الجزء الاول من قصتي قصه طبيب المشرحة (كامله) انا طالب في كليه طب
وطبعا زي ما الكل عارف بيبقى في شغل عملي
فا انا كنت بشتغل في المشرحه
وطبعا جثث داخله وجثث خارجه
والموت طبعا بكل أنواعه
الي بشع والي طبيعي
جات ليا جثه غريبه اوووي
ملامحها شبه ملامح الجن
كأن الي قتلها جن ومشوهه
كانت بنت او بقايا بنت
او أشلاء بنت منظر فظيع
انا بتيجي عندي جثث كتير
اول مره اشوف جثه كدا
متمزقه وأطراف جسمها متقطعه
كأنه انتقام مش موت طبيعي
ومنظر وشها فظيع
اتسابت الجثه عندي ومشيو
وانا طبعا بعشق الليل
بحب السهر واعيش في جو الرعب دا
كنت بحب اسمع عبدالحليم اوووي وأم كلثوم
اعمل وضع الطيران واشغل على الفون واعيش
وكنت ساعات بغني مع الاغنيه وانا بشرح الجثه
ومره وحده سمعت صويت
جاي من الاوضه التانيه للمشرحه
طلعت اجري وسيبت كل حاجا
وسيبت الجثه على السرير بتاع المشرحه
روحت ابص ملقتش حاجا في الاوضه خالص
انا اتصدمت وبلعت ريقي بالعافيه
مع العلم ان مفيش حد نهائيا بيكون موجود بعد الساعه 8
ورجعت لقيت ان الجثه اختفت
انا حطيت في دماغي انها اتسرقت
لان جثث كتير اتسرقت من المشرحه لأعمال غير مشروعه وقدمنا بلاغات كتير
بس الي خوفني اوووي ورعبني ان الأبواب كلها مقفوله ومفيش حاجه مفتوحه ازاي اتسرقت
مسكت تليفوني وفتحته لقيت 20 مكالمه من ابويا
رنيت عليه قالي مين الي كلمني وقالي انك مش جاي خالص الا بعد اسبوع
قولتلو انا يا بابا
قالي اه انتا
وصاحبك كان صوته غريب وتخين زياده عن اللزوم
وقال انك انتا وهوا في المشرحه لوحدكم ومش فاضيين خالص
انا اتفاجئت بس سكت شويه وحسبتها مع نفسي قلت اكيد في حاجه غلط واكيد الجثه دي وراها حاجا غريبه وغامضه بس الرعب كان مسيطر علي قلبي من ساعه ما اختفت الجثه
قولت لوالدي اكيد في حاجا غلط وانا ها اكتشفها يا والدي سلام دلوقتي
قفلت معاه ومسكت تليفوني ورنيت على صاحبي هوا ظابط في الشرطه
بس كان الوقت اتأخر
بعد محاولات كتير فتح عليا
قولتله الحقني الجثه الي انا كنت شغال فيها اختفت
قالي اختفت ازاي انتا معاك حد في المشرحه
قولتله معرفش انا كنت شغال فيها وسمعت صويت في الاوضه الي جمبي
طلعت اجري عشان اشوف الصوت ملقتش حد
رجعت ملقتش الجثه
قالي طب الأبواب كانت مفتوحه
قولتله ما انتا عارف هما بيقفلو عليا المشرحه
قالي ازاي اختفت مستحيل تختفي كدا اكيد في حاجه غلط
قولتلو ازاي انا دلوقتي كلامك خوفني اكتر وانا من ساعه ما اختفت وانا مخضوض
لازم تشوفلي حل
قالي انا اسف الوقت متأخر وانا ورايا شغل الصبح
قولتلو طب الحل ايه انا معرفش حاجه ها افضل كدا
قالي كلم المدير يجيلك تشوف القصه دي
عشان متتحملش انتا المسئوليه
قولتلو اتحمل مسئوليه ايه بقولك اختفت
ومنظرها كان مخيف
وانا بكلمه لقيت في حاجا في التليفون
ببص في التليفون لقيت رقم بيرن عليا قولتله خلاص انا ها اكلمك تاني بكره نشوف القصه دي
قالي تمام وقفل
بفتح على الي رن عليا مفيش صوت
الو الو الو مفيش صوت
بعد كدا سمعت صوت غريب اووي
كأن حد بيقولي الحقني
انا اترعبت اكتر ما كنت مرعوب
لان الصوت انا حاسس اني سمعته قبل كدا
دا صوت ابويا … يتابع
الجزء الثاني من قصتي ( طبيب المشرحة )
دا صوت ابويا ازاي ازاي دا صوته انا متأكد
لقيته بيقولي الكلمه الي انا ديما عارفها
ازيك يا دكتورنا الفاضل وقعد يضحك
انا اتلبشت مكاني وجسمي ساب خالص
انا قولت ابويا ماله كدا فيه ايه
ايه الي حصل معاه وايه الطريقه دي
وايه الرقم الغريب الي بيكلمني بيه دا
فجاءه لقيت صوته اتغير لصوت حد انا معرفوش
وقالي انتا مش لوحدك يا دكتور انا معااك
والسكه فصلت مره واحده
ومره وحده لقيت ايد بتتحط عليا
اترعبت مكاني ومقدرتش اتحرك
لقيت رقبتي ابص اشوف مين الي حط أيده
لقيت الجثة واقفه قصادي وكل حاجا فيها سليمه
وكأنها محصلش فيها اي حاجا
اتصدمت ووقعت علي الارض من الخوف
لقيت الجثه بتبصلي وبتضحكلي
وفجاه قربت عليا وبقي وشها في وشي
وقالتلي مش قولتلك انتا مش لوحدك يا دكتور
وقعدت تضحك ضحك هستيري ومخيف اوي
فضلت اصرخ واستعيز بالله من الشيطان
وحطيت ايدي علي عيني وفضلت اقراء قرآن
لحد ما الصوت اختفى
فتحت عيني لقيت الجثة اختفت ومفيش اثر لأي حاجا
فجاءه لقيت التليفون بيرن
قربت عليه اشوف مين الي بيتصل
لقيته الظابط بيرن عليا
فتحت بسرعه وحكيتلو الي حصل
قالي انتا لازم تخرج من عندك في اسرع وقت
ولازم تتحرك لمكان امن عشان ميحصلكش حاجا
اهدا انتا بس كدا وها تبقى بخير
قولتله انا مش ها اعرف اتحرك مكاني اعصابي مش شيلاني
قالي طيب اتصل علي اي حد ييجي يخدك ويقعدك في مكان امان
قولتله انا ها اتصل علي البواب يتصرف وييجي يطلعني من هنا
قالي تمام وبكره اول ما تصحى تيجي عندي القسم وتعمل محضر بالاختفاء وبأذن الله انا معاك في اي حاجا لحد ما تلاقي الجثة
قولتله انا متشكر جدا لخدماتك وبأذن الله بكره الصبح ها اكون عندك
قفلت معاه لقيته رن عليا تاني بعد ما قفل بثواني
فتحت عليه قالي انتا كويس
قولتله ايوه بس اعصابي تعبانه ها اكلم البواب ييجي يخدني
لقيته قعد يضحك شويه وبعد كدا قالي طيب كويس انا ها اقفل دلوقتي وقفل السكه فجاءه
بعد ما قفل اتصلت علي البواب ووصل عندي وفتح ليا وشاف منظري وسندني لحد ما خرجنا من المشرحة وسأل علي الجثة بس انا بصيت ليه وسكت
وروحت مكان امان وهديت اعصابي ونمت
ولما صحيت غيرت هدومي وروحت القسم للظابط
قعدت معاه وحكيتلو على الي حصل بالتفصيل
وقولتله انا متشكر انك كلمتني امبارح بعد ما قفلنا تطمن عليا
قالي مين الي كلمك
قولتله انتا الي كلمتني بعد ما كنا بنتكلم علي اني اروح مكان امان انام فيه
قالي انا مكلمتكش بعد آخر مكالمه بينا
قولتله دا هزار بايخ منك انا اعصابي مش شيلاني اصلا
قالي قسما بالله ما كلمتك إمبارح تاني
وهيا المكالمه بتاعت انك تروح مكان امان وبعدها تيجي الصبح ليا فقط
قولتله ازاي امال مين الي رن عليا من تليفونك واطمن عليا
قالي ممكن تكون بتتخيل او هلوسه للخضه والشغل
قولتله مش عارف بس انا لازم اعرف حكايه الجثه دي ايه
لان انا باين عليا اتجننت أو في حاجا بتحصل ولما ملقتش حل ها نتأذي كلنا
قولتله انا ها اعرف موضوع الجثه دي ايه وخليك علي اتصال معايا
وقومت من عنده وروحت الأرشيف بتاع المستشفى وبصيت على الاسامي والقائمه الي موجود فيها الجثث واخر جثه وعرفت الاسم والعنوان وطلعت عليه
كان بيت عادي دور اول
وكان فيه زوجين كبار في السن وشاب صغير
دخلت وعرفتهم بنفسي وقولت اني شرحت جثه بنتهم
وحكيت علي القصه كلها
لقيت الراجل باصص ليا كأني قاتله حد
وقالي انتا شوفت ايه
قولتله ان جثه بنتهم كانت مشوهه ومتقطعه وكأن حيوان مقطعها غير انها طلعت ليا فجاه وكانت مخيفه جدا
وفجاه اختفت من قصادي بعد ما كنت مرعوب منها
لقيت امها قعدت تعيط
وحكت ليا الي عمري ما سمعته في حياتي
…يتابع
الجزء الثالث والاخير من قصتي ( طبيب المشرحة )
لقيت امها قعدت تعيط
قالت يا ابني انتا مش عارف الي حصل لبنتي دي اتظلمت اوي
قولتلها قوليلي الي حصل يمكن نلاقي الجثه
لقيت جوزها بيقولها اسكتي متتكلميش في الموضوع
قولتله انتا كدا بتضيع حق بنتك سيبها تتكلم
قالت بنتي كانت بتحب واحد
والواحد دا مكنش بيحبها ولا بيطيقها
واحنا حاولنا كتير اننا نمنعها تفكر فيه بس مقدرناش
وعرفت في يوم انها راحت لدجال عشان يقربلها حبيبها ليها ويحبو بعض
قولتلها دجال ايه وبيعمل ايه
قالت دا بيشتغل في جلب الحبيب وزياده الرزق والاعمال السفليه وحجات تغضب ربنا
كنت بسمع الكلام ومصدوم
وانا مكنتش اعرف ايه هيا الأعمال السفليه دي
قولتلها يعني ايه أعمال سفليه
قالت تحضير الجن وتسخيره والتعامل معاه والأمور دي
قولتلها كملي الموضوع وبعدين
قالت والدجال طلب منها حجات غريبة جدا
اجزاء من شعره وجزء من هدومه
وكيس دم لطفل حديث الولاده
قولتلها ايه القرف دا ليه كل دا يعني
قالت انا لما عرفت خوفت عليها دي بنتي
حاولت اعقلها واقولها تبعد بس مفيش فايده الحب أعمى
وبقيت من خوفي عليها بقيت اروح معاها في كل مره
بس جه في يوم هوا طلب منها حجات غريبه اوووي
طلب ديك صاحي وعيون جمل وغضم كلب وقماش مطلطخ بدمها وشويه أوراق مكتوب فيها اسم حبيبها
هيا نفزت الطلبات وروحناله تاني
واول ما دخلنا عمل حجات غريبه اوووي وكان حجات حوالينا بتتحرك جامد
واصوت صويت وأصوات مرعبه انا كنت ها اموت من الرعب انا وبنتي
ومره وحده بنتي جسمها اتنفض وشهقت مره وحده وبعد كدا اغمي عليها وقالي هيا كدا تمام روحيها البيت
اخدتها ومشيت ولما وصلنا قالت انا حاسه انه ها يحبني انا بقيت قويه وجميله شيفاني يا ماما وبعد كدا سكتت
قالت الكلام دا كتير اووووى لحد ما حسيت انها اتجننت
ولما لقيت الحاله بتسوء اخدتها للدجال يشوف فيها ايه
قالي ان الجن اتملكها خلاص ومش ها يخرج منها غير بالدم
قولتله ازاي يعني انتا المفروض تكون عملت عمل يجذب حبيبها مش يلبسها جن
قال دا اتفاق بيني وبين الجن وكان لازم جسم بنت يلبسه ولسوء حظ بنتك كان الطلب على جسمها هيا
قولتلو انا ها اوديك في داهيه
قالي ها تلاقي بنتك ميته موته بشعه لو فكرتي حتي تعملي حاجا
انا خوفت على بنتي وأخدتها ومشيت
وكنت مرعوبه منه ومن كلامه واسلوبه
قولتلها طيب وايه الي سبب موتها بالشكل دا
قالتلي جت بعد الي حصل دا بأسبوع ولقيت بنتي حالتها اتغيرت بقت بتطلع صوت تخين وسعات رفيع وشويه تصرخ جامد وشويه تضحك اتجننت خالص
وفي يوم لقيتها بتصرخ وبتكسر في اوضتها
طلعت جري عليها انا وابوها واخوها
لقيناها ماسكه ازازه من الأرض وعماله تشرح في وشها بطريقه بشعه وتبص لينا وتضحك انا صوت من المنظر جامد والناس اتلمت
واول ما بنتي حست ان في حد لقيت وشها قلب مره وحده وعنيها بقت حمره وبتطلع صوت وبتقول ها اقتلها لو مسبتوناش لوحدنا ها اقتلها لو مسبتوناش لوحدنا
وبعد كدا وشها اسود وبدأت تتخنق وكل ما نقرب عليها تضربنا وتبعدنا عنها ومره وحده لقيناها بتقطع في اجزاء من جسمها بطريقه مرعبه وبعد كدا ماتت
انا قولت لازم اشوف الدجال دا ويتقبض عليه ويتسجن أو يتعدم
اتصلت علي الظابط وقولتله علي كل حاجا
جالي اتصال من المشرحة بدخول جثة جديده
سألت عن الاسم واول ما سمعت الاسم اترعبت واتصدمت
دا اسم الدجال الي عمالين ندور عليه
انا سكت خالص ومصدوم من الي سمعته لانه كان كفيل يموتني من الرعب
تمالكت نفسي وروحت قايلها قوليلي على مواصفاته وكان موجود فين بالظبط
بعد ما قالتلي على التفاصيل رنيت على الظابط وحكيتله وقولتلو على تفاصيله وعنوانه يمكن نعرف حاجا ونرجع الجثه
بس بعد فتره من البحث الظابط كلمني الساعه 2 بليل وبيقولي مفيش فايده من البحث
قولتله انا عندي الجثة بتاعت الدجال ها اشرحها وممكن نلاقي خيط يعرفنا الموضوع اكتر
قال ليا خلاص انا جاي علي المشرحه
واول ما وصل قولتله الدجال ميت بنفس الطريقه الي كانت بيها البنت
قالي كدا في لغز كبير ورا كل الي بيحصل دا انا ها اروح القسم ادور علي اي خيط
قالي لا مع نفسك انا مليش في الجو دا
وسابني ومشي
وانا صراحه كنت خايف بس برضو كان عندي فضول اعرف سبب موته
فا شغلت اغنيه هاديه عشان تهدي اعصابي
وبدأت تشريح في الجثه
او ممكن نقول في الأجزاء المتبقيه في الجثه
لقيت حجات غريبه اوووي
لقيت خرابيش قويه جدا ومقطعه الجلد
ولقيت تغريز في جلده مكان القطع كأن الي كان بيقتله مكتف جسمه وعمال يقطعه
ولقيت مناطق فيها نقوش
ومناطق فيها لون غريب كدا اسود جدا ولما بلمسه بيقلب احمر اوي زي الدم
فضلت ساعتين اشرح في الجثه واستكشف اجزاء وابص
وتأكدت ان الي عمل كدا جن مش انسان
وانا شغال مره واحده أبواب التلاجه كلها اتفتحت
والجثث بدأت تقع منها
وفي أصوات غريبه بدأت تزيد في المكان
ووشوشه بصوت واطي بس سامعها
في حد بيقول انه ها يموتني
وها يكون نصيبي زيهم
وان موتى قرب جدا
وبعد كدا لقيت الصوت هدى خالص
قعدت على جنب وفصلت اعيط عشان مش عارف ايه الي بيحصل دا
ومره وحده لقيت الجثه بتتشال من السرير وبتتهبد على الأرض
انا صرخت من المنظر جامد
لقيت الجثه بتتكلم
والله بتتكلم وبتطلع صوت
بيقولي متخفش ها تموت موته سريعة
زي الي قابلك
انا خوفت ورديت عليه وقولتلو انتا مين
وبتعمل ليه كدا
وفين جثه البنت
قالي كلكم انس ضعيف
اجسامكم هشه
احنا أقوى منكم بكثير
نتفوق عنكم في القوه والذكاء
البنت وكانت ضعيفه ومكسور فا تملكت جسدها وحطمت قلبها بعد فتره من الوقت وكان بأمر الي كانت بتحبه وسيطرت على جسمها وأصبح ليا التصرف فيها
كانت طول الوقت ضعيفه وبتبكي في الحمام وتصرخ وانا اعشق صراخ الصغف دا
فا تملكت جسمها وعزبتها وبعدها قتلتها بالبطئ
وبالنسبة للدجال هههههههههههههههه وقعد يضحك ضحك مرعب جدا لابعد حدود
وقالي الدجال حاول ان يجعلني لعبه في ايده وانا من اقوي جنود ابليس ازاي يلعب بيا انا
هوا سخرني لخدمه الشاب الي البنت كانت بتحبه
وانا خلصت المهمه وهوا معرفش يصرفني فا انا عذبته شهور وقتلته بطريقتي
وانتا دلوقتي ها تموت زيه
وقام عليا بس مكنتش الجثه
كان الجن نفسه كان جسمه ضخم واحمر وعنده قرون ومخالب واسنانه بتسيل دم وكان مرعب جدا
انا اتصدمت واتخرصت ومقدرتش اتكلم
وصل عندي ومسك رقبتي ورفعني لفوق وفضل يخنق فيا ومخالب أيده بتتغرز في رقبتي
حاولت أفلت من قبضته ولكن مقدرتش
وفضل يصرخ عليا ويضحك ويقول ها يسيل دمك يا بشري زي غيرك ويضحك
وفجاه لقيت الظابط بيخبط على الباب ولكن مكنش في صوت
قعد يزق وينادي ومفيش صوت مني
خاف لاكون مت راح ضارب الباب بالنار راح مفتوح
الجن وقتها رماني علي الارض واختفى
دخل لقاني حاطط أيدي على عيني وببكي
سألني في ايه فضلت ساكت لحد ما اغمي عليا لاني نزفت كتير
اتنقلت علي المستشفي ومحستش بنفسي غير تاني يوم
والظابط واهلي حواياا
قالي انا عارف ان الوقت مش مناسب بس احكيلي حصل ايه
قولتله انا عقفت الي حصل وعرفت مكانجثه البنت وعرفت مين الي قتلهم
قالي كويس اوي مين بقي الي قتلهم
قولتله الشاب الي كان بيحب البنت
لما لقى أنها بتطارده في كل مكان حب يلعب شويه
وراح للدجال قبلهم وآداله فلوس عشان يسخر جن يأذي البنت ويشوفها وهيا بتتعذب
وبعد ما زهق خلا الدجال يسلط الجن يقتلها
وبعد ما قتلها الدجال معرفش يصرف الجن فا الجن خلص عليه
وقولتله مكان البنت وراح المكان لقاها وكان بيت الشاب
واتقبض عليه بتهمه قتل البنت والدجال واتحكم عليه بالاعدام
وبعدها تم دفن جثة البنت وجثة الدجال
واتقفلت القضية علي كدا
بس لقيت الجن بيظهر ليا ساعات ويختفى
ممكن من تأثير الصدمه ولكن مع الوقت ها يختفى
وانتهت القصة علي كدا
الشاهد من القصة الي ربنا كاتبه ليك ها تلاقيه مهما حاولت
ولازم تبعد عن شغل الأعمال والدجل لانه شرك وكفر بالله وطرد من رحمته ومش ها تكسب أو تكسبي حاجا
والمهم أن البنت تبعد عن العياط في الحمام نهائيا
لانه بيوصل للجن انك ضعيفة وسهل يمتلك جسدك
ممكن تعطيني في صلاتك ودعاءك وتقربك لربنا
لكن العياط في الحمام غلط ولازم ناخد الي حصل عبره لينا نتعلم منها
عموما انا لست موجود في المشرحه ومفيش اي حاجا بتحصل غريبه بعد الواقعة دي
