البارت الرابع والثلاثين ..
عادت داليدا بهدوء الي حجرتها وهيا قد قتلت علي يد من سلمت له قلبها.. رحل حبيبها بلا عوده الحبيب الذي كان حبيبا ثم اصبح غريبا ليعود بقوه وينغرز بداخلها ليصبح عشيقا تجن به لتصحو علي فاجعه ان كل ذلك وهم وسراب.. قامت داليدا تبحث عن اشياءها واخذت اوراقها لتتجه بهدوء الي حجره مليحه وتستاذنها َتاخذ ابنتها التي كانت نائمه لتنزل بهدوء في خلسه من البيت لا يشعر بها احد عازمه علي الرحيل.. لتذهب الي البوابه ليوقفها الحرس.. علي فين يا ست الناس.
لتهتف بهدوء.. البنت تعبانه هجبلها حاجه من الاجزخانه.
ليهتف.. طب ماتكتبيها يا دكتوره واحنا نجيبهالك لحدك.
لتهتف.. لا عشان فيه كام بديل اشوفهم الاول هيا قريبه مش هبعد اوي..
ليهتف.. طب استني اما ابعت حد معاكي.
لتعترض.. دا هما خمس دقايق كتر خيرك ولم تعطيه فرصه وخرجت مسرعه لترحل داليدا اخيرا وتترك قلبها ممزقا تحت قدم من ظنت انه الحبيب العائد.. رحلت داليدا وهيا تظن ان زوجها لن يبحث عنها وانه سينساها في غضون ايام.. رحلت داليدا لتقفل تلك الصفحه التي بدات في ماضيه وانتهت في حاضره.. تاركه ورائها محبا لم يدرك بعد هول النصيبه الذي ستصيبه من فلتات لسانه.. انغرس القهر بداخل داليدا ولم تعد قادره ان تحارب من اجل سراب من اجل شخص لا يعرف كيف يحب ولا يريد ان يحب.. ركبت عربه واتجهت بها الي المطار ولحسن حظها وجدت طائره علي مشارف الرحيل لتركب تلك الطائره وتحط قدمها علي بابها لتغلق باب داميا اغلقته علي قلب ينشع من الدماء والوجع كانت دماؤها تلسعها وفكره كونها وحيده تقتلها وان الحبيب غاب عنها.. لتجلس محتضنه ابنتها والدموع تنزل من عينها ولكنها تشعر بقهر سيفجر داخلها لتفتح تليفونها وتبدا في كتابه رساله لزوجها لعلها عندما تبوح ما بداخلها من قهر ترتاح.
عند ايهم.. كان كل ما تفوه به فقط ليشد اخيه فاخيه كان منهار متداعي اراد ان يعطيه بعض القوه واكنه لم يعلم انه سلب قوته هو وانهي علي ايهَم نهائيا.. ليجلس بجواره.. اسمع يا اخوي انت حالتك دي َماتنفعش والنواح ماهيجيبش نتيجه هتنهار وبعدين اه بتحبها.. خلاص عاد هتصرف اني..
استغفروااااا
ليهتف ادهم بلهفه.. والنبي يا ايهَم خلي داليدا ترجعهالي جولها اني طلجت فاتن ورميتها برات الدار جولها اني هاجي لحد دارهم واترجي ابوها اخدها.. جولها اني هجطع الورجه ولا هجيبش خبر.. جولها اني هجبلها من السما حته لحد رجلها جولها اني هموت في بعدها والله هموت ليجهش بالبكاء.
ليحتضنه اخيه.. بطل عاد ايه ده انت نازل نح كيف النسوان فيه راجل ينح اكده علي مره.
ليهتف ادهم.. لو داليدا فاتتك هتنح زيي الف مره انت بتجول اكده وجلبك بينكوي علي مرتك فاكرني مش حاسس بيك اياك ونازل رط وتجولي ماهتدورش عليها.. اني مش عيل اصغير تتضحك عليه يا ايهم عشان اروج واسكت.. لاه اني خابر وواعي ليك وعارف انك بتعشج مرتك حتي لو ماجولتش اني اخوك وبحس بيك.. انت عايز تصبرني بس اني بنكوي يا ولد ابوي ومش حديتك ده اللي هيهديني.. لاه لو حصلك زيي هتتجنن وحالك يفلت منك زيي.. دنيا واختها انغرزو جواتنا يا اخوي وماعتش لينا روحه الا جارهم ولا هنتنفس الا جارهم.. كتر خيرك بتهديني بكلامك ورطك الماسخ بس اني مش عيل ولا اصغير ارجع عن اللي جوايا بحديتك ده.. لو هفضل ابكي عمري كله لحد ماتعاود هبكي.. حبيبي يتبكي عليه العمر كله..
ليقترب منه اخيه ويحتضنه ويظلا معا لفتره ليشعر ايهم بالارهاق فهو متعب ولم يتعافي بعد ليترك اخيه ويصعد متهالكا الي حجرته ليدخل بهدوء ليجد السرير فارغ ليقطب جبينه ليدخل الحمام فلم يجدها ليخرج الي حجره والدته لعلها مع ابنتها لينشل عندنا عرف انها اتت من مده واخدت ابنتها ليشعر باهتياج شديد ليبحث عنها في القصر باكمله فلم يجدها ليستدعي الحراس لتنزل عليه الفاجعه التي شقت قلبه ليخبره انها خرجت لتشتري شيئا ولكنه علم انها رحلت فهي لا تتصرف هكذا ليرفع تليفونه ويظل يتصل بها وهيا لا ترد ليشعر انه اصيب بالجنون ليصرخ في الحراس.. ازاي تسيبوها تخرج يا شويه بجر من اهنه ايه مجعد بهايم عاد والله لاخلص عليكو..
ليقترب ادهم.. اهدي يا اخوي جايز بتجيب حاجه
ليصرخ… حاجه ايه في نص الليل.. حاجه ايه وكت في حضني وبعدين تخرج من غير ماتجولي حاجه ايه ومابتردش علي تليفوني ليه اني هتجنن جلبي هيجف راحت فين دي كان يقف كالمجنون وقد تجمع الكل ويحاولون ان يهدؤو من روعه وهو تحول كالمجنون يشعر انه روحه قد راحت منه ليصدح تليفونه برساله من زوجته لينظر الي تليفونه ليشعر بالرهبه.. احس بالخوف وان هناك مصيبه ستحط علي راسه .. ليمد يده مرتعشه ويفتح الرساله ليبدا في قراءتها لتنساب دموعه دون عنه فامامه كلام حبيب قد مزقه بتهوره وكلامه الذي اخرجه باستهتاره.. لم يدرك ان كلامه سواء كذبا او حقيقه ادمي قلبا احب بصدق لتنهال عليه كلمات حبيبته تمزقه وشعر بدونيه شديده وانه لا يستحق تلك المحبه التي بذلت الغالي والنفيس لكي تعيده ولكنه بعنفوانه وغروره قد مزق قلبها ليجدها تنعيه في رسالتها وتبدا بخط سطور الوجع
…………………………..
.. ماكنتش هكتب حاجه ليك بس حقيقي حسيت بصدري بيلسع وقلبي بينشق لو ماقلتش اللي جوايا.. انا حبيتك اول ماشفتك حبيتك وعشقتك عشق مالوش حد كنت نور عيني من جوا النفس اللي بتنفسه لما رحت مني حسيت بموته لو ما دورتش عليك.. دورت عليك زي المجنونه قلبي اللي هموت عليه حبي اللي يستحق ادور عليه العمر كله اللي لو عشت عمري ماهنساه ولا هيروح من جوايا.. جيتلك لقيتك واحد تاني تهت ماعرفتش مشاعري.. بس واحده واحده عشقتك تاني عشقت ايهم ايوه ايهم اللي دخل قلبي ورجعلي حبيبي.. رجعتلي حبيب وفرحت.. لحظات قضيناها مع بعض وانت حبيبي وواعيه ان انت حبيبي قلت خلاص ملكت الدنيا ونمت في حضنك وقلت هعيش وافرح وحبيبي رجع ليا.. نمت في حضنك وانا حاسه اني بتاعتك حبيبتك الي عايزها نمت في حضنك وانا حاسه اني بقيت دنيتك زي مانت دنيتي.. بس يا خساره مالحقتش. مالحقش جسمي لمساتك تروح من عليه مالحقتش افرح. صحيا علي غرزه في قلبي صحيت علي موت قلبي.. ليه يا ايهَم ليه ماحسيتش بحبي هو الحب عندك مالوش تمن ما بتحسش اوي كده.. ليه لو مشيت ماتدورش عليا ليه.. ماستهلش تدور عليا.. دانا دورت عليك اميال وكان عندي استعداد ادور وادور… للدرجه دي انا ولا حاجه لما امشي واسيبك ماهتدورش عليا.. ليه انت موتني ونزعت قلبي َمزعته حتت.. للدرجادي… لا وهتنساني في يومين.. ليه كلبه.. دا لو مربي كلب هتزعل عليه.. انا بتقطع يا ايهم بتقطع يا حبيبي ايوه حبيبي ايهم اللي عشقته وهموت عليه استاهل منه الرميه دي استاهل تقول عليا كده.. حبي ليك يترمي كده ولا تحزن عليه ترميه علي طول دراعك وتكمل حياتك عادي.. هموت حرام عليك انت ازاي كده.. تعمل فيا كده ليه تخليني هموت عليك واصرخ باسمك من عشقي ليك وانت ماهتدورش عليا وهتنساني.. لو تعرف اد ايه عشقتك لو تعرف اد ايه كنت نايمه في حضنك مبسوطه لو تعرف اد ايه بتمزع دلوقتي كنت هتحس اد ايه انا موجوعه.. ليه تموتني كنت سبني هتستفاد ايه واللي في ايدك ماهتهمكش قاعده ماشيه.. ايه كل ده عشان ايه. ماقلتلك بنتك هتبقي في نن عيني وماهحوشهاش عنك ولا هدخل عليها راجل.. ازاي وانا راجلي مالي عيني العمر كله. ليه يا حبيبي َماحبتنيش ليه ماحستنيش ليه .كنت هرضي منك باي حاجه والله اي حاجه بس اكون جنبك وفي حضنك اللي مش عارفه هعيش من غيره ازاي هعيش وابكيك العمر كله هعيش وقلبي عايش علي نومتي في حضنك..هعطش وابكي حبي ليك. هعيش علي ذكرياتنا مع بعض.. هعيش وانا بحبك وهفضل احبك.. حبيت ادم وراح وعشقت ايهم وراح.. اتكتب عليا اللي اعشقه يروح مني. رحت يا نن عين داليدا من جوا رحت يا واخد قلبي من جوا رحت ومت عشان ارجعك ماعرفتش.. خلاص الموته ما منهاش سبيل.. خلاص ماعاتش فيا حيل اعافر خلاص حيلي اتقطع وقلبي اتمزع وزنيتي واحت بروحتك منها.. انسي وارتاح خلاص .. بس اطمن صحيح قصتنا خلصت واللي بينا راح بس بنتك انا ماهحوشهاش عنك هتجيلك وتجيلها وتقعد معاها زي ماتحب ولو عايز هجبهالك لحد عندك انا بنت ناس واستحاله امنعها عنك انا شيلتك جوا عيوني ولو كت فضلت كت هشيلك في عيوني وقلبي العمر كله راضيه اتمنالك الرضا.. بس خلاص مافيش حاجه عافيه وهشيلك بنتك وتيجي اشيلك ابوها تنور المكان ولا عمري هقصر بينكو.. بس معلش اديني فرصه شهر والا اتنين لاني ماقدرش اشوفك الفتره دي انا هحاول اعالج نفسي واكيف نفسي علي بعدك واحاول اوعي اني فقدتك هحاول ارتاح وابرد قلبي عشان لما اقابلك ابقي ساعتها ام بنتك وبس ونرمي كل اللي كان ورا ضهرنا لا اضايقك ولا نجرح في بعض.. صدقني لو اقدر دلوقتي كنت قلتلك علي مكاني بس فعلا انا مت وقلبي بنهش جوايا والوجع مش متحملاه.. هحاول صدقني اعالج نفسي وافوق من الوهم اللي كت فاكره اني هقدر ارجع حبيبي.. بس خلاص كل حاجه راحت واتقتل جوايا اي رغبه اني ادور عليك.. ادور عليك ازاي وانت مش عايز تدور عليا وهتنساني بعد يومين.. يا ريت اقدر انساك بعد يومين يا ريت بس انا مش زيك انا حبيت وعشقت.. انت نفسي يا ايهم.. انت روحي اللي ماهخجلش اقول ابدا اني حبيته.. ادعيلي انساك زي ماهتنساني ادعيلي قلبي هيموتني الله يسامحك.. ادعيلي اعرف اعيش اعرف اكمل حياتي ميته اربي بنتي. ..اسيبك دلوقتي وبوعدك اني هرجعلك بنتك وادخلك حياتها اب ولا عمري هقف بينكو.. فكر في بنتك يا ايهم وازاي هتسعدها السعاده اللي امها اتمنتها منك ولا خدتهاش.. اتمنالك السعاده اللي في الدنيا.. صدقني ومن قلبي بتمنالك تسعد وتحب وتتحب.. ماللي يحب حد يتمناله ينسعد حتي لو خرج من حياته حتي لو مات الف مره حتي لو هيعيش عمره يفتكر لحظه من حبيبه.. اتمنيت حبيب مالقيتش ليا فيك نصيب. ماليش حيل غير اني ادعي ربنا يصبرني هدعي ربنا يخرج حبك من قلبي لاني ماعرفش اعيش من غير حبك اتنفس ازاي وانت نفسي انت الروح اللي عايشه جوايا لو كت عرفت اد ايه بحبك ماكنتش هتتعب نفسك عشان تعمل كل ده ماني عمري ماهدخل راجل علي بنتك ازاي وراجلي جوا قلبي نايمه صاحيه اموت عليه. اتمنالك تسعد بجد وتحب بجد نفسي تحب عشان تحس اد ايه احساسي بيك وجع.. حبيتك وعشقتك ادم وحبيتك وعشقت ايهم. وعشقي ليكو هعيش عليه واخده حبك اتكفن بيه .. ادعيلي اني قلبي يبرد منك ومن دنيتك اللي ربنا ماكتبليش ابقي جواها ربنا ما يكتب عليك حرقه فقد الحبيب .. ادعيلي والنبي قلبي هيموتني..
…………………………..
هنا انتهت الرساله وتهالك ايهم وجلس وقلبه يمزقه ودموعه تنهال بقوه والكل ينظر اليه مزهولا فايهم شخص صلد لم يزروه يبكي قبل ذلك.. لتقترب مليحه فيه ايه يا ولدي فيه ايه التلافون ده ومالك بتبكي اكده ماتخلعش جلبي داليدا بخير يا ولدي..
ليرفع ايهم عيونه والدموع تنهمر.. داليدا بخير.. هتبقي بخير ازاي ياماي بعد اللي ابنك جاله وعمله.. هتبقي بخير ازاي بعد ما جتلتها بيدي.. ليجهش بالبكاء.
ليقترب ادهم.. فيه ايه يا اخوي اول مره اشوفك اكده
ليصرخ ايهم… فيه ان جولتك اتحججت ان لو مرتي هملتني هبكي كيف النسوان.. فيه اني اناني وما وعيتش لحبيبي وجيمته الا اما راح مني.. فيه ان مرتي اللي هموت عليها سمعت رطي وجرفي اللي جولتهولك.. فيه ان دبحت مرتي كت نايمه في حضني راضيه وعايزاني اني عايزه ايهم واهملها وانزل اجولك ولو راحت ماهدورش عليها.. فيه اني مزعت جلب مرتي وبتجولي هتبعد شهرين تعالج جتلتي ليها.. وهتعاود تديني بتي ماهتحوش بتي عني.. فاكراني عملت كل ده عشان بتي وتفضل معايا.. اروح فين دلوك واجيبها منين جلبي هيموتني.. اني استاهل اكتر من اكده غلبتو تجولولي مرتك ماريداش الا الحنيه وانا مادتهاش. ويوم ماتخش حضني وتحس بحنيتي وتحب ايهم زوجها راجلها اعاود وامزع جلبها واجول لاخوي ماهدورش عليها وانساها بعد يومين.. جالتلي لو كلبه كت زعلت عليها بتمزع يا عالم..ااااااه جلبي دا حبيبي الروح دا حبيبي يتبكي عليه العمر كله دا حبيبي خد نفسي وجلبي بروحته يا حزنك اللي حط عليك يابن ضرغام يا خراب بيتك وسواد دنيتك حبيبك راح.
لتقترب مليحه.. اهدي يا ولدي جرحك طري.
ليهتف.. بخت كت مت جبل ماتوعي لحديتي ده.. اللي يطلع الكلام الشين ده مايستحجهاش بس اني ماجصدتش والله ماجصدت داني هموت عليها داني لما دخلت حضني كت هتهبل من فرحتي.. داني داني.. ليصمت قليلا. داني بعشجها عشج.يوم ما اجولها ماتكونش موجوده يا جلبي اجولها لمين عاد اجبلي حبيب منين يسمع العشج اللي جوايا. ايهم ضرغام الجاحد حب وعشج ايهَ ضرغام اللي بيكره النسوان جابت بوذه حبيبته عشج السنين ايهم اللي ماشافش ربايه وجع مرته وجهرها جهرتك يا جلبي وبتجولي احب.. احب ايه واني مغروز فيه غرجان لشوشتي فيه اعمل ايه يا واخده جلبي سيباني لمين دانا ماهعرفش اعيش وانت مش في حضني والله ماعرف ايهم عشج واتربي صوح ايهم عشج وماقدرش عشجه وموت حبيبه منك لله جهرت النسمه اللي جرت تدور عليك . دا انغرزت جواتي واتمنالها تبصلي بس بعين الرضا.. دانا نومتها في حضني بالدنيا. ماهدورش عليها ازاي دانا اجتل حالي عليها عايزه تبعد تجمد جلبها بعيد وتعاود تبقي ام بتي عايزه تجمد جلبها عليا وتبعد وتبعدني.. اروح فين عاد لو عملت اكده اموت ساعتها.. داليدا لو جلبها جسي عليا ماهتعاودش تاني واصل.. حبيبتي حبت لما انوجعت واكتفت اكده عايزه ترمح بعيد جلبها هيموتها.. بتجولي ادعيلي عايزاني ادعيلها انها تنساني عايزاني ادعيلها جلبها يخف من وجعه ما هي حبت وعشجت عشجت واحد وراح منها جامت زي الوحش تدور عليه دورت علي عشجها واني رايح اجول ماهدورش عليها وهنساها ادبحها اكده ليه تستحج اكده اللي شالتني وصانتني اللي حطتني جوات اعنيها لا طلبت مني شي واصل.. ماخدتش مني حاجه واصل ماخدتش الا الوجع.. وهيا تستحج احطها بعيوني.. دورت عليا ولجت جدامها جرف راجل مايسواش راح عمل لبته تحليل راجل ميت هيا جواته بيحلم بيها وبعيونها بيكلم بحضنها ودفاها راحل شافها جواته ومع ذلك وجف بكبره يجولها جايه تبليني ببت حرام.. ايه الجرف ده بتي فريده سلسلتها في جيبي واجولها اكده.. غلبت تبعد عني واني ازاي اسيبها لحالها لازم ايهَم بغروره ينغرز جواها ماناديش علي حد غيره يخليها تنجنن عليه ويوم ماتعشجه وتتمناه راجلها يدبحها يجهرها ويجول ماهيدورش. انا ازاي اكده.. اصبر اخوي بكلام اعيب فيه مرتي. اهدي اخوي بكلام يوجع مرتي وارجع اجول ماجصدش.. الكلام يتوزن جبل مايتجال مش اي رط واني دبحت مرتي بيدي.. مرتي اللي دورت عليا اراضي ورحلت من دارها تدور علي راجلها تستحج اكده يتجال عليها اكده تتمزع اكده.. واخرتها عايزه تبعد وتجسي وبعدين تعاود ام بتي ولا اطولهاش.. اعيش ازاي بحرجه جلبي دي اعيش ازاي داكنا كنا مع بعض وجولت خلاص دخلت الجنه.. تجوم ترميني من جنتها اكده وعايزه تبقي ام بتي. .. ليقف ويصرخ.. لاه لاه ماجدرش اتحمل اكده.. انا ماجدرش اسيبها تعمل فينا اكده.. هملتني وماعدتش رايداني ماهي دورت َجت لجت جرف وجهر غلبت تدور عليا واني البعيد جبله ومابيحسش رايح اجول مادورش عليها مادورش ازاي داني جلبي هينشج .. ليهب من مكانه طب اعمل ايه دلوك ماعرفلهاش مكان اجيبها منين عاد يا حسرت جلبك يابن ضرغام علي اللي عملته بيدك ووحلتك دي.. انت تستاهل الهم كله انت اللي عملت في حالك اكده.
ليقترب منه ادهم.. اهدي يا اخوي.. هترجع.. هنرجعهم بس اهدي انت تعبان ووشك اصفر هتسجط منا اكده.
ليصرخ… انا اسجط والا اولع.. دا هيا.. دا حبيبي اللي كان بيراعيني.. حبيبي اللي جالي ما هملمش لواحده تانيه اخدك من نن عنيها.. كل كلامها ماهتهملنيش وغلبت تجولها وانا البعيد مابيحسش ورايح اجول اهملها ولا هدورش عليها.. يا مرك يا ايهم.. بيتك اتخرب بيدك َمن رطك وعمايلك..
ليقترب ضرغام.. ليهتف بقوه.. ايه هتجعد تنح كيف النسوان اياك.. جولتلك ميت مره اوعي لحالك وعشش علي مرتك دا بت اصول تنشال في العين جولتلك طلع حنيتك بس اهه اللي وعيتله جرا وقضا ربنا نفد.. هتجعد تنح وتعوي. جوم واصلب طولك وشوف هتجيب مرتك ازاي انزل اسكندريه ودور عليها وماترجعش الا بيها..
ليهتف ادهم.. ماجدمناش الا اكده يا اخوي ندور عليهم لحد ما ربنا يحنن جلبها وتكلمك هيا جالت هتكلمك.
ليصرخ… لاه ماهستحملش استني لما تبعد وجلبها ينشف من وجعها وترميني برات حياتها انا لو ما جبلتهاش دلوك هتجنن اني لازمن اخدها في حضني لازمن ماسيبهاش لنفسها داليدا واعره لو جست عليا ماهترجعش وساعتها روحي تكون طلعت واموت فيها.. وساعتها هيا اللي ماهتدورش عليا وترميني برات حياتها.. ليهب.. لاه اني ماهملهاش لو روحي طلعت.. ليهتف.. هم يا ادهم اني هعرف ارجع مرتي وبتي وما هيهداليش بال الا اما يكونو في حضني.. وصعد مسرعا هو واخيه ليبدا رحله البحث عن الحبيب الذي عافر وعافر وياس اخيرا ليعاود حبيبه ويعي هول ما فعله لينازع دنيا كامله من اجل عوده حبيبه العاشق.
بقلمي ميفو السلطان 
