رواية فنجاني قتلهم الفصل الثالث

] انتي اتلعنتي بسبب جاريك ورا قرايه الفنجان والاستعجال على المستقبل

[ ] قولتلها انا معملتش حاجا كل الي عملته اني حبيت الحجات دي ومشيت وراها وبس

[ ] قالتلي انك تقرأي كتاب عن استخراج الروح وسجن الروح في العالم السفلى دا أكبر خطر ومصيبه ممكن تتخيليها او تحصل ليكي ولعيلتك ومش ها تعرفي تلقى ليها علاج

[ ] قولتلها وانتي عرفتي منين بقى بالي فيا دا كلو وبحكايه البدروم دي وحكايه رقبتي

[ ] قالتلي انا بحضر الجن عشان اعرف كل التفاصيل عن الإنسان إلى بيجيلي او يسئلني عن أي حاجه

[ ] قولتلها وانا اعمل ايه دلوقتي في الي بيحصلي دا

[ ] قالتلي استنى قدرك زي ما كنتي مستعجله على المستقبل استنى وجوده واحداثه

[ ] ولقيتها ماشيه وبتقول فنجانك ها يقتلهم فنجانك ها يقتلهم

[ ] واختفت تاني فجأه ومبقتش عارفه اتواصل معاها

[ ] لقيت صاحبتي مصدومه وبتقولي في ايه مالك وايه الي بيحصل معاكي

[ ] قولتلها مش عارفه في ايه شكلي كدا اتلعنت من العالم السفلي او في حاجا غريبه مش ها اعرفها خالص دلوقتي

[ ] وسيبتها وطلعت بسرعه على البيت عشان اشوف ولادي

[ ] وانا ناسيه في الطريق انا حسيت بحد بيراقبني وماشي ورايا وكل ما أسرع بالعربيه الاقيه بيجري بسرعه اوووي ويبقى جمبي بالظبط واشوف خياله في المرايا

[ ] صرخت جامد وسرعت اكتر ووصلت البيت نزلت من العربيه وبصيت ورايا ملقتش حد طلعت جري على البيت دورت على اولادي لقيتهم بيلعبوا على السلم ومفيش حاجا

[ ] قعدت افكر ها اعمل ايه بالظبط في إلى انا دخلت عليه ومش قده دا

[ ] افتكرت الكتاب الي قريته انه ممكن يوصلني اني اتواصل مع العالم السفلى واعرف هما بيفكروا في ايه وعاوزين مني ايه

[ ] نزلت البدروم تاني بس المره دي فتحت الباب للاخر وحطيت حاجا تسد المكان عشان ميتقفلش عليا زي المره الي فاتت

[ ] ودورت على الكتاب ولقيته فتحت اخر صفحه فيه وبدأت اقرا بصوت عالي الكلام المكتوب لحد ما فجأه لقيت الباب اتقفل جامد اوووي ولسا طالعه افتحه لقيت حد بيشدني ويسحبني لورا محستش بنفسي غير وانا قصاد عدد كبير اووي من الناس

[ ] وكلهم شكلهم مخيف ومقرف وريحتهم وحشه

[ ] وعمالين يبصولي كأني منبوذه او شكلي هوا الي قرفهم او مخوفهم

[ ] فضلت امشي وسطهم لحد ما وصلت لشخص كان أطول منهم في الجسم وشكله يرعب اكتر عنهم

[ ] قالي مستنيكي من زمان ممكن تقفي قصادي هنا

[ ] انا اخدت نفسي بالعافيه وبقيت ابلع ريقي بصعوبه وقولتله مستنيني انا وانتا مين

[ ] قالي انا ملك الشياطين في العدد الثاني من جزء الشيب والجيم من خدمه ابليس الكبير

[ ] قولتله وعاوز مني ايه

[ ] قالي انتي الي عاوزه مننا مش احنا

[ ] انتي لما جريتي ورا بتاعت الفنجان كنتي عاوزه تعرفي المستقبل بيقول ايه

[ ] وطبعا مستحيل انسان يتنبأ بالمستقبل لانه مش من صنع البشر

[ ] والغلط الكبير انك كنتي بتصدقي كلام الدجالين الي بيقرولك الكف او الفنجان وبتفكري انك عرفتي المستقبل

[ ] طب ها اقولك على حاجه انتي تعرفي ان بنتك ها تموت بعد 5 دقايق

[ ] شوفتيها في الفنجان او شوفتي انك ها تقبليني

[ ] قريتي الكتاب ودخلتي العالم بتاعنا وانتي متأكده انك متعرفيش حاجا عن المستقبل

[ ] يبقى استحملي لعنات وتغيير المستقبل

[ ] ومره وحده لقيت نفسي في البدروم والباب مفتوح وفي حد بيصرخ فوق

[ ] طلعت اجري على صوت الصريخ لقيت ابني واقف على أول السلم وبيصرخ ببص على السلم لقيت بنتي في آخر السلم ودمها بيسيل

[ ] طلعت اجري عليها وابكي وافوق فيها مبتفقش

[ ] صرخت ايه الي حصل قالي كنا بنلعب وهيا وقعت من على السلم ومقدرتش الحقها

[ ] بس يا ماما انا شوفت حاجا سوده كانت ورا اختي وبعد كدا لقيتها وقعت

[ ] اتصلت بابوهم وقولتله يلحقتي واتصلت بالاسعاف عشان تيجي

[ ] اول ما وصلت اخدت بنتي للمستشفى بس كان وصولنا متاخر بنتي كانت ماتت بسبب نزيف في المخ

[ ] بقيت عامله زي المجنونه وانا بنتي راحت مني بسبب استهتاري واستعجالي للمستقبل والي ها يحصل فيه

[ ] الفنجان زي ما الدجاله قالت قتلهم قتل بنتي ومش عارفه ها يقتل مين تاني

[ ] عيشت فتره صعبه جدا بسبب موت بنتي وبعدها عني

[ ] حالتي النفسيه اتدمرت وبقيت بسهوله جدا بتعب

[ ] وابني مبقتش اخد بالي منه ولا حتى اخد بالي من جوزي

[ ] وبقيت اسمع عن الدجالين كتير اوووي وعن التلاعب في عقول الناس الي بتيجي عندهم

[ ] ويقدرو ان هما يتواصلو مع الجن والشياطين ويقدرو يخرجو اي جن موجود في البيت أو في الجسد

[ ] انا بقيت بسمع حجات غريبه في البيت

[ ] اصوات ناس بتتحرك في البيت

[ ] وحجات بتتكسر وبتقع على الأرض

[ ] وكل يوم في نفس التوقيت الي بنتي وقعت فيه بسمع صوتها وهيا بتلعب وبتتكلم مع اخوها

[ ] لدرجه ان الموضوع اتطور وبقيت بحس ان في حد بيشدني من على السرير واول ما افوق

[ ] الاقيني واقعه من على السرير على الأرض

] في أمور غلط بتحصل وانا سببها

[ ] فضلت في العذاب دا اكتر من 3 اسابيع كل يوم تحصل مصيبه وحاجا مخيفه لحد ما في يوم اتجنن وقولت انا لازم اشوف حد يقرالي الفنجان عشان اعرف ها انتهى من الي بيحصلي دا امتي

[ ] بس اتذكرت ان الي كان بيكلمني قال اني بستعجل على المستقبل ودا الي بيسببلي لعنه ويمكن الدجاله الي قراتلي الفنجان كانت قاصده تجهل حياتي ملعونه بس لسبب انا مش فهماه

[ ] والشخص الي كنت شيفاه في الحلم ومكنتش شيفاه في الواقع اكيد سبب اني ابقى فيا حاجا كدا او غريبه

[ ] بس انا معرفش ازاي روحت المكان الي كنت بروحه عشان اقرا الفنجان ووقفت هناك وانا قلبي بيدق جامد اووي وخايفه

[ ] لقيت الدجاله الي كان قاعده اول مره الي قالتلي فنجاتك ها يقتلهم موجوده في نفس المكان وبتبصلي وتضحك

[ ] قولتلها انتي عاوزه ايه وبتعملي معايا كدا ليه انتي من يوم ما قريتي الفنجان وانا حالتي بقت صعبه وبقيت كل يوم تعبانه انتي شيطانه انتي مبعوته من مين

[ ] لقيتها بصيتلي ووقفت وقالت انتي الي بتشركي بالله مش انا انتي الي باصه للمستقبل قبل ما يحصل مش انا انتي الي بتجري ورا الي احنا بنعمله دا مش انا وانتي ايه الي جابك هنا غير انك عاوزه تعرفي ها يحصل ايه في المستقبل لو اتكلمنا على الغلط فا الغلط منك انتي مش مني

… يتابع