قصة طريق الشيطان

الجزء الثاني +الجزء الثالث والاخير

الصوره كانت صوره كريم وهو مقتول فضلت اصرخ اصرخ لحد ما فقدت الوعي…. لما فوقت لقيت نفسي علي سرير في مستشفى عندي صدمه عصبيه حاده… مكنتش مصدقه الي حصل… معقول كريم مات…كنت مسهمه مش بتكلم مع حد… صحابي زاروني في المستشفى وحاولوا يهونوا عليا لكن انا كنت في عالم تاني خالص…. الدكتور قال ان بنتكم من الافضل تقعد معانا في المستشفى شويه…… عدي عليا في المستشفى اسبوع مش قادره اكل ولا اشرب عايشه علي المحاليل كل الي قدامي صوره كريم وهو ميت دي الحاجه الوحيده الي مش بتروح عن بالي… بعد اسبوع من المهدئات والمحاليل بدأت افوق من الحاله الي انا فيها والدكتور قال لبابا تقدروا تاخدوا بنتكم بكره بس اهم حاجه ترتاح محدش يتكلم معاها في حاجه ولا يفكرها بحاجه…. نمت في الليله دي اخر ليله ليا في المستشفى وكنت حاسه ان اليوم ده مش هيعدي علي خير…. باب الاوضه خبط ولقيت ندا جيالي.. المفروض انها واحده جايه تعزيني لكن دي لابسه لبس كأنها رايحه فرح وقلتلي قلبي عندك يا حببيتي البقاء لله…. ماما واختي كانوا مستغربين هيا ازاي جاية بالبس ده عشان تعزي حد… مردتش عليها… قعدت شويه من غير ما تتكلم وبعدين قالت انا همشي بقا عشان خطيبي مستنيني بره.. وقربت مني عشان تسلم عليا وقلتلي ربنا يجعلها اول احزانك…. بصتلها وكنت عاوزه اقوم اجيبها من شعرها لكن تمالكت نفسي ومش عارفه ازاي……. بعد شويه لقيت اسلام جاي يزورني وقلي البقاء لله كان عايز يتكلم بس اخد بعضه ومشي علي طول……. في اليوم ده نمت نوم عميق لكني صحيت علي اسمي بيتقال زينه….. زينه… فتحت عينيا وفضلت اتلفت حواليا لكني مش شايفه حد لكن الصوت اتكرر تاني.. زينه.. زينه…… ده صوت كريم مكنتش مصدقه نفسي مشيت ورا الصوت وانا مسلوبه الاراده… خرجت بره الاوضه والصوت بيخترق عقلي.. الصوت هو الي ممشيني لحد ما وصلت للمشرحه…. انا اول ما شوفت الاسم بس الدم نشف في عروقي…. الاسم وحده يخوف اي حد مهما كان قلبه جامد ومش بيخاف…. الصوت لسه بيخترق عقلي…. دخلت المنظر جوه يخليك فعلاً مرعوب… ركزت مع الصوت كان جاي من تلاجه معينه من وسط التلاجات… بمد ايدي وانا خايفه وبترعش وفتحت التلاجه…. ها كريم جوه التلاجه… فضلت ابكي لكن حصلت حاجه خلتني صرخت الجثه فتحت عينيها وبصتلي وقالت انتي السبب في موتي انتي السبب في موتي…. صرخت… دخل عامل المشرحه وبيقولي انت اي دخلك هنا وبتعملي اي…. فضلت اقوله كريم عايش.. كريم عايش…. كنت زي المجنونة….. الراجل قلي كريم مين اخرجي من هنا.. بصيت علي الجثه تاني مكنتش جثه كريم……. الراجل خرجني وجات ممرضه رجعتني اوضتي….. والدكتور قال لبابا من الافضل ان بنتك تتعرض علي دكتور نفسي….. فضلت اعيط في الاوضه والدكتور اداني حقنه مهدئه عشان انام.. نمت وحلمت اني واقفه في اوضه سقفها عالي حيطانها سوده… والارضيه بتاعتها سوده مكان كئيب مقبض….. وشفت حد قاعد علي الكرسي قدامي في الضلمه كان كريم مقتول بطريقه فيها غل وكره… مطعون بسكينه في كل حته في جسمه….. قربت منه وانا بعيط وبقوله سامحني… رفع راسه وبصلي عينيه حمرا زي الدم وقلي انتي السبب في موتي انتي السبب في موتي ولقيته بيقوم من علي الكرسي وبايديه الاتنين بيخنقني…… بدأت اقاوم وبحاول ادافع عن نفسي لكني صحيت…. صحيت علي صوت الاذان.. اذان الفجر…… قومت واستغفرت ربنا….. وفعلا خرجت الصبح من المستشفى…. اول ما خرجت جالي استدعي من النيابه عشان موت كريم…. رحت انا وبابا…. دخلت لوكيل النيابه وقعدت قدامه وقلي شد حيلك البقاء لله احنا هناخد كلمتين وهتمشي….. والدي اتكلم وقال يا فندم بنتي تعبانه ولسه خارجه من المستشفى…. وكيل النيابه اتكلم وقال هي مش متهمه بحاجه دول مجرد كلمتين….. وبدأ التحقيق….. استاذه زينه… المرحوم كان على خلاف مع حد… قولتله لا….. قلي طيب الفتره الاخيره كان عصبي مثلا… قولتله لا كان طبيعي جدا… امممم اصل الاستاذ كريم لقيناه في بيت مهجور مربوط علي كرسي ومطعون بعشرين طعنه….. يعني معني كده انه الي قتله كان بينتقم مش مجرد جريمة قتل…. عموما تقدري تتفضلي ولو وصلنا لحاجه هنكلمك… مشيت ورجعت البيت من تاني….. مش عارفه افكر في الي قتل كريم والا في الي بيحصلي…. صعب ارجع لحياتي من تاني صعب ارجع اعيش واضحك واهزر حطوا نفسكوا مكاني انا واحده عريسها مات يوم الفرحه.. اتقتل………. قررت اروح ازور كريم الله يرحمه…. ماما حاولت تيجي معايا لكني رفضت وروحت لوحدي.. وقفت قدام القبر وفضلت ابكي واقوله سبتني ليه مشيت ليه ورفعت ايدي اقراله الفاتحه… لقيت نفسي ناسيه اي قرآن زي ما تكون دماغي اتمسحت.. حتي مش عارفه ادعي…. مشيت وانا مش فاهمه اي الي بيحصل معايا… وانا ماشيه عديت علي اوضه التربي وكان قاعد قدام الاوضه.. قربت منه وقولتله عندك مصحف رفع وشه وبصلي وكأنه شاف عفريت… برق وقال اعوذ بالله انصرف اعوذ بالله وجري دخل اوضته…. مكنتش فاهمه حاجه ورجعت البيت… اول ما رجعت لقيت التليفزيون شغال علي سوره البقره وكانت الايه….. بسم الله الرحمن الرحيم

وَاتَّبَعُوا مَا تَتْلُو الشَّيَاطِينُ عَلَىٰ مُلْكِ سُلَيْمَانَ ۖ وَمَا كَفَرَ سُلَيْمَانُ وَلَٰكِنَّ الشَّيَاطِينَ كَفَرُوا يُعَلِّمُونَ النَّاسَ السِّحر

صدق الله العظيم

انا محستش بنفسي ولا دريت انا بعمل اي… انا نزلت تكسير في كل حاجه وفضلت اصرخ اصرخ لحد ما فقدت الوعي….. شوفت نفسي واقفه في الاوضه تاني بس المره دي كنت ماسكه السكينه وهيا غرقانه دم وقدامي جثه كريم…… صرخت وحسيت بنفس سخن ورايا اتلفت وكانت الصدمه…..

لما اتلفت ورايا الي كان واقف كان مسخ بشع دميم…. مشوه وشه متقطع وغرقان دم… صرخت وانا بقوله انت عايز مني اي….. مكنش بيتكلم بدأت ارجع بضهري لورا وانا خايفه منه وقلقانه مرعوبه بتنفض وهو واقف مكانه في ثبات تام…. وفي لحظه جري نحيتي غمضت عينيا بسرعه عشان مش عاوزه اتخيل الي هيحصل…. لكنه مخبطش فيا انا حسيته بيخترق جسمي….. صحيت وانا بصرخ لقيت اهلي كلهم جمبي وفيه دكتور جاي يكشف عليا….. وقال بنتكم اعصابها تعبانه شويه من الافضل ترتاح ومتتعرضش لاي ضغط….. اداني حقنه مهدئه عشان انام….. نمت بعمق محستش بنفسي….. صحيت علي صوت رنه تليفوني كان رقم غريب رديت…. الو مين…. انا اسلام يا زينه ياريت متقفليش اسمعيني انا بس عاوز اطمن عليكي واساعدك……. قولتله انا كويسه يا اسلام بس يعني اي تساعدني… قلي انا عرفت ان كريم مات مقتول وعارف انتي حاسه بأيه دلوقتي ممكن اساعدك لحد ما نعرف مين الي قتل كريم….. قولتله اسلام انا بشكرك علي عرضك ده بس انا الحقيقه مش قادره اتكلم في حاجه دلوقتي خالص….. قلي براحتك خالص ووقت ما هتحتاجيني هتلاقيني…… قومت ودخلت الحمام عشان اغسل وشي.. نور الحمام بدأ يترعش.. جيت افتح الباب مش بيتفتح… النور قطع خالص والمكان بقي ضلمه مش شايفه حاجه بس حاسه بوجودهم معايا… تخيل انت في الحمام والنور قطع هتحس بأيه مش محتاجه تفكير هتموت من الرعب حتي لو مفيش حاجه حواليك كفايه انك واقف في بيتهم ومكانهم… وحسيت بحد واقف ورايا اتلفت لكن مفيش حد…. الباب خبط فتحت الباب وخرجت للصاله لقيت بابا بيقري قرآن… محستش بنفسي انا بقول اي لان مش انا الي بتكلم اه الصوت صوتي وخارج مني بس انا مش متحكمه في نفسي…….. اسكت متقراش تاني وحطيت ايديا علي وداني.. اسكت وبقيت اصرخ واكسر في كل حاجه في البيت… ابويا حاول يكتفني زقيته زقت عشر رجاله في بعض… وفضلت اشتمه انا مش عارفه انا بقول اي…… بدأت امسك دماغي ووقعت في الارض وبدأت اتشنج…. كنت شايفه منال واقفه مستخبيه ورا ماما ومرعوبه…. هديت ونمت مكاني علي الارض…. والدي شلني ونزل بيا وقال انا هحاول اتصرف واحل الموضوع…. وامي وراه طيب فهمني انت رايح فين فهمني… رايح للشيخ العارف… امي ردت عليه وقالت ده دجال هتودي بنتك لدجال… قالها انا معنديش حل تاني بنتك اتلبست وفعلا بعد ساعه وصلنا لبيت الشيخ العارف وانا اسفه اني بقول عليه شيخ…. بيت مقبض ريحته مقرفه جدا…. اول ما دخلناله كان باصص في الارض وقال قعدوها قصادي….. وفضل يتمتم بكلام مش مفهوم وبعدها مسك قلم احمل وبدأ يرسم علي جبيني حاجه… ورجع تاني يتمتم بكلام مش مفهوم… لكن فجأه برق وعينيه جحزت لبره وكأنه بيموت وبدأ يتخنق…. وفضل يقاوم وبعدها قال قوم يراجل انت خد بنتك وامشوا من هنا علاجها مش عندي…. الي علي بنتك جن عاشق وللاسف هو بقي متحكم فيها وانا مش هعرف اعمل حاجه… العلامه الي كانت علي جبيني اختفت معرفش ازاي….. ابويا اخدني ورجعنا البيت مش مصدقه الي بيحصل معايا… نمت بعمق معرفش قد اي لكني صحيت علي صوت بيقول كل نفس زائقه الموت…. سامعه صوت صراخ امي واختي.. هو مين مات… جيت اقوم انا متكتفه لا لا انا متكفنه جوه نعش…. اترفع النعش رايحين بيه ناحية المقابر… نزلوا النعش وخرجوني منه وفتحوا باب القبر….. اول مره في حياتي ادخل قبر… عايزه اكلم كل الي حواليا واقول اني عايشه لكن مش عارفه… انا متكفنه وابويا واخويا بينزلوني جوه التربه عاوزه اصرخ لكن مفيش صوت بيخرج مني… ومفيش دقيقه وسمعت صوت باب القبر وهو بيتقفل…. انا وسط اكفان كتير بس انا لسه عايشه كنت شايفه جوه القبر كويس ايوه شايفه الكفن الي جنبي بيتحرك وبيتقطع…. وخرج منه جثه وقعدت… كل ده بيحصل قدامي والجثه اتلفتت وبصتلي… صرخت لان ده يبقي يبقي كريم بس كريم مش مدفون هنا….. اخيرا صوتي خرج مني وفضلت اصرخ… لكن مفيش حد سمعني…. تعرفوا قعدت في القبر قد اي 3ايام من الصراخ والعياط ومحدش معبرني…. وفي اليوم التالت سمعت حد بيقرالي الفاتحه… ده صوت اسلام.. طلعت علي سلم التربه وانا بنادي عليه واخبط… قال مين الي بينادي عليا… قولتله وانا بعيط انا زينه انا عايشه الحقني يا اسلام….. من فتحه صغيره شوفت اسلام بيجري ناحيه اوصه التربي وبيخبط… التربي جاب المفاتيح وعبايه من عبايات مراته وجري وفتح التربه قلي البسي دي استري نفسك….. اخدتها منه ولبستها وخرجت اول ما خرجت وقعت بره القبر وفقدت الوعي…… فتحت عينيا وانا مش فاكره حاجه… فلاش باك سريع كان كفيل اني انهار انا في البيت وعلي سريري والمفروض اني رجعت في الموت…. سألت منال هو انتوا ازاي دفنتوني… قلتلي انا جيت اصحيكي لقيتك قاطعه النفس ومش بتردي عليا جبنالك دكتور وقال ماتت…. مكنتش مصدقه الي بسمعه…… الايام الي بعد كده كانت صعبه كوابيس وهلاوس وخلاص بقيت ملبوسه ومجنونه……. لحد ما في يوم لقيت اسلام جاي يزورني ومعاه واحد من منظره شيخ اسمه سعد…. اهلي رحبوا بيهم ولقيت الشيخ داخل الاوضه وبيقولي ازيك يبنتي…. قولتله الحمدلله… لقيت ماما جيباله ميه… قربها من بوقه وقري عليها حاجه وقال اشربي.. مسكت الكوبايه وشربت وزي ما تكون ميه نار صرخت… حط ايده علي دماغي وهو بيقول…. بسم الله ارقيكي من كل شئ يؤذيكي… اعوذ بالله وبحق لا اله الا الله وبحق اسم الله الاعظم العزيز الجبار… ان نتصرف الان بالحسنه…. اعوذ بكلمات الله التلمات من شر ما خلق…. بسم الله ارقيكي من كل شيء يؤذيكي….. فضلت اصرخ وهو يقول اخرج يا ملعون…. اخرج بحق لا إله إلا الله انصرف الان…. فضل جسمي يتنفض ورجعت كتير واترميت علي السرير لكن سامعه الكلام….. بابا قال بنتي مالها يا شيخنا.. قالوا بنتك كان عليها جن عاشق مسلط بالاذيه والمرض حتي الموت…. مين الي اذي بنتي يا شيخ… سكت شويه ومعلقش… رد عليا مين الي اذاها…… لقيت منال هتخرج من الاوضه.. لكن الشيخ قال علي فين يا منال…. قالت بتوتر هدخل الحمام…. قرب منها الشيخ وقال ليه يا منال عملتي في اختك كده ليه…. قلتله عملت اي…. قتلتي كريم ليه… احسنلك تحكي كل حاجه……….. انا كنت حاسه اني بحلم منال اختي هيا الي قتلت كريم وورا كل الي بيحصلي…… اتكلمت منال وقالت الحكاية بدأت لما رحنا الساحل وشفنا كريم.. حبيته من اول نظره لكن دايما كان مش واخد باله مني… حاولت اتقرب منه صدني وقلي اني لو حاولت اقربله تاني هيفضحني…. لحد اليوم الي جيه واتقدملك فيه.. النار كانت بتاكل في قلبي… ولاد الحرام دلوني علي دجال حاولت اعمله هو عمل بالمحبه لكن الشيخ قلي الراجل ده مع تحصين والجن ميقدرش يقرب منه…. قولتله انا عاوزه البنت تتعذب وتموت بالبطئ…. ويوم الفرح بعت رساله من رقمك لكريم عشان يجي المكان المهجور وجيه استخبيت وضربته علي دماغه وربطته في الكرسي النار الي جوايا خلتني اقتله… ايوه وبعدها معرفتش اعمل اي….. بابا سمع الكلام ده ونزل ضرب فيها بالاقلام واتقبض عليها واتحولت لمستشفي الامراض العقليه واتقال عليها مجنونه…… رغم صعوبه القصه الا انها حدثت بالفعل وبعد مرور سنة اتقدملي اسلام ووافقت عليه… رجعت اعيش حياتي من تاني وقررت اشاركم القصه

….

تمت

…..

محمودالأمين