الحلقه التاسعة عشر 
والاخيره
️
في عصر نفس اليوم يرن هاتف محمد فيجيب بنعاس : الو
روضه : يالهوي على حبيبي هو ولسه صاحي من النوم، عسل
محمد وهو مغمض عينيه وبنفس عميق مع ابتسامه تملأ وجهه : وحشتيني
روضه : انت اللي وحشتني قوي ياميدو، كل ده نوم مبتسألش على روضتك
محمد : معلش ياحبيبتي انتي عارفه تعب الايام اللي فاتت دي
روضه : عارفه ياحبيبي ربنا يعينك
محمد : ربنا يخليكي ليا ثم اكمل بضحكه خبيثه وبعدين انا نايم علشان اكون فايقلك بالليل، احنا عندنا شغل كتير قوي النهارده
روضه وكاد وجهها ان ينصهر من شدة الخجل : على فكره انت قليل الادب
محمد : هههههههه إنما الأعمال بالنيات انا اقصد على الفرح هيبقى في مجهود يعني وكده
روضه وهي تمد شفتيها للأمام : لا ونبي
محمد : اه ونبي، انتي اللي نيتك سوء
روضه : هههههههه ماشي ياميدو، يلا قوم بقى وبلاش كسل علشان تلحق ترتب امورك مش فاضل وقت كتير
محمد : حاضر ياحبيبتي انا قمت اهو، هتوحشيني قوي لحد بالليل
روضه : انت اللي هتوحشيني ياميدو، يلا بقى مستنياك متتأخرش عليا
محمد : حاضر ياحبيبتي مش هتأخر
روضه : بحبك
محمد : بعشقك
روضه : سلام ياحبيبي
محمد : سلام يانبضي
نهض محمد من على فراشه وتوجه الي الحمام الخاص بغرفته فاستحم وبدل ملابسه بشورت اسود فوق الركبه وتيشيرت ابيض ثم خرج من غرفته ونزل على السلم باتجاه الشرفه استقبلته والدته في آخر السلم
والدة محمد : صحي النوم ياحبيبي
محمد : صباح الخير ياماما
والد محمد وهو يجلس على المنضده : صباح الخير ايه قول مساء الخير احنا بقينا العصر كل ده نوم
محمد بعد ان جلس على المنضده مقابلاً وجهه وجه والده ثم تنهد تنهيده كبيره : والله انا فايتني قطر النوم يابابا
والد محمد : معلش ياحبيبي ربنا يعينك
طه الأخ الأكبر ل محمد : مسا مسا يابووب
محمد : مساء الهنا ياطه
طه : اه البيه نايم ولا على باله واحنا مفحوتين من الصبح
محمد بعد ان نظر اليه بطرف عينه : دا غصب عنك مش برضاك على فكره
طه : هههههههه وعلى قلبي زي العسل ياحبيبي
محمد : ربنا يخليك ليا ياحبيبي
والدة محمد : يلا يامحمد الفطار جاهز علشان تلحق تفطر مفيش وقت
محمد حاضر ياماما جاي اهو
جلس محمد لتناول الفطور وسط سعاده تسكن قلبه بالتفاف اهله حوله باكملهم
*******، ***********، ************، ************
في الكوافير
ميرنا موجهه كلامها لروضه : ايه القمر ده
امنيه : بسم الله ماشاء الله عليكي بصراحه مكنتش اتوقع انك هتكوني بالجمال ده
حنان : بس يخرب بيوتكم هتحسدو البت
روز : لا يجد جمالك فاتن والله مكنتش اتوقع انك هتكوني بالجمال ده لا ومحمد جايبلك حتة فستان بينور عليكي، من يومه زوقه حلو
روضه بارتباك : بصو انا مش على بعضي ومتوتره وخايفه وربنا يعدي الليله دي على خير
ميرنا : هههههههه متخافيش يختي كلنا كنا زيك كده، ثم اكملت وهي تغمز لها بخبث متقلقيش الموضوع أسهل من شكة الابره
امنيه : اه والله ياميرنا كلنا كنا زيها كده وخايفين من الموضوع ههههههههه
حنان : ميغركيش ان الواد طول بعرض كده لا هو حنين ورومانسي متقلقيش متقلقيش
روز : هههههههه انا عن نفسي لسه مجربتش
روضه بغضب وقد انصهر وجهها خجلاً : يخربيوتكو ، ايه اللي بتقولوه ده ياجزم انتو والله انتو وحشين، انا اقصد على ليلة الفرح مش على حاجه تاني
امنيه وهي تغمز لها بخبث : ماحنا كلنا نقصد الليله مش حاجه تاني
الجميع : هههههههه
روضه بعد ان احمرت وجنتيها : اقسم بالله انا استاهل ضرب الجزمه اصلا اني جبتكم معايا
الجميع : هههههههه
ميرنا : متقوليش على نفسك كده انتي جميله على فكره
روضه : بس يابنت الجزمه انتي، انتي اس البلاوي اصلا
الجميع : هههههههه
روز : بجد والله يابختكم ببعض، انا بحسدكم على صحبتكم وعلى ايام الجامعه اللي قضيتوها مع بعض
حنان : انتي بقيتي وحده مننا ياروز، محمد ده اخونا كلنا، واللي يحب محمد احنا نحبه
روز : ربنا يخليكي ليا ياحنان بجد انا اسعد حد في الدنيا بصحبتكم
حنان : تسلميلي ياحبيبتي، يلا عقبال منفرح بيكي ونطلع عين امك
روز : لااااااا وانا تحطوني في الموقف اللي اتحطت فيه روضه ده دلوقتي، لا ياستي يفتح الله
الجميع : هههههههه
روضه : قومي ياجزمه انتي وهيا من هنا
الجميع : هههههههه
ميرنا بعد ان نظرت للمسؤله التجميل بالكوافير وغمزت لها بخبث كأنها تتفق معها على شئ ما فأجابت : عندك على الشيفونيره
توجهت ميرنا الي الشيفونيره وجلبت من عليها المنيو الخاص بالتاتوز وجلست بجوار روز على المنضده واصبحت تشاور باصبعها على بعض التاتو وتحدث روز بصوت لا يسمعه احد غيرهم ثم يضحكون بأصوات عاليه
روضه وهي تنظر في المرأه : انتو بتعملو ايه، وبتضحكو على ايه ممكن اعرف
ميرنا : خلصي بس اللي بتعمليه وهتعرفي
روضه بعد ان ابعدت يد مسؤلة التجميل : وربنا مهعمل حاجه غير لما اعرف بتضحكو على ايه
ميرنا بابتسامه خبيثه : ابدا بنختارلك شوية تاتوهات كده
روضه بعد ان نظرت لها في المرأه بدهشه واحمر وجهها من شدة الخجل : تاتوهات اي دي
ميرنا : تاتوهات اللي بتتحط في مناطق كده ملكيش دعوه انتي لسه صغيره انتي على الحجات دي لما تتجوزي وتكبري هتعرفي ليه
روضه بخجل شديد : يخربيت ابوكي يابابااااااا عااااااااااا
الجميع : هههههههه
وسط ضحكات وقهقهه تعلو من الجميع وفرحه تسود بين جميع الأصدقاء
*******، ***********، ************، ************
في القاعه المقام بها حفل الزفاف
جمال : كده تمام
عبده : اه تمام كده مش ناقص حاجه
جمال : طيب كويس، مش عاوزين غلطه النهارده تبوظ الليله، الليله دي انا بستناها من عمر
عبده : على اساس انك بتستناها لوحدك
جمال : على رأيك والله ياعبده مفيش حد مبيستناهاش، محمد ده حبيب الكل
عبده : ربنا يسعده ويعدي ليلته على خير
جمال : امين يارب، بينا احنا يادوب نلحق نجهز
عبده : يلا بينا
*******، ***********، ************، ************
في مساء اليوم في ڨيلا محمد
جمال وهو يضبط ببيونه العنق المعلقه بلياقة قميص محمد : كده تماااام بص في المرايه كده
نظر محمد بالمرأه ليتفقد بدلته السوداء ناصعة اللمعان زات التفصيله التركيه والحزاء الكلاسيكي الاسود مع شعره المصفف بتسريحه تليق جدا على وجهه وملامحه الرجوليه مع عرض منكبيه
محمد : تمام ياصاحبي ثم امسك زجاجه البيرفيوم الخاصه به والتي كان يمتاز بها جداا ثم تعطر منها ووضعها مره اخرى موجهاً كلامه لجمال يلا بينا
نزل محمد علي السلم متوجها لباب الخروج من الڨيلا خلفه اهله والظغاريت تعلو من أمه واخوته..
توجه محمد آلي الكوافير وفور وصوله ومصافحه أصدقاءه ماهي إلا دقائق قليله الي ان خرجت روضه وخلفها كل أصدقائها يمسكون مستانها من الخلف والظغاريت تعلو منهم في نفس واحد
توقف الزمن لحظه تقابل عيني محمد بعيني روضه
محمد بعد ان اقترب من روضه وهي تشبث يديها أمامها من شدة الخجل واصدقاء محمد الجميع خلفه يصفقون لشده فرحتهم برؤيه محمد عريس ليلة زفافه
محمد بعد ان امسك يد روضه ورفعها باتجاه فمه وقبلها من قبضتها ثم قبلها من جبهتها ونظر في عينيها : عيني لشافت ولا هتشوف بنت أجمل منك
اشتد حمرة خدي روضه خجلا بكلام محمد امام جميع أصدقاء ولم تنطق حرفا واحدا اكتفت فقط بابتسامة الخجل التي رسمت على شفتيها
طبق محمد يده لروضه لتتعلق بها ومنها إلى السياره ومن السياره الي القاعه المقام بها حفل الزفاف
فور دخول محمد وروضه القاعه قابلهم جميع الاهل والاصدقاء بالتصفيق الحاار
صعد محمد وروضه على الاستيدج (المسرح) وبدءا في الرقصه الشهيره سلو
محمد : مبسوطه ياروضه
روضه : محمد انا مش مصدقه نفسي، انا هعيط من كتر الفرحه
محمد : طيب متعيطيش دلوقتي انتي كده كده هتعيطي لما تشوفي المفاجأه اللي عاملهالك
روضه بدهشه : مفاجأة ايه
محمد بعد ان لف وجهها الي سلم النزول للقاعه واحتضنها من الخلف ووضع يديه الاثنين مخبأ لعينيها ثم غمز بعينه لجمال بعدها وقفت الموسيقى تماماً بالقاعه…..
*******، ***********، ************، ************
فلاش باك
بالجامعه محمد وروضه يجلسون على طاوله بكافتريا الجامعه
محمد : بتحبي تسمعي لمين اغاني ياروضه
روضه : انا بعشق عمرو دياب، ده كل حياتي ده، حافظه كل أغانيه ومش بسمع غيره اصلا، عندي كل أغانيه من بدايته لحد اخر ألبوم ليه ونفسي في يوم اشوفه ولو حتى من بعيد، ده حلم حياتي يامحمد
عوده للوقت الحالي
*******، ***********، ************، ************
محمد بعد ان همس في اذن روضه يلا استعدي
تلاته
اتنين
واحد
ثم رفع يده من على عيون روضه لتجد عمرو دياب ينزل من على سلم القاعه على موسيقى اغنية “معاك قلبي” حيث انها كانت آحدث ما غنى في ذلك الوقت متجهاً باتجاه الاستيدج الذي يقف عليه محمد وروضه
روضه بعد ان رفع محمد يديه من على عينيها ورأت عمرو دياب يتقدم نحوها ليغني بحفلة زفافها وكان حلمها الأكبر هي رؤيته منذ الصغر ظلت روضه تقفز في الهواء عدة قفزات مثل الأطفال وتصرخ : وااااااااااو ثم قفزت لتحتضن محمد وتبكي من شدة فرحتها بمفاجأه محمد لها وهو يحاوطها بين يديه ويلف بها عدة لفات حول نفسه مع وقوف لجميع الحضور من على كراسيهم يصفقون بحراره وتصدر الكثير من الصافرات لجمال الموقف
روضه وهي تقبل وجنة محمد ببكاء شديد : بحبك يامحمد والله العظيم بحبك
محمد بعد ان ضمها جدا الي صدره : وانا والله العظيم بعشقك ثم انزلها محمد من بين احضانه ليرقص معها على أنغام اغنية “معاك قلبي”
“معاك قلبي وبلاش تغيب عني بتوحشني، معاك قلبي والله ولا بنساااااااك، معاك قلبييييي وبلاش تغيب عني بتوحشني، مفيش غيرك حبيب قلبي يا احلى ملااااااااك”
كان محمد وروضه يغنون مع الاغنيه وهم في أحضان بعضهم مع فرحه عارمه بين جميع الحضور بالحفل
انهي الحفل وكان من أسعد الليالى بالنسبه للجميع
بعد الخروج من الحفل توجه محمد وروضه الي المطار للسفر لقضاء شهر العسل سوياً في لندن حيث كان الحلم الثاني لروضه
*******، ***********، ************، ************
داخل الطائره
روضه بعد ان أمسكت يدي محمد وتلمع عينيها من شدة الفرح : محمد انا قلبي هيقف من الفرحه
محمد بعد ان مسك يديها وقبلهم الاثنين من قبضة يدها : ربنا يقدرني واسعدك ياروضه
روضه : يالهوي يقدرك وتسعدني ايه انا مش مستوعبه حجم اللي انا فيه انا كل أحلامي اتحققت مش فاضل منها حاجه، انا من شويه كان عمرو دياب بيغني في فرحي، مع اني مش مستوعبه ولا مصدقه وحاسه اني في حلم بس ده حصل، وكمان مسافره لندن اقضي شهر عسل فيها وانا بحلم طول عمري اني اروحها، الحلم الاخير والأكبر بالنسبالي انك اني بقيت مراتك بتاعتك وملك ايدك هصحي كل يوم الاقيك جمبي، هبوس ايديك الاتنين واقولك انت سيدي وتاج راسي، محمد انا مش متخيله ولا مستوعبه اللي بيحصل، انا حاسه اني في حلم
محمد بعد ان قاطعها بقبله من شفتيها عميييييييقه كادت ان تنقطع فيها أنفاسها : انتي في حقيقه مش في حلم
روضه بعد ان فتحت عينيها تحدق في محمد في زهول مما حدث : ايه اللي انتا عملته ده ياقليل الادب انت
محمد وهو ينظر لها بخبث : انتي لسه شفتي قلة أدب
روضه : محمد احنا في الطياره
محمد : الطياره بتاعتنا ومفيهاش حد غيرنا
روضه : انتا امتى بقيت قليل الادب كده
محمد : من وقت مبقيتي مراتي وحلالي وللي نفسي فيه بقى متاح ليا، انا طول عمري كده بس كنت محافظ على نفسي وعليكي لحد ماتكوني بتاعتي، يحرم علي عيني كانت تبصلك بصه مش حلال ليها
روضه بعد ان نظرت في عيني محمد بشغف : محمد انت ارجل شخصيه شفتها في حياتي ثم اقتربت من شفتيه وقبلته قبلتين خفيفتين متقطعتين اموووووه بحبك
جذبها محمد اليه وأصبح يلتهم شفتيها بشغف يبث لها في قبلاته حجم اشتياقه لها ويعبر فيهم عن مدى حبه الشديد لها…..
وكفايه كده علشان الحجات اللي جايه حجات خاصه ومش من مصلحة الجمهور 
ف متركذوش فيها دول طلع عين امهم علشان يوصلو لبعض
خمسه في عينك ياللي بتقرا
*******، ***********، ************، ************
بعد مرور عدة سنوات في ڨيلا محمد بالقاهره
محمد بفرحه شديده : انا جمعتكم كلكم النهارده علشان اقلكم خبر لسه جايلي النهارده طازه وهيفرحكم كلكم
بما انكم كنتو شركاء النجاح ووقفتو معايا خطوه بخطوه لحد موصلت وعذبتكم معايا وشحططتكم انا عارف، احب اقلكم ان كل تعبي وتعبكم ده مراحش على الفاضي احب اقلكم ان شركتنا اتصنفت انها الأولى عالميا من بين شركات الاستيراد والتصدير ودخلت موسوعة جينس لتخطيم الأرقام القاسيه في اوقات زمنيه قليله
الجميع : هييييييييييه واشتد التصفيق بين جميع الحضور
تصافح محمد وجمال وعبده وعادل وضياء و (احمد) ( احمد هو ابن خالة محمد جمعته هو وروز علاقة مؤخراً بعد حفل زفاف محمد وروضه وتزوجوا على اثرها مؤخرا) بالقبلات بينهم وبين بعضهم
وتصافح أيضا روضه وحنان وميرنا وامنيه وروز ونور بالقبلات فور سماع الخبر وحلول فرحه عارمه بين جميع الأصدقاء
جمال : الف مبروك يابوس ومن نجاح لنجاح دايما يارب
محمد : الله يبارك فيك ياحبيبي اللي انا وصلتله ده بفضل ربنا ثم بفضل دعمكم ووقفتكم جمبي انا من غيركم مكنتش هوصل
احمد : الف مبروك يابن خالتي ومن نجاح لنجاح دايما يارب
محمد : الله يبارك فيك يابو حميد يلا شد حيلك وكفايه دلع علشان هيكون عليك مسؤليه كبيره انتا وروز الفتره اللي جايه دي
احمد : ان شاء الله كد المسؤليه
محمد : ان شاء الله، قدامكم اسبوع اهو اعملو فيه اللي انتو عاوزينه علشان كل واحد يسافر يمسك فرع من الشركه، مش هينفع تكون دايره الفروع ناس غريبه ولا ايه
عبده : اكيد ياصاحبي
محمد : احمد انت هتاخد روز وتسافر فرنسا لان الشركه الام هناك في باريس ولينا هناك فرعين، روز طبعا فاهمه الدنيا وهتفهمك طبيعة شغلك، وانت ياجمال هتاخد حنان وتسافر ألمانيا تمسك الفرع اللي في ميونيخ هناك، وانت يابودي هتاخد نور وتروح تمسك الفرع اللي في إنجلترا، وانت ياضياء هتروح انت وامنيه تمسكو الفرع اللي في لندن، ونتا ياعادل هتاخد ميرنا وتروح تمسك الفرع اللي في إيطاليا، وبكده يبقى كل الفروع الكبيره اللي بالنسبه للشركه تحت السيطره وانا هباشر باقي الفروع التانيه وهمسك فرع مصر الرأيسي طبعا لان الواحد تعب من الغربه، ها في اي حد عاوز يقول اي حاجه
الجميع : لا تمام
محمد : علي خيرة الله
قاطعهم صراخ من اميره بنت امنيه وهي تتجه نحو والدتها عااااااااااا
امنيه بلهفه : مالك يا اميره بتعيطي ليه
اميره وهي تبكي وتضع يدها على عينيها : ماما انا بقيت حامل خلاص
امنيه بدهشه : حااامل حامل ايه يابنت الجزمه وجبتي الكلام ده منين
اميره وهي تبكي : اصل عمر باسني في شفايفي خمس بوسات من غير ميقولي انو لو باسني هبقي حامل، مقاليش غير بعد مباس وخلص عاااااااااااااا
الجميع : هههههههه هههههههه هههههههه
بعد ان فاقت امنيه من نوبة الضحك الهستيري بعد كلام ابنتها ركضت خلف عمر : خد يابن الكلب انتا بتبوس بنتي ليه
عمر وهو يركض تجاه محمد : بابااااااااااااه ثم قفذ بين احضانه
محمد وهو يبعد يد امنيه عنه : ههههههههه ايه اللي انت عملته ده
عمر : انا بحب اميره يابابا ومتخافش انا بستها علشان تبقى حامل ومحدش يتجوزها غيري وانا بعد كده اتجوزها، انا عارف انك بتحب طنط امنيه وعمو ضياء وهما كمان بيحبوك وبيحبو ماما روضه يعني هتجوزونا لبعض مش كده
الجميع يضحك ضحك هستيري على كلام عمر
ميرنا بمزاح : جبت الكلام ده منين ياض يابن الجزمه انت
الجميع هههههههه
امنيه : هيطلع لمين يعني، مهو لازم يطلع قليل الادب زي ابوه
الجميع : ههههههههه
محمد : عاجبك كده ياعم اديك جبتلنا الشتيمه
امنيه : طيب وحياة امك مهجوزهالك ياعمر
عمر وهو ينظر إليها بغضب من بين أحضان والده : طيب ابقي اعمليها يا امنيه وانا هولعلك فيها
الجميع : هههههههه هههههههه هههههههه
امنيه : هههههههه مش قادره هههههههه هموت هههههههه اقتلو الواد ابن الجزمه ده قبل ميكبر هههههههه
الجميع : هههههههه
محمد موجهاً كلامه لعمر : انا هجوزهالك غصب عن عين اونكل ضياء وطنط امنيه وغصب عن عين التخين
عمر بعد ان وقف واحتضن والده وقبله من وجنته : ربنا يخليك ليا يابابا ثم نزل من على رجلي والده وتوجه باتجاه اميره ومسكها من يدها : يلا نكمل لعب بس مش تنطي من على الكنبه تاني علشان انتي بقيتي حامل دلوقتي
الكل يضحك ضحك هستيري : هههههههه هههههههه هههههههه
ميرنا : يخربيت ابوك عيل يازين ما ربيتي ياروضه والله، دانا هخلي جولي بنتي بعيد عنه
روضه : هههههههه ياختي وربنا انا مليا دعوه دي تربية ابوه
امنيه : ونعم التربيه، تربيه وسخه
الجميع : هههههههه
محمد موجها كلامه لعمر : بنات اعمامك كلهم حبايبك وكل حاجه معاهم متاحه العب انت بس ومليكش دعوه
عمر وهو ينظر إلى والده بغضب : كلهم وحشين شبه أمهاتهم مفيش غير اميره اللي زي القمر وانا بحبها هيا بس والحمد لله انها مطلعتش شبه طنط امنيه كده
الجميع بضحك هستيري : هههههههه هههههههه هههههههه
امنيه : انت جايب الواد ابن الكلب ده ازاي
الجميع : هههههههه
ميرنا : ربنا يديم ضحكتنا ويديم لمتنا يارب بس من بعد الأسبوع ده كلنا هتفرق وكل واحد هيروح بلد شكل، تفتكر يامحمد هنتلم كده تاني
محمد بعد ان نظر للجميع بابتسامة رضي : لا ندري ما تخبأه اقدارنا
*******، ***********، ************، ************
النهايه..
تمت بحمد الله
#رواية
#ما_تخبأه_اقدارنا
بقلمي محمد خلف
رواية ما تخبأه اقدارنا الحلقه السابعه
