اعوذ بالله من الشيطان الرجيم
بسم الله الرحمن الرحيم
( قَالَ رَبِّ فَأَنْظِرْنِي إِلَى يَوْمِ يُبْعَثُونَ )
صدق الله العظيم
انتوا عارفين ان ابليس قال كده لربنا سبحانه وتعالى
في ناس فسرت الاية وقالت انه هيخلي البشر يفسدوا في الارض وهيقدر يعمل كده
وناس تانى قالت هو يقصد ان الناس الي هو هيغويهم هيكونوا معاه فى النار
..
طيب تعالوا احكيلكم عن اصعب حكاية ممكن تسمعوها بس بطلب منكم تستعيذوا بالله من الشيطان الرجيم
ونبدء على البركة
…
_ده مش ابني.. والله ما اهو ابني ده شيطان
_بس انتي قتلتيه ليه؟
_انا مقتلتش حد.. هو كان بيحاول يقتلني
_مدام شيرين.. انتي رميتي ابنك من الدور العاشر
_بس ده مش ابني مش ابني ده خبيث.. ده خبيث
..
مراتي جالها انهيار عصبي.. واخدت مهدء عشان اعصابها تعبانه.. بس انا مصدقها
هي مستحيل تقتل.. مستحيل
انا هحكي كل حاجة من البداية بس اتمني الكل يدعي ربنا يظهر الحق
…
خبيث
الجزء الاول
(عشيرة الجن)
انا اسمي عوض.. او علي علي كلام اهل البلد.. انا الشيخ عوض.. ايوة انا الشيخ الي بيعالج الناس من المس والسحر
الناس كلها في البلد بتحبني وبتجيلي عشان اعالجهم.. والحمدلله انا بعالج بكتاب ربنا
حياتي مستقرة والحمدلله.. متجوز شيرين بنت عمي لطفي الله يرحمه
انا من سكان الصعيد.. وطبعا انتوا عارفين ان الصعيد مليان حكايات
..
قصتي بتبدأ مع عرفان… عرفان هو الدجال الي جيه بلد جمبنا من فترة كبيرة وعاش هناك هو ومراته ومعرفش اذا كان عنده ولاد ولا لا
دجال كافر.. بيستخدم السحر والشعوذة في اذية الناس
الناس كانت بتاجي تتعالج عندي بعد ما اتأذت منه
كان بيستخدم السحر الاسود فى أذية الناس
..
كنت بعمل جلسات طرد للجن الي بيمس الناس بسببه وكنت بواجه اقوي انواع الجن.. وكنت بنتصر عليهم بحمد الله… لحد ما في يوم
لقيت باب البيت بيخبط.. فتحت الباب وكانت المفاجأة
عرفان هو الي واقف قدام الباب كان بيعيط ومعاه بنت في العشرينات او اصغر تقريباً.. وكان علي ملامحها التعب والاجهاد وكأنها منمتش من سنة.. بصتله وقولتله
_ نعم.. عاوز اي؟ واي الي جابك هنا؟
_انا جاي طالب مساعدتك.. ارجوك ساعدني
_ مساعدة اي.. انا هساعد واحد زيك فى اي يا ملعون
_ بنتي.. بنتي يا شيخ عوض.. اتمست من جن.. هي غلطت وفتحت كتب من الكتب بتاعتي.. ومن ساعتها زي ما انت شايف
….
طيب ادخلوا.. ادخلوا الاوضة بتاعتي
دخلتهم الاوضة بتاعتي.. وقولتله
_ انا لو هساعدها فده عشان هي ملهاش ذنب.. لكن لو عليك والله لطلعكم بره
_ ابوس ايدك يا شيخ عوض.. انا هتوب وارجع لربنا بس عالج بنتي.. بنتي هتروح مني
_ ومعالجتهاش ليه بالسحر يا عرفان
_ للأسف عرفت متأخر انه مش طريق علاج.. طريق أذي
_لا انت كنت عارف من البداية.. يلا ما علينا
..
حسيت ان البنت عاوزة تتكلم او تقول حاجة بس ساكتة وبتبص لعرفان.. قولتلها
_عاوزة تقولي حاجه؟
_ ها.. لا لا مفيش حاجه
…
وبدأت الجلسة الي هطرد بيها الجن.. قولت وانا حاطط ايدي علي دماغها
وقولت
اعوذ بكلمات الله التامات من شر ما خلق..ربي اعوذ بك من همزات الشياطين واعوذ بك ربي ان يحضرون
بسم الله وبحول الله وبقوه لا اله الا الله اخرج الان، أعوذ بكلمات الله التامة من كل شيطان وهامة ومن كل عين لامة أعوذ بكلمات الله التامات التي لا يجاوزهن بر ولا فاجر من شر ما خلق وذرأ وبرأ، ومن شر ما ينزل من السماء ومن شر ما يعرج فيها، ومن شر ما ذرأ في الأرض ومن شر ما يخرج منها، ومن شر طوارق الليل والنهار ومن شر كل طارق إلا طارقا يطرق بخير يا رحمان
يا من الجمت كل متمرد سلم يارب سلم
..
بمجرد ما خلصت.. شوفت او تخيلت خيالات سودة بتلف حوالينا بسرعة في حركة دائرية.. حسيت نفسي بيتقل وبدوخ.. مش فاهم في أي.. الدنيا اسودت لثواني
شوفت شيطان ماسك شمعة وش اشبه بوش الغوريلا مليان شعر وعينيان سود بلون الفحم
وفي لحظة كل حاجة رجعت لطبيعتها.. شوفت ابتسامة خبث علي وش عرفان مفهمتش معناها
وقولتله
_خد بنتك دلوقتي.. وهتهالي بكرة عشان اعالجها ونكمل الجلسة
_ حاضر.. حاضر انا بشكرك يا مولانا
_اتمني انك ترجع عن الطريق ده يا عرفان.. وتعرف ربنا وتعبده وتوب.. توب يا عرفان
_حاضر يا مولانا عوض.. هتوب والله هتوب
…
خرج من عندي وهو بيسند بنته.. الي كانت شبه ميتة
دخلت وعملت خلوة لنفسي عشان اهدي.. وبسأل نفسي هو اي الي حصل بالظبط انا مش فاهم حاجة.. واي الي انا شوفته ده؟
دخلت انام.. مرهق وتعبان
صحيت علي صوت.. ناس بتقول لا إله إلا الله.. وستات بتصرخ
فتحت الباب بسرعة لقيت.. الناس ملمومة حوالين جثة
جثة بنت في العشرينات.. ايوة هي البنت.. بنت عرفان
ميتة وعلى وشها اشد انواع الرعب والفزع
بس الغريبة ان عرفان مش موجود
..
بسرعة دخلوا البنت.. تتغسل وتتكفن عشان نصلي عليها صلاة الجنازة وده طبعاً بعد ما خلصنا كل الاجراءات
وقفت في الجامع وصلينا عليها.. واخدنا النعش وادفنت في مقابر صدقة عشان البنت ملهاش حد وللاسف عرفان ملهوش اثر
..
رجعت بيتي نمت شويه وصحيت علي آذان الفجر.. نزلت الجامع عشان اصلي.. قابلني واحد اسمه عمي رمضان
وقلي
_ انا عندي سؤال يا مولانا.. الي جاب الكافر الي
اسمه عرفان عندك؟
_كان جايب البنت الي ماتت وقال انها بنته وعاوزني اعالجها
_بنت مين؟ عرفان معندوش غير ولد صغير
_ ازاي؟ ده جابهالي اعالجها
_انا مش مرتاح للموضوع ده يبني.. خلي بالك من نفسك
..
في الوقت ده.. سمعت صوت صراخ طفل.. طفل رضيع معرفش مصدر الصوت.. فضلت ادور لحد ما وصلت لشجرة وبصيت جمبها وهنا كانت الصدمة
يتيع الجزء الثاني
خبيث
الجزء الثاني
(طفل غريب)
بصيت جنب الشجرة عشان الاقي.. طفل ايوة طفل رضيع بيصرخ.. ملفوف ببطانية وشه ازرق من البرد
_ لا إله إلا الله.. لا إله إلا الله
_هي الدنيا جرا فيها اي.. حد يرمي عياله كده
_ اعمل اي.. اعمل اي يا عم رمضان
_ انت يبني خده عندك البيت النهاردة.. وبكرة وديه دار ايتام ولا شوف هتعمل اى
..
نسيت الدنيا.. اخدت الولد وروحت البيت مش مصدق
لقيت شيرين نايمة.. صحيتها وقولتلها
_قومي يا شيرين.. قومي بسرعة
_ في اي بتصحيني ليه يا عوض
_ انا لقيت ده في الشارع.. اهله من جباروتهم رموه في الشارع
_ لا إله إلا الله.. هو في ناس كده
_وفي اصعب من كده.. سمي الله وامسكي الولد
_ ياروحي.. ده بردان.. حسبي الله ونعم الوكيل في الي رماك الرمية دي
بقولك ايه.. انا هاخد الولد ده هربيه
_ انتي بتقولي ايه يا شيرين.. ناخد مين ونربيه الواد ده انا هوديه ملجأ
_ملجأ.. ملجأ اي.. احنا اتحرمنا من الخلفة واكيد ربنا وقعه في طريقك عشان ناخده ونربيه
…
كنت متردد وخايف معرفش ليه.. كنت رافض لكن اصرارها اننا ناخده خلتني اوافق
ايوة وافقت وقولت للناس كلها اني اتبنيت الطفل ده وسميته حسن
لكن واضح ان موافقتي ده مكنتش صح.. كان قرار غلط
غلط
..
في اليوم الي اتبنيت في الطفل ده.. صحيت في نص الليل من غير سبب.. مراتي كانت في سابع نومة
قومت بصيت علي الولد كان نايم
لكن لاحظت حاجة.. نور الصالة كان مطفي وانا سبته مفتوح قبل ما انام
حسيت بحركة غريبة في الصالة.. حركة سريعة جداً
خرجت للصالة وانا بقول مين.. مين الي بره؟
مكنش في حد.. روحت عشان اشغل نور الصالة بس مكنش راضي ينور
وفي لحظة شمعة نورت في عز العتمة.. وظهر نفس المخلوق بوشه البشع وعينيه السودة.. وكان شايل بايده التانيه طفل.. طفل صغير
وقبل ما يعمل اي رد فعل.. سمعت صوت مراتي بتقولي
انت واقف كده ليه؟
بصيت حواليا مفيش حاجة.. ونور الصالة كان مفتوح عادي
اومال اي الي انا شوفته ده
…
رجعت الاوضة عشان اكمل نومي.. نمت.. نمت وانا قلقان وخايف
تاني يوم.. صحيت لقيت مراتي بتلاعب حسن
سبتها في البيت ونزلت
عاوز اعرف هو جالي ليه؟ ومين البنت دي؟
وفعلا نزلت من البيت واخدت مواصلة عشان اروح لعنوان عرفان
…
بعد نص ساعة وصلت لبيت عرفان.. بيت قديم وشكله مقبض جداً
خبطت علي الباب مرة واتنين
فتحلي عرفان واول ما شافني قال
_ اهلا اهلا.. ازيك يا شيخ عوض
_طيب اتفضل يا شيخ عوض.. مش هنتكلم علي الباب؟
..
دخلت.. دخلت بيت الدجال عرفان.. دخلت وانا شايف علي وشه ابتسامة انتصار ونظرة خبث
البيت كانت ريحته وحشة جداً.. وده انا عارف ليه
المهم قفل عرفان الباب وهو بيضحك وقال
_تعرف انك صعبان عليا يا شيخ عوض.. انا عرفت اخدعك وكنت فاكر انك هتكشفني.. لكن بصراحة خيبت ظني؟.. انا شايف الاسئلة الي عاوز تسألها وهجاوبك عليها عشان اريحك.. هكشفلك ورقي عشان الي جاي للأسف مرار.. سواد عليك
انا كنت كل ما اسلط خدامي علي واحدة ولا واحد.. الناس تدله عليك.. وانت كنت بتحرق كل مرة واحد من خدامي.. وطبعا كان لازم اتصرف
جبت بنت.. من البنات الي بتسرح بمناديل وفل في الاشارات.. ضحكت عليها بكلمتين عشان تاجي معايا
وجات معايا.. عشان احضر علي جسمها مش جن ولا اتنين
انا حضرت عليها عشيرة كاملة من الجن.. العشيرة دي من قبيلة من قبائل النار يعني من ملوك الجن.. شياطين مش بتنصرف بسهولة
وهددتها انها لو فتحت بوقها قصادك هموتها
وجبتهالك وانت صدقت بغبائك انها بنتي.. وحصل الي انا عاوزه
انت اذيت العشيرة دي والي بدورها قررت تخلص عليك ولكن في البداية هيعيشوك في عذاب ليل ونهار
وللاسف مش هتعرف تعمل حاجه
_ يااه للدرجة دي بتكرهني؟
_ انا مش بس بكرهك.. انا بتمنالك الموت.. واطمن موتك قريب هيكون علي ايدي.. هيكون علي ايدي
..
خرجت من عنده بعد ما عرفت الحقيقة ومكنتش فاهم حاجة.. رجعت البيت لقيت واحدة وبنتها مستنيني
..
دخلتهم الاوضة الخاصة بالشغل.. وعرفت ان البنت اسمها اماني وانها ممسوسة من جن عاشق
وقولتلها متخفيش غمضي عينيكي
..
جيت اقرأ قرآن.. لساني اتعقد حسيت بصداع وتشويش علي عينيا.. موقف صعب عمري ما مريت بيه قبل كده
والي حصل قبل كده اتكرر من تاني
بدأت خيالات كتير تطوف حواليا.. وشوفت المخلوق المرعب من تاني
فتحت عينيا وانا باخد نفسي بالعافية.. لقيت البنت بتبتسم بخبث وبتقول بصوت لا يمكن يكون صوتها
_خليك في همك يا عوض.. خليك في نائل.. نائل موجود معاك هنا يا عوض
بلاش تتحداني انا.. انت مش قدي يا عوض
..
وفجأة البنت.. بدأت تتشنج وبمنتهي العنف رقبتها اتكسرت.. وماتت ايوة ماتت
امها رقعت بالصوت.. وقالت انا جيالك عشان تعالجها مش تموتها
ونزلت الشارع وفضلت تصرخ وتبكي وتقول عوض قتل بنتي.. عوض قتل بنتي
..
وفي لحظة حب الناس ليا.. اتقلب لكره وغضب.. اتحقق معايا لكن طلعت منها.. وقررت اني هسيب البلد
اخدت مراتي وحسن.. وروحنا علي القاهرة.. اخدت شقة في الدور العاشر.. وقولت هعيش حياة هادية بعيد عن المشاكل وعن اي حاجة
لكن
واضح ان مكتوب عليا التعب.. عدوا سبع سنين
اشتغلت مدرس لغة عربية.. ونسيت موضوع العلاج ده
وقولت هعيش مع مراتي وابني
لكن الي حصل
اني في يوم رجعت البيت.. الوقت كان متأخر.. فتحت باب الحمام
شوفت حسن واقف في نص الحمام.. ومديني ضهره.. اتلفت
ملامحة كانت مرعبة عينين سودة ووش مكرمش
وقلي لسه الاذية جاية.. جاية يا عوض
وصرخ ووقع في الارض وفضل يتشنج
اخدته حطيته علي سريره.. وانا بستعيذ بالله من الشيطان الرجيم.. نام حسن ودخلت اوضتي عشان انام
نمت.. ايوة نمت
صحيت على صوت صرخة.. وخبط علي باب الشقه.. خرجت من الاوضة جري
وهنا كانت الصدمة
..
يتبع الجزء الثالث
خبيث
الجزء الثالث
(انتقام النمرود)
خرجت من الاوضة.. لقيت مراتي قاعدة على الارض وبتعيط وبتلطم وبتقول
_ والله ما قتلته.. هو الي وقع.. هو الي كان عايز يقتلني
_ هو مين يا شيرين.. ردي عليا مين
_ ابننا يا عوض.. ابننا
..
انا حسيت ان الدنيا بتلف بيا.. في اللحظة دي الجيران كانت اقتحمت الشقة وبتقول.. ابنك مات يا عوض
ابنك مات
كنت منهار مش عارف اقول اي.. وللاسف مراتي بتكرر نفس كلامها انه وقع لوحده.. وانها مقتلتهوش
..
الناس بلغت الشرطة.. الي بدورها جات وجيه الاسعاف واتنقلت جثة ابني للمشرحة
واتقبض علي شيرين بتهمة قتل ابننا.. انا كنت موجود اثناء التحقيق
ودار بين الظابط وشيرين الحوار ده
_ما قولك فيما هو منسوب اليكي انك رميتي ابنك من الدور العاشر؟
_ده مش ابني.. والله ما اهو ابني ده شيطان
_بس انتي قتلتيه ليه؟
_انا مقتلتش حد.. هو كان بيحاول يقتلني
_مدام شيرين.. انتي رميتي ابنك من الدور العاشر
_بس ده مش ابني مش ابني ده خبيث.. ده خبيث
..
مراتي جالها انهيار عصبي.. واخدت مهدء عشان اعصابها تعبانه.. بس انا مصدقها
هي مستحيل تقتل.. مستحيل
…
الظابط امر بحبس مراتي اربع ايام علي ذمة التحقيق
طلبت من الظابط وقولتله
_بعد اذنك يا فندم انا محتاج اقعد معاها خمس دقايق لو تسمحلي
_ ماشي بس خمس دقايق مش اكتر
…
وخرج الظابط وساب المكتب وقعدت قدام شيرين مش عارف ابدأ كلامي منين
_ انا مقتلتش ابننا يا عوض.. مقتلتهوش
_الي حصل.. حاجات وبدايات من فترة كبيرة بتحصل وانا مكنتش برضي اقولك.. ويريتني قولتلك
_ حاجات اي… اتكلمي؟
_ من اسبوع كنت نايمة.. وصحيت على صوت همس وكأن حد بيوشوشني في ودني.. فتحت عينيا عشان افهم في اي بالظبط
لقيت حسن واقف قدام السرير وبيقول كلام مش مفهوم
وحاطط ايده علي دماغي.. حاولت اشيل ايده لكني مش عارفة.. جيت استعيذ بالله من الشيطان الرجيم
عينيه كلها بقيت بيضة
حاولت اصرخ لكن معرفتش.. وفجأة مشي وسبني
اخدت نفسي بالعافية
لحد النهارده.. كنت قاعدة بقرأ قرآن.. لقيت حسن خارج من اوضته وراح علي المطبخ وجاب سكينة ورجع وهو ماسكها وجاي ناحيتي
قولتله
فضلت اصرخ عشان حد يسمعني لكن مفيش حد سامعني فضلت ارجع لورا وهو يتقدم ناحيتي بالسكين ومش عليه غير بيقول حاجة واحدة
خبيث النمرود.. خبيث النمرود
دخلت البلكونة… حاولت اتفاضي السكين لكن فجأة وقع حسن من البلكونة .. ومات مات يا شيخ عوض
…
خرجت من القسم وأنا مقرر .. اني هروح مكان.. مكان واحد
هرجع القرية تاني.. انا متأكد ان السر كله هناك.. متأكد ان عرفان ليه علاقة بالموضوع
ركبت اول قطر على الصعيد عشان عاوز اعرف الحقيقه
رحلة بالنسبالي تقيلة علي قلبي
وصلت بعد 12 ساعة متوصلة.. الدنيا كانت منورة لسه
لسه الوقت بدري
وصلت القرية.. الي كانت متغريتش حاجة عن زمان
نفس البيوت.. نفس الوشوش
محدش فاكرني طبعاً.. اتقدمت ناحية بيت انا عارفه كويس.. ده بيت عرفان.. عرفان الدجال
خبطت مرة واتنين.. فتحلي واحد.. اه هو ده عرفان
ابتسم عرفان وقال
_ ياااه اي الغيبة الطويلة دي يا شيخ عوض
_معلش يا عرفان.. كله بأوانه.. انا كنت جايلك عشان حاجة مهمة
_ خير انت تؤمورني
_ الامر لله
..
وبدأت احكيله عن كل حاجة حصلت.. قلي
_يعني العبادة منفعتكش اهو يا شيخ عوض.. شوفت اننا اقوي منك يا شيخ عوض.. عرفت انك ضعيف من غيرنا
_ انا مش هكون زيكم أبداً .. انا هكون احسن منكم
_طيب حاول تنقذ مراتك من الشر الي جاي
خبيث النمرود.. هو اصعب واعتي ملوك الجن
يعني مستحيل تقدر عليه
..
وانا بتكلم مع عرفان.. لقيت واحد جاي يجرى من اهل البلد وبيقول لعرفان.. الحق يا مولانا ابنك راح ناحية المقابر.. ابنك راح ناحية المقابر
..
خرج عرفان يجري وانا وراه.. ومتجه ناحية المقابر.. وصلنا هناك لقينا ابنه.. والي عرفت ان اسمه خلف
مرمي علي الارض وجسمه بيتشنج.. شلت انا ابنه
وجرينا بيه بسرعة علي بيته
عرفان فضل يصرخ ويقول
لا الا ابني يا نمرود.. الا ابني يا نمرود
..
ولتاني مرة عرفان يطلب مني اعالج بس المرة دي بجد
مش لعبة
طلبت منه يربط الولد كويس.. وقولتله طبعاً واضح انها اعراض مس مش محتاجة كلام
قلي
عالج ابني وهخرجلك مراتك من القضية كلها.. عالج ابني بس
..
بصيت لخلف الي كان لسه بيتشنج وقولت
اللهم انك قد اقدرت بعض خلقك على السحر والشر ، ولكنك احتفظت لذاتك بإذن الضُر، فأعوذ بك بما احتفظت به مما اقدرت عليه، بحق قولك ” وما هم بضارين به من أحد الا بإذن الله”
..
الشبابيك وبدأت تفتح وتقفل بعنف
لكني كملت وقولت
اعوذ بكلمات الله التامات من شر ما خلق.. ربي اعوذ بك من همزات الشياطين واعوذ بك ربي ان يحضرون
..
الجن اتكلم وقال
اخرس.. اخرس يا ملعون.. هقتله وهقتلها وهقتلك انت كمان
رديت عليه وقولتله
اخرج باسم الله وبحول الله وبقوة لا إله إلا الله
اعوذ بكلمات الله التامات من شر ما خلق..ربي اعوذ بك من همزات الشياطين واعوذ بك ربي ان يحضرون
بسم الله وبحول الله وبقوه لا اله الا الله اخرج الان، أعوذ بكلمات الله التامة من كل شيطان وهامة ومن كل عين لامة أعوذ بكلمات الله التامات التي لا يجاوزهن بر ولا فاجر من شر ما خلق وذرأ وبرأ، ومن شر ما ينزل من السماء ومن شر ما يعرج فيها، ومن شر ما ذرأ في الأرض ومن شر ما يخرج منها، ومن شر طوارق الليل والنهار ومن شر كل طارق إلا طارقا يطرق بخير يا رحمان
…
خلف فتح بوقه وخرج منه دخان كثيف.. لونه اسود وريحته بشعة.. العرق كان مغطيه
كان واضح عليه التعب والارهاق
عرفان حضن ابنه وبصلي وقال
انا عند وعدي.. هقولك تعمل اي عشان نخلص من النمرود.. احنا
..
في اللحظة دي تليفوني رن.. رديت وكانت الصدمة
خبيث
الجزء الرابع والاخير
(جلسة ملعونة)
رديت علي التليفون.. رد عليا واحد وقلي
استاذ عوض ياريت تاجي بسرعة.. مراتك عملت مصيبة
كان صوت المحامي… قولتله
_مصيبة اي؟
_تعالي القسم بسرعة.. الكلام مش هينفع في التليفون
..
قفلت معاه الخط… واتكلم عرفان وقلي
_خير في اي يا شيخ عوض
_المحامي اتصل بيا وقال اني لازم اروح القسم وان مراتي عملت مصيبة
_انا هاجي معاك يا شيخ عوض
_خليك مع ابنك وانا هرجعلك
_لا.. انا هاجي معاك.. مراتك لازم تخرج من الي هيا فيه ده.. ولازم نخرج الجن الي عليها
_ جن؟ جن اي الي علي مراتي؟
_هحكيلك في الطريق.. بس يلا بينا بسرعة
…
اتحركنا فعلاً انا وعرفان.. واتكلم وقال
زي ما قولتلك قبل كده.. انا جبتلك البنت وحضرت عليها عشيرة الجن وجبتهالك وانت اذيت العشيرة دي وعشان كده قرر ملك العشيرة دي.. انه هينتقم منك
وقدر يدخلك من الحتة الي نقصاك يا شيخ عوض
وعشان انت مش بتخلف
قرر يحط في طريقك الطفل وعارف ومتأكد انك كنت مستحيل تسيبه عشان الرحمة الي عندك متسمحش بده
وفعلا انت اخدت الطفل ده وربيته
..
_ازاي يعني ميت؟ انت بتقول ايه؟
_ زي ما بقولك كده.. الجن استعان بجسم طفل ميت.. وتلبس جسده عشان يخليك تخده.. ولما نجح في ده
خلاك تربي الطفل علي انه ابنك.. سبب انك مشيت من البلد ومعرفتش تعالج حالة… كانت بسبب الطفل الي كان موجود في بيتك.. قوة الشر الي كانت دايما بتمنعك انك تعالج حد.. ونجح الجن النمرود انه يبعدك عن البلد عشان يقدر ينتقم منك.. وفعلا هو قدر يسيطر على مراتك ويخليها تشوف اوهام كتير
لحد لما الولد وقع من البلكونة
براءة مراتك في ايد الطب الشرعي الي لما ياجي يشرح الجثة هيلاقي قدامه هيكل عظمي
خصوصا بعد ما انت قدرت تهزم النمرود وخرجته من جسم ابني
..
_طيب وهو غدر بيك ليه؟
_ عشان الجن معندهوش عهد ولا كلمة.. الجن ده الخبيث في عالمهم الخبيث النمرود
…
كنت مذهول من كلامه.. وصلنا القسم.. مراتي كانت في حالة صعبة جداً.. وواضح انه اتمكن منها كويس
قررت اني هعمل جلسة لطرد الجن في مكتب الظابط.. الي كان بدوره سبلنا المكتب وخرج
مراتي كانت واقفة بتعيط.. لكن فجأة عينيها ابيضت وقلتلي
_ اذا كنت فاكر كده انك انتصرت تبقي غلبان.. انا هوريك الجحيم ومراتك هاخدها معايا
_ اللهم انك قد اقدرت بعض خلقك على السحر والشر ، ولكنك احتفظت لذاتك بإذن الضُر، فأعوذ بك بما احتفظت به مما اقدرت عليه، بحق قولك ” وما هم بضارين به من أحد الا بإذن الله”
…
اعوذ بكلمات الله التامات من شر ما خلق
بدأت مراتي تصرخ.. تصرخ بهيستريا وتكسر في كل حاجة حوليها
عرفان كان واقف عرقان وبيترعش.. قربت منه ورفعته من علي الارض وهي بتقول
نهايتك علي ايدي.. نهايتك علي ايدي
..
جريت عليها لكنها ضربتني ضربة حسيت ان الدنيا بتلف بيا.. وعرفان بيستنجد بيا
اتكلمت وقولت
ربي اعوذ بكلمات الله التامات من شر ما خلق.. ربي اعوذ بك. من همزات الشياطين واعوذ بك ربي ان يحضرون
…
بسم الله الرحمن الرحيم
ٱللَّهُ لَآ إِلَٰهَ إِلَّا هُوَ ٱلۡحَيُّ ٱلۡقَيُّومُۚ لَا تَأۡخُذُهُۥ سِنَةٞ وَلَا نَوۡمٞۚ لَّهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِۗ مَن ذَا ٱلَّذِي يَشۡفَعُ عِندَهُۥٓ إِلَّا بِإِذۡنِهِۦۚ يَعۡلَمُ مَا بَيۡنَ أَيۡدِيهِمۡ وَمَا خَلۡفَهُمۡۖ وَلَا يُحِيطُونَ بِشَيۡءٖ مِّنۡ عِلۡمِهِۦٓ إِلَّا بِمَا شَآءَۚ وَسِعَ كُرۡسِيُّهُ ٱلسَّمَٰوَٰتِ وَٱلۡأَرۡضَۖ وَلَا يَـُٔودُهُۥ حِفۡظُهُمَاۚ وَهُوَ ٱلۡعَلِيُّ ٱلۡعَظِيمُ
صدق الله العظيم
وقعت مراتى على الارض.. وحالة تشنجات جتلها كانت سبب انها تدخل فى غيبوبة
مكنتش عارف اعمل اي.. كانت اصعب جلسة طرد جن اعملها.. كانت جلسة ملعونة
..
مراتي في المستشفى.. وانا عامل زي التايه وخايف لتروح مني.. وبعد اسبوع استدعوني في النيابة.. روحت عشان بعد وقت طويل.. يجي خبر حلو يفرحني
النيابة امرت باخلاء سبيل مراتي.. بعد ما اكتشفوا ان الولد ميت من فترة كبيرة
جالها حقها وخرجت من القضية.. ويارب تقوم بالسلامة
…
6 شهور.. وكنت خلاص بفقد الأمل انها هتقوم.. كنت حابس نفسي في الشقة مش عايز اكلم حد
لحد ما حال اتصال من الدكتور بيقولي.. ان مراتي فاقت
نسيت كل حاجه وجريت علي المستشفى
وفعلا مراتي فاقت
..
قولتلها انك طلعتي براءة واننا هنرجع البيت ونعيش في سوا.. لكنها رفضت وقالت انا مش عايزة ارجع للبيت ده انا عايزة ارجع البلد يا عوض.. عاوزة ارجع البلد
..
قدرت ان مراتي مش عاوزة ترجع عشان متفكرش فى الجريمة.. ورجعنا البلد بعد غياب.. رجعنا من تانى بس المرة دي هعيشها من غير مشاكل هعيشها لنفسي ولمراتي
..
بعد اسبوع كنت نايم في اليوم ده زي اي حد.. صحيت علي صوت صراخ.. صراخ هيستيري
فتحت الباب لقيت كل النااس ملمومة علي بيت عرفان
جريت على هناك وانا بسأل الناس هو في اي.. في ائ؟
…
الي عرفته ان عرفان قتل ابنه ومش عارف ليه؟
دبح ابنه بطريقة وحشية.. روحت عشان ازوره
كان بيبكي وقال
انا مكنتش في وعيي.. مكنتش في وعيي
انا قتلت ابني عشان النمرود رجعله تاني.. رجعله تاني يا شيخ عوض
انا مش زعلان.. دي النهاية الطبيعية لواحد زيي عمل كل غلط وكان لازم يدفع التمن
..
رجعت.. حصنت بيتي ومراتي من الجن والحمدلله عيشنا في هدوء باقي ايام حياتنا
يمكن الحرب لسه مستمرة لحد يوم الدين.. ولكن خليك مؤمن بأنهم ملهمش سيطرة عليك
انت اقوي بوجود ربنا
…
تمت
…
محمود الأمين
