الحلقه السادسه..
محمد : جمال انا عطشان انا هجيب عصير اجيبلك معايا
جمال : ياريت الجو حر جدا النهارده
محمد :طيب ثانيه هجيب من الكشك اللي هناك ده
توجه محمد الي الكشك المقام بالجهه الاخري المقابله لهم إذ بسياره سوداء تأتي بكامل سرعتها
جمال بأعلى صوت: محماااااااد حاسب حاسب آلي ان اصطدمت السياره بمحمد لتلقيه على بعد مايقارب الاربعه امتار أمامها من شده الاصطدام وتهرب السياره مسرعه
ركض جمال باتجاه محمد ونزل على ركبتيه ليري صديق عمره فاقد تماما للوعي والدماء تسيل من فمه وانفه و رأسه على الأرض
صرخ جمال بأعلى صوت عربيه بسرعه
احد أهالي المنطقه رأي الموقف امام عينيه فركض مسرعاً تجاه جمال بسيارته ثم حمل محمد الي سيارته مع جمال وهو مغمي عليه غارق في دماءه ويحمله جمال على رجليه
جمال ببكاء هستيري : متسيبنيش ياصاحبي والنبي متسيبنيش، انا مليش عيش في الدنا بعدك
إذ بصاحب السياره يعطي لجمال ورقه بها رقم السياره التي قامت بالاصطدام بمحمد : انا شفت الموقف واخدت رقم العربيه لاني متأكد ان الموضوع ده بفعل فاعل لانه لو قضاء وقدر على الاقل صاحب العربيه كان هيقف يطمن على اللي اتخبط
توجهوا مسرعين الي المستشفى وفور وصولهم حمل جمال محمد بين يديه
جمال بصوت عالي : سرير بسرعه صاحبي بيموووت
جاء اثنين من التمريض الموجود بالمستشفى مسرعين بسرير، وتم نقل محمد الي الاستقبال
في نفس اللحظه يرن جمال على والد محمد ليخبره بالأمر ويعطيه رقم السياره ويغلق الاتصال
في الوقت نفسه هاتفه يرن فيجيب دون نظر : الو
امنيه : انتو فين يا جمال كل ده واتأخرتو ليه كده ومحمد مبيردش ليه عليا
جمال بحزن شديد : محمد خبطته عربيه يا امنيه واحنا دلوقتي في المستشفى
امنيه بخضه : محمد يالهوووي مستشفي ايه وفين
تركت امنيه أغراضها على الطاوله وركضت مسرعه الي الخارج فقام أصدقائها بالركض خلفها مسرعين
ركبت : امنيه تاكسي بسرعه وتوجهت الي المستشفى
ركبت جويريه سيارتها : اركبو بسرعه خلينا نلحقها
توجهو مسرعين الي المستشفى ليجدو جمال يجلس على الأرض ويضع يديه على رأسه ويبكي بكاء شديد
امنيه : في ايه ياجمال ايه اللي حصل
جمال : لا يستطيع الرد ولا التنفس، فتقوم حنان باحتضانه لتهدئ من روعه
حنان : اهدي ياحبيبي والله هيكون بخير صدقني محمد كل همه انه يساعد الناس واكيد ربنا هيقف معاه في محنته
جمال ببكاء شديد : محمد لو حصلتله حاجه انا هموت فيها ياحنان والله مااقدر اعيش ثانيه وحده بعده
حنان : بعد الشر عليك ياحبيبي والله هيبقى زي القرد وهتقول حنان قالت
يخرج محمد علي سرير موضوع على وجهه تنفس صناعي متجه إلى العنايه المركزه
يركض الجميع باتجاه الطبيب
جمال : خير يادكتور طمنا علي محمد
الطبيب : صاحبكم في حاله حرجه جدا ياريت تكلمو اهله ادعوله الاربعه وعشرين ساعه دول يعدو على خير
جلس أصدقاء محمد طول الليل بجوار غرفته لم ينم احد منهم ابدا الي ان وصلت اسرة محمد من الصعيد في تمام الواحده صباحاً
توجه والد محمد الي جمال : خير ياجمال الدكتور قال ايه
جمال : ان شاءالله خير ياعمي ادعيله
ثم توجه جمال الي والدة محمد التي تجلس على الكرسي الموجود امام الغرفه الموضوع بها ابنها وتبكي
جلس على ركبتيه ويمسك يديها فهو يحبها كأمه وهي تحبه ك محمد ابنها
جمال : ورحمه امي ياطنط متبكي، محمد كويس والله وهيخرجلنا بالف سلامه
والدة محمد ببكاء شديد : يارب يابني يارب
بدأت ميرنا وامنيه وجويريه وحنان وساره باحتضان والدة محمد والتهدئ من روعها والتأكيد لها أن محمد سيظل بخير بسبب دعواتها له
قاطعهم رنين هاتف والد محمد فيجيب : الو
إذ بضابط صديقه في المرور يقول له ان السياره تابعه لشركه ESA للاستيراد والتصدير التابعه لعائلة سالم الجارحي والد على
في زهول جميع الحاضرين
والد جويريه : اخويا
فينظر له والد محمد بحده : وحق اللي حصل لابني لو كان اخوك مهرحمة
توجهت الشرطه الي قصر الجارحي والقت القبض على سالم الجارحي وتم التحقيق معه تحت أنظار والد محمد ليؤكد انه لا يعرف عن الأمر شيأ، الي ان جاء بالسائق الذي يقود تلك السياره
وبعد الضغط الشديد يعترف السائق بأن على ابن صاحب الشركه قاضاه كثير من المال ليفعل مافعل، ولما رفضت قال انه سوف يقوم بقطع عيشه وانه لديه ثلاثة اولاد ولو قطع عيشه فلن يستطيع توفير قوت أولاده ، في وسط زهول الحاضرين
والد على : انا متبري من الواد ده ليوم الدين اقبضو على ابني الحق والعداله لازم ياخدو مجراهم
والد محمد : هيفيد بأيه ورحمة امي لاندم ابنك على اليوم اللي اتولد فيه
المأمور : اهدا ياحضرة الضابط واحنا هنعرف نجيبه كويس
والد محمد : تسمحلي يافندم انا اللي استلم القضيه دي
المأمور : كان الود ودي ياحضرة الضابط والله، انتا من اكفأ الضباط اللي في الوزاره، بس سياده اللواء أسند القضيه لضابط تاني، وانا بوعدك ان المجرم هينال جذاءه وهيتم القبض عليه في أسرع وقت
توجه والد محمد الي المستشفى وسأل جمال عن حالة محمد
جمال : لسه ياعمي مفيش اي جديد، طمني انتو وصلتو لصاحب العربيه.؟
والد محمد : هو نفس الكلب اللي اسمو على سالم الجارحي اللي دبرلو موضوع البنت بتاع المره اللي فاتت ودلوقتي عاوز يقتله
فهو يتحدث من قهرته على ابنه وكذلك لا يعرف بأمر مرض جويريه ولا انها تمد لذلك العلي باي صله
جويريه في زهول بعد سماع الكلام من والد محمد : على.!! ، ثم ركضت مسرعه الي خارج المستشفي
جويريه فور خروجها من المستشفى أمسكت الهاتف ورنت فور على علي : على انتا فين
على : انا هنا ياحبيبتي
وصف علي لها الكافتيريا التي يجلس عليها
توجهت جويريه نحو على حتى وصلت للمكان
قابلها على بابتسامه فهو لا يعرف شئ مما حدث ومد لها يده فلم تصافحه
جويريه بنبرة صوت تحمل الكثير من الغضب : انا مكنتش اتخيل انك بالوقاحه دي، انتا انسان فاسق وفاسد، وانتا لابن عمي ولا اعرفك انتا عااااااار على العيله انا بكرهك ياعلي بكرهك بكرهك
على : بتكرهيني انا دانا عملت كل ده علشانك عشان ابعده عن حياتنا علشان انا بحبك
جويريه بغضب شديد : وعلشان بتحبني تقتل انسان برئ معملش حاجه في الدنيا غير انو بيساعدني في مشاكلي، انت فعلا بني آدم مريض وجواك اسود، ثم أشارت باصبعها في وجهه وهي ترمقه بنظره حاده : محمد لو جراله حاجه انا اللي هقتلك بأيدي
قام على من على الطاوله وامسك يديها بغضب ثم قبض على معصميها وجذبها اليه بقوه : انتي بتاعتي، برضاكي او غصب عنك بتاعتي، ولو وصلت اني اخطفك هخطفك ياجويريه ولو فكرتي انك هتكوني لحد غيري تبقى بتحلمي
وقبل أن يكمل على كلامه سقطت جويريه امامه على الأرض مغمي عليها
على بلهفه : فوقي ياجويريه ايه اللي حصل مانتي كنتي كويسه دلوقتي
توجه على بجويريه مسرعاً الي المستشفى ومن ثم وضعها التمريض على السرير المتنقل لنقلها الي داخل المستشفى وقبل ان يدخل معها رأي والد محمد برفقة بعض من رجال الشرطه امام المستشفي فترك جويريه وفر هارباً، ثم اتصل بوالدها
والد جويريه : انت بتتصل هنا ليه.؟، انتا لابن اخويا ولا اعرفك ولا عاوزك تتصل بالرقم ده تاني
على : مش وقته الكلام ده ياعمي، بنتك وقعت مني في الشارع وانا نقلتها للمستشفى اللي محجوز فيها الزفت اللي اسمو محمد ومشيت بسرعه لما لقيت أفراد شرطه كتير قدام المستشفى، مكنتش اعرف انه موجود فيها اصلا بس دي كانت أقرب مستشفى ليا لما جويريه وقعت مني
والد جويريه بحزن شديد : بنتي ياخي انتا ايه انتا بني آدم ولا شيطان، حسبي الله ونعم الوكيل فيك، ربنا يجازيك باعمالك
ركض والد جويريه بسرعه الي الاستعلامات يسأل عن مكان ابنته، وبعد الوصل إلى غرفتها
طمني يادكتور جويريه مالها.؟ انا ابقى والدها
الطبيب بعد ان ربت على كتفه : والله مش عارف اقلك ايه بس يؤسفني اني أقلك ان بنتك ألكانسر بيهاجمها بشراسه لأنها تعرضت لنوبة زعل شديده قبل ميتم علاجها كلياً من المرض، ده حصل ازاي مش عارف رغم أنها تطعت حاجذ كبير جداا في علاجها ومكدبش عليك بنتك مفيش امل انها تعيش كتير، كلها ايام معدوده وتقابل وجه كريم، هيا حاليا شبه ميته هيا يادوب شغاله بالاجهزه بس يعني لو شلنا الاجهزه تبقى ميته، انا عارف ان دي ضناك وان الكلام ده أصعب حاجه في الدنيا على قلبك بس ده امر الله ونفز وربنا يصبر قلوبكم ويأجركم في مصيبتكم، شد حيلك وقلبي معاك………
