رواية فنجاني قتلهم الفصل الخامس و الاخير

[ ] لقيتها بصيتلي ووقفت وقالت انتي الي بتشركي بالله مش انا انتي الي باصه للمستقبل قبل ما يحصل مش انا انتي الي بتجري ورا الي احنا بنعمله دا مش انا وانتي ايه الي جابك هنا غير انك عاوزه تعرفي ها يحصل ايه في المستقبل لو اتكلمنا على الغلط فا الغلط منك انتي مش مني

[ ] انا اتصدمت من كلامها وقولتلها انا خلاص مش عاوزه اعرف حاجا ولا اتكلم عن حاجا انا عاوزه بيتي يرجع زي ما كان مش عاوزه اشوف ولا اسمع الي بيحصل عندي في بيتي دا انا مش عاوزه اتعب اكتر من كدا كفايه اني خسرت بنتي بسبب استهتاري وجهلي انا عاوزه اعيش

[ ] باصتلي وقالت فنجانك ها يقتلهم والوضع منتهي قرائتك لكتاب الأرواح دا أكبر دليل لاصابتك باللعنات

[ ] والجن أتمكن من البيت لا يموت كل الي فيه لا يتلبس جميع الأجسام الي بتسكنه

[ ] انا عرفتك الي حصل منك والي ها يحصل لو مسلمتيش ليهم الطاعه

[ ] امشي وروحي لبيتك ومتجيش هنا تاني عشان مسلطش عليكي اكبر اللعنات الي تصيبك بالجنون والموت

[ ] انا خوفت منها جدا وسيبتها ومشيت على البيت

[ ] قعدت افكر في إلى بيحصل ومجاش في بالي غير اني أولع في كل الكتب الي في البدروم ومن اولها كتاب الأرواح الي قريته

[ ] نزلت للبدروم وجمعت كل الكتب وولعت فيها وقفلت البدروم كويس جدا وطلعت للبيت

[ ] اليوم كان طبيعي جدا لحد ما لقيت ابني بليل جاي يجري عليا ويقولي يا ماما يا ماما الحقيني

[ ] قولتله في اي مالك ووشك احمر ليه ايه الي حصل

[ ] قالي انا شوفت عفريت في الاوضه وطلعلي من الحيطه وقرب عليا وكان شكله مخيف اووي وكان عاوز يموتني

[ ] انا خوفت على ابني جدا وقولتله فين مكانه يا بابا تعالي وريهولي

[ ] روحت الاوضه وبدأت ادور عليه بس مكنش ليه اي أثر قولتله فين العفريت دا قالي كان هنا

[ ] ومره وحده الدولاب اتفتح والهدوم بقت تخرج منه بطريقه مرعبه

[ ] قعدنا انا وابني نصرخ لحد ما ابوهم جه علينا واول ما وصل الاوضه ملقناش حاجا بتحصل والدولاب متحركش تاني

[ ] بقيت في البيت مرعوبه وجوزي مش واخد باله من اي حاجا بتحصل

[ ] بس انا بقيت مش مرتاحه في البيت بسبب الأصوات الي بسمعها والناس الي بتمشي كل شويه

[ ] نزلت عشان اشوف البدروم كنت خايفه يكون مفتوح وهوا الي خرج الشياطين دي علينا قربت من الباب

[ ] سمعت صوت حد بيتكلم جوا البدروم بس ازاي دا انا قفلاه بالمفتاح لقيته بيقول فنجانك ها يقتلهم

[ ] فنجانك ها يقتلهم انتظري اللعنه والموت البطئ والصوت عمال يضحك

[ ] فتحت الباب بسرعه ودخلت ابص اشوف الي بيتكلم لقيت حاجا طلعت من قصادي مره وحده واختفت

[ ] اترميت على الأرض وقعدت ابكي علي الي بيحصل دا ومش لاقيه ليه حل

[ ] اليوم الي بعده كان يوم 13/7 انا لسا فكراه بالتفصيل لانه يوم موت ابني قصاد عيني

[ ] اليوم من الصبح للساعه 10 كان طبيعي جدا ومفيهوش اي خوف او اي رعب

[ ] كنت انا وجوزي وابني مع بعض ومفيش مشاكل

[ ] ابني طلب انه يروح اوضته ينام ومشي عشان ينام

[ ] سمعت بعد عشر دقايق صويت في اوضته

[ ] طلعت انا وابوه جري على الاوضه لقينا ابني على البلكونه وواقف وعمال يكون يا بابا يا ماما الحقوني انا ها اموت

[ ] قولتله انزل يا حبيبي من عندك المكان خطر هنا

[ ] قالي في حد مكتفني مش قادر انزل الحقوني

[ ] ومره وحده لقيت ابني بينط من البلكونه وشوفته انا وابوه وهوا نازل على الأرض وميت

[ ] انا شوفت اكتر الايام تعب وموت في حياتي شوفت ايام صعبه جدا محدش يقدر يتحملها

[ ] بنتي ماتت قصاد عيني وابني كمان نط قصادي وجوزي حالته النفسيه اتدمرت

[ ] انا وجوزي نزلنا حري بعد ما نط عشان نلحقه ونوديه المستشفى بس كان مات قبل ما حتي نحركه من مكانه

[ ] طلعنا على المقابر ندفنه جمب اخته كانت الساعه 12 بليل

[ ] انا شوفت الشيطان الي طلعلي في الكابوس والي كلمني عن الدجالين والي بيقراو الفنجان كان قصاد عيني وكان وسط الناس وابني بيندفن

[ ] انا شوفت شكله بالتفصيل وكان بيضحك ومبسوط جدا انه قتل ولادي

[ ] انا رجعت البيت وطلبت اني ها اروح اتحجز في مصحه نفسيه لاني لو فضلت اكتر من كدا ها اموت

[ ] اتفقت اني ها امشي تاني يوم وها اروح مصحه نفسيه اتعالج من تعبي ومشاكلي دي

[ ] بس ازاي وهوا الي بيعملو كدا مش بشر دا جن وشياطين ومحدش بيقدر يشوفهم او حتي يبعدهم عني وعن البيت

[ ] نزلت من البيت وفضلت اجري في الشارع ومش عارفه اعمل حاجا ولا احل المشكله دي

[ ] فكرت اروح أبلغ عن الدجال الي قابلتها اول مره الي سبب في كل الي حصلي دا بس خوفت اتاذي انا وجوزي كمان ومبقتش عارفه افكر

[ ] رجعت البيت تاني وقولت لازم اقول لجوزي نشوف حل للي بيحصل في البيت والناس الي بتمشي وبتكسر وتخبط في البيت والي كانو سبب في موت ولادنا

[ ] ناديت عليه بس مكنش في رد منه فضلت ادور عليه بس مش لقياه في اي مكان في البيت

[ ] نزلت جري على البدروم لقيته مفتوح دخلت لقيت جوزي متعلق وشانق نفسه ومات

[ ] اترميت عليه وفضلت اصرخ وابكي لحد ما الجيران سمعت دخلت كسرت الباب ولقيتني ماسكه فيه عشان ينزل نزلوه وفضلت اصحى فيه بس كان الأوان كان فات

[ ] بصيت في جيبه لقيت ورقه طلعتها عشان اشوف فيها ايه

[ ] لقيته كاتب انا كنت بحلم يكون لي عيله سعيده من زوجه وأولاد يحبوني واحبهم ونعيش بخير وسعاده لكن من يوم ما انتي مشيتي ورا الدجل الي كنتي بتعمليه ضيعتي متعه الحياه وفرحتنا الي كانت في البيت وبسبب اهمالك ماتت بنتنا قصاد عينك وشيلتها بايدي ودفنتها ودا كان بيموتني اكتر من ألف مره وكنت بقول ياريت انا الي كنت مكانها فضلت طول الوقت تعبان ونفسيتي متدمره ومكنتش بيين ولا أوضح عشان الأمور تسير كويسه

[ ] لكن بعد ما ابني نط قصاد عيني ومات مكنش ينفع اكمل واعيش من تاني كان لازم اموت عشان حياتي من غير ولادي متسواش اي حاجا

[ ] انا انتحرت ودا بسببك انتي لأنك مسبتيش الدنيا تمشي زي ما ربنا ممشيها واتسرعتي عشان تعرفي المستقبل الي دمر حياتنا اول ما وصلناله

[ ] انا مش عاوزك تزعلي انا عاوزك تتغيري وياريت الي حصل يعلمك انا شنقت نفسي في البدروم عشان كنت عارف انه مكانك المفضل في قرايته للكتب والقعده فيه سلام

[ ] انا قرأت الكلام الي هوا كتبه وكنت ها اموت من الوجع والي بيحصلي

[ ] اترميت على الأرض ومحستش بنفسي الا في المستشفى

[ ] سئلت الي كانو موجودين انا هنا ليه ومن امتى

[ ] قالولي انتي هنا عشان جالك غيبوبه بسبب زعل وكانت ها تسبب جلطه في المخ وكنتي ها تموتي ولكن لحسن حظك الناس الي كانت معاكي لحقتك

[ ] ومن امتى بقى انتي جيتي من 20 يوم وكويس انك فوقتي النهارده احنا كنا فاقدين الأمل انك تفوقي او ترجعي الحياه تاني

[ ] قولتلها انا عاوزه اخرج من هنا حالا

[ ] قالت مستحيل انتي لسا قايمه من غيبوبه ولازم على الاقل خالص اسبوع

[ ] قولتلها لا مش ها تقدر اقعد هنا اسبوع ها اموت انا لازم اخرج

[ ] قالتلي عاوزه تخرجي ليه في ايه مهم عشان تخرجي له

[ ] من ساعه ما الناس جابتك هنا مشوفناش ليكي لا زوج ولا ولاد ها تخرجي ليه

[ ] قولتلها ما انا ها اخرج عشان اجيب حق جوزي والولاد بعد أزنك خرجيني

[ ] قالت لازم الدكتور المختص يسمح بكدا غير كدا مستحيل تخرجي

[ ] وسابتني ومشيت وانا فضلت قاعده ومش عارفه اعمل ايه ولا اتحرك من مكاني

[ ] لما جه الدكتور طلبت اني اخرج بالعافيه لما خرجت على مسئوليتي الشخصيه

[ ] اتجهت للقسم الي في المنطقه الي انا ساكنه فيها واديتهم موصفات الدجاله الي قرت ليا الفنجان

[ ] الظابط قالي الي حصلك دا كلو احنا منقدرش نعمل فيه حاجا الي احنا نقدر نعمله هوا اننا نبحث عن الدجاله دي غير كدا مستحيل نعرف نفيدك

[ ] طلبت يعملو محضر ويبحثو عنها وعن المواصفات الي انا قولت عليها

[ ] وركبت وروحت لشيخ المسجد الي جمب البيت طلبت منه ييجي يساعدني ويشوف البيت والي حصل فيه وحكيت ليه على كل حاجا

[ ] قالي يا بنتي البيت بتاعك حد عملك فيه عمل وفي حاجا غريبه فيه او حد حضرلك جن فيه بس ممكن تسمحيلي اجي البيت واشوفه

[ ] قولتله اكيد طبعا اتفضل معايا اوريك البيت

[ ] اول ما دخل البيت انا لقيته بيرجع كدا وبيبص على البدروم وبيقول في ايه هنا

[ ] قولتله مفيش غير كتب مولعه وشويه مخلفات وبس

[ ] قالي ممكن اخش فيه واشوف المكان اكتر

[ ] قولتله اه ينفع اتفضل خش

[ ] دخل المكان وفضل يقول قرآن والمكان يحصل فيه قلبان وحجات تتحرك وحجات تقع وكان البدروم محدش قادر يسيطر عليه

[ ] لقيته بيبصلي وبيقولي المكان كله فيه جن وشياطين

[ ] عاوز اشوف البيت كله والاوض كلها اوضه اوضه

[ ] قولتله اتفضل دخل معايا الشقه كلها والاوض كلها ووقف عند اوضه الأطفال وفضل يقرأ فيها وعملت نفس الي اتعمل في البدروم

[ ] لقيته بيبصلي وبيقولي المشكله مش مشكله فنجان ولا مشكله مستقبل المشكله مشكله أعمال سفليه في البيت كله

[ ] ممكن تقوليلي مين بييجي البيت هنا كتير

[ ] قولتله صاحبتي

[ ] قالي وبتيجي على طول وبتقعد في البيت كله ولا اوضه الأطفال اكتر

[ ] قولتله لا هيا مهووسه زيي بقرايه الفنجان وبتحب القراءه جدا وكانت بتقعد معايا في البدروم كتيرر نقرأ كتب

[ ] قالي تمام اوووي كدا الأمور بقت واضحه وانا عرفت مين السبب في كل الي حصل دا

[ ] قولتله يا شيخ انا قلقت اكتر ممكن اعرف في ايه وايه الي عرفته

[ ] قالي البدروم معمول فيه عمل تحضير للجن يتلبس المكان كله

[ ] واوضه الأطفال معمول فيه تسخير للمكان والأطفال وازيتهم

[ ] هيا صاحبتك كانت بتقعد اكتر أوقاتها فين

[ ] قولتله مع الاولاد

[ ] قالي هيا الي عملت كل الي حصل دا وانتي لازم تاخدي بالك منها وتعرفي دليل يخليها تتعاقب

[ ] وسابني ومشي وسابني ها اتجنن من كتر التفكير ومش عارفه اعمل حاجا

[ ] افتكرت جوزي كان بيقولي انه عنده ورق مهم جدا مينفعش حد يقرأه عشان ها يسببله مشاكل

[ ] كان حاطط الورق دا في الخزنه فتحتها

[ ] ولقيت الورق الي قال عليه موجود في الخزنه

[ ] فتحته واتصدمت لما قريت الكلام الي كان مكتوب فيه

[ ] جوزي قبل ما يتجوزني كان بيحب صحبتي وكان في بينهم علاقه

[ ] ولما حصلت مشاكل بينهم وبين بعض انفصلو نهائيا وبعد كدا اتعرف عليا واتجوزني وخلفت

[ ] ومكنتش اعرف العلاقه الي ما بينهم الا دلوقتي بعد كلام الشيخ

[ ] بس الي لفت نظري جواب كان مكتوب من صاحبتي لجوزي كانت بتهدده ان ها تخلي حياته جحيم وها تعمل فيه الي يخليه يتمنى الموت وميلقيهوش

[ ] وكان اخر جواب بينهم وبين بعض ومحدش بعت للتاني جواب من ساعتها

[ ] وبعد كدا احنا اتجوزنا وكانت الأمور كويسه جدا لحد ما هيا دخلت حياتنا وحببتني في قرايه الفنجان وكتب السحر والهلاوس الي كنت عايشه فيها

[ ] لقيت التليفون بيرن وكان الظابط الي انا روحتله وقدمت البلاغ وقال ها يبحث عن الدجاله

[ ] قالي احنا لقينا دجاله قريبه من الأهرامات ممكن تيجي تشوفيها هيا ولا واحده غيرها

[ ] قولتله حالا ها اكون عندك وركبت عربيتي وروحت له

[ ] واول ما وصلت شوفتها من بعيد مسكت رقبتها وقولتلها انتي الي قتلتي جوزي وولادي مش ها اسيبك غير وانتي ميته في أيدي

[ ] الظابط والي معاه بعدوني عنها وقالولي اني لازم اهدي

[ ] هيا لما شافت منظري وانها ها تلبس كل الأحكام الي عليها دي والمحضر الي ها يوديها في داهيه قالتلي انا معملتش حاجا

[ ] قولتلها لا انتي الي قريتي ليا الفنجان ومن يومها حياتي كانت سواد ومشوفتش يوم واحد حلو

[ ] قالتلي هيا الي قالتلي اعمل كدا هيا الي قالتلي اقرا عليكي هيا مش انا

[ ] الظابط لما سمع الكلام دا مسكها وقالها هيا مين بقى إلى تقصديها

[ ] قالت صاحبتها الي ديما معاها هيا الي قالت اني ااذيها هيا وعيلتها عشان هيا الي اتجوزت حبيبها وخلفت منه وهوا الي فضل مراته عليها وكان لازم تنتقم

[ ] لكن انا معملتش حاجا غير اني قريت على البيت وعملت عمل في في كتاب وهيا رمته في البدروم وانتي قريتيه وحضرتيهم كلهم في المكان مع ان الكتاب الي قريتيه مبعملش حاجا لا هوا ولا حتى الطلاسم الي فيه

[ ] الظابط عمل ضبط واحضار للي اتذكر اسمها الي هيا صديقتي

[ ] واول ما وصلت لقيتني في القسم دخلت وسئلت هيا هنا بتعمل ايه وانا كمان بعمل ايه

[ ] قولتله انتي اتكشفتي والاعمال الي عملتيها فيا وضحت كلها ودلوقتي انا ها اخد حق اولادي وجوزي منكم انتم الاتنين

[ ] صاحبتي لما سمعت الكلام دا قعدت تضحك على كلامي وتقول ها تقبضي عليا ازاي اساسا ومفيش دليل واحد يثبت

[ ] قولتلها شهاده الدجاله واعترفها عليكي وكمان الورق دا والجواب الي كنتي باعته تهديد لجوزي

[ ] كل حاجا توصلك لحبل المشنقه وانا ها اخد حقي منك

[ ] بعد الإجراءات والبحث ومطابقه كلام الدجال وخط تهديدها اتحكم عليها هيا والدجاله بالإعدام شنقا

[ ] روحت البيت لقيت البيت كله متبهدل ومفيش حاجا سليمه فيه

[ ] نزلت من البيت على الشيخ وجيبته وشاف منظر البيت قالي البيت مليان بالجن ولازم يخرجو

[ ] قولتله طب الحل ايه

[ ] قالي اخرجي من البيت ولما اناديكي تيجي تبقى تيجي

[ ] خرجت من البيت واستنيت لما ينادي عليا كنت بسمع أصوات كتير بتحصل وناس صوتها تخين اووي والبيت بيتكسر في كل حاجا ومره وحده الصوت هدى خالص

[ ] والشيخ بعدها ناداني وقالي انتي بيتك خلاص بقى متحصن ومفيش جن فيه بس لازم تسبيه فتره عشان ترجعي تتعودي على الأجواء دي

[ ] قولتله خلاص يا شيخ ها اسافر لأهلي اقعد عندهم لحد ما الأمور تهدأ وبعد كدا ارجع للبيت

[ ] قالي ماشي يا بنتي ونصيحه متأمنيش بتخاريف قرايه الفنجان ولا اي حاجه من الحجات دي

[ ] الحجات دي شرك والشرك ظلم عظيم وكمان لو بتأمني بيهم يبقى انتي خرجتي عن المله واتبعتي الشيطان واعماله

[ ] انتي خسرتي عيلتك بسبب انك مشيتي ورا الدجل والشعوذه دي يبقى تجنبيها ها تبقى مبسوطه ومرتاحه

[ ] مستقبلنا يا بنتي الي بيحدده ربنا واحنا ملناش دخل فيه ولا دخل اننا نعرفه يبقى نسيبه ونستني الظروف هيا الي تحدد وقدرنا ها يكتب حياتنا

[ ] ابعدي عن الحجات دي خالص وبعد ما ترتاح ارجعي عيشي حياتك وانسى الماضي عشان تعرفي تعيشي

[ ] وسابني ومشي

[ ] وانا روحت لأهلي قعدت معاهم لحد ما رجعت بيتي ودلوقتي عايشه

[ ] متسمعوش كلام الدجالين ولا بتوع التلت ورقات عشان ها يوصلوكو الضياع زي ما انا وصلت وضعت

[