الحلقه الثانيه
بعد خروج جويريه تحولت ضحكه والدها الي انكسار ودموع شديده حتي وصلت لحد الاختناق
سأله محمد مسرعاً : مالك ياعمي في ايه.؟
انت كنت كويس دلوقت ايه اللي حصل
والد جويريه باعين منكسره وصوت خافت : يا محمد يابني انت ربنا بعتك ليا من السما علشان تنقذ بنتي من الموت..
” ايه انا سمعت كلمة إنقاذ من الموت اأنا في حلم ولا ايه..!!
” هذا كل ما كان يدور في ذهن محمد وقتها”
نظر له محمد بنظرة تعجب.! : ليه ياعمي جويريه مالها فيها ايه
والد جويريه وبنفس يخرج منه وكأنه يختنق: جويريه عندها كانسر في حاله متأخره جدا والدكتور قال ان جويريه في مراحلها الاخيره وان الحاجه الوحيده اللي تخلي جويريه حالتها الصحيه تبقى كويسه انها تكون فرحانه وتتعلق بحد يقدر يسعدها وكمان دا ممكن يساعدها على الشفاء بس بنسبه ضعيفه جدا والغريق بيتعلق بقشايه يامحمد
ثم اكمل مسرعاً : يامحمد يا ريت جويريه ما تعرفش علشان الدكتور قال لو في يوم زعلت ولا دخل الحزن قلبها هتموت على الفور،
” كانسر في حاله متأخره وانا طوق النجاه بالنسبه لها رباااااه هل ذلك حلم.؟ ام حقيقه مهلا انها حقيه..
هل انتم مقدرين حجم المسؤليه الواقعه على عاتق محمد كيف يستطيع محمد التصرف حيال تلك المسؤليه..؟
بدأت نبضات قلب محمد تتزايد بقوه وبدأت نتابه الدهشه والحيره لدرجه ان عقله يكاد ان يكون تعطل عن التفكير.
محمد : واشمعنا انا الوحيد اللي قلتلي، وانا هقدر افيدها بأيه، وليه بتقول ان انا ربنا بعتني ليك من السما
والد جويريه : يامحمد جويريه اسعد انسانه في الدنيا بوجودك جنبها وبدأت جويريه تتحسن جدااا من وقت دخولك في حياتها غير كده انها مفيش سيره علي لسانها غيرك
محمد قالي محمد نصحني محمد محترم محمدمحمد …..
يمكن انت متعرفش ده علشان انت مش موجود معانا
محمد: بدهشه اتعلقت بيا انا..؟
فقام والد جويريه بمسك يد محمد وقبض عليها بقوه : علاج بنتي بين ايدين ربنا ثم بوجودك في حياتنا يابني، وده جميل مش هنساه العمر كله بس علشان خاطري متقولش لحد خالص ف حياتك لان الكلام لو وصل لجويريه هتموت في الحال، وساعتها انا هموت وراها انا عارف ان الموضوع مش سهل عليك وهياخد منك وقت ومجهود بس يمكن ربنا وضعك في طريقها علشان تكون سبب في حياة انسان وحياة أسرة باكملها .
” تنبيه جويريه وحيده والديها”
محمد :وجويريه مشكتش في حاجه من ترددها الكثير على المستشفى.؟
والد جويريه : لا يامحمد جويريه بالنسبه انها بنتي الوحيده فبنخاف عليها جدااا من صغرها وبنكشفلها بشكل دايم وبنحللها ونعملها اشاعات باستمرار خوفا عليها، علشان كده مش مستغربه الموضوع فهمتني
محمد : طيب بما انكم بتكشولها وتحللولها بشكل دايم ازاي اكتشفو الكانسر في مرحله متأخره
والد جويريه : للأسف المرض كان في منطقه رخويه علشان كده المرض مكانش بيبان في التحاليل
محمد : اه فهمتك ياعمي، والله انا بعز جويريه زي اختي وربنا يقدرني واقدر اساعدها، اطمن ياعمي مش هسيبها ابدا
بعدها سلم محمد على جويريه ووالدها وانصرف في حيره من أمره لا يعرف ماذا يفعل كاد ان يجن
توجه محمد الي المنزل شاحب الوجه صامت ألقي السلام فرد عليه جمال السلام
جمال :مالك شايل طاجن ستك كده ليه، ايوه يابا حد ادك البت جات قفشتك الوحيد من وسطينا وخدتك وخلعت، الا قلي رحتو فين هاااا، ولا صاحبك مش من حقو يعرف
محمد:……….. شارد في صمت
جمال بصوت عالي: محمد
آفاق محمد من شروده على صوت جمال : ايه ياجمال
جمال : لاااا دانت مش معايا خالص، في ايه ياصاحبي وشك مصفر كده ليه، احكيلي دانت عمرك مخبيت عني حاجه
محمد في حيره من أمره يريد ان يخبره من جانب ومن جانب اخر يفكر في كلام والدها الا يخبر احد، إستفاق محمد من شروده على صوت جمال
جمال : ياااه للدرجادي الموضوع كبير لا مهو وحيات امك لو معرفته مهنيمك الليله دي
فبدأ محمد يروى له ماحدث من وقت ذهابه مع جويريه الي ان أتي الي المنزل، فاندهش جمال جدا مما سمع
جمال : محمد بص بقى انت طول عمرك بتساعد الناس، وعمرك ماقصرت في حق حد، وربنا وقع البنت دي ف طريقك لانه عارف انك قدها، انا عارف ان الموضوع صعب بس ربنا يقدرك عليه، متفكرش في الموضوع كتير وسيبها على ربنا هو قادر يدبرلك امورك
محمد : ونعم بالله
جمال : انا طلبت اكل قوم اتشطف ورتب نفسك لحد مييجي وبعد منتعشا يحلها ربنا
محمد: لا ياجمال انا اتغديت هناك ومليش نفس انا مرهق جدا، انا هنام
جمال : ماشي ياصاحبي ربنا معاك
قام محمد بتغيير ملابسه والاستلقاء على فراشه ينظر لسقف غرفته وهو شارد يفكر في المشكله الكبيره التي حلت به ولم تكن في الحسبان،
تنهد محمد بقوه رباااااه أعني فيما هو قادم ولا تتركني لنفسي طرفة عين.
وظل هكذا حتى غرق في نوم عميق نتيجة الإرهاق البدني والذهني الذي حل به طوال اليوم
في صباح اليوم التالي لم يوقظ جمال محمد عند الذهاب إلى الجامعه فهو يعلم حجم الإرهاق الذي حل به يوم أمس.
ذهب جمال بصحبه عبده وقابل الأصدقاء بالجامعه فالقي السلام عليهم فردو السلام والكل في نفس واحد: محمد فين؟
جمال : محمد تعبان شويه بس ومقدرش ييجي النهارده
في نفس الوقت دخلت جويريه وألقت السلام
جويريه: هو محمد مجاش ليه النهارده برن عليه تليفونه مقفول
جمال : محمد تعبان شويه بس ومقدرش ييجي النهارده
جويريه بلهفه : تعبان من ايه مالو ياجمال محمد كان كويس امبارح
ردت امنيه مازحه : بطلي محن ياجويريه بيقولك مرهق مش خبطه قطر
الجميع : هههههههه
جويريه : الله يسامحك يا امنيه عاوزين نروح نزوره طيب ايه حد جاي معايا
ميرنا : احنا بعد متخلص المحاضرات هنعدي عليه
انتهى اليوم الدراسي وركب الجميع في سيارة جويريه وذهبوا الي المنزل حيث يقيم محمد
استقبلهم جمال ومن ثم دخلو الي الشرفه
جمال : انا اللي هدخل اصحيه علشان البيه بينام من غير هدوم بينام بال…….. بس
امنيه : ونبي اصحيه انا
الكل : ههههههههههه
جمال : بس يا امنيه والله يولع فيكي وفيا
دخل جمال الغرفه ليوقظ محمد
جمال : قوم يازفت البسلك حاجه علشان صحابك كلهم مستنيينك بره
محمد : بهمهمه صحابي صحابي مين
جمال : هيكون مين يعني امنيه وميرنا وعبده وجويريه
نهض محمد بفزع : اوعا يكون حد عرف حاجه
جمال القى على وجه محمد الوساده : ياعم اتنيل على عينك وقوم هو انا صغير
نهض محمد من على السرير وبدل ملابسه وخرج
القى عليهم السلام ردواجميعا السلام
امنيه : البيه غايب ليه النهارده، وايه اللي منيمك كل ده، كنت سهران ليه امبارح هااا، اللي واخد عقلك
جويريه : دقيقه يا امنيه بس نشوف مالو
ميرنا : وربنا انا شاكه في الواد ده
رد جمال مازحا : ياجماعه الواد لسه صاحي من النوم يخرب بيوتكو والله اطردكم بره
الجميع : ههههههههه
محمد : معلش ياجماعه مرهق بس شويه ثم إن دي شقة عذاب وغلط ان بنات تيجي فيها ايه اللي جابكم
ميرنا : تصدق احنا نستاهل ضرب الشبشب اننا بنسآل عليك، كمان البيه مش عاجبه وبيطردنا، قومو بينا نمشي
محمد : انتي عارفه اني مقصدش ياميرنا بس انا خايف على شكلكم قدام الناس
ميرنا : لا ياعم متخافش صحابك رجاله برضه
ضحك الجميع ومن ثم استأذنوا وانصرفو، بعد الغداء سويا والاطمأنان على حالة محمد
محمد بغضب : ايه اللي انتا عملته ده يازفت، ومصحيتنيش ليه الصبح
جمال : هو انت نمت طول الليل علشان اصحيك، تصدق انا غلطان اني خايف عليك، مهو خير تعمل شر تلقى الزمن ده
محمد : محدش يعرف ياخد مع امك حق ولا باطل انتا، المهم عملت ايه مع حنان
جمال : معملتش حاجه ياعم مشفتهاش اصلا
محمد : متقلقش والله انا متفائل خير والموضوع هيبقى زي الفل
جمال : ان شاءالله.
في قصر الجارحي تدخل جويريه وتلقى السلام على والدها فيرد عليها السلام
والد جويريه : اتأخرتي ليه كده ياجويريه، انا قلقت عليكي جدا انا ومامتك
جويريه بحب بعد ان أمسكت بخدي والدها : متقلقش عليا يابابا ياجميل اتأخرنا علشان كنا بنزور محمد تعبان شويه
والد جويريه : تعبان ليه الف سلامه عليه كان كويس امبارح
” بعد ان تذكر مادار بينهم البارحه اوووه أيعقل ان يكون تعبه بسبب مما دار بيننا البارحه”
جويريه : بيدلع علينا ياسي بابا علشان يعرف غلاوته عندنا
والدها بابتسامه عريضه : بجد الولد ده نادر لما تلاقي ذيه شاب عقلاني جدا ومحترم وكل همه انه يساعد الناس بجد ربنا يكتر من أمثاله.
جويريه : اه والله يابابا مبتشوفش في الجامعه لما بيدخل من باب الكليه الطلبه بتتلم حواليه اذاي وكمان مشفتوش لما بيدخل المدرج الابتسامه بتكون على وش كل طالب في الدفعه.
والد جويريه : ربنا يسعده ياجويريه ذي مبيسعد الناس.
جويريه : يارب يابابا.
في الجانب المقابل يرن هاتف محمد استيقظ محمد من النوم على صوت الهاتف إذ بميرنا هي من تتصل به
محمد بصوت خافت : الو
ميرنا بغضب : انتا لسه نايم يازفت، انتا مش وعدتني التلات ايام اللي قبل فرحي مش هتنام فيهم.؟
محمد : طيب قلتلك قبل فرحك مش قبل خطوبتك ولا انتي خلاص اشتريتينا.
ميرنا : فرحي وخطوبتي واحد، قوم بقى قامت قيامتك، جويريه وامنيه عندي من الصبح، وكمان جويريه وصلتنا للكوفير بالعربيه بتاعتها، وربنا البنات اجدع منكم
وبعدين انتا بتصحا من النوم صوتك كده كانك بالع طوبه، ربنا يكون ف عونها اللي هتصحا على صوتك.
محمد : والله انتي فايقه ورايقه ياميرنا امشي بقى عشان مقفلش ف وشك ونتقابل بالليل.
ميرنا : ماشي ياكبير يلا باي
محمد : سلام.
ترك محمد الهاتف ثم نهض من على سريره متجهاً لجمال
محمد : قوم يلا الساعه بقت خمسه ويادوب تلحق تجيب البدل علشان نجيب ميرنا من الكوافير للقاعه علشان لو ملقيتناش اول ناس قبل العريس مستنيينها هتزعل وانت عارف انها قماصه.
جمال: بصوت خافت : امممم ماشي انا قمت اهو.
قام محمد و جمال بارتداء ملابسهم حيث أن محمد كان يرتدي بدله سوداء ناصعه اللمعان وكان يرتدي ساعه انيقه جدا مع حذاء كلاسيكي اسود لامع وكان يتطيب ب بارفيوم من ماركة hogo poss وقف امام المرأه يتفقد بدلته الانيقه وملامحه الرجوليه
تأمله جمال بحب : اوبااااا ايه ده يخربيت الاناقه يابني هو عادل العريس ولا انتا ماشاءالله عليك ياصاحبي والله لابخرك قبل منخرج
محمد : حبيبي ياجيمي انتا اللي عيونك احلى وبعدين هاجي فين في جمالك انتا ماشاءالله على بياض بشرتك ولا لون عيونك طيب انا بشرتي قمحاويه يعني انا وانت شاي بلبن وبعدين ملامحك دي لو على بنت والله مكنت رحمتك
جمال : ههههههههه طب يلا بسرعه علشان ميرنا لو اتأخرنا عن كده هتقيم علينا الحد.
يقاطعهم صوت هاتف محمد إذ ب امنيه هي من تتصل به : انت فين يا استاذ.؟ يلا فاضل اقل من نص ساعه ونخرج
محمد : انا جاي حالا
توجه محمد وجمال الي الكوافير فوجدوا جميع أصدقائهم وسلم الجميع على بعضهم
بعدها بدقيقه سمع الجميع صوت الظغاريت في خروج ميرنا، فهي كانت كالقمر،
” رباه هل ذلك الملاك الذي يمشي على الأرض هو طفلتي الصغيره ميرنا تبدو اميره في فستانها ”
بدأت الزفه امام الكوافير وأمام الاستوديو حتي ركوب السيارات والذهاب الي القاعه
بعد الدخول وجلوس العريس والعروس والمعازيم تأتي امنيه الي محمد فتقول: اش اش ايه الشياكه دي عيني عليك بارده
جمال :وربنا يا امنيه انا قلتله انه هيتحسد
جويريه : وربنا أجمل واحد في الفرح ياقمري
عبده : قمرك اممممم الله يسهلك ياقمرها
الجميع: هههههههههه
محمد : بطلو هذار بقى ويلا نشوف المعازيم احنا صحاب فرح
مسكت امنيه بيد محمد : تعالي اما اعرفك على اهلي، بعد توجه محمد وامنيه الي الطاوله التي تجلس عليها عائلتها
امنيه : بابا ده محمد زميلي في الجامعه اللي حكيتلك عنه .
والد امنيه يحتضن محمد بحراره : ازيك يابني انا سعيد جدا برؤيتك امنيه بتكلميني عنك كتير.
محمد : انا سعيد بمعرفتك ياعمي.
امنيه : ودي ماما ودا على اخويا يامحمد.
محمد : نورتي ياماما وانا مبسوط اني شفتك، وعلى ده اخويا الصغير
والدة امنيه : تسلم يابني ربنا يبارك فيك.
توجه محمد مسرعا الي الطاوله التي تجلس عليها عائله جويريه بعد الاستأذان من والد امنيه بعد ان رأي والد جويريه
فلما اقبل عليه أحتضنه ثم صافح والدتها ثم عرفه والد جويريه بعمها سالم وزوجته وابنه( على) الذي كان ينظر إلى محمد نظره بها الكثير من الحقد والكراهيه
لم يهتم محمد بآلامر وبعد الاستأذان من والد جويريه انصرف من أمامهم
علي موجهاً كلامه لعمه والد جويريه : مين دا اللي بنتك شابطه فيه وعماله رايحه جايه وراه بطريقه ملفته، هو انت شايف ياعمي ولا عامل نفسك مش شايف،
نظر اليه والد جويريه نظرة غضب : دا زميلها في الجامعه ثم انت مالك اصلا هو حد خد رأيك ، اذا كنت انا اللي ابوها شايف ومعترضتش
نظر اليه والد على ووالدته ثم القو اللوم عليه قائلين : ملكش دعوه ياعلي ابوها عاجبه كده واحنا ملناش دعوه
رد علي وعينيه كلها حقد وكره بصراخ وثرثره : يعني ايه ملناش دعوه انا ابن عمها ولازم اخاف على شكل العيله وانتو عارفين اني بحب جويريه ومش بستحمل اشوفها بتبص لحد، انا بغير عليها بغير بغير، لو مبطلتش حركاتها دي انا هقوم اقعدها بالقوه
قاطع علي ضوء القاعه ينخفض وتبدأ اغنيه sway بصوت هادئ ويبدأ الجميع بالتسفيق للعريس والعروس ليبدأو بالرقصه الشهيره slow
ومع بدايه رقص ميرنا وعادل إذ بجويريه تمسك بيد محمد ليرقص معها بجوار العريس والعروس
نظر محمد الي والد جويريه فأمي برأسه مبتسما كأنه يرجوه ان يرقص معها
في نفس الوقت نظر إليهم على نظره غضب شديده وغادر مسرعا من القاعه مما كان خروجه ملفت جدا لكل الحاضرين
بدأ الجميع بالرقص كل اثنين مع بعضهم البعض وهم في قمة السعاده
نظر محمد الي جويريه إذ بها مصفرة الوجه شاحبه تنظر له نظره لم يراها في عينيها من قبل وبدأت تلتقط أنفاسها بصعوبه الي ان سقطت بين يدى محمد في ذهول جميع الحضور،
صرخ محمد بأعلى صوت جويرياااااااا………
……………………
ياترى جويريه هيجرالها ايه.؟
ممكن يكون المرض تمكن منها.؟
وخطوية ميرنا هل هتكمل ولا هتبوظ.؟
كل ده هتعرفوه الحلقه اللي جايه
انتظروووناااا
