ارجاع حق (كامله)

– برافو عليك ارموه تحت لغيت لما نخلص على التانى وبعد كدة نشوف هنعمل فية اي نزلوه تحت وبعديها جمع البص كل الرجاله و قالهم

– احنا عرفنا مكان اللي قتل جوزيف و مايكل و ادريانو عشان كدة كل الرجاله هتروح مع روبيرتو عشان تخلصه الموضوع دة عيزها رعب وتصورولى كل اللي هيحصلو

خرجه كلهم فعلاً ناحيه المكان وصله للبيت بدأوا يحدفوا ملتوف علي البيت كله وبدأت النار تمسك في كل حاجة

كسره الباب ودخله يدوره عليه فى كل مكان كلها مفيش حاجة لسة هيطلعه من باب البيت اتقفل عليهم و انفجر المكان بكل اللي فيه انا اللي ضغط علي زرار بعد ما مصطفي ملاه البيت متفجرات زي ما قلتله

رجعت علي شقه مصطفي كانت الرجاله اللي جابهم مصطفي جاهزين و مسلحين روحنا علي بيت البص اللي عرفناه لما خطفه مصطفي كسرنا البوابه بالعربيات و دخلنا عدد الرجاله مش كتير ما كلهم رحوا عشان يقتلونى دخلنا وكان نضرب نار كثيف بنا لغيت لما صفناهم كلهم مبقاش غيرهم لقينا البص بيضرب علينا نار واحنا كنا بنضرب عليه لحد لم رصاصة جات فى كتفه وقع على الارض قربت منه وقولت للرجالة تجيب ابراهيم من تحت جبوة قالى

– ما لسة بدرى انا كنت هموت هنا

قولتله

– في شوية حاجات عطلتنى معلش يا صحبى

قمت باصص للبص وقولت

– انت دلوقتى قدامك إختيارين يا اما تقولى مين اللى الكبير بتاع العصابة دى اللى بيقوله علية وليم دة يا اما هقتلك وهعد لغيت خمسه لو ماقولتش الرصاصة هتبقى فى دماغك

وحطيت المسدس على دماغة وبدأت أعد

– واحد اتنين تلاتة اربعة سلام

رد

– خلاص استنا انا معرفش اى حاجة عنه غير عنوانه وهقلهولك

رديت

– حلو اوى

قالى العنوان سبته ومشيت وانا ماشى شفت عربيات البوليس قبضة عليه اصلة متهم بقتلى ازاى هفهمكم انا فجرت البيت وبلغت عنه انه هو اللى فجرها وموتنى انا دلوقتى ميت عشان اللى ريحله يستريح مصطفى حالتة وحشة اوى لازم نروح اى حتة نعالجه فيها مشيت الرجالة معادة واحد خاليته يجيب دكتور وجلنا على فندق حجزت فيه اعدنا فى الفندق وجة الدكتور وكشف على مصطفي وضمضلو جروحه دفعتله ومشى بصيت لمصطفي وقلتله

– مصطفي احنا دلوقتى معانا العنوان بس مش عرفين احنا بنتعامل مع مين او اي اللي مستنينه

رديت علية

– مش هيكون اصعب من اللي فات اكيد اللي عمل كدة حد من جوا النادى عشان يعرف مكان اللاعيبة فى اتنين شاكك فيهم يا اما المدير الفنى يا اما حد من اعضاء النادى بس فى كلتا الحالتين انا مش هقف بعد دا كله

رد مصطفي

– مين قال هنقف احنا مكملين لغيت لما نجيب حق صحبك بس هنستنا بكرة بليل هنروح اكون جهزت الرجالة

رديت

تمام بس انت لسه تعبان

قالي

– متقلقش عليه انا تمام

قلتله

– خلاص بكره بليل نخلص الحدوته دي

فعلا تاني يوم بليل كنا جاهزين بس كنت عرف ان الدنيا بقت اصعب دلوقتى طبعا لانة اكيد عرف اللي حصل وعارف ان الدور علية فلازم نبقى قدها يا اما محدش فينا هيرجع بس ربنا معانا انا قلقان على مصطفى بس الجروح لسة مخفتش بس هو مصمم ميسبنيش ان شاء الله خير كلنا كنا قبل الفيلا بخمسين متر الفيلا محصنة كويس جدا والرجالة محوطها من كل جانب كلنا كنا معانا اسلحة حتى انا معايا سلاح بس لازم نعمل حاجة نشتت انتبهم ركبت العربية اللى كنا جيين بيها وسقتها باقصى سرعة للمدخل بتاع الفيلا وقبليها نطيت من العربية العربيه خبطت في البوابه وانفجرت بكل إللي علي البوابه واديت الاشارة للرجالة دخلنا من مكان الانفجار و قبلتنا مجموعه كبيرة من الرجاله و فضله يضربه علينا واحنا كنا بنرد وقعنا منهم كتير لكن عددعم كان كتير طبعا بتسألوا انت بتعرف تضرب نار ازاى اتعلمت اما دخلت الجيش فى مصر قبل ما اسافر كنت من احسن الناس اللى بتضرب نار فى الجيش فضلنا نضرب فيهم واحنا ابتدينا ننقص لقيت مصطفى طلع قنبلة من جيبة و حدفها عليهم انفجرات فعلا وخدت كل الحراس معاها دخلنا انا ومصطفى من بوابة الفيلا وكان فاضل معانه رجلين بس دخلنا و كان فى الاوضه وعليها حارسين شكلهم اقوية جدا فضله يضربه علينا نار كانه محترفين جدا ضربه واحد من الرجلين اللي معانا فى دماغه وقع ميت و اتانى فى كتفة و اتصاب الراجل اللي معانه بطلقه في رجله ضربت علي واحد فيهم الرصاصه جت في صدرة و وقع علي الارض واتاني مصطفي ضربه اربع رصاصات و وقع علي الارض رحنا ناحيه الراجل وسندناه دخلت وكانت المفاجئه كان ماسك مسدس واعد على المكتب انا لما شفته اتصدمت وقولت

– انت سبب ف كل دة مستر كندرك رئيس النادى انت ازاى ولية احنا عملنالك اية دة كل إللي احنا فيه بسبب ناديك اللى كان غرقان من سنين واحنا رجعنهولك تانى دى تبقا جزتنا نموت انت ازاى كدة مستحيل تكون انت ورا كل ده

لقيتوا قام من على الكرسى بسرعة وسحب رشاش كان تحت المكتب واعد يضرب علينا نار مصطفى شدنى واستخبينا ورا الحيط اتكلم وهو بيضرب علينا نار قال

– انت وشوية الاغبياء اللي كانه معاك خسرتونى كل حاجة عشان وثقت فيكو ورهنت على الفرقة بنص ثاروتى على امل انكوا تخدوا البطولة واكسب اضعفهم لكن انته طلعتوا شوية فشلة ضيعتوا كل حاجة لازم تدفعوا التمن لازم كلكوا تموتوا تخسروا كل حاجة زى ما خسرتونى كل حاجة النادى وبيتى كله راح بسببك انت وهما كله هيدفع التمن

انا وهو بيتكلم فهمت كل حاجة فهمت مين اللى بعتلنا جوبات التهديد فهمت كل اللى كان ناقصني لكن كان فيه مشكلة اكبر اننا يعتبر زخرتنا خلصت معيش زخيرة ولامصطفى ولا الراجل اللى فاضل معانا من الرجالة وهو قاعد بيضرب علينا بالرشاش احنا كدة هنموت ببص لقيت جانبينا جثة وسلاح مرمي جانبها خت السلاح مفيش غير طلقتين بظبط يعنى مينفعش يضيعوا اتكلمنا احنا التلاتة فى لحظات واتفقنا على اللي هيحصل ماكنش فى وقت للجدل طلعنا احنا التلاتة مسكين مسدستنا وانا اولهم وهما الاتنين ورايا بنجرى بسرعة ناحيتوا و الرصاص حاولينا فى كل ناحية قربنا كفاية اننا نعرف نصيبه اديتهم الاشارة انهم يضربو عليه وانا طلعت ادامه مره واحده شتت انتباهه و هما ضربه عليه رصاصة فى صدره ورصاصة فى رجله لكنه فضل يضرب علينا قبل ما يقع علي الارض رصاصه منهم جت في دراعي التاني وقعت علي الارض كنت ساند على الحيط مش قادر جالى مصطفى يطمن علية كنت بنزف جامد حاولت اتماسك و قولتله

– انا كويس

ساعتها قطع حته من هدومه وربطلي ايدي

قولتله وانا باخد نفسي بالعافيه

– روح بسرعه يا مصطفي لازم نعرف عايز يعمل ايه فى باقي الفرقة مفيش حد تانى هيموت

وفعلا راح بسرعة وكان خلاص بيموت وقاله

– هتعمل اية فى بقيت الفريق قول بسرعة قول

رد وهو بيموت

– كلهم هيموتو فى وقت واحد منفجرين وانت مش هتلحق تعمل حاجة

– وفضل يضحك لحد لما سكت فاجأه ومات قولت وانا بصصله

– غبى

مصطفى استغرب اوى وقالى

– بقيت الفريق هيموته لزم نلحقهم

قمت وقفت وانا بسند على الحيطة وقلت

– غبى هو فاكر انه بعد ماقتل واحد مننا هنفضل مأمنين حد بعد حادثه محمود قعدت مع كل الفريق وقولت له كله يغير عنوينه و ميقولض لحد عليه حتي النادي واضح انه كان قرار صح

مصطفى رد علية

– طيب كويس جدا يلا نمشى من هنا بسرعة

قولتله

– احنا منفعش نمشى كدة حق محمود كدة هيروح ومحدش هيعرف مين اللى عمل كدة الخزنه دى لازم نفتحه اكيد فيها اوراق مهمه قام الراجل اللي معانا اللى فاضل وهو مش قادر يتحرك من الاصابة قال

– انا اقدر اساعد انا فتاح خزن رد مصطفى

– طيب اية تقدر تفتحة بحلتك دى

رد

– اه بس ايديكوا معايه بس

سندناه وراح على الخزنةوو بدا يفتحها محمود ساله

– اسمك اية شكلك عربى انت خلاص بقيت مننا

رد

– انا اخوكم رباح من سوريا والله انا اتشرفت انى بقت واحد منكم ناس جدعان مبتسبش حق اصحابها ان شاء الله ربنا يقدرنا ونفتح الخزنة

اعدنا احنا التلاتة حاولين الخزنة بنفتح فيها لغيت ما اتفتحت خدنا كل الاوراق اللى فيها لسة هنهرب سمعنا صوت البوليس داخل من البوابة الرئسية قلت

– هنعمل اي هيتقبض علينا

رباح رد

دول جيين علينا هنموت

قال مصطفي بسرعة

– اكيد فى بابا خلفى بسرعة جرينا بسرعة طلعنا على سطح الفيلة لقينا سلم بينزل على تحت نزلنا منه على الجنينة نطينه منها على الفيلة التانية وخرجنا رحنا للعربية اللى كنا مجهزنها للهروب خدناها ومشينا قولت لمصطفى

– هنروح فين مفيش فندق هينفع ندخلو بشكلنا دة وكمان عايزين دكتور

رد مصطفى

– مش عارف يا حسام بس احنا لازم نبعد دلوقتى

اتكلم رباح بالعفية وهو خلاص وهيغمى علية من الاصابة و وصفلنا عنوان نروحه وهيعمله اللازم مصطفى خد العنوان وراح على هناك ونزل وخبط على البيت اللب قال علية رباح فتحلنا حد اول مشاف مصطفى شايل رباح ومغمى عليه قلنا

– ادخلوا بسرعة

بسرعة دخلنا حط رباح على السرير وانا نمت بردة على سرير لقيت

مصطفى كلم الراجل دة قاله

– احنا محتاجين دكتور هيموتوا كدة

رد عليه

– اتصلت بيه وجاى فى الطريق ايه اللي حصلكم

رد مصطفى

– كنا فى عملية وكلهم ماتوا مبقاش غيرنا واتصبنا واحنا بنهرب

قالي

– متقلقش الدكتور مش بعيد هيجي دلوقتي

و فعلا بعد نص ساعه دخل علينا و بدا يطلع الرصاصه من كتف حسام و رجل رباح و يلف الجرح و بعد ما خلص قال

– لازم يرتاحه و ميبزلوش اي مجهود عشان الجروح تلم

شكره جدا مصطفي و اداله فلوس و مشي و فضلنا في المكان دا شويه لحد لما حسيت اني كويس قومت من سريري و مسكت الورق اللي لقناه في الخازنه وبدات اقراه الورق كان كله عبارة عن صفقات فساد من اموال النادي علي تجارة مخدرات علي مغل حاجة ممكن تتخيلها بجد مسكت الورق و صاحيت مصطفي و قولتله اني هنزل كان مش راضي عشان خطر عليه لكني قولتله اني مش هتأخر

خظت الورق وسبته قدام واحد من اكبر مشجعين النادي من صغرة لكنه كمان من كبار المستشارين في القضاء كنت متأكد انه هيعمل اللازم

رجعت تاني و قولت لمصطفي يلا عشان هنسافر قالي

– هنسافر دلوقتي

قولتله

– ايوا يلا وألا مش هنعرف نسافر

بدأ يجهز نفسه وانا رحت لرباح وقلتله

– وانت كمان يا رباح لازم ترجع بلدك و تبدا من هناك

و مدتله ايدي بظرف كان مليان فلوس و قولتله

– دي فرصه جديدة ليك حاول لو جيت مصر في يوم تجلنا

حضني و الدموع بتنزل من عنيه طبطبت عليه و سلمت عليه و علي الراجل اللي استقبلنا و مشينا

و رجعنا علي مصر و قضيه الفساد بتاعت النادي كل العالم عرفها

رجعت لمراتي و بنتي و سيف أتربي ما بنا لحد لما كبر و دخلته ناشئين كورة قدم كان فعلاً شبه ابوه اوي ربنا يرحمك يا صحبي

تمت