قصه عم جاد ، احب اعرف متابعيننا الجدد على عم جاد الله يرحمه .
عم جاد عامل مقابر “تُربىٍ” ابا عن جد , رجل شديد فى الحق يعرف رينا ،اتعلمت منه كتير كمان وثقت تجارب حقيقيه كتير كان هو السبب انى اعرفها
عم جاد اشتغل فى المهنه دى من اكتر من ٣٠ سنه ، وهو الشخص القائم على الدفن وكمان بيبنى ويرمم المقابر , عم جاد عايش فى المقابر ..متستغربش ان بيت عم جاد الى ورثه من ابوه عباره عن ٥٠متر فى المقابر
تعالوا نتكلم عن بيوت عمال المقابر والناس الغلابه الي ملهاش ملجأ غير عِشه او اوضه صغيره وسط المقابر .
طبعا اول سؤال جه في بالك..
– ازاى في ناس عايشه في المقابر وهل ممكن يتأذوا من الجن ؟؟
بص يا سيدي..
الناس الي عايشه في المقابر عرضه للأذى من حاجات كتير اخطر بكتير من الجن ,, اولا بيبقى قاعد في حته مقطوعه لو حد اتهجم عليه يبقى هو ونصيبه بقا يا عاش يا مات !!
ثانيا.. المقابر احيانا ناس كتير بتعمل بلاوي فيها..
الي بيضرب حقن ويشرب مخدرات !!
الي جاي لامؤخذه بواحده من اياهم !!
الي جاي يدفن سحر !!
الي جاي يخلص صفقه مخدرات او سلاح !!
وسط كل ده اذى الجن ميجيش حاجه !!
لان الجن احنا عارفين مواعيد خروجهم وانتشارهم “بعد المغرب على طول”..فبنقلل من خروجنا ونشاطاتنا اثناء الليل..كمان ربنا -رحمة بنا-علمنا الصلاه والقرآن واذكار الصباح والمساء واذكار التحصين..
*احنا في كرم ونعمه كبيره هي *الإسلام”
اما عن باقى نشاطات الحياه ف هي عاديه جدا بتختلف بس في اننا بنقفل باب بيتنا بدري..
بس في اوقات كتير بتتعرض لمواقف عجيبه !!
مواقف ملهاش اي تفسير ..مواقف بنتجاهلها اجباري علشان لو فكرنا فيها هينتهي بينا الأمر بالجنون او الأذيه !
تنبيه
.. سلسلة حكاوى عم جاد كلها حقيقيه ودى اهم حاجه..القصص معظمها موثق بصور او بيكون فى كذا شاهد حضروا الموقف وأكدوا حقيقته.
هتسألنى بقول كده ليه ، هقولك لانى هحكى عن الكيانات الماورائيه الى حواليا وحواليك ومش شايفينهم لكنهم شايفينا وعايشين معانا معظم الوقت ، خصوصا الاشخاص “الليليين” الي بيحبوا الليل والظلمه..الي بيقفلوا باب اوضتهم ويهدوا الإضاء وينعزلوا عن العالم
..
نيجى بقا لموضوع النهارده
حراس المقابر
باختصار شديد
هما نوع مؤذي جدا من الجن
بيستوطنوا المقابر وبيعيشوا فيها
لكن مش ماسكين ورديات حراسه وبيحرسوا مكانهم بس دول بيعتمدوا على خوف الشخص وتوتره علشان يأذوه
كده كده اى حد بيخاف وهو في المقابر بالليل
وده بيكون المفتاح لآذيتهم ليه
ومبيقدروش يأذوه الا لو خاف وقلق
ازاى امنع الخوف والقلق لو انا مثلا بمر بشكل اضطراري من المقابر بالليل وانا مروح؟؟
بسيطه جدا اقرأ الكرسي والفاتحه والمعوذات والتكاثر ودعاء المقابر واذكر الله طول ما انت ماشي
وبيبقا وارد بعد الاذكار انك تشوفهم بس بشكل بسيط وتلميحات بسيطه
منها حبوب تظهر مره واحده ف جسمك تحس بحد بيشد هدومك حد بيمسك ايدك او رجلك تتهيآ بخيالات او اشكال حيوانات تختفي بلمح البصر
وده بيحصل لما بتقول الاذكار…
ف انت متخيل هما مؤذيين لدرجة ايه!!!
علشان كده متجيش تدخلهم برجلك وتقرأ قرآن وتتحداهم او تكون داخل مخصوص علشان تخوض تجربه معاهم لان دول مش بتوع هزار ووقتها هتكون الحجه معاهم وهيلعبوا ف وشك البخت .. 
هيأذوك جدا ممكن مش ف وقتها بس هتبتدي تظهر عليك امراض وعلل ملهاش اي تفسير
ومعظم اذاهم بيكون حدوث مواقف غامضه لا يتقبلها العقل وبيجي الاذي بعد كده على شكل شلل نصفي للوجه واعوجاج للفم وعدم القدره ع التحكم في حركة احد العينين من صدمة وهول الي هتشوفه
ده غير التلبس والهلوسه والجنون وانك تبدأ تشوف كائنات محدش شايفها
جن المقابر بيكونوا عشائر متكامله بملوكها ووزرائها وباقي افراد القبيله وكمان بيعيش معاهم القرناء الي اصحابهم ماتوا
طب بيظهروا ازاى؟؟
ممكن جدا يظهروا على هيئة حد تعرفه ميت وبيظهروا بنفس الشكل تماما ونفس الطباع والحركات لان معاهم القرناء زي ما قلنا والقرين عارف ادق التفاصيل عن الشخص الي مات
وكمان بيظهروا ف هيئه مميزه جدا
وهي شخص لابس لبس ناصع البياض ووشه اسود ملامحه مطموسه
وكمان بيظهروا ف هيئة اطفال واقزام
ف واجب علينا نتجنب دخول المقابر في الليل ومندخلش نقعد جوا ..
النبي صلي الله عليه وسلم امرنا بزيارة المكان علشان نتعظ بس
انا وضحتلكم الموضوع علشان القصص الي جايه في سلسلة حكاوى عم جاد
بيقولي ف مره كنت بدفن حد
وكان ساحر معروف ومشهور
بيقول وهما جايين بيه انا شايف النعش ماشي يمين ف شمال
وكأنه بيهرب مش عاوز يوصل
وصلوا بيه عند القبر ويلا يا جماعه ارفعوه
ييجوا يشيلوا مش قادرين كآنه مكلبش مش عاوز يتحرك معاهم
على فكره يابني الامانه بتبقى حاسسه بكل حاجه بتبقى شايفانا وشايفه الي مستنيها جوا
مره ف التانيه ف التالته راحوا رافعينه
وحصل الي مش هتصدقه
وقع منهم
كآنه فك من ايديهم بس لحقناه
وقمنا مدخلينه استلمته منهم جوا
وبحطه ناحية القبله وبعري وشه
وعلى وشه علامات خوف وانقباض والله لو شفتوها مش هتعدوا ساعه من عمركم الا وانتوا بتصلوا..
*بيقولي شاف حاجات تانيه بس مينفعش يقولها لان دي اسرار*
وخلصوا الدفن
بيقولي جيت انام الليله دي اول ما جيت انام سمعتلك صوت طبل ومزمار من قلب الترب!!!
قالي طلعت بصيت مفيش حاجه بس الصوت واضح ومستفز ومش انا بس الي سامعه العيال كمان سامعينه
دخلت ف قلب المدافن وحسيت بروح معايا او كيان او جن مش عارف بالظبط ايه ده
بص يابني انا معروف وحراس المقابر عارفينني ف انا الوحيد الي ممكن الف لفه وانا متطمن بس مبطولش علشان متآذاش
وعمال امشي ورا الصوت لحد ما وصلت عند قبر الراجل والصوت اختفى
اتفاجئت بحيوان اسود ضخم بيقرب رحت حاطط الفانوس عالارض وماسك قالبين طوب
بس من حجمه ومشيته ونور عيونه اتآكدت انه مش حيوان
ده جن وانا واقف بطولي في ظلمه الفانوس يدوب منور والكشافات انوارها بعيده
رحت مقرب قالب طوب من وشي وقرآت اية الكرسي
وخدت وضع الاستعداد اني هحدف الطوبه بكل عزمي
وهو بيقرب ويزوم عليا بس مخفتش
وسميت الله ورشقتها ف نص دماغه راح واقع مكانه من غير اي صوت
الهوا بدآ يعلي بشكل ملحوظ والجو بقا كله تراب
بقرب منه بحذر لقيت راجل لابس قفطان وسديري اخضر معرفش طلع منين قطع عليا الطريق ووقف ادامي ومديني ظهره وقال لى
روح انت يا عم جاد احنا هنشيله
وبدآت احس ان في حاجه بتبعدني لورا غصب عني
ففهمت انهم الحراس
وخدت بعضي ومشيت من غير ولا كلمه
العجيب اكتر
