#جحيم_شمس_المعارف
لحد امتى هفضل هنا مش عارف انا هنا بقالى اد اى و لا إيه الوقت اللى لسه المفروض افضل فيه هنا كل دا بسببى لو مكنتش دخلت نفسى ف المواضيع دى م الاول كان زمانى عايش حياتي طبيعى
الفضول هو اكتر حاجه ممكن تدمر صاحبها لما يكون معندكش سيطره على نفسك و تمشى ورا رغباتك من غير م تفكر والنتايج وقتها بس دا ممكن يكون طريق نهايتك ….
فلاش باك ….
من زمان و انا بحب الرعب و كل حاجه تخص الجن و العالم الاخر …. من زمان و انا بحاول اتواصل معاهم بأى طريقه …. عندى فضول شديد انى اكتشف العالم دا واعرف الكائنات دى عايشه ازاى …. طول الوقت كنت بعمل سيرش عن الحاجات دى وعن الطرق اللى توصلنى لاغراضى …. لحد ما ف يوم و انا سهران ع النت ك العاده يعنى لقيت اللى هيوصلنى ل اللى كنت بحاول فيه طول عمرى ….
بالمناسبة انا أشرف خالد الشهير بأشرف النمنم عندى 22 سنه عايش لوحدي …. بشتغل اونلاين ومعنديش صحاب تقريباً شبه مبطلعش من بيتنا انا بحب ابقى لوحدى اطول وقت ممكن مبحبش اتعامل مع الناس ….
الساعه كانت 3:10 فجأة لقيت بيدچ غريبه ع النت …. اول مره اشوفها مع انى متأكد انى مسبتش بيدچ مدخلتهاش طول فتره بحثى عنهم …. بصراحه اتبسطت اوى اما لقيت أخيراً حاجه جديده ظهرت … كان عندى فضول جامد انى اشوف إيه دى وهل ممكن توصلنى لحاجة ولا زيها زى اى بيدچ تانيه دخلتها زمان !!!!
دخلت البيدچ و كانت مختلفه تماما عن اى بيدچ دخلتها قبل كدا …. مش بس من حيث المحتوى …. لا دا حتى شكلها غريب فيها حاجه مش طبيعيه ….طول م انا فاتحها حاسس بحركه حواليا احساس إن فى حد معايا ف الشقه وقاعد جمبى ف اللحظه دى مش عايز يروح …. فضلت اقلب فيها وأقرأ الكلام المكتوب اللى حرفياً مش فاهم منه اى حاجه لحد م الفجر أذن ….
ف اللحظه دى اللاب فصل لوحده انا متأكد انه مشحون كويس ومفيش اى سبب يخليه يفصل ف الوقت دا !!!!
بصراحه مهتمتش للموضوع اوى و فتحت اللاب تانى علشان اكمل اكتشافى ف البيدج …. بس اللى حصل كان اغرب من انى اتجاهله …. البيدچ ملهاش اى اثر فضلت ادور عليها بكل الطرق بس مفيش اى نتايج دورت عليها بس اكنها مكانتش موجوده اصلا ….فضلت ف اللى بعمله دا على امل انى اقدر اوصلها تانى لحد م نمت ع الكنبه من كتر التعب
صحيت تانى يوم على صوت حاجات بتقع و تتكسر ف المطبخ الصوت كان جامد اوووى ….
جسمى كان واجعنى بطريقه غريبه لدرجه انى مكنتش قادر اقوم و اشوف ايه اللى بيحصل …. فضلت اقاوم الوجع لحد م قدرت اخيرا اتحرك شويه …. روحت للمطبخ كل م بقرب الصوت بيزيد بشكل بشع …. لحد م فتحت باب المطبخ …. ف اللحظه دى انا اتجمدت مكانى المطبخ مفهوش خدش حتى !!!! كل حاجه زى م كنت سايبها بالظبط محدش لمس حاجه !!!! مفيش اى صوت نهائي !!!!
روحت اغسل وشى عشان افوق و اقدر استوعب اللى بيحصل دخلت الحمام و غسلت وشى بس لفت انتباهي حاجه غريبه مرميه ع الأرض …. قربت منها بالراحه عشان اشوف اى دا ….
مش معقول!! دا .. كتاب !!!!!
طب ازاى و مين اللي جابه هنا …. انا معنديش اى كتب نهائى و مش من هواياتى قرايه الكتب اصلا !!!!
مسكت الكتاب بالراحه …. منكرش انى حاسس بخوف جامد وحاسس إن فى حاجات كتير بتتحرك ف المكان ف سخونه عماله تزيد ف المكان ….
حاسس بنفس سخن ف ضهرى …. عايز اشوف ايه دا بس خايف الف …. فضولى كان اقوى من خوفى و فعلاً لفيت اشوف مين ورايا ….
مفيش حد !!!! مفيش اي حاجه خالص بس لسه حاسس بالنفس بس دلوقتى بقى ف وشى …. مقدرتش اتحمل السخونه اللى طالعه ع وشى وبعدت مع انى مش عارف اى مصدرها …. اخدت الكتاب و طلعت برا قعدت ع الكنبه زى م انا متعود عشان اشوف ايه الكتاب دا و ايه حكايته و ازاى وصل لبيتى و خصوصاً الحمام !!!!!!
اول حاجه لفتت انتباهي للكتاب دا انه حرفيا مختلف عن اي كتاب ممكن تشوفه ف كل حاجه سواء الحجم او الرسومات الغريبة اللى عليه بس اغرب حاجه فيه و اللى صعب اى حد يتجاهلها إن غلاف الكتاب لا دا الكتاب كله مش وقت !!!! ايوه انا متأكد دا مش ملمس و لا حتى ريحه وقت !!!! دا … جلد!!!جلد حيوان او او او حتى … لا لا مش معقول يكون جلد إنسان لا طبعاً ايه التفكير الغبى دا مستحيل اكيد ….
فتحت اول صفحه م الكتاب و انا حرفياً قلبى هيقف من الخوف عقلى عامل زى المشلول مش عارف استوعب كل حاجه بتحصل ….
الدم اتجمد ف عروقى ف اول لحظه فتحت فيها الكتاب ..
لا لا دا جنان مستحيل يكون فى كدا الكلام مكتوب بدم !!!! الدم شكله جديد …. كأن لسه الكلام مكتوب دلوقتى !!!! مش عارف اقرأ حاجه لغه الكتاب مش مفهومه …. كلها عبارة عن رموز و ارقام ….
فجأة سمعت صوت من ورايا بيقول ” اهلا بيك فى رحلتك القادمة للجحيم مع شمس المعارف”…. الجمله فضلت تتكرر ف ودنى و كل مره الصوت بيكون اعلى و ابشع من المره اللى قبلها مش قادر اتحمله …. لفيت اشوف مصدر الصوت … اول مره اندم على حاجه زى اللحظه دى … شوفت منظر ابشع من اى حاجه ممكن تشوفها ف حياتك …. فجأة محستش ب أي حاجه …. مش عارف اى اللى حصلى حتى …. فوقت على نفس الصوت اللى سمعته …. بدأت افتح عينيا بصعوبه مش عارف اشوف حاجه فى ضوء قوى …. و سخنه كأننا ف الجحيم حرفيا حاسس جلدي بيسيح من الحرارة … مش عارف انا فين … اىه المكان دا … و ازاى جيت هنا اصلا ….فى حاجه بدأت تقرب ناحيتى …. ف الاول مكنتش عارف اشوف اىه دا … بس اما قرب منى اووى لدرجه انى بقيت حاسس بنفسه قدرت اشوفه …. ايوه هو نفس الكائن اللى شوفتو لما فتحت الكتاب …. شكلو ابشع من الاول ….. وشه مش باين فيه ملامح عباره عن فتحات شكلها بشع عنيه لونها اسود تماما لما تبصلها تحس انك بتبص للجحيم نفسه ….هو حاجه اشبه بالمسخ …. كان شكله مرعب بطريقه توقف القلب …. قرب من وشى اكتر و صرخ بصوت جاى من اعماق الجحيم و رجع كرر نفس الجمله ” اهلا بيك فى رحلتك القادمه للجحيم مع شمس المعارف”…. كمل قال … ” انت من ارادت العبث معنا….انت من فتحت ابواب الجحيم على نفسك …. و لن تنغلق الا بسقوط ورقتك …. انت الان فى جحيم شمس المعارف …. فلتستعد لما هو قادم” ….منذ تلك اللحظة تبدأ ساعه العمل …. وجودك ف الجحيم لن يكون للمرح …. سوف يطلب منك الكتير و الكتير لتقوم به ….+
* *
من اول يوم فوقت فيه و لقيت نفسى ف المكان دا و انا حياتى اتحولت 180 درجه …. اسمه الجحيم و هو جحيم فعلا ….
خلينى اعرفكوا ع المكان دا شويه …. الجحيم هو الطبقه السادسه ف النار …. من بدايه وجودى هنا عرفت اد اىه الإنسان كائن ضعيف اووى مقارنه بالكائنات التانيه اللى قابلتهم هنا …. عشان اقدر احافظ على حياتى اطول وقت ممكن ف المكان دا …. كان لازم انى اطيع اوامر امراء الجحيم السبعه …. كل امير هو شيطان لاحد الخطايا المميته …. و مكانش فى اى حلول ادامى غير انى اتعلم سحر شمس المعارف الكبرى …. ايوه هو نفسه …. الكتاب اللى بسببه انا هنا دلوقتى …. الكتاب دا لعنه حقيقيه …. هو اقوى من اى كتاب سحر ممكن ساحر يستحدمه ف الكون …. و لحظ البشر إن الكتاب دا مش موجود منه غير نسخه واحده بس اصليه و الا كان حصل كوارث كافيه تنهى الجنس البشرى كله ….
بدأت فعلا اتعلم كل حاجه تخص كتاب شمس المعارف بدايه من انى اعرف اقرأ الرموز و الارقام لحد انى اقدر استخدم اقوى الطلاسم و اصخر اقوى قبائل الجن ف خدمتى …. كانت بتشرف على تعلمى اميره الاميرات ” لاقيس” بنت لوسيفر …. ايوه بنت ابليس بنفسها هى اللى مسئوله عن تعليمى ….
كنت بتعلم بسرعه كبيره و ف فتره بسيطه جدااا كنت بقدر استخدم اى طلسم بشكل احترافى جدا و لا اشطر ساحر ف العالم بتاعنا ….
* *
الحقيقه إن لاقيس علمتنى حاجات كتير …. كنت بقضى طول اليوم معاها …. لحد م جه اليوم اللى طلبت فيه اننا نتجوز …. الحقيقه انا محتاجتش انى اخد وقت و افكر ف الموضوع لان جوازى من بنت لوسيفر دا كان ف صالحى …. و ف كل الاحوال انا مكانش ليا حريه الاختيار لانى لو حبيت ارفض ابقى بختار انى اموت بطريقه ابشع من ان حد يستوعبها …. فعلاً انا و لاقيس اتجوزنا …. وقتها بس اتفتحتلى ابواب الجنه بمعنى الكلمه …. بعد م كنت مضطر انى اطيع الأوامر …. بقيت انا الشخص اللى بيدى الأوامر ….مش بس لخدام الجن …. لا انا بقى معايا سلطات اعلى من كل امراء الجن …. مفيش قبيله من قبائل الجن تقدر تعصى اوامرى …. م عدا حد واحد بس هو اللى قراراته واوامره فوق الكل …. إبليس ….
إبليس هو كبير الشياطين …. ف كان لازم أنى اطيع اوامره من غير اى نقاش …. مجرد التفكير اصلا كانت تعتبر جريمه لازم تتحاسب عليها ….
كنت انا اكتر المقربين ل ابليس بحكم انى متجوز بنته …. فضلت الحياه ماشيه بشكل مثالى …. سلطاتى كل يوم بتزيد عن اليوم اللى قبله …. و خبرتى ف التعامل مع الطلاسم و السيطره على قبائل و امراء الجن بتزيد …. كل مرده الجن بقوا خدامى و مفيش حد فيهم يقدر يعصالى امر …. و دول اضعف حاجه ف الجن ف كنت بستخدمهم ف الامور البسيطه …. لحد م جه اليوم اللى هينهى كل النعيم اللى عايش فيه …. اليوم اللى بسببه هتمنى الموت بس هيكون الموت بالنسبالى رحمه هما مش هيرضوهالى …. اليوم اللى قررت اخد فيه مكان لوسيفر !!!!
قوتى و جبروتى كانوا بيزيدوا بشكل خلانى مش برحم حد …. لحد م وصل انى اقرر اسخر ابليس نفسه لخدمتى !!!! لاقيس كانت عارفه انا بفكر ف اىه …. حذرتنى إن اللى ف دماغى دا حسابه اقوى من ان انسان ضعيف زيى يقدر يتحمله …. اقوى امراء الجن معندهمش القوه الكافيه اللى تخليهم يقفوا ف وش ابليس و يتحدوا …. بس انا كنت واخد القرار …. الغرور كان عامينى …. يمكن كبريائى نسانى ان كل اللى وصلتله دا كان سببه هو ابليس نفسه ..!!
بدأت احضر ادواتى و كل الطلاسم اللى اعرفها …. تسخير ابليس لخدمتى مش هتكون حاجه سهله …. لازم اكون مستعد كويس …. مفيش مجال للغلط …. و اخيرا قررت استخدام العزيمه البرهتيه ….
بكدا انا جاهز اخد مكان ابليس …. اكيد هنجح انا متأكد …. مستحيل بالقوه الكبيرة اللى تخص العزيمه دى افشل …. بدأت اقرأ الطلاسم …. دلوقتى هبدا الشغل اللى بجد …. العزيمه البرهتيه مش اى حد يقدر يستخدمها …. لازم ساحر يكون متمكن جدااا عشان يقدر يستخدمها و تشتغل معاه …. على مستوى العالم مفيش غير 10 سحره بس اللى بيعرفوا يستخدموها …. و انا كنت بعرف استخدمها بإحتراف ….+
بدأت اقرأ العزيمه ….
” برهتيةٍ برهتيةٍ ،كريرٍ كريرٍ،تتليةٍ تتليةٍ ، طورانٍ طورانٍ ، مزجلٍ مزجلٍ ، ،بزجلٍ بزجلٍ ، ترقبٍ ترقبٍ ، برهشٍ برهشٍ ، غلمشٍ غلمشٍ ، خوطيرٍ خوطيرٍ ، قلنهودٍ قلنهودٍ ، برشانٍ برشانٍ ، كظهيرٍ كظهيرٍ ، نموشلخ نموشلخٍ
، برهيلا برهيولا ، بشكيلخٍ بشكيلخٍ ، قزمرٍ قزمرٍ ، انغلليطٍ انغلليطٍ، قبراتٍ قبراتٍ ، غياها غياها، كيد هولاءٍ كيد هولاءٍ، شمخاهرٍ شمخاهرٍ ، شمخاهيرٍشمخاهيرٍ، شمهاهيرٍ شمهاهيرٍ ، بكهطهونيةٍ بكهطهونيةٍ ، بشارش ٍبشارشٍ، طونشٍ طونشٍ ، شمخاباروخٍ شمخاباروخِ ، تمت الدعوة.
بسم الله الملك المحيط الدائم القديم الذي ملأساطع نور وجهه الأكوان وأمدّها بقوة هيبة سلطانه ، على كلّ ملك و جنى و إنسي وشيطان وسلطان ، فخافته جميع مخلوقاته وأذعنت وتواضعت الكروبيون من أعلى مقامتها و أجابت دعوة اسمه العظيم الأعظم لمن تكلّم به وأسرعت بالإجابة والبرهان المحكم المكتوب في ألواح قلوب
المتصرفين ، بدوح أجهزط عليكم أيتها الأرواح الروحانية العلوية والسفلية وخدّام هذا العهد الكبير أن تجيبوا دعوتي وتقضوا حاجتي ، بحق هذا العهد المأخود عليكم ياخدّام هذه الأسماء إلا ما أسرعتم إلا ماأسرعتم الانقياد فيما تؤمرون به،بعزّة المعتز في عزّ عزّه ، واوفوابعهد الله إذا عاهدتم ولاتنقضوا الأيمان بعد توكيدها وقد جعلتم الله عليكم كفيلا ، وبحقّ الذي ليس كمثله شيء وهو السيمع العليم ، احضروا واسمعوا وأطيعوا، وكونوا عوناً لي أقسمت وعزمت عليكم بعالم الغيب والشهادة الكبير المتعال ، وبحقّ الاسم الذي تعاهدتم به عند باب الهيكل الكبير وهو ، بعلشاقش، مهراقش ، اقشامقش شقهونهش، ومن يعرض عن ذكر ربّه يسلكه عذاباً صعدا وبحقّ آهيا شراهيا أدوناي أصباؤت آل شداي ، وإنه قسم لو تعلمون عظيم، الوحا الوحا العجل العجل الساعة الساعة احضرو اليا مسرعين مسرعين، أيتها الملائكة الطيبة المباركة النارية والترابية والهوائية والمائية والعلوية و السفلية ، ومن كان منكم يسترق السمع من السماء الى الارض ، ومن يوافق الكواكب والامور الخفيات والجليات، ومن يسير منكم بسير النجوم ، ومن يستضيء منكم بضوء الشمس والقمر ومن هو مجاور تحتهم ومن
يطير في الهوى ومن يهوى لملأ الاشجار والبراري والقفار والصحاري والمروج والآكام والجبال والمغارات، والسهل و الوعر ، والأماكن المتقطعة والطرق الصعبة والمواع الضيقة ، ومن خلقه الله من نار السموم وهو سامع مطيع يا نكير هورين هورين هورش هورش ياروخ أبراخ وبحق أشمخ شماخ العالي على كل برخ وبحق طشطيش يانطيطيوين يانطيطوه وبحق شلشليش باكورا آل قدوس علي قوي عزيز.”
خلصت العزيمه و كل حاجه تحت سيطرتى …. لحد م ظهر !!!! ايوه ابليس فعلاً ظهر كل الامراء و القبائل دلوقتى متسخرين لخدمتى ….اكيد هقدر ارغمه يطيعنى زى م الباقى اطاعنى …. امرتهم يسلسلوا ابليس …. الجن بدأ يتحرك ناحيته فعلاً …. بس حصل حاجه مكنتش متوقعها …. كل قبائل و امراء الجن سجدت لابليس !!!! مش معقول قوه ابليس و سيطرته عليهم كان اقوى من اقوى طلسم !!!! كل الجن دلوقتى بقوا ضدى ..!!
” هل كنت تعتقد ي ابن ادم انك اقوى من لوسيفر ..!! هل هيأ لك عقلك المحدود ان بإمكانك تسخير لوسيفر و الاستيلاء على مكانه ..!! لقد اثبت اليوم انك انت و سائر بنى جنسك اغبياء محدودى التفكير …. ف ها انت اليوم تستخدم سحرنا ضدنا …. و تخيل لك ان لديك القدرة على هزيمتنا …. نسيت اننا من اعطيناك تلك القوه …. كان عليك السمع والطاعة لنعفو عنك و نمنحك الحياه …. و ها انت اليوم عصيت اوامرنا …. لا عفو عنك اليوم ي ابن ادم …. ف من اللحظه تلك دقت ساعه العذاب”
ابليس خلص كلامه والجن بدأ يتحرك ناحيتى …. فضلت اقرأ كل الطلاسم اللى اعرفها عشان امنعهم يقربوا منى …. بس مفيش حاجه بتتغير …. ابليس بيضحك بصوت مخيف والجن حاصرنى و بدؤوا يلفوا سلاسل نار على جسمى …. اخر جمله سمعتها من ابليس ” مرحباً بك ي ابن ادم فى جحيم شمس المعارف …. استعد لما انت مقبل عليه “….
فوقت بعد وقت مش عارف اد اىه …. لقيت نفسى ف مكان شكله مفزع …. مليان هياكل بشريه و جثث بدأت تتحلل …. مش قادر اتحرك خطوه من بشاعه المنظر …. ف اللحظه دي اتفتح الباب و دخلت لاقيس ….+
” اهلا بك ي ابن ادم …. كيف حالك حتى الان …. هل انت مستعد لتلقى مصيرك “
بصراحه حاولت انى استعطفها عشان تساعدنى و تخلصنى م اللى انا فيه …. بس كانت الصدمه الاكبر بالنسبالى لما عرفت انها طلبت ليا ب اقصى انواع العذاب ف عقاب على خياتنى و عصيانى لاوامر كبير الشياطين ….
” لقد كنت اود و بشده ان يكون شرف نهايتك على يدى …. لكن كبيرنا قرر يتولى هو بنفسه تلك المهمه …. لقد خسرت ي ابن ادم …. ف انت لن تخسر فقط دنياك …. بل لقد خسرت ايضا اخرتك بإتباعك لنا …. لقد كفرت بربك و اتبعت إبليس ف خسرت دينك …. ثم عصيت إبليس و اتبعت اهوائك التى هى اشد فتنه من إبليس ف خسرتك دنياك …. ف ها انت الان مقبل على مالم يخطر ببال انسى من قبل” ….
خلصت كلامها و سابتنى وطلعت …. سابتنى و انا بفكر ف مصيرى اللى مش عارف هيكون اىه …. سابتنى و انا لاول مره افتكر ربنا …. طول حياتى و انا عايش بحاول اعرفهم و اعرف عالمهم …. بس و لا مره فكرت اعرف ربنا …. انا فعلاً خسرت كل حاجه …. معنديش حاجة دلوقتى اعملها غير انى ارجع و اتوب لربنا …. انا عارف انى دلوقتى كافر …. بس مش ف ايدى حاجه اعملها دلوقتى غير كدا …. لاول مره ف حياتى افتكر كتاب ربنا …. افتكر ان حاجه اسمها صلاه …. بدأت اقرأ سوره يس و الفاتحه و ايه الكرسي اللى حفظتهم و انا بتعلم استخدم شمس المعارف …. بدأت اقرأ بصوت عالى …. فضلت ساجد ع الارض و عمال اسمع السور اللى حافظها و ادعى ربنا ينجينى م اللى انا فيه …. حاسس بالمكان عمال يتهز جامد و سامع اصوات عماله تصرخ جامد و كل م اعلى صوتى الصراخ بيزيد …. القرأن بيعذبهم …. فضلت فتره طويله كدا … مش عارف بعدها اىه اللى حصل …. كل اللى فاكره انى فوقت ف مكان عامل زى الواى …. لقيت كتاب شمس المعارف مرمى جمبى و محروق …. دلوقتى بس عرفت ان ربنا سامحنى و اتقذنى م اللى كان هيحصل فيا …. من وقتها و انا بقيت انسان مختلف عن اللى كنت عليه …. بقيت اصلى …. و حفظت القرآن كله …. تقريباً معظم وقتى بقضيه ف المسجد …. قربت من ربنا جدااا …. و حياتى اتغيرت تماماً عن زماان …!
تمت.
