ده
إنها متحسش أن علاقتكو على كف عفريت
وتبقى دايما بتحاول بكل الطرق إنها تسند الكف ده .. عشان مش يميل وتقع منها وتروح .. وتلاقي نفسها من غيرك و تلاقي نفسها وحيدة
الأمان إنها تبقى عارفة إنك واثق فيها وف تفكيرها .. عارف هي ممكن تعمل إيه و متعملش ايه … إنها تبقى قاعدة متطمنة وعارفة إنك هتدافع عنها
لو وسط مليون شخص غلطو ف حقها .. من غير ما أنت تشك لحظة من جواك إنهم ممكن يكونو صح !
الأمان يعني نظرة عين بتقول أناهنا .. أنا موجودعشانك .. أنا فاهمك صح .. والأهم من كل ده .. أنا مش ممكن أخذلك
الأمان مش نحنة .. ولا سهوكة .. ولا رومانسية فارغة
الأمان حياة .. ثقة .. تفاهم .. إرتياح .. أفعال .. إحتواء
إنك تحسسها بالأمان أهم مليون مرة من إنك تقولها كلام حب ..
الأمان والإحتواء أعظم إحساس ممكن تحسه الست من ناحيتك .. يخليها تبيع الكون كله عشانك ولا يهمها في الدنيا غيرك وغير رضاك
الأمان هو ترمومترالعلاقة جوا قلب الست وعقلها كمان .. وهو الفارق الأقوى بالنسبه لها في تقييم العلاقة .. طول ماهي متطمنة هتكمل .. واول ما تبدأ تخاف بتبدأ تبعد
لو حست بالأمان مع الراجل اللي ف حياتها
خلاص كده يبقى ملك كل ما فيها .. قلبها وعقلها وكيانها كله
حسسها بأنك راجل ليها .. وعليها و معاها ومنها .. حسسها أن معاها راجل بجد
حسسها بالأمان وهي هتعيشهولك في أروع صوره وأشكاله
اديها الأمان اللي يخليها تعاملك زوج و إبن و أخ و أب و حبيب
طمنها بوجودك مش تهددها بغيابك
احتويها و انت تعيش في جنة
كل ما كانت مطمنه انت هتعيش مرتاح
٠٠٠٠٠٠٠٠٠ : فهمت يا سي زين
زين : فهمت ٠٠٠٠ فهمت جدا يا رعد
بس انا مش عارف اعمل ايه بلاقي نفسي بقول كلام مش عايزه اقوله
حتي يوم الفرح مكانش ينفع اقولها كدا انا عارف ودي كبيره اصلا دا قذف محصنات بغير حق بس لما قالتلي بصراحه وما تكدبش عليا لقيت نفسي وبدون ادني مقاومه بقولها على كل حاجه ليه ٠٠ ما اعرفش
زين : جري ايه يا رعد ما تلم نفسك كدا الله في ايه
رعد : سيبك من موضوعك المعقد دا دلوقتي انا نويت اتجوز
زين : بجد. ؟؟؟ الف مبروك ومين بقا سعيده الحظ
رعد : هو بعيدا عن صداقتنا بص صداقتنا عمرها ما تتأثر
زين : أكيد يا ابني انت اهبل
رعد : بص انا عايز اتجوز اختك ملاك
زين : بعيدا عن كميه بص اللي خنقتني بيها بس انا موافق مش هلاقي زيك ابدا راجل
رعد بسعاده : بجد طب اطير انا بقا اروح اقول للوالد. واعمل حسابك انا جاي عندكوا بعد بكره الساعه 7 مساءا ومتقولش لملاك اي حاجه ماشي سلام انا. يدوب الحق
زين : خد يلا يا ابن الهبله الواد اتهبل. هيييييح
الواد اتهبل. هيييييحأما اقوم اشوف ملاك اعرفها أن في عريس جاي ليها
واعرف الحاج عز برده. دا مهما كان السيد الوالد.
طب والله بحس اني مش ابنه دا بينفخني في الشغل استغفر الله
مالك : انت بتكلم نفسك يا خويا سلامه عقلك.
زين : امشي ياض من قدامي مش ناقصك
______ زين والقمر بقلمي دودو محمد____
____قمر : شمس انا محتاجه منك خدمه
شمس : قولي. عايزه ايه
قمر : بصي انا هكتب رساله لزياد. قصدي لزين. بكره و هسافر بعدها بنص ساعه تبعتيها. ممكن
شمس : يا أذكي اخواتك هبعتها ازاي وفونك معاكي
قمر : مهو يا غبيه الخط دا مش هيشتغل هناك. وكدا كدا اصلا الفون دا مش نافع معايا. فهشتري واحد في الطريق حديث شويه ولما اروح الأردن ابقا اجيب خط جديد
شمس : هو مالك كان جاي يتقدملي بكره كدا أكلمه يلغي كل حاجه
قمر : اوعي تعملي كدا هيعرف أن فيه حاجه لما تبتعي الرساله لزين كلمي مالك وعموما ميعاد الطياره بدري يعني همشي من هنا الساعه 1 الظهر
يعني هوصل المطار أن شاء الله علي 2 كدا يدوب لأن ميعاد الطياره 2 ونصف قدامك وقت كتير. الساعه 3 بالظبط تبعتيله
شمس : بس يعني انتي هتقوليله ايه
قمر : ملكيش فيه
شمس : انتي حره ياكشي تولعي انتي وهو
( عنيفه اوووي يا شموسه واه حاجه كمان الزفته اسراء بلاش تقوليلي يا شمس علشان انا مش زيها انا أمر منها)
واه حاجه كمان الزفته اسراء بلاش تقوليلي يا شمس علشان انا مش زيها انا أمر منها)____ زين والقمر بقلمي دودو محمد__
__صباح اليوم التالي
اشرقت الجوناء علي أبطالنا
أصبح البعض منهم متحمسا فرحا والآخر يطير فرحا
وبعضا يخطط للصلح والحزن يغزو قلبه والآخر. تعيس لأجل حبه
فاطمه : تخلي بالك من نفسك وكلي يا قمر الأكل في ميعاده.
قمر : حاضر
فاطمه : وتكلميني كل يوم
قمر : حاضر
فاطمه ببكاء : ملكيش دعوه بحد وما تخديش حاجه من حد
قمر : حاضر يا أمي هسمع كلامك بالحرف مع إني مش طفله بس علشان خاطر عيونك حاضر ممكن تهدي
فاطمه : ما بلاش تسافري يا قمر قلبي واجعني اوووي يا بنتي
آسر بنفاذ صبر : يا أمي دول تلات شهور مش العمر كله يلا بقا الطياره. هتفوتها
قمر : لا اله الا الله
فاطمه : محمد رسول الله
احمد : يلا يا بنتي يلا نوصلك
قمر : هتوحشوني
شمس بعد أن ذهبوا : ست الكل يا نبع الحنان
فاطمه : إيه
شمس : بطلي عياط علشان انا جعانه اعمليلي حاجه اكلها اشمعنا قمر
فاطمه : ما تقومي يا بجحه انتي اعملي لنفسك انتي صغيره زمايلك دلوقتي مجوزين ومخلفين
( جمله كل ست مصريه اصيله )
)شمس : انتي اللي قولتي لوحدك زمايلي مش انا اعمليلي اكل بقا
خلعت فاطمه ابو ورده : تعالي يا حبيتي دا انا هعملك أحلي اكل هعمل منك بطاطس محمره يا روحي تعالي
شمس وهي بتجري : وعلي ايه خليكي عيطي احسن
_________ الحمد لله___________
زين بخبث : طب انا عايزه اعرف انتي مش موافقه ليه دا عريس لقطه
ملاك وعينيها. تلتمع بالدموع : اسمه إيه طب هو مين
زين : معرفوش كل اللي أعرفه أنه شافك وحبك ومش عارفه ايه عموما هو جاي النهارده اقعدي معاه لو مش عاجبك عادي الجواز قسمه ونصيب
ملاك : مش عايزه اتجوز هو بالعافيه
زين : سلام يا ملاك اقعدي معاه مش ببعض هو وتركها وغادر
ظلت ملاك تفكر في حل لذلك المأزق الذي وضعت فيه
ملاك : طب كدا انا حرام عليا انا بحب رعد ومجرد اني افكر فيه وانا مع غيره طب ما رعد لسه لدلوقتي متقدمش هقعد احب فيه كدا
لقيتها هعمل محاوله اخيره مع رعد موافقش يبقا لو عجبني العريس دا هوافق عليه وأنسي رعد معجبنيش برده هنساه ومش هعبره تاني
جذبت هاتفها وأرسلت لرعد رساله صغيره
لتنتظر ماذا سيقول
هل سيتخلي عنها ٠؟٠٠٠٠٠٠ ام يتزوجها. لنعلم الأحداث القادمه ٠٠٠٠٠٠
__________
٠٠٠٠٠٠٠٠٠ : انت بتقول إيه يا زفت
٠٠٠٠٠٠٠٠٠٠٠/ ٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زين : طب ازاي يعني انت فين دلوقتي
٠٠٠٠٠ / ٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زين : طب اقفل انا جاي حالا سلام
وخرج مسرعا ليري ما يحدث
الفصل خلص النهارده
عايزه اشوف توقعاتكم المكالمه اللي جت من زين دي
من مين ؟؟
هل زين هيلحق قمر ؟؟؟
شمس ومالك هيعملوا ايه ؟؟؟؟
