الحلقه الثامنة عشر.. 
بعد مرور شهر في الڨيلا الخاصه بمحمد
روز : خلاص يامحمد الطياره هتكون جاهزه بكره الساعه 12 الضهر
محمد : تمام وانا خلصت كل إجراءات الشغل هنا وفستان روضه هيكون هنا بالليل والقاعه بتاعة الفرح جمال حجزها كمان اسبوع
روز : تمام ياقلبي ربنا يتمملك على خير، ثم اقتربت من محمد ومسكته من خديه بابتسامه : خلاص هشوفك عريس وانت قمر كده في البدله، ياخراااااشي
محمد بضحكه صافيه : عقبال مشوفك عروسه والبسك فستان فرحك بأيدي
روز : فستان ايه اللي تلبسهولي بايدك ياقليل الادب انت
محمد : هههههههه كل واحد ونيته بقى
روز : انت هتستهبل ودي فيها نيه دي
محمد بخبث بعد ان غمز لها بعينه : اه طبعا امال ايه
روز بغضب طفولي : على فكره بقى انت قليل الادب
محمد بسخريه : طيب منا عارف، وايه الجديد في كده
روز بعد ان انفجرت في الضحك من رد فعل محمد وامسكت بيده لكي لا تسقط وتفقد توازنها فهي كانت تضحك بهستيريا
محمد وهو يتأملها بحب : ربنا يقدرني وارسم الضحكه دي على وشك دايما
روز بعد ان هدأت من كثرة الضحك : ربنا يخليك ليا وميحرمنيش منك ابداً
محمد : ولا يحرمني منك ياروز
روز : محمد
محمد بترقب : نعم
روز بخبث : على فكره الشرع حلل اربعه
انفجر محمد أيضاً من شده الضحك مثلما فعلت روز منذ قليل
روز : بتضحك على ايه يارخم
محمد بسخريه : لا ولا حاجه
روز وهي تتأمله بحب : ربنا يقدرني وارسم الضحكه على وشك كده دايما
محمد بحب : والله ياروز مجرد وجودك في حياتي بس بيخليني اسعد واحد في الدنيا، اللي زيك مفيش منهم دلوقت ياروز واللي عملتيه معايا ده انا لو ليا اختي بنت ابويا وامي مش هتعمله معايه
روز بحب : انت اللي مفيش منك دلوقت يامحمد، بص بقى انا مش هخبي عليك تعرف يامحمد ان شخصيتك دي انا حبيتها جدا جدا وكان نفسي متكونش مرتبط ولا بتحب حد، اي نعم انت دلوقت اكتر من اخويا واقرب حد ليا في الدنيا بس انا حقيقي كان نفسي تكون بتاعي لوحدي، بس لما شفت روضه وطيبة قلبها عرفت ليه انت كنت بتحبها الحب ده كله، لأنها أطيب انسانه في الدنيا، وزي ما ربنا قال (الطيبون للطيبات) انتو اكتر اتنين في الدنيا لايقين على بعض يامحمد وبعدين عيب عليك اللي بتقوله ده انا معملتش حاجه انتا تستاهل اكتر من كده كمان
محمد بعد ان امسك يد روز وقبلها : تعرفي ياروز ان كنت بحب روضه كحبيبه، فأنا بعشقك انتي كأخت وصديقه، ولو كنت مفتقد روضه كحبيبه وحياتي كانت ناقصه من غيرها فأنتي كمان حياتي هتكون ناقصه جدا من غيرك لو بعدتي عني وزي مانتي مقدرتش تعوضنيني عنها هيا كمان مش ممكن تعوضني عنك لان سواء انتي او هيا ليكم مكانه خاصه في قلبي محدش هيوصلها ابداا هيا كحبيبه وانتي كأخت وصديقه، انتي كنتي معايا في أصعب مراحل حياتي، وانا يوم ما اهدي نجاحي ده انا ههديه ليكي لاني من غيرك مكنتش هعرف اوصل للي وصلتله ده، ولو روضه مكانتش في حياتي اقسم بالله مكنت سبتك، انتي نضيفه ياروز، نضيفه وتستاهلي حد احسن مني مليون مره تعرفي ياروز لو كان ينفع اتمنى امنيه في حياتي فأنا كنت هتمني ان ربنا يرزقني بقلب تاني علشان احبك انتي بيه
روز بعد ان سالت الدموع على خديها من شده جمال كلام محمد لها : انت محدش هييجي في الدنيا زيك تاني، اظن ان مفيش قانون بيمنع ان اخت تحضن اخوها صح
محمد وهو يتأملها بحب : لا طبعا مفيش
ركضت روز مسرعه تجاه محمد وقامت بحتضانه وضمه بقوه بينما محمد رفعها من على الأرض وهو يحاوطها بيديه
روز : انت اماني وسندي وحمايتي في الدنيا، اوعي تبعد عني يامحمد مهما حصل انتا أجمل اخ في الدنيا وانا اسعد حد في الدنيا ان ليا اخ زيك
محمد بعد ان ضمها اليه بقوه : مفيش حاجه في الدنيا تقدر تبعدني او تاخدني منك، وأن كان على روضه ف رغم حبها ليا الغبي وغيرتها عليا المتوحشه الا انك الوحيده اللي مبتغيرش عليا منها وبعدين روضه بتحبك جدااا وتقريبا انتي الأنثى الوحيده في الدنيا بعد امي واخواتي اللي بتخليني اتعامل معاها عادي
روز : هههههههه روضه دي سكره، ربنا يخليهالك ويتمم فرحتكم على خير
محمد : يارب ياحبيبتي وعقبالك، بلاش البسك فستانك بأيدي، خليها عقبال مسلمك لعريسك بأيدي
روز : ايوه كده، ربنا يخليك ليا
محمد : هتفضلي متعلقه في رقبتي كده كتير
روز : انا مبسوطه كده وحاسه بالامان، عندك اعتراض
محمد مازحا : لا انا عن نفسي معنديش اعتراض بس لو روضه شافتك على وضعك ده ساعتها مش هتحسي بالامان انتي هتحسي بالصندوق بتاع المشرحه اللي روضه هتحطنا فيه انا وانتي بعد ما تقطعنا شرايح
روز بعد ان نزلت من أحضان محمد : هههههههه لا ياعم بلاش دي مجنونه وتعملها والله
محمد : جدااا انتي متعرفيهاش اكتر مني
روز : يلا ياميدو هسيبك انا بقى علشان الحق ارتب اغراضي
محمد : تمام ياروز
روز : باي
محمد : سلام
****”*****’************************************
في صباح اليوم التالي يرن هاتف محمد
محمد يرد بنعاس : امممم
روضه : حبيبي صباح الخير كل ده نوم، يلا بقى بلاش كسل الطياره هتفوتنا
محمد : طيارة ايه اللي تفوتنا يابنتي الله يخربيتك هيا ميكروباص دي طياره خاصه
روضه : هههههههه معلش ياحبيبي اصلي من كتر الفرحه اللي انا فيها مرتبكه ومتلخبطه ومش عارفه اقول ايه ، طيب قوم بقى عشان وحشتني
محمد : ايوه بقى دانا كده اقوم قوي
روضه : محمد
محمد : حياة محمد
روضه : بحبك
محمد : وانا بموت فيكي
****”*****’************************************
بعد مرور ثلاث ساعات
في الطائره
روضه : انتا حددت معاد الفرح
محمد : اه الاسبوع الي جاي
روضه بدهشه : ازاي ده ولقيت قاعه فاضيه
محمد : امممم
روضه : طيب مش كنت تقلي حتى علشان اعزم اهلي وصحابي
محمد : كروت الدعوه جمال وزعها على اهلي وكل صحابي و نص الكروت راحت ل احمد اخوكي من الأسبوع اللي فات وكله تمام
روضه : دانت فظيع، انت عملت كل الحجات دي امتى
محمد : متقلقيش انتي من حاجه كل الامور تمام
روضه : محمد انا مش مصدقه، حاسه اني في حلم
محمد : لا انتي في حقيقه
بعد ان قبضت روضه على يديه : يعني احنا فرحنا الاسبوع اللي جاي بجد
محمد : اه بجد
روضه وهي تنظر لعينيه بحب : يعني مش هتسيبني تاني
محمد : تؤتؤ
قفزت روضه بين أحضان محمد : يعني حضنك ده بقى بيتي
محمد بعد ان تنهد بتعب : عندك اعتراض
روضه : تؤتؤ
محمد : بعشقك
روضه : بموت فيك
****”*****’************************************
بعد مرور عدة ساعات وصلت الطائره اخيرا الي ارض الوطن
نزل محمد بصحبة روضه وروز من الطائره الي صالة الاستقبال ينتظر وصول الأغراض الخاصه بهم إذ بيدين صغيرتين تلتف بقدمه اليمني من الخلف، فنظر محمد مسرعا خلفه إذ به محمد ابن صديقه جمال يتعلق بقدمه اليمني وينظر له بابتسامه بريأه ووجه مضئ، سرعان ما هم محمد لحمله من على الأرض واحتضنه بقوه وقبله من وجنتيه وهو ينظر إلى الجهه المقابله فيرى كل اصدقائه بلا استثناء ينتظرون قدومه خلف حاجز حديدي صغير يمنعهم من الدخول
ركض محمد نحوهم مسرعاً وبدأ في احتضانهم واحد تلو الاخر وعلى رأسهم (طه) الأخ الأكبر لمحمد بالتحديد في جو تسود فيه دموع الفرح المتبادله بين كل الأصدقاء
طه : حمدالله على سلامتك ياخويا
محمد : الله يسلمك ياطه
طه : يلا نروح بسرعه بقى علشان اهلك مستنيينك على نار
محمد : اكيد طبعا متتصورش ياطه واحشيني قد ايه
جمال : حمدالله على سلامتك ياصاحبي، افتقدتك جدا في حياتي وغيابك أثر عليا جدا والله
محمد : الله يسلمك ياصاحبي، اديني جيتلك اهو ومتقلقش مش هبعد عنكم تاني، انا افتقدتكم كلكم والله
جمال : شفت محمد ابني طالع شبهك ازاي
محمد نظر الي الطفل مازحاً : يابن الكلب
الجميع : هههههههههههههه
بعد مصافحة محمد للجميع عرفهم على روز ومن بعدها توجه الكل الي الڨيلا الخاصه ب محمد في القاهره التي اشتراها مؤخرا
****”*****’************************************
فور وصول محمد الي الڨيلا وجد كل اهله واصدقاءه بانتظاره امام الڨيلا
نزل محمد من السياره وركض مسرعاً تجاه والدته واخذها بين احضانه وسط بكاء الفرح الغذير من والدته
محمد بعد ان قبل وجنتيها ومال على يديها وقبلهم الاثنين : وحشتيني قوي يا أمي
والدة محمد ببكاء شديد : وانت كمان وحشتني ياقلب امك وحشتني قوي، برضو كل ده غياب متجيش تشوف امك، انا كبرت في غيابك عني ياولدي
محمد بعد ان قبل جبهتها : اديني رجعت يا أمي ومش هفارقكم تاني
من ثم ترك والدته وقام باحتضان والده بقوه ثم مال على يدي والده وقبلهم الاثنين
والد محمد : حمدالله على سلامتك ياولدي
محمد : الله يسلمك ياوالدي وحشتوني قوي
والد محمد : وانت والله وحشتنا قوي ياولدي
ثم قام محمد باحتضان إخوته واصدقاءه جميعاً قبل الدخول للڨيلا
****”*****’************************************
داخل الڨيلا بعد جلوس الكل في الشرفه
محمد : متتخيلوش مصر وحشتني قد ايه واهلي وصحابي وحشوني قد ايه
جمال : انت اللي وحشت مصر والله ياعمنا، ايه اخبارك انتا طمنا عليك
محمد : انا تمام ياصاحبي الحمدلله، شغال ايه دلوقتي
جمال : معايا شركه استيراد وتصدير صغيره كده على قدي
محمد : ما شاء الله ربنا يزيدك ياصاحبي
جمال : ربنا يخليك
محمد موجهاً كلامه لامنيه وميرنا : وانتو بقى شغالين ايه
امنيه : انا شغاله في مجله
ميرنا : وانا بقيت صحفيه كبيره
محمد بعد ان وجه النظر لعبده : وانت يابودي
عبده : انا شغال صحفي وجمب الصحافه معايا سلسلة محلات ملابس
محمد : والله وشلتي كلها فلحت اهي
الجميع : هههههههه
ميرنا : قلي بقى انتا قابلت روضه تاني ازاي وامتي
محمد : يااااه دي حكايه طويله ابقى احكيهالكم بعدين علشان انا مرهق جدا من السفر وكمان ضغطت على نفسي جدا الفتره اللي فاتت علشان اخلص شغلي كله قبل ماجي
طه : خلاص ياحبيبي اطلع نام انتا وبالليل لما تصحى يسهلها ربنا
محمد : انا محتاج انام فعلا والله ياطه، يلا عن ازنكم
صعد محمد علي سلم الڨيلا متوجهاً الي غرفته فبدل ملابسه وبدأ يستلقي على فراشه بتعب وماهي إلا لحظات حتى غرق في نوم عميق من شدة التعب
****”*****’************************************
محمد بفرحه شديده : “جويريه”
جويريه : بحب لقيتك وحشني قلت اجي اشوفك
محمد : وانتي والله وحشتيني جدا ياجويريه بس ايه اللي فكرك بيا دلوقت وانتي بقالك فتره كبيره غايبه عني
جويريه : كنت متابعاك كل يوم وفرحت جدا لنجاحك وجيت دلوقتي علشان اباركلك انك حققت أحلامك واباركلك على فرحك… انا مبسوطه جدا ان ربنا عوضك خير عن كل اللي شفته في حياتك، انتا تستاهل كل خير يامحمد علشان كده ربنا عطاك وحده شبهك، وقلبها ابيض زي قلبك ومناسبه ليك جدا
محمد ببكاء : عمري ما شفت ولا هشوف قلب انضف من قلبك ياجويريه، كان نفسي تكوني جمبي وتفرحيلي
جويريه : ومين قالك اني مش جمبك ومش فرحانالك، انا فرحانالك اكتر من امك نفسها
محمد : وحشتيني قوي ياجويريه
جويريه وهي ترجع عدة خطوات للخلف: انت اللي هتوحشني قوي يامحمد
محمد بفزع : ليه وانتي رايحه فين
جويريه وهي تبتعد شئ ف شئ حبيت بس اجي اباركلك
محمد : جويريه متمشيش جويريه جويريه ثم فزع من نومه وهو يصرخ جويرياااااااااه
أصبح محمد يلتقط أنفاسه بصعوبه وضربات قلبه تذداد سرعه بينما دخلت والدته مسرعه عليه الغرفه بعد سماع صرخته
والدة محمد بعد ان ركضت باتجاهه : بسم الله الرحمن الرحيم، مالك يابني في ايه
محمد بعد ان احتضن والدته وهو يبكي بكاء شديد
والدة محمد : اهدي ياحبيبي مالك بس قلي
محمد : جويريه ياماما
والدة محمد باستغراب : جويريه الله يرحمها يابني ايه اللي فكرك بيها دلوقتي
محمد : جاتلي في الحلم
والدة محمد وهي تهدئ من روعه : دا خير ياحبيبي هيا فرحانالك، بيقلك الميت بيحس وبيشوف الحي اللي بيحبه وبيفرحله زي اللي عايش وجمبه بالضبط، اهدي ياقلب امك دا كابوس ويروح لحاله، خد اشرب ميا
محمد بعد ان شرب المياه : وحشتني قوي ياماما، اكتر بني ادمه نضيفه شفتها في حياتي، كان نفسي تكون جمبي في فرحي
والدة محمد : ياحبيبي متجوزش على الميت غير الرحمه وانت فاضل على فرحك اقل من اسبوع المفروض تكون اكتر واحد مبسوط دلوقتي، انساها يابني على الاقل الفتره دي، افرح يابني الفرح مبييجيش كل يوم، وهيا دلوقتي في مكان احسن من هنا، ادعلها بالرحمه
محمد : ربنا يرحمها
والدة محمد : يلا نام ياحبيبي تصبح على خير
جلست والدة محمد بجواره على السرير الخاص به بعد ان غطته تماما ووضعت يدها على رأسه واظلت تداعب شعره فهي تدرك تماما ان محمد كان يحب ذلك التصرف من والدته كثيراً منذ صغر سنه حتى غرق في نوم عميق
والدة محمد وهي تتأمله بحب : ربنا يسعدك يابني ويصلح حالك ويدبرلك امورك واشوفك في أعلى المراتب واشوفك كده اسعد واحد في الدنيا، ومن ثم خرجت من الغرفه بعد ان اغلقت الضوء وتأكدت من إغلاق باب الغرفه لاحكام..
****”*****’************************************
في مساء نفس اليوم
توجهت روز الي الڨيلا الخاصه بمحمد فهي أيضاً كان محمد قد اشتري لها ڨيلا بجانبه لا يفصل بينها وبين الڨيلا الخاصه ب محمد الا صور واحد
طرقت روز على باب الڨيلا ففتحت لها مضيفة الڨيلا : اهلا اهلا روز هانم اتفضلي
دخلت روز الي الڨيلا ثم احتضنت والدة محمد : ازيك ياماما
والدة محمد : ازيك ياحبيبتي والنبي ماما طالعه من بقك زي العسل
روز بابتسامه : والله انتي اللي زي العسل، انا جايه اتعشى معاكم بقى علشان لسه مرتبتش الڨيلا بتاعتي
والدة محمد : ياحبيبتي دانتي تنورينا، بيت اخوكي ومفتوحلك في اي وقت
روز : تسلميلي ياحبيبتي، هو البيه فين بقى
والدة محمد : نايم في اوضته ياحبة عيني
روز : كل ده نوم وانتو مستنيينه على العشا ومش راضيين تصحوه، ونبي بلاش قلب الأم ده ياماما الواد كده مش هيصحي للصبح، هتعلمو الواد الكسل حرام عليكم، انا رايحه اصحيه وانتي قولي المضيفه تجهز الصفره علبال ما اصحيه
والدة محمد : ماشي يابنتي بس براحه عليه انتي وبتصحيه
روز : هههههههه حاضر ياحنينه
صعدت روز على السلم متوجهه الي غرفة محمد ثم طرقت الباب عدة طرقات خفيفه ودخلت على محمد الغرفه
أشعلت روز الضوء ثم رفعت الغطاء من على وجه محمد : قوم يابيه انا واقعه من الجوع وأهلك كلهم مستنيينك على العشا محدش راضي ياكل الا لما تصحى
محمد بعد ان تمتم بنعاس ببعض الكلمات الغير مفهومه
روز : انت بتبرطم بتقول ايه
نهض محمد بغضب من على سريره : انتي ايه اللي جاب امك انا مش فرشتلك الفيلا وجبتلك كل مستلزماتك انا مش هخلص منك لا بره ولا هنا كمان ثم انتي ايه اللي دخلك عليا وانا نايم اصلا
روز بعد ان طبقت يديها في وسطها ورفعت حاجبها : انا على قلبك في اي حته ثم إن امك ياقلب امك قالتلي دا بيت اخوكي وتيجي في اي وقت وبالنسبه اني دخلت عليك وانت نايم محسيني ان دي حاجه جديده يعني ومين كان يصحيك غيري بره ولا نسيت قوم قامت قيامتك
محمد بغضب : بره حاجه وهنا حاجه تانيه خالص
روز بعد ان فتحت الدولاب الخاص بغرفة محمد واخرجت منها منشفه ثم ألقتها على وجهه : قوم غور اتشطف علبال مطلعلك غيار
محمد بخبث وهو يغمز لروز بعينه : طيب مش هتيجي تتشطفي معايا
روز : قوم يلا وبطل قلة أدب
محمد : اممممم حاضر
دخل محمد الي الحمام فاستحم وخرج يلف المنشفه على جسده عاري الصدر ليجد روز قد اخرجت له من الدولاب تيشيرت نبيتي مع شورت كحلي فوق الركبه ووضعتهم على السرير وانصرفت قبل خروجه من الحمام
محمد بعد ان نظر للملابس التي اخرجتها روز : طول عمرك ذوقك حلو ياروز
لبس محمد ملابسه ثم خرج من غرفته ونزل على السلم ببطء ومنه الي الشرفه حيث كان الكل يجلس على الصفره ينتظر قدومه
روز : ايوه اتمختر اتمختر
محمد : يابت بس
روز : حاضر بسيت، تعالي ياقلبي حاجزالك الكرسي اللي جمبي
نظر محمد الي اهله ثم عاود النظر إليها : يابت اهمدي
الكل : هههههههه
روز : تؤ مالو ده يابابا هو انا قلت حاجه غلط
والد محمد بضحكه صافيه : لا يابنتي مقلتيش حاجه غلط
روز بعد ان عقدت حواجبها بطفوله : اهو شفت
محمد : طيب ياستي، وانت جاي الكلام ده على هواك يابابا، عموما ماشي ياسيدي، ثم وجه النظر الى روز.. لو روضه هنا كانت ولعت في امك
الجميع : هههههههه
جلس محمد بجوار روز وبدأ في تناول العشاء
روز بعد ان ملت الملعقه بالارز : المعلقه دي رايحه على بق مين
محمد بغضب : متتهدي يابت قلت، اهلي كلهم قاعدين
روز بعد ان وجهت نظرها ل والد محمد : في حد هنا عنده اعتراض
والد محمد : هههههههه لا يابنتي خدي راحتك
روز بعد ان شمرت يديها : اخد راحتي اذا كان كده بقى الواحد يأكلك بقلب مليان، دانا اخدت التصريح من البيج بوووس
محمد : اللهم طولك ياروح
روز وهي توجه الملعقه لفم محمد مره اخرى : افتح بقك يامحمد
محمد : لا مش فاتح
روز : والله ل تفتح يا محمد
محمد : طيب وربنا مفاتح
روز : طيب وربنا لو ما فتحت لادلقلك المعلقه في قفاك
الجميع : هههههههه
محمد : يابنتي الله يهديكي كلي
روز : تؤتؤ مش هاكل غير لما تأكل انتا المعلقه دي
محمد بعد تنهيده بقلة حيله : حاااضر
فتح محمد فمه واكل الملعقه من يد روز
روز : هم باجمل، ياختي بطه
محمد : في ايه يابت الجزمه انتي
الجميع : هههههههه
روز : اخص عليك ياميتو برضه كده دانا مش هاين عليا اكل غير لما اأكلك، ثم وجهت نظرها لوالد محمد : يرضيك كده ياعمو
والد محمد : هههههههه ربنا يسعد قلبك يابنتي
محمد : خد ياعم، اهو طول الخمس او ست سنين اللي فاتو كده على الوضع ده
روز : وده يزعلك ان شاء الله، دانا حتى خليتك بقيت كلبوظ وبخدو اهو
الجميع : هههههههه
والدة محمد : ربنا يسعدك يابنتي زي مخليتي بالك من محمد ابني ويرزقك بابن الحلال اللي يستاهلك
روز : يارب ياماما، انتي مفكراني انا اللي اخدت بالي منه، والله ياماما هو اللي خد بالو مني اكتر من امي نفسها، بصي ياماما انا وحيده ابويا يعني مش معايا خوات، ووالدي متوفي يعني مليش في الدنيا دي غير ماما، جه محمد ابنك بقى كل حاجه في حياتي، بقى ابويا واخويا وصاحبي وكل حاجه، بقى بيخاف عليا اكتر من نفسه، تفتكري بعد كل اللي عمله علشاني ده مشيلوش جوه عنيا، دانا ابقى قليلة اصل
والدة محمد : دا أقل واجب يعملو معاكي، ربنا يسعد قلبك يابنتي
روز : يارب ياماما
محمد موجهاً كلامه لوالده : بس ياسيدي هي دي روز
والد محمد وهو يتأملها بحب : اصيله يابنتي والله ومن النهارده انا بقى عندي بنت صغيره اسمها روز
روز : بجد ياعمووو يعني انا اللي بقيت دلوعتك انتا وماما وخدت مكان النطع اللي جمبي ده
الجميع : هههههههه
محمد بعد ان اقترب من ازن روز : وحياة امك لاديكي بالشبشب
روز بعد ان عقدت حاجبيها بطفوليه : ليه كده بس ياميتو دانا بحبك والله
الجميع : هههههههه
والدة محمد : اه طبعاً يابنتي دلوعتنا ونص كمان هو خلاص فاضله في زمتنا خمس ايام ومجرد ميتجوز هيبقى دلوعة مراته
روز : هاهاهاها يادلوعة مراتك
محمد : عاجبك كده ياست الحبايب
الجميع : هههههههه
انتهت الليله في وسط فرحة الجميع برجوع محمد وباكتسابهم لفتاه مثل روز بطيبة قلبها وحبها ل محمد ابنهم
****”*****’************************************
بعد مرور خمسة أيام..
في صباح اليوم المقام فيه زفاف محمد وروضه
في ڨيلا محمد
محمد : ها ياجمال طمني كل حاجه تمام
جمال : تمام يابوووس كل اللي اتفقنا عليه اتنفز بالحرف الواحد
محمد : القاعه جاهزه
جمال : جاهزه يابوس
محمد : وقلت لمسؤل الميوزك في القاعه عن اللي هيحصل
جمال : قلتلو يابوس
محمد : تمام، اوعي يكون حد غيرك عرف، ولا حتى حنان مراتك
جمال : عيب عليك يابوووس، امااان
محمد : حبيبي ياجيمي
جمال : والله عشت وشفتك عريس، فاكر ياض يوم خطوبتي لما قلت في المايك انك يوم فرحك مش هتكون فرحان فرحة الليله دي، اهو انا مقتنعتش فعلا بكلمتك دي غير النهارده، تعرف ليه، لاني أقسم بالله يوم فرحي مكنت فرحان الفرحه اللي انا فرحانها دلوقتي
محمد بعد ان احتضن جمال بقوه : يابني انا وانت ملناش غير بعض، وعلاقتنا دي مبتتكررش بين المليون اتنين، ربنا يديم الصداقه والاخوه اللي بينا ياجمال
جمال : يارب ياصاحبي، يلا هسيبك انا تجهز واكلم حنان اشوفهم ناقصهم اي طلبات في الكوافير ولا لا
محمد : تمام ياجيمي
جمال : اشوفك بالليل بقى
محمد : اكيد ان شاء الله
خرج جمال من غرفة محمد يمشي على درج الڨيلا المؤدي الي الاسفل وامسك هاتفه ورن على حنان
حنان : ايه ياقلبي
جمال : ايه ياحبيبتي عاملين أيه
حنان : تمام جدا بس ابنك تعبني قوي وكل الناس هنا بتشتكي منه
جمال : هههههههه والله معارف جايب الشقاوه دي كلها منين مع اني انا وانتي غلابه
حنان بمزاح : هههههههه جايبها من اللي طالع شبهه
جمال : هاااااار اسود، حرام عليكي دا مصيبه ده، مش كفايه شكله، هيبقى قارفنا بشكله وقارفنا بطبعه كمان
حنان : هههههههه حرام عليك محمد دا عسل
جمال بغضب : وحياة امك
حنان وهي تضحك بخبث : انا بتكلم عن محمد ابني على فكره
جمال بغضب : كان يوم اسود يوم مسميته زفت الطين
حنان : طيب عيني ف عينك كده
جمال : هههههههه
حنان : عارفه انه ميهونش عليك دانا بحسه اقربلك مني انا شخصياً
جمال : دا اللي طلعت بيه من الدنيا ياحنان
حنان : ربنا يخليكم لبعض يارب ويديم صداقتكم
جمال : امين يارب، المهم طمنيني عاملين ايه انتي والبنات عندك، ناقصكم حاجه
حنان : لا ياخويا مش ناقصنا حاجه كلهم عاملينلي عرايس وحده بتعملي بادي كير وماني كير وحده بتعملي تاتو، طيب ونبي مال الفرح ومال التاتو العروسه وقلنا ماشي إنما الهوانم بيحطوه ليه بقى
جمال بخبث : التاتو ده مش للفرح ياقلبي التاتو ده لبعد الفرح
حنان بخجل بعد ان احمرت وجنتبها : على فكره انت قليل الادب
جمال : هههههههه بهزر معاكي ياحبيبتي، روضه عامله ايه عندك
حنان : وااااااو ياجمال، يخربيت جمالها، مكنتش اتوقع وشها البرئ ده هيبقى بالجمال ده في الميكب
جمال : علشان عمرك مشفتيها بميكب قبل كده
حنان : عندك حق ياجمال يلا هسيبك بقى واروح لابنك اللي بوظ الدنيا ده وقربو يطردونا من الكوافير بسببه
جمال : هههههههه احسن علشان قلتلك سيبيه لسته تاخد بالها منه علبال مترجعي انتي من الكوافير علشان ميتعبكش وانتي مسمعتيش الكلام
حنان : لا قلبي ميطاوعنيش يبعد عني يوم كامل
جمال : طيب ياحنينه
حنان : غصب عنك على فكره ولا تنكر
جمال : هههههههه لا انكر ايه ياقلبي انتي الحكومه واللي تقوليه يمشي
حنان : والله انت رخم
جمال : بهزر معاكي ياقلب الرخم
حنان : يلا هتوحشني لحد بالليل
جمال : وانتي كمان هتوحشيني، يلا عاوزه حاجه
حنان : اه بوسلي محمد من خده وقله هيوحشني لحد بالليل
جمال بغضب : طيب وحيات امك لاديكي بالشبشب لما اشوفك
حنان : هههههههه بعشق غيرتك عليا يابو عيالي، وبعدين انا بتكلم عن محمد ابني على فكره
جمال : وحيات امك، على اساس ان ابنك مش معاكي، كان يوم اسود يوم مسميته محمد
حنان : هههههههه دي أجمل حاجه والله على الاقل مخلياني واخده فرصتي عليك في حدود ابني
جمال : طيب حسابنا مع بعض بالليل ياحنان
جنان : هههههههه عيون حنان
جمال : يلا سلام
حنان : تؤ هتقفل من غير متقولي كلمه حلوه
جمال : لا مش هقول
حنان : طيب اقسم بالله لابوس محمد من شفايفه بالليل وهو لابس البدله وزي القمر كده
جمال بغضب شديد : في ايه يابنت الجزمه انتي
حنان : هههههههه ابني وانا حره فيه وابوسه وقت مانا عاوزه، ولا بتغير من ابنك
جمال بتنهيده : والله لاغير اسمو ابن الكلب ده بتلعبي باعصابي يعني
حنان : تؤ معاش ولا كان اللي يلعب باعصابك ياحبيبي
جمال : دلوقتي بقيت حبيبك
حنان : انت حبيبي في اي وقت ياقلبي
جمال : بحبك
حنان : بموووت فيك….. يالهواااااااي جااااايه اهو، يخربيت ابوك يامحمد يابن جمال، ابنك كسر الدنيا واحنا بنحب في بعض هنا اقفل بسرعه
جمال : هههههههه ماشي ياحبيبتي، سلام
حنان : سلام ياحبيبي …
****”*****’************************************
ايه رأيكم في حلقة النهارده
و تتوقعوا الحلقه الاخيره هتبقى عامله ازاي
رواية و دق قلبي لها الفصل السابع و الاخير
