البارت السابع..
رجعت داليدا للبيت ودخلت حجرتها وظلت ساهمه تنظر ليديها.. هو ماله كده عمل فيا ايه مش علي بعضي لا وقلبي عايز يشوف عنيه.. لتتنهد اه من عنيه لتدخل عليها دنيا وتخبطها.. ايه يا بومه سرحانه في المز.
لتقطب داليدا حاجبيها.. ماتحترمي نفسك بقه ايه ده.
لتضحك دنيا.. يا بت هو انا قلت حاجه غلط الواد مز طحن والا عيونه بصي انت خديه كله بس اديني عيونه والنبي عايزه منهَ تصبيره.
لتخبطها داليدا…. انت بت واقعه..
لتضحك… طب اهدي كده علي روحك انا برضه اللي واقعه..امال اللي كانت هتاكلني عشانه مين ياختي.. عموما اطمني واهدي انا ماشفتش فيه نور قلبي اللي مستنياه فارتاحي واهمدي ياختي سيبهولك.
لتصرخ داليدا….. سايبه ايه يا زفته انت انت اتهطلتي اعرفه منين انا.
لتهتف دنيا…. مش بالمعرفه يا قلبي الواد عيونه عليكي انت بقره مابتفهَيش في العيون انما انا اه من عيونه هيموتوني.. انا متاكده ان حبيبي عيونه كده اه مانا حاسه خلاص هقابله اهوه بيقرب صعيدي قمر وعيونه عسليه قمرين.
لتهتف داليدا…. يا عيني عليكي يا قلب اختك الصبر يا رب يلا غوري خلصي الاكل عشان هنام شويه وتصحيني..
لتهتف.. طيب بس ريحي هودي الاكل للمز.
لتهب داليدا…. لا قصدي صحيني انا هوديه عشان الدوا..
لتنظر دنيا بخبث… دوا برضه طيب ياختي اسيبك بقه تنامي وتفكري في الدوا واروح افكر في عيون حبيبي.. لتتركها لتنام داليدا وتفكر به.. هو فيه ايه عمري ماحسيت بكده.. دا ماعداش يومين مالي كده حاساه ابني ومسئوله عنه ومش عايزه اسيبه.. اه عشان المسئوليه اكيد امال ايه.. لتسرح في عيونه لتهتف اه عيونه حلوه اوي وبصاته قمر زيه.. لتنهر نفسها احترمي نفسك هتبقي زي اختك الهبله اللي مستنيه ابو عيون يا رب صبرني..
لتدخل عليها دنيا… يصبرك علي ايه بس حد طايل عيون زي دي اسكتي اسكتي انا هروح ارسم عيون حبيبي في اللوحه خلاص شفت عيونه ومستنيه بقيت الجته قلبي هيقف انت فين يا واخد قلبي.. هيييه بقه يا لهوي بحب قمر وعيونه قمر..
كان ادهم يقف مسهما سارحا بعيونه العسلي التي يظهر بداخلها الافق البعيد ينظر الي اللاوعي ليحس بهدوء فهو منذ ان قرر ان يتجنب زوجته ولا يقربها حتي احس بالراحه والهدوء.. فقد كل قلبه وتعب من قله الحنان.. فزوجته توجعه بشده وهو الذي يتمني لحظه حنين تداوي ذلك القلب العليل الذي يصبو الي عشق ليس مقدر له ان ياتي.. لتدخل عليه فريده ليحتضنها ويهتف لسه زعلانه يا جلب اخوكي.
لتهتف…. ربنا مايجيب زعل اخوي اوامره تنفذ يا اخوي ما هنطجش بعدها.
ليبتسم ويقول… فايز رايدك يا جلب اخوكي وهو راجل زين وهيشيلك جوات اعيونه..
لتهتف… اسمع عشان اني ما عايزاش احس اني رخيصه.. احنا هنكتب الكتاب وبس ومفيش حاجه تاني وتعرفه اكده اني هكون مرته علي الورج ويروح يتجوز لو عايز هو براحته ماهفرضش نفسي عليه.
ليقطب ادهم جبينه. علي الورج كيف ده اتجنيتي اياك.
لتهتف بقوه.. لاه ماتجنيتش بحافظ علي كرامتي اللي امك دعكتها في الارض وهو مش رايد من اساسه فايه الجنان..
ليهتف ادهم… يا بت الناس اعجلي ايه ده حد يجول اكده.
لتهتف… ده شرطي انت هتغصبني ايهم جال ما حدش يغصب فريده دي وصيته برضك اني هعمل وصيته وفايز هيعمل وصيته بس اللي بيناتنا ما فيش مخلوج يوعاله مش عايزه وجع دماغ من امي وابوي والا هتتغفلج اني ما رايداش فايز بس اهوه انجبرت يبقي خبره وما تجلجش هوا هيفرح واول ما يوافج نكتبو غير اكده ماعايزاش.. َاه خبر امك ماتعملش حسابها و وفرح ودخله وحديت ماسخ.. اني هيكتب ونجعد في مجعد لحالنا كل واحد في حاله وامي ماتعرفش ده شرطي غير اكده ماهتغصبش علي حاجه.. انا ماشيه وروح جوله ورد عليا وتركته ومشت.
ليقف ادهم متحيرا.. اروح اجول ايه اتجنت دي اجول للواد اللي هيموت عليها هتتجوزك علي الورج دا عيشه مرار اني ناجص جهر ربنا يهديكي يا بت ابوي وتعجلي.. ليذهب الي فايز ليخبره..لتقابله مليحه مالك يا ولدي. ليخبرها لتحس بغلب طب اعمل ايه في عجلها.
ليهتف ادهم بس ماتجوليلهاش ياما خديها علي جد عجلها خيتي طيبه وترك وذهب لتجلس مليحه وكانت وضعت صوره لايهم كبيره لتنزل دموعها.. جالو شجيه جولت من يومي.. جسمو النوايب طلع الكبير كومي.. خدو الكبير وراح وراحت اعيوني. ابكي عليك يا ضني وضي اعيوني لا هشوف فرح ولا الراحه هتعدي علي جفوني. رحت يا كبيري والجلب مات في روحتك بس الهوي بيجول ان جايلي في يوم ريحتك. مستنياك يا جلب امك تعاود يا نن عيون امك وروحها.. عارفه مهما طال الزمن مهما طال الاجل همتع عيني بشوفتك جلبي بيجول اكده ولا حاسس الا اكده. غيب مهما تغيب امك جلبها بيدج مع دجه جلبك يا واخد جلبي..دخل عليا الجهر وكلبش وحضنت الغم باكفوفي وعايشه محنيه ومكفيه علي رموشي ابص حواليا فاضيه الدنيا بيا. راح اللي كان مالي عليا الدنيا راح اللي شايل هم امه وجلب ابوه راح الضهر االي ماحد يجدر عليه.. بس راح غايب ما راح فاجد
. نفسي اصرخ واجول ااااه واعلي صوتي.. اصرخ وجعي مش نو احي ولا يوم هنوح عليك يا غالي َينجطع خبري لو طالك تعديدي.. تعاود ليا من رب العباد هديه.. تعاود زي ماعاد يوسف عشيه.. اتملي بيك واحسس عليك يدي مستنيه تاخدك واحطك بحضني يا واجع جلبي وجعت جلبي بروحتك هو بس الغياب هو بس الحنين يا جلب امك بس اهه بمسح دموعي وبتملي فيك. اتوحشتك ونفسي راحه ليك . مستنياك افرح وانسعد ويجولو الغالي عاد هتعاود وساعتها يروح البكي والجهر اللي ساد. ندر عليا لاعمل الف زفه وادبح من الدبايح لفه.. ندر عليا لاصلب طولي لعودتك واستني دخلتك. ابكيك غايب مش ميت ابكيك تايه مش مجبر ابكيك يا واخد عجل امك ابكيك يا كبيري يا سندي. يا ضهري اللي انجطم وحيلي اللي اتمزع بس ابكيك لاتعاود ابكيك عشيه وضحاها وتدبل عيني ولا يوم تخشلها فرحه. عيني عليك وعلي نومتك علي سرير بعيد عيني عليك بتبكي بكي وجهر عالبعيد بس ربي اداني من جواتي اني حاسه بيك يا جلب امك حاساك لوحدك بدعيلك ربنا يدخل عليك الصالح ويرزجك لين جلوبهم ويبعد عنك الطالح بدعيلك ربك يلطف بيك ويرزجك الحنيه وناسها يرزجك من الحنيه كفه ومن القلوب لفه بدعيلك تاخد جلب اللي يشوفك بعينه بدعيلك تلاجي حضن زي حضن امك حضن يلم جتتك يا ضني روحي. حضن اسيبك امانه عنديه لاحد ما تاجي ليا ونلاجيك. خابره انك في ضيجه خابره يا جلب امك بدعيلك يوسع عليك ويفرح عنيك وقلبك يتهني ويتراضي يا رب راضيه. لا تسيئني فيه وقر عيني بيه روردهولي ردلي الغايب ورد جلبي ليا.
كان ايهم نائما ليحس براحه عارمه ويضع يده علي قلبه ليبتسم. ايه مالك اكده حاسس براحه مابعدها راحه فيه ايه ليغمض عينيه مره اخري ويحس بجسده ينساب. ليحس بها تدخل عليه لتضع الطعام وتوقظه ليستفيق علي عيونها ليبتسم بحب شديد اربكها لتقول.. اصحي عشان تاكل..
ليبتسم ويعدل نفسه ليتاه لتقترب منه وتحاول ان تعدله ليحس ان قلبه سيخرج من مكانه.. من قربها ليسلط عينيه علي وجهها القريب يشبع منه لترتب حاله وتبتعد وهو بحال غير الحال لتقول مالك انت كويس..
ليبتسم.. ويتنهد اجول ايه ما جادرش انطج.
لتقطب جبينها تداعبه.. ماتنطجش ليه عاد حد ماسكلك السلاح
ليضحك بشده.. حديتك عسليه يا.. الله انت ماجولتيش اسمك ايه عاد.
لتبتسم.. صحيح ما جولتش.. لتقترب منه وتقول.. اسمي داليدا..
ليبتسم ويقول.. داليدا.. اسمك حلو جوي.
لتهتف وانت ادم اسمك حلو جوي.
ليتنهد ويصمت لتقول… لاه لاه هتجلبها محزنه اياك.
ليبتسم ويقول.. غصب عني يا غاليه.. راجل طول عرض فاضي ماعهوش ناس ولا عيله ولا اصل حجكو تخافو مني.
لتنظر اليه بحنان.. يعني ينفع حد يتكلم كده ونخاف منه. بس بقه ماتزعلش بكره ربك هيفرجها بطل وبيقولو عليا بومه دانت بومتين بطل بطل.
ليهتف بحب… مين جال اكده جطع لسانه دانت زينه البنات..
لترتبك… طب يلا تاكل بقه الاكل كله ماشي.. ليبتسم ليبدا في الاكل وهيا تساعده.
لتهتف يلا شد حيلك كده وتنزل الشغل وهتبقي كل حاجه كويسه.. المزرعه مش كبيره بس حلوه وانتاجها حلو وهتعجبك والناس هنا كويسين اوي.. انت بقه هتساند بابا والناس الي بيجو هنا.. فيه مسئوليات هتتحط عليك معلش وهسيبلك بقه اللي كت بعمله..
ليبتسم دانتي تسيبيلي حالك وانا اشيلك علي راسي تجعدي هانم اكده واجيبلك كل حاجه لحدك..
لتتنهد.. ايه كلامه ده بس.. بطل بقه قلبي هيقف.. لتتنهد طيب فيه كمان مؤنه المزرعه من اكل وطلبات وخزين ده فيه بنت بتجيبه اسمها ليلي دي برضه دنيا هتكتبهالك وانت تستلمها ماشي.
. ليهتف الجمر يامر..
لتقول طب انت مش عايز تسال عن حاجه..
ليهتف اسال عن ايه انا ليا ايه اسال عليه انت اللي تجولي عليه..
لتحس بوجع عليه لتقترب وتهتف.. لا لا مافيش حاجه اسمها ليا ايه انت راجل ملو هدومك وهتشتغل وهتشيل وهتاخد فلوس يعني زيك زي اي حد لا ناقصك ايد رلا رجل انت راجل تفرح وتملي العين تشرح القلب فاهم بطل طريقته دي..
ليبتهج وقلبه يرجف ويمسك يدها ويهتف بانفعال.. اكده صوح اني راجل املي العين..
لتغمض عينيها وهيا تشعر انها اصبحت شخصا اخر غير مسيطر علي نفسه لتهمس. اه والله انت بس بطل تقل من نفسك.
ليبتسم. انت اللي معلياني ماخابرش اعملك ايه عاد ليمسك يدها بحب لتنظر اليه بحنان جارف وتنساب مشاعرها فعيونه ترسل مشاعر دخلت قلبها اشعلته ليظلا هكذا هو يضع يده بحب و ينظر اليها نظرات جمدتها وارسلتها الي عالم اخر وهو يحس انه سيحترق وانه ملك الدنيا وانه يريد ان ياخذها ويضعها بداخله ليهيم بها.. كانت حاله من المشاعر تجوب المكان وكل لا يتحرك يشعر بنشوه بدايه عشق مشتعل يلوح في الافق..لتهب مسرعه وهيا مرتبكه مشتعله وتتركه سارحا في خياله.
لتمر الايام وهيا تراعيه وقد اجبرت نفسها لتاخذ اجازه من اجله لتجلس بجواره تراعيه ولا تتركه ملتصقه به تتلقي مشاعره وتنغرز بداخلها حتي قرب موعد فك الجبس واصبح هو معلقا بها متيما عيونه تشع حبا وكلامه ينبع من عشق غريب كان يستعجب كيف يحب احدا بتلك السرعه كانها شراره اما هيا فكانت شراراته تدخل قلبها عنوه وتنغرز دون وعيها وكل ما تحس به انها تريد قربه ولا تبعد عنه وارتبطت به دون وعي لياتي يوم كان يجلسان.
لتهتف داليدا ايهم انت متخيل ممكن تكون حياتك شكلها ازاي.. انا متخيلاك شخصيه وابن ناس ومن عيله كمان.
ليقطب جبينه ليه بتجولي اكده ماجايز ابجي فجران ولحالي.
لتضحك لا مش ممكن انت كت لابس شيك وماركات وبتتكلم كويس ومتعلم كويس بيبان بتعرف في الزراعه والتجاره انت مش حد قليل.
ليبتسم علي تفكيرها بجد شيفاني اكده اني حد كويس.
لتهتف.. ايوه يا ابني ولهجتك قريبه من لهجه صاحبتي وهيا من اسوان.
ليتنهد وتفرج في ايه هعرف يعني اني منين.
لتقول… هيجي يوم ونعرف يا ادم مفيش حاجه بتفضل علي حالها وساعتها هتروح َتنسانا.
ليندفع والله ماهتحصل واصل انت ماتتنسيش.. اجصد انتو ماتتنسوش.
لتخجل من كلامه لتهتف بس انت كت اكيد حد مثقف وراقي لا ولو متجوز اكيد مهني زوجتك.
ليهتف لاه مش متجوز اني مش متجوز.
لتضحك ليهتف اصل الحب بيتحس لو كان ايه.
لتنظراليه يعني لو حبيت وفقدت الذاكره هتحس بالحب ده.
ليغمض عينيه ويفكر بها ليهتف.. اكيد هحس دا يتحس ويتحس وياخد الجلب انما اني كت فاضي والحب بيملا الجلب اني جلبي كان لحاله لحد ما… ليصمت فجأه ويطرق.
لتهتف انت بتتكلم كانك حبيب ومسهم اوي يبقي اكيد كت ربنا يوعدنا.
لينظر اليها بحب لاه والله ماكتش.. بس يوعدك باللي يصونك ويعشجك صوح انت تستاهلي العشج اللي ياخد الجلب ليتوها معا في نظراتهم وهو قلبه يضخ مشاعر هائله.. لترتبك وتشيح بوجهها.. لتتنهد وتهتف انت كلامك حلو اوي اكيد كت حد حنين اوي لتخبطه وليك في المشاعر ايه ده دانت استاذ يا عم نفسي اقابلك قبل ماتنسي.. (ما بلااش 
) اخدك تدي دروس للرجاله في المشاعر والمراعيه (والنطح.. ) ليبتسم لها.
ليهتف.. بتجولي ايه بس داني غلبان وعلي جدي.
لتضحك غلبان.. بس بس زمانك كت سوهون وبتوقع البنات وحبيبي تقيل.. (يا سواد اليل ).
ليهتف اني ليه اكده مالي بتجولي ليه اكده.
لتنظر اليه بحنان.. عشان انت طيب وحنين وباين انت كت ايه. يا بخت اهلك بيك.
ليتنهد.. بس الاجيهم.
لتقول هيحصل ان شاء الله بس اوعي تنسانا تاخدنا معاك نعرفهم ويعرفونا
ديهتف يا ريت تنوري داري يا ريت دانا ينجلعلي عين وتلله.
لتهتف اه يا اخويا َتأكلني قصب والعيش بتاعكو وتجباي كل اللي عايزاه.
ليهتف ملهوفا دانا اجبلك من السما حته بس تنوري داري ساعتها الله في سماه ما هتنيلك كلمه.
لتهتف انت كريم اوي بجد انت تفرح. ليبتسم لها لتقول اه وساعتها نروح نلاقيك عامل فرح كبير لتقطب جبينها وتكمل ويقولو البت لابن عَمها وتعيش وتنسي داليدا.. لترتبك وتكمل داليدا. دنيا.
ليهتف مسرعا الله في سماه ما يوحصل. اني ماهتزوجش الا اللي رايدها وتدخل جلبي ليسهم فيها والله تدخل الجلب وتاخده.
لتطرق هيا خجلا وتغير الموضوع لتاتي سيره عملها
ليقول هو انت بتدرسي ايه وتشتغلي ايه..
لتهتف.. ايه ده صحيح ماتكلمناش في شغلي خالص لتضحك مش مصدقه ان كل المده دي ماتعرفش بشتغل ايه. انا في اخر السنه في خامسه طب لسالي سنتين سنه دراسه وسنه امتياز هانت وبشتغل ممرضه في مستشفي..
ليقطب جبينه.. يعني انت هتبقي دكتوره.
لتبتسم اه هبقي دكتوره اد الدنيا..
ليحس بقهر شديد ويترك الطعام ولا يقدر ان يبلع شيئا لتهتف.. مالك انت تعبان مالك فيه ايه..
ليهتف مفيش مفيش عايز اجعد لحالي..
لتقطب حاجبيها ليه انت زعلت من حاجه لما قلتلك دكتوره لتشاكسه انت مابتحبش الستات تشتغل والا ايه انت عدو المراه.
لم يستحيب لدعابتها فكان قهره فوق الوصف ليقول.. الله يرضي عنيكي انا عايز انام همليني.
لتقطب جبينها انت يابني لسه صاحي وماكلتش.. لينام علي جنبه ولم يرد لتشعر بالحرج وتهتف طيب الاكل عالتربيزه جنبك وادي تليفون جبتهولك لو عوزت حاجه رنيلي انا بسهر عادي ماشي.. ليهز راسه ويغمض عينيه لتحس بوجع في قلبها علي منظره كان يبدو عليه الغلب الشديد لتقترب مره اخري.. انت كويس مالك طيب.. لم يرد فتركته وانصرفت ليستدير وتسقط دمعه من خده منعها بصعوبه …
.. ليحس بخلعه في قلبه.. ليشعر انه دخل دنيا السواد مره اخري ليطبق عليه انفاسه.. داكتوره هتبقي داكتوره.. ليغمض عينيه.. خلاص يابن الناس سكتك مجفوله ضبه و َمفتاح جبل ما تتفتح.. اكتم اللي بادي جواتك و واعي انه بدا اكتمه وموته انت فين انت لا اصل و لا فصل. لا عيله شريد. قرش براني ما بيتصرفش.. بعد واحترم حالك البت داكتوره هتبصلك ليه من اساسه يا حزين فيك ايه يتبصله.. ليحس بقهر.. طب ايه مانفعش تبصلي.. داني راجل والله وهشيلها جوات عيوني.. لينهر نفسه.. انكتم عاد بلا راجل بلا هباب.. البت دكتوره يا طور هتعوز دكتور زيها وعيله واصل وفلوس بت حلوه كيف الجمر هتبصلك يا محروج يا فاقد ناسك اعجل مفيش ولا عيله بطل بطل وانخرس وبطل تبصلها من اساسه.. عينك ماتترفعش فيها تاني وتكتم اكده ان شالله تفطس بطل هبل لتكونش فاكر ان حنيتها حاجه دي شفجه يا اهبل..
ليتنهد.. بس اني ما هجدرش ما بصلهاش دا بترد روحي فيا اني خابر انهم اسابيع بس حاسس اني اعرفها من زمن وانها كيف روحي وردتلي روحي حاسس جارها اني راجلها واعي لاحساسي بيها اني راجلها ما هحسش حاجه تانيه ورايدها بس ما ينفعش ماتنفعش يا. يا ايه انت مين من اساسه عشان نناديلك انت ولا حاجه.. همل بنات الناس هيا عملت جميله فيك ماتوجعلهاش جلبها عاد انت نازل بص وحبحبه عيب اكده ماتعلجش البت وانت ماتنفعلهاش.. اه يا وجع جلبي بس عشانها.. عشانها احرج حالي.. ربنا يصبرني..
ذهب ادهم لفايز ليخبره بقرارات فريده ليقول.. بص يا فايز هيا وافجت يابن الناس انا وامي اتفجنا ان دي وصيه ايهم وخلاص هيا وافجت.
ليبتهج فايز.. صوح ياادهم يعني خلاص ماعدتش زعلانه ووافجت تتجوزني.
ليتنهد ادهم… اجعد بس اما اجولك الزفتتين المحشورين جواتي..
ليقطب فايز جبينه.. فيه ايه هيا لساتها زعلانه طب اصالحها عاد.
ليهتف ادهم.. تصالح ايه البت غفلجتها عليك يا حزين بتجول خلاص موافجه عشان الوصيه انما مش رايداك وهتكتب عليها بس علي ورج.
ليقطب فايز.. مش رايداني دي فهمتها عاد اهو كلامي كان عفش وانا هتصرف انما هكتب علي ورج ازاي مش فاهم عاد.
ليتنهد ادهم.. يعني جواز كده وكده..
ليقطب مره اخري.. انت اتجنيت يا ادهم يعني ايه جواز كده وكده وهو فيه حاجه اسمها كده هو احنا بنلعب ماتجول دوغري.
ليهتف ادهم.. يعني يا حزين هتبقي مرتك بس ما هتلمسهاش يعني هيبقي جواز جدام الخلج و وابوي وامي وبس.
ليبهت فايز.. يا مري انت بتجول ايه انت اتخبلت مين دي اللي ما هلمسهاش.
ليهتف ادهم… اني ما جولتش هيا اللي بتجول وبتجول هتجعدو في مجعد لحالكم بس كل واحد لحاله وجدام الخلج َامي وابوي متزوجين..
ليضحَك فايز.. انت واعي لهبلك ده.. اجعد معاه لحالي واجفل عليا مجعد معاها ولا المسهاش انت عايز تجلطني عايزني اموت محصور.
ليهتف ادهم… مفيش جدامنا غير اكده والا مش هتوافج هيا ماسكه في كلمه ايهم ماحدش يجبر فريده واني ما هجدرش اجبرها كفايه بنضحك عليها ونجول وصيه ايهم عشان تبقي تتسحب من لسانك يا محروج وتجول مش رايد جبر يلمك اهي البت هتطين عيشتك وهتحرج جلبك يا حزين. ولو ما وافجتش ماهترضاش بحاجه خالص.
ليهتف فايز… يعني اعمل اكده لترفض تتجوزني وتغفلجها اكتر دا ايه الحزن ده.. طب ازاي اني رايدها وبحبها اجعد وايها من غير ما المسها كيف داني انجهر اني ما هستحملش اكده.
ليهتف ادهم.. خلاص هملها خالص هيا ما هتوافجش الا اكده.
ليصرخ فايز.. لاه لاه اهمل ايه انت عبيط.. ليتنهد طب هيا ما رايدنيش خالص بتكرهني يعني بعد اللي سمعته..
ليهتف ادهم.. انت بتحبها يبقي خلاص ارضي الاول وبعدين وجعها فيك انت مش جليل طول بعرض وفيك ميزات كتير بس ما خابرش ليك في الحب والسحسحه والا كت طور كيف الغالي الله يرد غيبته..
ليهتف فايز.. لاه اني مش ايهم ايهَم واعر وجاسي من جوا حجر صوان. اني ابان واعر بس اشوفها بس جلبي ينزل رجليا. داني بحبها من يوم ماوعيت ليها كانت عيله وجلبي بينحرج.
ليبتسم ادهم.. يا عيني يا عيني.. امال انطسيت في عجلك وجولت مش رايد ليه دا مرار منك لله انت عيل بومه وفجر خلاص خدها علي جد عجلها ودوس بقه وسحسح فريده طيبه و حنينه وهتجع صدجني.
ليبتسم فايز… ايوه هاخدها واحب فيها لما تفطس في يدي خلاص اكده انا ماهاسيبهاش تبعد دجيجه بس الصبر بقه علي ما انول المراد..
ليقترب منه ادهم… ربنا يسعدك يا اخوي وتشوف الفرح كله..
ليحس فايز بنبره الحزن في صوته ليربت علي كتفه.. اتجوز يا ادهم انت ماجادرش جلبك يفضل لحاله انت مش ايهم ايهم كان جلبه صوان مش عايز صنف مره تخشله انما انت حنين وجلبك حنين صحيت بجيت جاسي واتغيرت وبجيت واعر كيف اخوك بس جواتك رايد حنيه..
ليهتف ادهم… طب اجيبها منين عاد وانا اتخلجت للحزن والهم
ليهتف… اتجوز… اتجوز وهاتلك مره تسكن ليها وتسكن ليك هات حنيه تطبطب علي جلبك.
ليتنهد اجيب حنيه انا زهدت الدنيا خلاص اجيبها يا ريت تاجي بحنيتها بس اجيبها منين اجيبها منين اللي هتداوي قلبي..
كانت دنيا تقف امام اللوحه تنظر لعيون ايهم التي رسمتها فاصبحت صوره تلهب القلب لتهتف طب ايه مكان ورسمت عيون وحطيت طب هتيجي امتي قلبي هيقف عندي حب وحنان اوديه فين اوعي ماتجيش والله اتقهر ويقول عليا هبله ولاسعه.. بس انا حساك موجود والله بعد ماشفت عيونك يا ربي ايه ده انا اتهبلت صح..هحبك والله واهريك حب دانا هفطسك دلع بس تيجي.. يا لهوي اعمل ايه وانت قمر في قلبي وعيونك هلكتلي قلبي. يا تري اسمك ايه حلو كده زي عيونك.. انت صعيدي حساك والا ايه انت روحي بتلف الكون ولاقياك في حته قاعد مستنيني روحي وروحك مستنين بعض والله حساك موجود انا مش مجنونه بس امتي طيب .. الصبر بقه.
لتدخل عليها داليدا مقطبه جبينها تفكر بايهم وتغيره المفاجئ لتهتف دنيا.. مالك يا بومه الواد ضربك والا ايه.
لتهتف دنيا.. هاه لا مفيش انا راحه انام تصبحي علي خير..
لتقترب دنيا وتجلس بجوارها.. هو ايه اللي تصبحي علي خير مالك بمنظرك ده.
لتهتف… مش عارفه قلبي واجعني قوي.
لتهتف دنيا.. سلامه قلبك مالك يا قلبي.
لتقول.. ماعرفش ادم سايباه مسهم لا كل ولا شرب وما بيكلمنيش ومش عارفه ماله.
لتقطب… مابيكلمكيش ليه عضتيه اكيد عضتيه.
لتهتف لا والله دانا كنت بدردش عادي فجاه اتقلب وساب الاكل وسكت زي العيال الصغيره وغلبت اساله مش راضي يرد..
لتقول دنيا.. ايه يكونش افتكر حاجه َمثلا..
لتقطب داليدا… لا ما اظنش دا كان عسليه َبيهزر وعمال يبصلي وفرحان وفجاه عنيه دبلت ووشه جاب غم وشكله وجع قلبي كانه وحيد غلبان مالوش حد مش عارفه موجوعه عليه دا غلبان اوي.
لتقطب دنيا.. ايوه ايه اللي قلبه كده.
لتقول كان… بيقلي بتشتغلي ايه ويا دوب قلتله انا في خمسه طب ولسالي سنتين القهر نزل عليه وتحس انه انقلب وعنيه دمعت ولمعت كده كان قلبي هيقف َماعرفش. . ميفو ميفو..
لتقطب دنيا… طب ايه مابيحبش الست تشتغل لا ماعتقدش امال ماله . لتظل تفكر.. لتهتف طب نامي يا قلبي وانا هقعد امخمخ كده واجيب قراره مش هنام انا اما اشوف قلبته ليه.. ماكان عيونه قمر وبتشع قمرات يقوم ينقهر وينزوي ليه لا فيه حاجه الواد ده انكمش كده لسبب طيب سلام بقه انا اقوم ابص علي حبيبي وافكرلك الواد ده قلب غلبان ومسكين وانزوي ليه اوعدك خلاص نامي وارتاحي ..
لتظل داليدا تفكر به.. طب ليه زعل ماله وخد جنب كده قلبي بيوجعني ليه طيب. مش مستحمله.. نامي يا داليدا بتفكري في ايه انت هبله اتخمدي..
في الصباح استيقظ ايهم حزينا ولم يذهب اليهم لتظل داليدا تنتظره ليفطرو معا كالعاده الا انه لم ياتي.. لتهتف دنيا.. هو ادم مش هيجي يفطر.
لتهتف داليدا ماعرفش ماجاش ليه.
استغفروااااا
لتهتف دنيا طب استني اروح اناديله.
لتقول.. لا خليكي هروح اناديله..
كان يجلس بجوار الزرع امام الحجره لتذهب وتخبطه علي كتفه.. ايه يا عم جوعنا مش هناكل في يومك.
ليحني راسه.. لاه مش هاكل دلوك كلو انتو.
لتقطب وتجلس بجواره مالك يا عم انت فيه ايه شايل طاجن ستك قول قول.. لتكون افتكرت حاجه ومخبي.. بتحب والا ايه نزعل تسيبنا.
ليتنهد بقهر.. احب.. احب ايه يا بت الناس اللي زيي الحجات دي مش ليه.
لتنظر الي كلامه الذي يقطر وجعا ليرجف قلبها.. مالك يا ادم وايه كلامك ده فيك ايه حاسه جواك حاجه مخبيها دانا داليدا هتخبي عليا..وايه مش ليك دي مالك انت زي الفل اهوه.
ليهتف بسخريه.. زي الفل ليقوم.. ماتجلجيش يا دكتوره وتشغلي بالك بحاجه ماتنشغلش حد.ليقوم ويبتعد لتهب وتذهب تقف امامه لتهتف انت جرالك ايه في عقلك.. انا داليدا دكتوره ايه.. ادم مالك.
ليزيح بوجهه ويحاول ان ينصرف لتقف امامه وتستعجب.. لتخبطه ماتنطق مالك ومابتبصليش ليه فيه ايه.
ليرفع عيونه بقهر لتري فيهم وجع اوجعها َ كان قلبها ليهتف مفيش يا بت الناس اني رايح اشوف شغلي.
لتقف امامه.. لا بقه مش هسيبك والله ليه توجعلي قلبي كده مالك عيونك موجوعه ليه حد زعلك انا زعلتك والله ادعي علي روحي لو ماقلتش.
ليندفع ويمسك يدها بعد الشر اياك تجولي اكده.
لتهمس طب مالك طيب فيك ايه.
ليتنهد موجوع جوي.
لتملس علي يده بحنان من ايه بس ايه وجع قلبك مالك انا جنبك اهوه وماهسيبكش ابدا..
ليطرق بقهر… ويهمس لنفسه.. جنبي. ماهتسيبنيش.. جلبي هينفلج يا بت الناس العشج جواتي طفح وزاد.. ليشيح بوجهه اني رايح امشي شويه واكمل بجيت الشغل ليتركها ويرحل
لتهتف.. طب تعالي كل مش هتمشي كده.
ليقول ماليش نفس هاكل بعدين. ليتركها وينصرف لتظل تنظر اليه بوجع ماله ده بس ايه اللي جراله لتعود حزينه وهيا تفكر في تغيره. بقلمي ميفو السلطان 
رواية ليست خطيئتى الفصل الرابع و الخامس
