قصة احفاد الشيطان
للكاتب: محمود الامين
القصه معظم احداثها حقيقيه وعلي لسان صاحبها
………………
استغفر الله العظيم.. استغفرك ربي واتوب اليك…. انا عارف يارب اني عصيتك عارف اني خرجت من رحمتك لما اشركت بيك… بس بطلب عفوك يا الله سمحني يا الله………. خرجت من الجامع تايه وحزين لكن فجأه صوته اخترق عقلي من جديد… انت غبي انت فاكر انه ممكن يغفرلك كمل يا صلاح كمل العهد الي بيني وبينك انا مش عايز آذيك انت عندك قوه تخليك تسيطر على البشر هتضيعها من ايدك ليه……. صرخت وانا بقوله كفاااااايه…. بسم الله الرحمن الرحيم
اللَّهُ لَا إِلَٰهَ إِلَّا هُوَ الْحَيُّ الْقَيُّومُ ۚ لَا تَأْخُذُهُ سِنَةٌ وَلَا نَوْمٌ ۚ لَّهُ مَا فِي السَّمَاوَاتِ وَمَا فِي الْأَرْضِ ۗ مَن ذَا الَّذِي يَشْفَعُ عِندَهُ إِلَّا بِإِذْنِهِ ۚ يَعْلَمُ مَا بَيْنَ أَيْدِيهِمْ وَمَا خَلْفَهُمْ ۖ وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ ۚ وَسِعَ كُرْسِيُّهُ السَّمَاوَاتِ وَالْأَرْضَ ۖ وَلَا يَئُودُهُ حِفْظُهُمَا ۚ وَهُوَ الْعَلِيُّ الْعَظِيمُ
صدق الله العظيم
بدأت اسمع صرخاته وبعدها قال هنتقم منك اشد انتقام…… رجعت البيت واول ما دخلت الشارع لقيت البيت بيولع وصرخات طالعه صرخات اهلي جريت علي البيت الناس منعتني من الدخول والنتيجه موت عيلتي بالكامل…… ليه كل ده حصل اكيد دلوقتي بتسألوا نفسكوا
…….قصة احفاد الشيطان
احفاد الشيطان
الجزء الاول
انا الشيخ صلاح عزت عندي 32 سنه متجوز منار وعندي بنتين هدي وايمان…. ابويا وامي عايشين وليا اخ واحد اسمه وليد خلاص علي وش جواز…… انا بشتغل زي ما مكتوب قبل اسمي شيخ انا شيخ الجامع والامام ومولانا زي ما الناس بتطلق عليا……. انا كمان معالج ايوه بالظبط زي ما جيه في بالك معالج بيعالج الناس من المس والسحر والتلبس…… اتعلمت كل ده علي ايد والدي الشيخ عزت الي كان بالنسبة ليا هو الاب والمعلم درست كتب كتير وبقي عندي مقدره اني اعالج اي حد مهما كان السحر اي ومهما كانت قوته لكن كل قوي فيه الي اقوي منه ومن هنا بتبدأ قصتي……. انا كنت ساكن في قريه معروف فيها ان حالات التلبس كتير وكل يوم حاله ولا حالتين من اهل البلد عندي عشان افك السحر وكانت فيه ناس مؤذيه تيجي عشان تعمل سحر وكنت برفض واطردها……. لحد ما الجيه اليوم الي غير حياتي كان يوم من ايام الشتا والساعه 10 بليل لقيت الباب بيخبط…. قومت من السرير وانا بقول مين جيلي دلوقتي… قومت وفتحت الباب كانت بنت في العشرين من عمرها باين عليها التعب وانها مش بتنام ومعاها راجل كبير في السن… اتكلم الراجل وقال السلام عليكم يا مولانا انا عطا من سكان القريه ودي بنتي شهد وكنا عاوزينك ضروري…. قولتلهم اتفصلوا شكل البنت عشان بس تكونوا معايا في الصوره وشها شاحب عينيها جاحزه….. دخلتهم الاوضه الخاصه بالشغل وقولت عاوز اسمع الموضوع بهدوء…. اتكلمت شهد وهي بتترعش انا مش
عارفه اي بيحصلي الموضوع بدء معايا بكابوس كنت بشوف نفسي عروسه في كوشه وجمبي واحد ملامحه مطموسه ومش باين منه اي حاجه…. لكن الموضوع بدء يزيد وكنت بسمع صوت بيخترق عقلي ويقولي انتي مراتي…… الكوابيس زادت وبدأت اشوف شخص علي باب الاوضه بليل كنت اصرخ واصحي اهلي ومكنوش بيشوفوه مبقتش عارفه انام حتي الصلاة كل ما اجي اصلي دماغي تتمسح ومش بفتكر ايه واحده…. لحد ما….. ما اي اتكلمي… في الوقت ده رد الوالد وقال لحد ما لقيت بنتي بتصلي في الحمام…… طلبت من البنت تغمض عينيها وحطيت ايدي علي دماغها وقولت
قصة احفاد الشيطان
بسم الله الرحمن الرحيم
اللَّهُ لَا إِلَٰهَ إِلَّا هُوَ الْحَيُّ الْقَيُّومُ ۚ لَا تَأْخُذُهُ سِنَةٌ وَلَا نَوْمٌ ۚ لَّهُ مَا فِي السَّمَاوَاتِ وَمَا فِي الْأَرْضِ ۗ مَن ذَا الَّذِي يَشْفَعُ عِندَهُ إِلَّا بِإِذْنِهِ ۚ يَعْلَمُ مَا بَيْنَ أَيْدِيهِمْ وَمَا خَلْفَهُمْ ۖ وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ ۚ وَسِعَ كُرْسِيُّهُ السَّمَاوَاتِ وَالْأَرْضَ ۖ وَلَا يَئُودُهُ حِفْظُهُمَا ۚ وَهُوَ الْعَلِيُّ الْعَظِيمُ
صدق الله العظيم
والمعوذتين وبعض الايات….. بدأت شهد تتشنج تتشنج ويخرج من بوقها رغاوي بيضه…… الوالد قلي كفايه يا شيخ بنتي هتروح مني سكت وهو خد بنته وقولتله يجيلي تاني بعد يومين…… خلصت الجلسه المرهقه دي ودخلت عشان انام نمت نوم عميق لكني صحيت من غير سبب علي الساعه2 ونص بعد منتصف الليل تعبان جسمي مكسر… قومت وانا حاسس بعطش شديد قومت ودخلت المطبخ عشان اشرب وفي لحظه اتجسد قدامي كائن ضخم وشه اشبه بوش الجدي عنده قرنين رجليه عباره عن حوافر طويله بتخربش في الارض واتكلم بصوت غليظ واجش وقال ابتعد والا ستهلك….. واختفي دعكت عينيا كده وقولت هو الي كان هنا ده بجد……. بعد يومين جالي الراجل وبنته معاه وقعدوا قدامي جبت ميه وقريت عليها وقولتلها اشربي…. قلتلي لا.. قولتلها بقولك اشربي مسكت الكوبايه وشربت بوق واحد وصرخت في اللحظة دي قومت وانا بحط ايدي علي دماغها وبقول بسم الله ارقيكي من كل شيء يؤذيكي اعوذ بكلمات الله التامات من شر ما خلق…. كل ده وشهد بتتشنج لحد ما فجأه فتحت بوقها وخرج منه دخان اسود كثيف…. وبعدها اتكلمت وقالت اي ده انا فين… رديت عليها وانا بقولها حمدالله على السلامة يا شهد… والدها كان فرحان شكرني واخد بنته ومشي….. بعد ساعه واحده الباب خبط….. قومت وفتحت الباب كان راجل كبير وشه عليه غضب ربنا وقال ازيك يا مولانا…. قولتله انت مين… قلي انا سعدون البطاش جاي اقولك كلمتين ورد غطاهم…. قولتله كلمتين اي….. قلي ابعد عن سكتي وسبني اكل عيش انت قاطع عليا رزقي وكل حاله تجيلك تعالجها من تانى جلسه انا بنبهك ابعد عن طريقي عشان مش عاوز آذيك….. قولتله اطلع بره يا راجل انت واياك تاجي هنا تانى…. قلي ماشي هخرج بس استحمل الي جاي… ومشي وفات 3 ايام محصلش فيهم حاجه…. لحد ما في يوم كنت بجيب بنتي هدي من درس خصوصي وبقولها اطلعي البيت علي طول انا هصلي العصر وجايلك سبتها وببص ورايا شوفت الي اغرب من الخيال شوفت عربيه فاضيه ماشيه لوحدها من غير سواق وجايه باقصي سرعه ناحيه هدي صرخت وقولت حاسبي يا هدي…… لكن….. يتبع
الجزء الثاني من احفاد الشيطان
محمود الامين 
قصة احفاد الشيطان
الجزء الثاني
لكن العربيه فاتت في بنتي بكل وحشيه بنتي طارت ووقعت في الارض… كنت واقف مصدوم من المنظر مش عارف اتحرك اتشليت حتي الكلام مش قادر اتكلمه…. مراتي طلعت من البيت تصرخ واهل البيت جريوا ورا العربيه الي اتقلبت في الترعه والي لقيوها فاضيه مفهاش سواق…. مراتي واهل البلد اتلموا حولين جثه بنتي وصراخ وعويل قربت وانا مسلوب الاراده… منظر بنتي صعب الدم مغرق وشها وجسمها كله جروح….. بعد نص ساعه عربيه الموتي جات خدت بنتي عشان الدفنه… ركبنا العربيات انا واهل البلد عشان الدفنه دموعي بتنزل لوحدها كنت عامل زي الاخرس مش قادر انطق ولا اتكلم…. وصلنا للمقابر واتفتح قبر والشيخ بدأ يقري سور الفاتحه والبقره ويس والتكاثر…. وبدأ بعد الدفن يقول ادعيه كتير…. سامع من حواليا صوت عياط وصراخ…… رجعنا من دفنه بنتي وانا لسه ساكت عملنا عزا كبير وبدأت الناس تيجي تعزي وانا واقف تايه مش عارف ولا مدرك ولا مصدق الي حصل…. لحد لما لقيت سعدون بيمدلي ايده وبيقولي شد حيلك البقاء لله وميل علي ودني وقلي احسنلك تبعد عن طريقي انت مش قدي ولا قد الاسياد…… ومشي رجعت البيت بعد انتهاء العزا تايه مش عارف افكر في حاجه دخلت اوضتي ومن غير تفكير رميت نفسي علي السرير ونمت…. صحيت علي صوت همس جاي من بعيد صلاح.. صلاح فتحت عينيا كويس عشان اشوف مين الي بيهمس شوفت بنت واقفه في ركن الاوضه في الضلمه… اتقدمت ودخلت دايره الضوء وشوفتها دي هدي بنتي هدي الي ماتت… حركت راسها يمين وشمال وسمعت صوت عضم بيتكسر…. قومت وانا بقول بنتي لا بنتي اختفت…. كنت عامل زي الطفل الصغير الي فقد حدعزيز عليه ومش عارف يعيش من غيره…… وفي يوم كنت نايم الباب خبط قومت من النوم وانا بقول مين الي بيخبط بره….. خرجت كان سعدون البطاش مسكته من هدومه وقولتله انت جاي برحليك بعد ما قتلت بنتي انا مش هسيبك…. قلي اهدي انا مليش ذنب في موت بنتك…. قولتله كداب كداب انا هقتلك…. قلي اهدي واعرف انا جييلك ليه…. قولتله مش عايز اعرف اطلع بره……. قلي اهدي بقولك انا عاوزك معايا… عاوزني ازاي معاك… عاوزك تشتغل معايا انت عندك قوه تحكم في البشر وسيطره علي الجن ولو اشتغلنا مع بعض محدش هيقدر يوقف قصادنا…. قولتله انت مجنون عاوزني انا اشتغل في الشر والاذيه معاك… قلي وكان نفعك الخير في اي قدرت تحمي بنتك… رديت عليه وانا بقوله الي حصل لبنتي قدر ربنا…. ضحك وقلي انا ماشي بس انا بقولك انك هترجع وهتطلب انت انك تشتغل معايا ومشي….. مشي وفضلت قاعد بفكر هعمل اي…. قطع تفكيري صوت خبط علي الباب… قومت وفتحت الباب كان راجل ومعاه طفل صغير عنده 10 سنين …. قلي انا عارف الظروف بس ابني بيروح مني يا شيخ… قولتله اتفضل بس واحكيلي… دخل الاوضه وقعدوا وبدء يحكي ويقول ابني اتعود انه يدخل الحمام يقف قدام المرايا ويغني هو صوته حلو ما شاء لله لكن انا ووالدته زعقناله وفي مره من المرات ووالدته ضربته دخل الحمام وفضل يعيط والنور فصل وهو جوه صرخ ومن يومها ابني بيقوم من النوم يصرخ ويقول عاوزني اروح معاهم…. وظهر علي جسمه كدمات وخربشه…. قولت للطفل والي كان اسمه عمر بص في عينيا وركز وبدأت اقري المعوذتين…. لكن لقيت الطفل بيضحك واتكلم بصوت راجل كبير واجش وقلي مش هتعرف تعمل حاجه انت خلاص انتهيت موت بنتك هدك…. معرفش ليه لما قال كده عيطت وقولت للراجل علاج ابنك مش عندي انا تعبان ومش هعرف اشتغل… الراجل قال ارجوك يا مولانا… لكن مراتي ادخلت وقالت للراجل الشيخ صلاح تعبان عدي عليه وقت تاني…… الراجل بص في الارض واخد ابنه وخرج….. رجعت الاوضه بعيط وبقول اي خلاص انا بقيت ضعيف خلاص فقدت الهبه الي ربنا كان مدهاني مراتي كانت بتهديني لكن بدأت افكر في كلام الدجال….. وقولت في نفسي انا ليه مشتغلش معاه….. تاني يوم نزلت وروحت لبيت سعدون البطاش الي اول ما شافني ضحك وقال قولتلك هتاجي… قولتله انا هشتغل معاك بس عاوز افهم هنعمل اي بالظبط قلي وهو بيبتسم بخبث اطمن انا الواحد بيجيني ملبوس بخرج من عليه الجن وبسخر عليه خادم عشان يتعب بعد فتره ويرجع تانى ويدفع تاني… اما الي جايه تعمل عمل بنعمله وبنعالج الي اتأذي شوفت حد بيعمل خير كده وقلبه طيب بالشكل ده….. رديت عليه وقولتله انت شيطان… ضحك وقلي كلنا شياطين واي الجديد يحبيبي احنا غلبنا ابليس بمراحل….. المهم بعد نقاش طويل بدأنا الشغل… وكانت البدايه مع الست جميله الي جات تعمل عمل لمرات ابنها… سعدون طلب منها حاجه من قطرها كانت جايبه حاجه فعلا من لبسها وصورتها….. سعدون بدأ يكتب حروف بدم قط دبحه في اول الجلسه علي اللبس حروف بالمقلوب وعلي صوره البنت كتب كلام كتير وبعدها قال اقسمت عليك يا طارش بالعهد الذي اخذته عليك الاسياد بأن تتوكل علي صاحبه الجسد وقعد يعيد ويزيد في الطلسم ده…. وبعدها سكت وهو بياخد نفسه بالعافيه واتكلم وقال كده خلاص هتتعب وهتتعذب ومش هتشوف يوم حلو في حياتها….. وكل يوم حاله واتنين واتعلمت منه ازاي اذي ناس كتير….. لحد ما جيه اليوم الي اتكلم فيه سعدون وقلي لازم يكون معاك من النهارده خادم.. قولتله وده ازاي قلي بسيطه غمض عينيك.. غمضت حط ايده علي دماغي والمشهد اتبدل من حواليا شوفت نفسي واقف في مكان وحواليا كائنات كتير شكلها مرعب وفي النص كرسي كبير قاعد عليه كائن ضخم مرعب جدا وقلي عليك السمع والطاعه والسجود قولتله اي لا انا مش هسجدلك… قلي ليس مخيرا يا انسان… ولقيت نفسي مسلوب الاراده بسجد لشيطان ايوه اشركت بالله كفرت….. فوقت لقيت نفسي في بيت سعدون… الي قلي دلوقتي انت بقيت من اتباع الاسياد مبروك… الباب في اللحظه دي خبط واتفتح وهنا كانت الصدمه…..
يتبع الجزء الثالث والاخير من احفاد الشيطان
للكاتب: محمود الامين
قصة احفاد الشيطان
الجزء الثالث والاخير
اتفتح الباب ودخل الراجل وابنه الصغير عمر… ايوه الراجل وابنه الصغير الي جولي ومعرفتش اعالج الطفل….. الراجل اول ما شافني قال هو انت هنا كمان يلا بينا يبني مفيش امل….. رد عليه سعدون وقاله استني بس يا استاذ هو فيه اي…. الراجل رد عليه وقال فيه اني رحت للشيخ صلاح ومعرفش يحل الموضوع….. سعدون بصلي بطريقه فيها استهزاء…. وقال لو الشيخ صلاح معرفش يحل الموضوع…. فأنا الشيخ سعدون موجود وعندي الحل… قعدوا وبدء الراجل يحكي المشكله لسعدون ومسعود كان بيهز دماغه وبعدها قام وقال استنوني خمس دقايق….. خرج سعدون وانا قومت ورحت للراجل وقولتله خد ابنك وامشي… قلي اي…. قولتله خد ابنك وامشي.. سعدون راجل دجال وبيعالج بالسحر وتسخير الجن وابنك ده مش هيخف علي ايده بالعكس ابنك هيتنكس تانى وهترجعله تانى عشان تدفع تانى… الراجل قلي انت مش عايز ابني يتعالج ليه…. انت بتكرهني ليه…. قولتله انا مش بكرهك انا بقولك الحقيقة….. في اللحظه دي دخل سعدون ومعاه قط اسود وعضمه كبيره وعريضه انا عارفها كويس وقال اقعدوا واقفين ليه وقعد قدام الراجل… حط ايده علي دماغ الطفل وفضل يقول كلام بصوت واطي وشال ايده الطفل كان مغمض عينيه… وفتح عينيه كانت بيضه كلها وقال ابعد عني مش هخرج مش هسيبه… رد عليه سعدون وقاله انت عايز منه اي…. قال عاوزينه معانا مش هنسيبه…. رد سعدون وقاله ولا تقدر تعمل حاجه بحق سمسائيل وملوك الجن وبحق العهد والميثاق خلصوه خلصوه… صرخ الطفل وفضل يقول اسكت اسكت….. في اللحظه دي وبشكل تلقائي قولت
بسم الله الرحمن الرحيم
اللَّهُ لَا إِلَٰهَ إِلَّا هُوَ الْحَيُّ الْقَيُّومُ ۚ لَا تَأْخُذُهُ سِنَةٌ وَلَا نَوْمٌ ۚ لَّهُ مَا فِي السَّمَاوَاتِ وَمَا فِي الْأَرْضِ ۗ مَن ذَا الَّذِي يَشْفَعُ عِندَهُ إِلَّا بِإِذْنِهِ ۚ يَعْلَمُ مَا بَيْنَ أَيْدِيهِمْ وَمَا خَلْفَهُمْ ۖ وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ ۚ وَسِعَ كُرْسِيُّهُ السَّمَاوَاتِ وَالْأَرْضَ ۖ وَلَا يَئُودُهُ حِفْظُهُمَا ۚ وَهُوَ الْعَلِيُّ الْعَظِيمُ
صدق الله العظيم
الشبابيك اتفتحت واتقفلت بعنف صرخات ملت المكان…. سعدون بصلي وقال انت عملت اي يا غبي…. سعدون فضل يقول سامحونا سامحونا… ميعرفش جاهل بالاسياد سامحونا… ااجو بدأ يهدي…. ورحع سعدون يكرر في الكلام… بحق سمسائيل وملوك الجن وبحق العهد والميثاق خلصوه خلصوه….. بدأ الطفل يتشنج ويخرج من بوقه رغاوي بيضه كتير وفي اللحظه دي سعدون مسك القط الاسود ودبحه بمنتهي الوحشيه وصفي دمه في طبق….. لقيت الراجل بيبصلي وبيقولي بالاشاره هو سعدون بيعمل اي… بصتله بحسره وبصيت في الارض…. سعدون مسك العضمه وكتب عليها بالدم طلاسم كتير…..وبعدها قال قوموا معايا وخرجنا كلنا بره البيت…. وفضلنا مشيين مشيين لحد ما وصلنا للمقابر… مسك كشف نور بيه الطريق وقال يا هلال انت فين…. لقينا واحد جاي جري وهو بيقول مولانا سعدون…. رد سعدون وقاله افتح القبر…… الراجل جري وفتح القبر…. لكن سعدون طلب اخر حاجه ممكن اتوقعها طلب من الطفل ينزل القبر بلفه قماش فيها عضمه واس قط وشعر ويحطها جوه…. والد الطفل قاله انت مجنون يا راجل انت…. لقيت الراجل بيتخنق وسعدون مبرقله وقاله لما تتكلم مع الشيخ سعدون تتكلم بأدب ولو عايز ابنك يخف يبقي ينزل القبر ويسيب الحاجه دي جوه والا ابنك مش هيخف وهيعيش حياته بيتعذب… الراجل فضل يبكي والولد كان خايف لكن الراجل سلم بالامر الواقع وطلب من ابنه ينزل القبر…. الولد اتحرك ونزل وسمعنا صرخات طالعه من الجحيم….. الراجل وقع علي الارض وفضل يبكي وهو بيقول ابني ابني… الطفل خرج وهو في حاله صعبه تعبان وهزيان…… طبطب عليه ابوه وقاله انت كويس…..رد عليه سعدون وهو بيقول هيكون كويس انت نفذت طلبات الاسياد….. اخد ابنه ومشي… ورجعت انا وسعدون لبيته وفضل يزعق معايا الي انت عملته النهارده ده اكبر غلط انت اغضبت الاسياد وكويس اني عرفت انقذك لكن ده ميتكررش تاني…. سبته من غير ما انطق ولا كلمه ورجعت البيت…. وقفت قدام مرايه الحمام بترعش لاني مش عارف نفسي بقا انا الشيخ صلاح الي كنت بساعد الناس دلوقتي شاهد علي اذيه الناس وكمان شويه هكون بأذي الناس….. سمعت صوت بيخترق عقلي وبيقولي متفكرش في حاجه انت دلوقتي هتشوف كل حاجه بتحلم بيها هتكون مشهور وغني وليك هيبه…… خرجت من الحمام وانا بسد وداني رحت علي السرير عشان انام نمت لكن الكوابيس مشاهد متدخله صرخات ناس كتير وناس بتتعذب…… قومت من النوم وانا تعبان علي صراخ جاي من الشارع ايوه….. قومت بسرعه كان الراجل والد الطفل ومراته وجثه الطفل في نص الشارع صراخ وعويل نزلت بسرعه واول ما الراجل شافني قلي كان عندك حق… البطاش ملعون عمل سحر لابني وابني مات انا مش هسيبه انا هقتله….. جوايا نار نفسي اروح واقتله انا لكن مش هعرف انا خلاص بقيت زيه مؤذي وانسان قذر ودجال……. وبعد مرور شهر كنت خلاص دخلت دايره الشر وبدأت انا الي اعمل الاعمال وبقا عندي فلوس كتير….. وجبت عماره سكنت فيها انا واهلي…… لحد ما في يوم كنت في الخلوه انا وسعدون ودخلت ست ومعاها بنت في سن بنتي هدي الله يرحمها….. كان اسمها فريده وبدأت امها تحكي مشكله بنتها وقالت ان بنتها عليها جن بسبب انها رمت ميه سخنه في الحمام… طلبت منها تقعد وبدأت على طول في عمل الطقوس وقولت بحق العهود السبع والقرابين السبع وبحق العهود السليمانيه خلصوها من ظام ابن كازوم… البنت فضلت تصرخ تصرخ… وشها اتملي عروق زرقه وعينيها بقيت بيضه كلها… فضلت اعالج فيها لكن هيا اتكلمت وقالت مش هتقدر تعمل حاجه يا ملعون مش هتقدر تخلصها مني….. فضلت اقري طلاسم وتضحك وتقولي مش هتعرف تعمل حاجه….. لكن لقيت نفسي بقول بسم الله ارقيكي من كل شيء يؤذيكي.. اعوذ بكلمات الله التامات من شر ما خلق……. لقيت سعدون برق وقال انت بتعمل ايه
انت بتعمل اي…… صرخات ضربت المكان الست خدت بنتها وخرجت من المكان تجري……. قولتله كفايه انا مش قادر استحمل…. قلي لا ما اهو انا بعد كل الي عملته ده تقولي كفايه… قولتله عملت اي يعني… قلي قتلت بنتك وعملت عمل ليك عشان اضعفك وسخرت عليك ملك من ملوك الجن مش خادم زي ما انت فاكر… قولتله انت الي قتلت هدي… انت الي قتلتها…. مدرتش غير وانا بسحب سكينه وبضربها في صدره وقال مش هيسيبوك اتباعي مش هيسبوك…. غرقت المكان بنزين وولعت فيه وخرجت اجري عشان ارجع بيتي…. لما رجعت لقيت والدي مستنيني وبيقولي انت تعمل كده تخون تعليمي ليك انت تعمل كده وضربني بالقلم وقلي انا راجع بيتي… البيت ده من فلوس حرام…. فضلت اعيط وخرجت ولقيت رجليا واخداني ناحيه الجامع رميت نفسي علي الارض وقولت
استغفر الله العظيم.. استغفرك ربي واتوب اليك…. انا عارف يارب اني عصيتك عارف اني خرجت من رحمتك لما اشركت بيك… بس بطلب عفوك يا الله سمحني يا الله………. خرجت من الجامع تايه وحزين لكن فجأه صوته اخترق عقلي من جديد… انت غبي انت فاكر انه ممكن يغفرلك كمل يا صلاح كمل العهد الي بيني وبينك انا مش عايز آذيك انت عندك قوه تخليك تسيطر على البشر هتضيعها من ايدك ليه……. صرخت وانا بقوله كفاااااايه…. بسم الله الرحمن الرحيم
اللَّهُ لَا إِلَٰهَ إِلَّا هُوَ الْحَيُّ الْقَيُّومُ ۚ لَا تَأْخُذُهُ سِنَةٌ وَلَا نَوْمٌ ۚ لَّهُ مَا فِي السَّمَاوَاتِ وَمَا فِي الْأَرْضِ ۗ مَن ذَا الَّذِي يَشْفَعُ عِندَهُ إِلَّا بِإِذْنِهِ ۚ يَعْلَمُ مَا بَيْنَ أَيْدِيهِمْ وَمَا خَلْفَهُمْ ۖ وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ ۚ وَسِعَ كُرْسِيُّهُ السَّمَاوَاتِ وَالْأَرْضَ ۖ وَلَا يَئُودُهُ حِفْظُهُمَا ۚ وَهُوَ الْعَلِيُّ الْعَظِيمُ
صدق الله العظيم
بدأت اسمع صرخاته وبعدها قال هنتقم منك اشد انتقام…… رجعت البيت واول ما دخلت الشارع لقيت البيت بيولع وصرخات طالعه صرخات اهلي جريت علي البيت الناس منعتني من الدخول والنتيجه موت عيلتي
بالكامل….. جات الشرطه وخدوني وحولوني لمستشفي الامراض النفسيه والعقليه… انا مش مجنون انا عارف الي حصلي وحكيت للكاتب محمود الامين كل الي حصل وطلبت منه بس يغير الاسامي واتمني يكون وصلكوا القصه
تمت
……..
الكاتب: محمود الامين
