قصة اللعبه

كلنا وفقنا و قولنا نقضيها قعدة شباب معاد محروس كان معترض على المدة بسبب انه الوحيد اللي فينا متجوز و عنده بنت عندها 8 سنين، المهم فضلنا نقنعه لحد ما قالنا :

-أنا هاجي أقضي معاكم ليلة حلوة و أرجع لملك بنتي تاني

وفقنا على كلام محروس على الرغم من اننا كنا حابين نقضي الاسبوع كله سوا و أتفقنا نتقابل يوم الخميس الساعة 12 بليل و هنسافر بعربيتي و عربية عماد..

يوم الخميس عدى عليا كريم بأزايز ID و طلب مني أشيلها في العربية :

=إية ده كله الله يخربيتك أحنا كده هنتعمي مش هنسهر سهرة حلوة

-يا سليمان فكها ده يا دوب كل واحد كام ازازة مش حوار

=كام ازازة اية يابني احنا اخر مرة شربنا كان في حنة محروس يا زفت أنت

-في اية يالا إنت و هو هتفضحونا كام ازازة مش هيقصروا يا سليمان ده هي ليلة خلصونا بقى ..

كان محروس جه قاطعنا و أحنا شبه بنتخانق و هدا الموضوع و طلعت بعربيتي على بيت عماد عشان نقابله هو و محمد أخوه و سيد و طارق بعدها سافرنا على طريق أسكندرية الصحراوي و على 3 الفجر كنا في شاليه عماد..

نمنا اليوم ده و قضينا بعدها يوم الجمعة طول النهار لف بالعربيات ،رجعنا بعدها الساعة 10 بليل و معانا الأكل ، أكلنا و ضحكنا و شربنا لحد ما فعلا أتعمينا الساعة وقتها بقيت 2 بليل، و احنا كلنا في حالة سكر معاد أنا و محمد كنا لسة شبه فايقين راح عماد قايم و قالنا :

-محضر لكم بقى حتة لعبة هطير الدماغ اللي أنتم عاملينها دي..

رد عليه سيد :

-يا عم لية كده يا عم خليها بكرة

-لا لا يا سيد فوق كده محروس لازم يحضر اللعبة معانا أصل من شروط اللعبة إن اللي يلعبها 6

سألت عماد :

-و اية هي اللعبة دي بقى؟؟

بدأ عماد يتكلم عن اللعبة و هو خارج من الشالية و في إيديه صندوق خشب كبير نسبيا:

-اللعبة هي deal or death

اللعبة 3 قواعد أول قاعدة إن اللعبة لما لتبدأ مينفعش تخرج منها غير لما تخلص ، القاعدة التانية هو إن اللعب بتحددلك سؤال أو تحدي و بتحددلك الشخص اللي تسأله أو تحداه

القاعدة التالتة إنك لازم تجاوب أو تعمل التحدي و إلا هيكون العقاب الموت، ها يا شباب نبدأ؟؟

أتحمسنا كلنا بعد كلام عماد و أدائه الدرامي و بدأنا نفوق شوية، فتح عماد صندوق اللعبة الخشب و أخد حجر و حفر نجمة سداسية على الرملة و طلب مننا نقعد على روؤس النجمة حسب الترتيب الأبجدي لحروف أسمائنا يعني كان ترتيبنا كالأتي “سليمان، سيد، عماد، محروس، ومحمد” طارق قالنا هتفرج بس ، بعدها طلع عماد لوح اللعبة و حطه في نص النجمة اللوح عبارة عن 100 مربعة زي السلم و التعبان و في اليمين كروت مكتوب تحتها deal or death اللي هو أسم اللعبة و في الشمال 6 كروت كتب عماد عليهم أسمائنا و لغبطهم و حطهم، بعدها طلع عماد 10 شمعات لونهم أحمر و حط شمعة قصاد كل واحد فينا أما عن أخر أربع شمعات فكانوا على جوانب لوح اللعبة ولعهم عماد و قعد ، بصراحة محمد بدأ يقلق و قاله:

-اية ده كل يا عماد دي لعبة و لا هنحضر..

عماد بص له نظرة اللي معنها أسكت خالص و بعدها بدأ يتكلم :

= اللعبة زي ما أنتم شايفين كل واحد هيرمي النرد على حسب ترتيبنا الأبجدي و هنبدأ نتحرك كلنا بنفس الحجر و كل واحد هيسحب كرتين كرت من كروت اللعبة هيكون فيه سؤال أو تحدي و كرت من الكروت ال6 على أساس رقمه في النرد و ده هيكون مكتوب فيه أسم الشخص اللي هتوجه له السؤال أو التحدي و لازم الشخص ينفذ نبدأ بيك يا سليمان..

-ماشي يا عم بعيد عن الدرامة الأوفر دب

رميت النرد طلع لي 6 سحبت كرت من كروت اللعبة و سحبت أخر كرت في أسمائنا و طلع الأسم محروس و فتحت الكرت التاني عشان أقوله

-deal or death “أتصل بأخر حد كلمته و أشتمه “

فتح محروس التليفون لكن لاقى إن أخر رقم كلمه كان مراته و رفض محروس وقتها التحدي بغضب :

-إية العبط ده يا عم زفت عماد أنا قايم أقعد على البحر شوية و بعدها أنام عشان أروح لمراتي و بينتي يا عم..

-يا محروس أنت رايح فين دي مكالمة هتخسر حياتك عشان مكالمة يا غبي

-حياة إية اللي أخسرها يا عماد بطل هبل أقولك على حاجة أنا رايح أتمشى شوية لأحسن القعده معاكم بخسارة..

سابنا محروس و مشي على البحر و كملنا لعب و جه الدور على سيد رمه النرد و كان رقمه 4 و سحب الكرتين و كان الأسم المسحوب محمد و أما الكرت فكان

-deal or death “تستدرك بنت و تقتلها”

=نهاركم أسود إية العبط اللي أنت جايبه ده يا عماد جريمة قتل عشان لعبة بقولكم إية أنا هقوم أخد دش و أنام عايزين تكملوا أنتم براحتكم..

-خد هنا يا جبان

=جبان جبان سيبنا لك الشجاع ياعم سيد

قعدنا نضحك و كملنا لعب و كان الدور على طارق اللي كمل معانا لعب بدل محروس كان رقم النرد 6 سحب كرتين و بعد لغبطة الكروت كان الأسم عماد أما الكرت بيقول :

-deal or death “تفصل الكهرباء عن المكان كله لحد ما يخلص الدور اللي بعدك “

وافق عماد بضحكة أستهزاء و قام نزل سكينة الكهرباء و جه عشان نكمل لعب أحنا الخمسة أنا و عماد و سيد و كريم و طارق و كان الدور على عماد نفسه رقم النرد كان 3 سحب الكرتين و الأسم طارق و طبعا متسألش أسم طارق كان وسط الكروت ازاي كده كده كنا شربين و مركزناش و اللعبة بتقول :

-deal or death “تنسحب من اللعبة في الصحراء لحد أخر اللعب “

قام طارق و أخد عربية عماد و طلع على الطريق الصحراوي و المفروض نرن عليه بعد نهاية اللعب و عماد كان بيرفع السكينة عشان الدور خلص و فجأة سمعنا صوت صريخ محمد من الحمام اللي فوق على ما طلعنا كلنا نكسر الباب على محمد كان الصريخ وقف تماما كسرنا الباب عشان نلاقيه مات في البانيو بسبب سلك عريان كان في المياة و مكتوب على المرايا “لقد أتممنا العقاب و قدامنا القربان فهو لاعب غير قدير بالعهد ” وشوشنا كلها أتقلبت و بدأنا نبص لعماد نظرة غضب مليانة بعلامات أستفهام عشان عماد ينهار :

-أنا لما أشتريتها كنت فاكر إنها مجرد لعبة معرفش إن هأخسر فيها أخويا و محروس حد يكلمه على تليفونه بسرعة ..

نزلنا بجنون ندور عليه على الشط و بنرن عليه لكن مع الرسالة المسجلة “الهاتف المطلوب مغلق أو غير متاح”، البحر حدف قصادي محروس على الشط عشان أصرخ و أنهار لكن أول ما كريم شاف المنظر ده بده يتكلم بخوف :

-أحنا لازم نكمل و نفذ كلام اللعبة مهما كان اية

المهم رجعنا للعبة تاني عشان نكمل الهبل اللي بدأنا بسبب عماد و حاولنا نتصل بطارق لكن تليفونه مبيجمعش بس كنت مطمنين عليه بسبب أنه نفذ التحدي و الدور كان على كريم و النرد 5 لكن الأسم كان برضو كريم معني كده إن كريم هو اللي هينفذ طلب اللعبة و كان كالأتي :

-deal or death “أقتل صديقك صاحب فكرة اللعب بالسلاح الموجود داخل صندوق اللعبة لأنه أدخلكم في حلقة الموت”

-بس أنا مقدرش أعمل ده…

قام عماد و جاب السلاح و سلمه لكريم و قاله إنه يضربه رصاصة طايشة و أنا وسيد واقفين نتفرج و قررت أدخل عشان أحاول أنقذ صحابي لكن عماد فضل يستفز كريم لحد ما ضربه بالنار عشان يموت عماد و كريم مقدرش بستحمل اللي حصل عشان نسمع صوت طلقة تانية و ينتحر كريم و نكون خسرنا الأتنين و يتكتب بعدها على الرمل ” لقد تم تسليم القربان فليس للجبن مكان في الحلقة ” قرأت الكلام ده عشان ميفضلش غيري أنا و سيد بعدها نبدأ اللعب الدور عليا و الكرت بقول :

-deal or death “أنت الفاز و عليك سحب تحدي لصديقك لأنهاء الحلقة”

يسحب سيد كرتين كرت بأسمي أما الكرت التاني بيقولي :

-deal or death “سلم اللعب لأصدقاء أخرين و أجبرهم على بدأ حلقة أخرى و أقرأ الظرف الأخير بالصندوق فأنت الأن الخادم الأعظم “

=يعني اية الكلام ده يا سيد يعني يا أسلم أروح تاني للعبة دي أو أموت

-طيب أفتح الظرف ده يا سليمان و شوف مكتوب فيه اية بس؟؟

فتحت الظرف عشان اللاقي مكتوب فيه :

“أنت الأن السيد عليك قتل الجميع و تسلم لنا المزيد من الأرواح لضمان سلامتك “

قفلت الظرف و أنا عارف هأعمل إية سحبت السلاح من جنب كريم و قتلت سيد كانت الساعة 5 الفجر خدت العربية بعدها و كلمت طارق عشان أعرف مكانه لكني لاقيت حادثة على الطريق ضحيتها كان طارق مهتمتش و فتحت التليفون تاني و كلمت سليم و فهمته إن عزمه هو شلته في الجامعة على يومين في اسكندرية و كمان مجهز له لعبة يبهر بيها صحابه و نزلت على القاهرة عشان أروح بيت أبن عمتي و أسلمه صندوق اللعبة و مفتاح الشالية بعد ما طهرته من الجثث و أنزل و فاتح صورة لسليم أبن عمتي من الفيس بوك و هو معاه خمسة صحابه من الجامعة…

“تمت”

-ياسمين علي-