التاسع
-بس هو بيحبنى قالتها ودموعها تنهمر وقلبها ينزف فقد ايقظتها على اشياء كانت غافله عنها
-من ناحيه الحب متقلقيش الحب بياجى بعد الجواز قبل الجواز دة بيبقى زى ما تقولى كدا تسليه المهم انا ميهمنيش الحب ولا غيرة انا كل اللى يهمنى ان انا مستحيل اقبل بيكى مرات ولدى والكلام دة حذارى يوصل لمعاذ وانتى بعد الفرح تلمى خلاقاتك وتمشى من هنا وتقطعى علاقتك بيه ولا انتى هتفرحى لما ولد يعصى امه
-لا قالتها بالم
-طيب يبقى انتى من طريق وولدى من طريق عيشى حياتك زى ما انتى عايزة بس بعيد عن ولدى
-سابتها وخرجت وكانت رنيم وروما واقفين عالباب وسمعوا الكلام
-روما كانت هتروح لمعاذ وقفتها رنيم : لا يا روما دا اللى المفروض يحصل مامتك معاها حق طول ما هى مش هتتقبل روح عمر ما حد هيكون سعيد
-بس
-من غير بس انا هدخل لروح
-روح كانت واقفه فالشباك بتبص على معاذ ودموعها بتنزل رنيم حضنتها من ضهرها لى عملتى كدا يا روح رخصتى نفسك لى
-مش عارفه انا زعلانه من نفسى اوى
-ربنا غفور رحيم وسكتوا الاتنين ورنيم حاضنه روح على نفس الوضع قطع صمتهم روح
-تفتكرى هقدر يا رنيم
-لازم يا روح احنا بندخل حيات الاشخاص عشان نحليها بس فوضعك حاليا انتى هدمرى علاقه ام مع ابنها
-بس انا بحبه قالتها ببحه اوجعت قلب اختها
-وهو بيحبك بس اكيد بيحب امه اكتر
-ممكن تسبينى لوحدى يا رنيم
-خلينى معاكى قالتها برجاء
-لا عايزة ابقى لوحدى
-سابتها وخرجت وهى واقفه وبرضوا عيونها على معاذ مسكت الفون ايوة يا نينا
ايوة يا روحى مال صوتك
-تعبانه يا نينا ومش عارفه اعمل اى
-احكيلى طيب معاذ زعلك
-لا مامته……..
-وانتى هتعملى اى
-مش عارفه مش هقدر ابعد يا نينا مش هقدر
-هتسمعى منى
-ايوة
-نفذى كلام مامته يا روح هتتعبى بس تعب دلوقت احسن من بعدين الشخص اللى المفروض يكون راضى على جوازكوا مش موافق مستحيل تقدروا تكملوا كدا
-بس
-مفيش بس اهله مش موافقين وفكرك جدك هيوافقك لما يلاقيه من غير امه انت غاليه يا بنت مراد غاليه مترخصيش نفسك
-قفلت السكه معاه وفضلت فاوضتها حتى الحنه محضرتهاش معاذ سأل عليها ليلى وروما ورنيم والكل كان بيهرب من سؤاله تانى يوم الفرح الكل راح عالقاعه وهى ركبت مع زياد ورنيم وهو اخد رشا ومامته وعز فعربيته
-وصلوا القاعه كانت الدنيا زحمه دور كتير عليها لحد ما لقاها
-كنتى فين
-اتوترت انا كنت هنا فى حاجه
-من امبارح مشفتكيش ورنيت كتير مرضتيش
-معلش كنت مشغوله مع روما
-مشغوله عنى
-حاولت تهرب من عيونه معاذ انا هروح اقعد مع رنيم قالتها وهى ماشيه
-قبل ما تمشى متقوميش من مكانك ولا حتى تروحى لروما سا معه الناس هتاكلك بعيونها
-حاضر مشت شدها لى
-انتى كويسه
-اه يا معاذ كويسه عن اذنك قالتها بعصبيه
-قعدت جنب رنيم وزياد وعز ومش شايفه حاجه قدامها
تايهه وشاردة ومش واخدة بالها من روما اللى بتنادى عليها
-روح روما بتنادى عليكى قالتها رنيم
-ها طب انا رايحه اشوفها
-انتى كويسه طيب لو تعبانه هشوفها انا يا حبيبتى
-لا كويسه يا رنيم
-راحت عند روما اى يا روما
-مش عارفه رجلى فى حاجه شبكت فيها من تحت مش عارفه اتحرك
-طب استنى هشوف فى اى ليلى يا ليلى
-فى اى
-اقفى قدامى عشان هشوف الفستان من تحت وبالفعل كانت الجيبونه مش مظبوطه والفستان لف على رجل روما ظبطتها
-فى حاجه تانى
-لا يا روحى تسلميلى وحضنتها
-انا بحبك يا روما اوى
-وانا بموت فيكى بس لى بتقولى كدا
-مفيش
-الكل شايف البنتين الغريبتين اللى مش سايبين روما دقيقه
-ست : شوفى يختى الغريبه بتعمل اللى القريبه مبتعملوش كان قصدها على رشا
-واحدة تانى : بس البنت تحل من على حبل المشنقه متل القمر والله
-معاكى حق بس مش شايفه سى معاذ مش منزل عيونه من عليها
-تلاقيه عيحبها
-معقول بس صغيرة عليه بس والله لايقين على بعضيهم بس مش من توبنا يعنى شوفى كيف فاردة شعرها ومعتختشيش كيف
-على رأيك بس لو حقيقى عيحبها والله الست راضيه هتقوم الدنيا ومعتقعدهاش عشان بنت خيتها كانت ديمه تقول انها مرت ولدها بس والله البنته حلوة عنيها ومتكلمناش معاها اه بس انا حبيتها كيف الممثلين والله
-ملناش دخل
راضيه سامعه الكلام وبتغلى من جواها
-عند روح وقفت جنب روما وخالد نزل بيرقص مع معاذ رقص بالعصى
-بت يا روح بتعرفى ترقصى زيهم
-ارقص بالعصايه انتى اتجننتى
-ايوة انا انهاردة فرحتى ومش هتجوز كل يوم وعايزة افرح
-تقومى ترقصى بالعصايه اتجننتى
-قوليلها يا ليلى
-بت يا ليلى ناديلى جوزك
-هتعملى اى
-ملكيش دعوة انتى
-ليلى نادت جوزها
-خير يا روما عايزة اى
-بقلك روح لبتاع الدى جى وخليه يشغل اغنيه احلى صبيه
-نعم يختى قالتها روح بصدمه
-استنى يا روح
-استنى اى امك واخوكى وجوزك يموتوكى فيها بطلى هبل
-اسكتى بس روح يا وليد
-متأكدة قالها بخوف
-ايوة روح انت بس
-وبالفعل شغل الاغنيه وهى شدت روح اللى كانت رافضه ونزلوا عند معاذ وخالد وروما زاحت روح عند معاذ كان قصدها تعمل كدا ظنا منها هتحط امها قدام الامرالواقع والناس هتتكلم عليه (فضيحه من الاخر)وراحت هى لخالد وبدأت ترقص معاه
-اما روح فكانت واقفه قدام معاذ ولسه هتمشى معاذ شدها وبدا يرقص معاها وهى سرحت فعيونه ونسوا الناس اللى هتاكلهم بعيونها معاذ بيلفها ويرجعها وهى مش منزله عيونها من على عيونه
-الحق يا زياد روح وقف الاغنيه قالتها رنيم بغضب
-خليهم يرقصو
-انت اتجننت يا زياد
-هو فى اى قالها عز مستفسرا
-روح انت يا عز ارجوك وقف الاغنيه هما مش واخدين بالهم من الناس بسرعه ارجوك
-خايفه من اى هو بيحبها وهى بتحبه
-يوووووه انتو اكيد اتجننتوا واتحركت هيا ناحيه الدى جى فى نفس اللحظه كانت راضيه انفعلت من التوسوسه بتاع الحريم راحت لعندهم وشدت روح ورفعت ايدها لفوق ونزلت على وشها بالكف وقعتها عالارض
-امى قالها معاذ بصدمه
-
الكل اتصدم من اللى حصل والموسيقى وقفت رنيم طلعت تجرى على اختها وليلى بس روح كانت سابتهم وطلعت تجرى روما ومعاذ لسه هيلحقوها اغمى على راضيه
-خالد بصوت عالى : الحق امك يا معاذ وقف معاذ وبيحاول يستوعب اللى حصل ورجع هو وروما لأمه اللى طلبولها الاسعاف
-رنيم وليلى وزياد لحقوا روح بالعافيه
-استنى ياروح حرام عليكى هولد وانا بجرى وراكى
-زياد سبقهم ولحقها من قدام العربيه اللى كانت جيه من الناحيه التانيه
-رنيم اخدتها فحضنها وهى منهارة فالعياط
-روحينى يا رنيم ارجوكى عايزة اروح
- بطلى عياط يا روح عشان خاطرى قالتها ليلى وهى تمسد على ظهرها وتبكى
-يلا يا رنيم روحى لمى هدومكوا وغيروا وهنمشى قالها زياد بزعل على ما حدث
-واحنا كمان يلا يا ليلى تحدث بها وليد حزنا على تلك الاخت التى ولدتها له الايام
-الكل روح القصر وروح غيرت وبتبكى
-رنيم بغيظ: عارفه يا روح تستاهلى كل اللى بيحصل دة انتى السبب فيه ازاى ترقصى معاه كدا وكمان وسط ناس دا انا مقدرش اعمل كدا مع زياد انتى خلاص بقيتى مجنونه بيه حللتى الحرام معاه
-خلاص يا رنيم ارجوكى كفايه كفايه لو سمحتى قالتها بانهيار
-خلاص يا رنيم بلاش تضغطى عليها و يلا عشان مستنينا تحت
-مشوا والفجر اذن عليهم كل دة وروح ساكته ودموعها بتنزل وقربوا على القاهرة تليفون رنيم رن
-الو ايوة يا ماما
-انتو فين
-احنا جايين فالطريق
-قدامكوا قد اى يعنى
-مالك يا ماما متعصبه لى
-ردى على السؤال
-يعنى نص ساعه بالكتير
-تمام تيجوا على شقه جدك سااااامعه
-ماما هو فى حاجه
-هتعرفى لما تيجوا سلام
-سلام
-فى اى
-معرفش يا زياد ماما متعصبه وبتقول نروح على شقه جدو ومقلتش السبب
-خير ان شاء الله
-مش باينله خير ابدا يا ليلى
-وبالفعل وصلوا ليلى ووليد وروحوا وزياد صمم يطلع معاهم
-عند الجد الجرس رن وفتحوا الباب وكان الكل متجمع عاصم ووفاء ومعتصم والجد والجدة ومحمد اخو وفاء
-رنيم لما شافت تجمعهم قلبها كان هيقف ومسكت ايد روح
-زياد اتكلم السلام عليكم
-وعليكم السلام
-الجد قام ووقف قصاد روح ورفع ايدة لفوق ونزل على وشها راسها اتخبطت فالترابيزة
-الكل اتصدم رنيم لسه هتتحرك لأختها شدتها وفاء
-ماما
-اخرسى خالص
-زياد بصدمه : فى اى يا جدى لى كدا وبيميل على روح يرفعها
-سيبها ومسك الصور اللى كانت بتتاخدلها هى ومعاذ ورماها فى وشها اتفرجى على المسخرة وقله الادب يا بنت مراد هى دى تربيتى فيكى تكسرى عينى واى ياريته وهيتجوزك فالاخر له انه تضربك فى نص الفرح بالقلم اتفى عليكى وعلى تربيتك
-ضى بدموع: اى اللى بتقوله دة
-اقول ايه واحكى ايه ملهاش عين تتكلم وتقول كدب
-محمد اتكلم قلتلكوا كتير ومكنتوش بتصدقونى عشان كدا قررت اراقبها عشان تصدقوا كلامى
-وفاء رفعتها وضربته قلم هى كمان عارفه مش هيتجوزك لى عشان انتى رخيصه رخصتى نفسك معاه اى فكرتى مش هنعرف حاجه ومعملتيش حساب اللى فوق مكنتش متوقعه ان بنتى اللى مربياها تبقى بالوساخه دى
-رنيم بدموع: ماما اسكتى
-اخرسى انتى خالص اتكلمى ودافعى عن نفسك يا ست روح قولى مش انا اللى فالصور
–
-هتقول كيف يا بنتى مش عايز اشوف وشك تانى سامعه عاصم
-نعم يا جدى خد منها العربيه والفيزا وانتى يا وفاء خدى التليفون وممنوع حد يديها قرش الا اللى هتركب بيه تروح جامعتها وممنوع خروج سامعين واللى هيساعدها هيتعاقب نفس العقاب سامعه يا رنيم
- سامعه وراحت اخدت روح وطلعت ووقفت قدام زياد قول لصاحبك شكرا
-رنيم هو
-متكملش قله مش عايزين نلمحوا تانى فى حياتنا
عند معاذ اخد امه المستشفى الدكتور طلب تحويلها على مستشفى فالقاهرة خاصه ووصلوا القاهرة
الدكتور: هى الوضع الى حد ما كويس بس للاسف حصلها جلطه فرجلها
-روما: يعنى اى
-الدكتور: مش هتقدر تمشى على رجلها
-معاذ: انت بتقول اى انا هسفرها برة
-الدكتور: مفيش فايدة الحاله مش خطيرة هى ان شاء الله مع جلسات العلاج الطبيعى هتقدر تمشى بس لازم تبعدوا عنها الزعل ضغطها كان ٢٠٠على ١٠٠ لازم تبعدوها عن التوتر
-معاذ: شكرا لحضرتك
-رشا بغضب: ارتاحتوا اديكوا هتموتوها اتمنى تكونوا فرحانين باللى وصلتوها ليه
- بقلك اى انا لحد دلوقتى ماسكه اعصابى متخلنيش اعملك اللى عمرك ما تتخيليه هى امى وانا بنتها انتى مجرد بنت خالتى مش انتى اللى هتخافى على امنا اكتر مننا ساااااامعه قالتها روما بهجوم
-اهدى يا روما اهدى يا حبيبتى وانتى يا رشا مش وقته الكلام دة تعالى يا روما ارتاحى
- وقته ولا مش وقته يا عز عشان البيه اللى عامل نفسه مراهق ومهموش قيمته قدام الناس ورقص مع عيله نستوهيبته واسمه ودينه و
-روما رفعت ايديها لفوق ولسه هتضرب رشا مسك ايدها معاذ
-خلاص يا روما كفايه كدا
-انت مش سامعها
-سبيها انا خارج اقعد برة شوى
- كان قاعد فى حديقه المستشفى وزياد راح ليه
-طنط عامله اى
-حالتها مستقرة
-الحمدالله
-روح عامله اى
-اتنهد تنهيدة طويله متسألش عشان قلبك هيوجعك
-قام من مكانها وراح لزياد فى اى حصلها اى
-حصلها قول اى اللى محصلهاش واحنا فالطريق مرات عمى رنت على رنيم وروحنا…………
-قعد مكانه من الوجع انا اللى وصلتها لكل دة انا السبب فكل دة مين اللى كان بيصورنا
-خالها وعلى فكرة رنيم قالت ان امك وصلها من الصور دى
-ال…… ودينى ما هرحمه بيلف وشه لقى روما واقفه ودموعها بتنزل بعد ما سمعت الكلام وجعها على صاحبتها ولا وجعها من تصرفاتهم مكنتش قادرة تحدد الوجع بس اللى غالب على تفكيرها كان وجع صاحبتها
اما روح فشعرت بما فعلته كانت تعلم ان مشاعرها تتحكم بها علمت مدى الذنب الذى ارتكبته لتسجد سجدة طويله تطلب الغفران ليفتح الله لها ابوابه لتنام بين احضان سجادة الصلاه لتعيد الحسابات وتتدعى بداخلها الا يوجعها معاذ حتى لا تنهار كليا
-تانى يوم دخلت وفاء على روح ورمت فى وشها الجرايد ودموعها بتنزل اتفضلى يا هانم شوفى فضيحتك اللى هتبقى على كل لسان رنيم مسكت الجرايد وقرت وبترميها فالزباله
-هاتى هنا هترمى اى وساختها ياريت تترمى هاتى للهانم خليها تقرأ
-خلاص يا ماما ارجوكى
-اسكتى اسمعى يا هانم “ظهور حبيبه لرجل الاعمال معاذ الشرقاوى بعد سنين من اعلانه فى كل مرة بعدم الارتباط تعليلا انه لم يجد الحب ولكن هذا الحب اعتقد انه لن يكلل بالزواج فقد ارسل لنا فيديو بقيام راضيه الشرقاوى بضرب الفتاه وطردتها من الفرح “تسمعى اكتر ولا على صورك اللى ماليه الجرايد حسبى الله حسبى الله فضحتينا فضحتينا
-خلاص يا ماما ارجوكى اخرجى سبيها مش شايفه عامله ازاى
-اخرج انا اللى جدك عمرة ما سمعنى اهانه ولا قل منى يقلى شفتى تربيه بنتك معرفتيش تربى يا وفاء انا
-خلاص يا ماما كفايه اللى هى فيه
-فالمستشفى
-معاذ ماشى فالمستشفى والكل بيبص عليه هو فى اى الكل بيبص عليا
-زياد لسه هيتكلم عز جه ورد على اسألتهم
-شفتوا الصحف
-فى اى
-مد ايدة لمعاذ اللى اتصدم من اللى مكتوب والصور
-وصلتلهم ازاى الصور دى
-زياد هاتلى ال….. دة انا هربيه كويس
-حاضر
-مين دة
-مش مهم قطع كلامهم فيديو عالتلفزيون ومعاذ بيرقص هو وروح وراضيه وهى بتضرب روح
-معاذ مشى ايدة على شعرة بغضب ومسك الكرسى ورماه عالشاشه
-اهدى يا معاذ اى اللى بتعمله دة
#مر اسبوع
معاذ واقف قدام المرايه ودخل زياد ورمى البدله عالسرير
-البدله اهى وخرج
-فلاااااش باك
-بعد ما كسر الشاشه الدكتور سمح لراضيه تخرج لما امورها استقرت بس هتتحرك بكرسى بعجل روحوا البيت
-معاذ اعتقد كفايه اللى حصل وكفايه الفضايح اللى حصلت
-مش وقته يا امى
-اخرسى انتى دلوقت يا روما وكفايه فرحك اللى باظ بسببهم وانت يا خالد خد مراتك وروحوا على شقتكوا
-خلينى يا امى
-لا انا معايا رشا ولفت وشها لمعاذ خطوبتك بعد اسبوع من دلوقت على بنت خالتك وانت يا زياد تنشر فالصحف وتعرفهم اننا عاملين حفله هى هتكون صغيرة بس لازم يكونوا موجودين
-بس انا مش هتجوز
-بدأت تصرخ وعليه حتى شعرت بالاعياء اه قلبى روما الحقينى
-خلاص يا امى اهدى انا هعمل كل اللى انتى عايزاه بس اهدى انتى لسه خارجه قالها معاذ بخوف
-يبقى تنفذ كلامى قالتها بتعب
-الكل مصدوم من اللى بيحصل
-حاضر انا طالع اوضتى ارتاح وانتى ياروما خلى بالك منها
-طلع اوضته ولاول مرة دموعه تنزل وبيفتح صور روح روما دخلت من غير ما يحس واول ما شافت دموعها جرت عليه واخدته فى حضنها وبكت هتسامحك يا ابيه لما تعرف
-بس انا مش هسامح نفسى انا وجعتها وهوجعها وبعد الفضيحه اللى حصلت هتخلى عنها يا روما مكنش لازم اقرب منها من الاول فضل يتكلم لحد ما نام ودموعه على خدة وصورتها فى حضنه
-بااااك
مر اسبوع وكأن لا روح فى اى مكان عند روح فضلت فاوضتها مبتخرش
-تعالى نخرج يا روح
-مش عايزة اخرج يا رنيم عايزة انام
-وفاء فتحت الباب واتصدموا من طريقه فتح الباب ورمت الجرايد اتفضلى يا هانم اتفضلى البيه مش مضيع وقت حتى مفكرش فاللى اتفضحت وقال اتجوزها عشان الفضيحه حتى ورايح يتجوز بنت خالته ارتحتى كدا بعد ما سيرتك لبانه عند كل الناس اتخلى عنك وهيتجوز
-روح مش مستوعبه ومسكت الجرايد ودموعها بتنزل وبصت على رنيم قوليلى انهم بيكدبوا
-رنيم بدموع: لا بس مامته اللى جبرته و
-واى يا رنيم واى سبينى لوحدى كملت بصراخ سبووووووووونى
-خرجوا من الاوضه وفاء رغم وجعها من بنتها بس خايفه عليها برضوا متسيبهاش يا رنيم ادخلى بالغصب خليكى جنبها
-روح قفلت الباب ووقفت قدام المرايه وبتفتكر كل حاجه بينها ةبين معاذ ومسكت المقص وبدأت تقص شعرها وتفتكر كلام معاذ عن شعرها قصته والباب خبط وراحت فتحته وكانت رنيم اللى اتصدمت انتى عملتى اى دخلت وقفلت الباب لى يا روح حرام عليكى لى كدا
-لازم اروح الخطوبه يا رنيم
-نعم انتى اتجننتى
-اتصرفى لهرمى نفسى من البلكونه لازم اشوفه بعينى لازم
-طب هقول لماما اى
-اتصرفى يا رنيم اتصرفى ارجوكى ارجوكى
-طب اهدى خلاص انا هتصرف وبالفعل اقنعت مامتها انهم يخرجوا يشموا هوا ووافقت بعد ما عرفت انها قصت شعرها
-لبست بنطلون اسود جلد بس ضيق جدا وتيشرت كت ابيض وفوقيه جاكت اسود وهاف بوت اسود وخرجت من الاوضه وفاء مكنتش راضيه تبص فى وشها مش عايزة تشوف وشها بعد ما قصت شعرها وتصعب عليها
-خرجوا والمسا حل عليهم ووصلوا وكانت الحفله بدأت ومعاذ فضل قاعد مكانه وحالته صعبه
-زياد واقف هو وعز اللى بيبص على رشا بوجع
-مالك يا عز عيونك منزلتش من على رشا لى قالها بخبث
-كنت بحبها يا زياد
-نعم بتقول اى قالها زياد بصدمه
-كنت بحبها ومازلت بحبها بس هى رفضت حبى عشان كدا سافرت امريكا قالتلى انها مش بتحبنى وبتحب معاذ خد ت وجعى وسافرت بس رجعت على امل بس خلاص الامل راح
-ابتسم زياد بسخريه سبحان الله بتحب رشا اللى مبتحبكش وبتحب معاذ اللى مش بيحبها وبيحب روح اللى بتموت فيه وبتموت من غيرة لسه هيكمل تلفونه رن
-ايوة يا رنيم
-احنا برة
-برة انتو مين قالها بصدمه
-انا وروح
-اتصدم روح انتى بتقولى اى اتجننتى
-هى اللى صممت
-بس الصحافه ماليه المكان
-معرفش يا زياد هى صممت تيجى
-طب متتدخلوش انا هتصرف قفل
-فى اى
-روح برة ومصممه تتدخل
-غاويه وجع القلب البنت دى شكلها
-مش دا المهم الصحافه لو شافوها
-قاطعه عز انا همشيهم وبالفعل راح ومشاهم وزياد راح اللى اتصدم من روح وشعرها ولبسها اول مرة تبقى جريئه فاللبس كدا
-روح اى دا
-متسألش قالتها رنيم بلا حيله
-طب ادخلوا
-وبالفعل دخلو وروما شافتها راحت لعندها ويتمشى ايدها على شعرها اى اللى عملتيه دة لى كدا
-عامله اى
-انا اسفه يا روح بس امى
-متتأسفيش اللى المفروض يحصل حصل انا جيت عشان اباركله واتأكد ان هو باعنى بالرخيص
-بس
-سابتها وراحت عند معاذ اللى وقف اول ما شافها وشاف شعرها
-مددت ايدها لرشا مبروك
-اى اللى جابك
-
-مددت ايدها لرشا مبروك
-اى اللى جابك
-اى خايفه ولا اى عالعموم متخافيش وراحت ناحيه معا ووقفت قدامه
-روح
-قربت منه وميلت على ودنه كنت بتقول ان انا روحك وعد من روح لتحرق روحك زى ما حرقت روحها وكان فأيدها شنطه حطت فيها شعرها ومسكت ايدة وحطت الشنطه فيها كنت بحرم حد يلمس شعرى عشان كان ملكك حطتيتلك شعرى اللى ملك عشان الباقى هيبقى ملك غيرك وسابته ومشت ودموعها يتنزل وهو فضل واقف مكانه وفاق على صوت عز
-خلص المسخرة دى يا عز انا هدخل
-وسابهم وطلع والناس كلها بتتهمس
-روح خرجت ورنيم خرجت وراها
-لى عملتى كدا
-كان لازم .
روحوا الاتنين
-اما عند معاذ فكان ماسك شعر روح وبيشمه والباب خبط شاله فصندوق فى صورليه هو وهى
فتح الباب وكانت رشا
-معاذ قالتها رشا بتوتر
-عايزة اى
-عايزة فرصه يا معاذ
