رواية غمرتني عشق الحلقه الرابعه

الحلقه ٤
رواية غمرتني عشق الحلقه الرابعه

وَعن أَبي بكْرٍ الصِّدِّيقِ ، أَنَّه قَالَ لِرَسولِ اللَّه ﷺ: عَلِّمني دُعَاءً أَدعُو بِهِ في صَلاتي، قَالَ: قُلْ: اللَّهمَّ إِنِّي ظَلَمْتُ نَفْسِي ظُلْمًا كثِيرًا، وَلا يَغْفِر الذُّنوبَ إِلاَّ أَنْتَ، فَاغْفِر لي مغْفِرَةً مِن عِنْدِكَ، وَارحَمْني، إِنَّكَ أَنْتَ الْغَفور الرَّحِيم

بسم الله نبدأ

قاسم وحسام وصلوا عند القسم في صمت تام وكل واحد بيفكر في اللي حصل

حسام: ها يا كبير، وصلنا والحمد لله، ممكن افهم انت ساكت ليه طول الطريق

قاسم: لف وشه لحسام: مش عارف يا اخي، انا بجد مستغرب ان فيه لسه بنات بالشكل ده، ده احنا عايشين في عالم تاني والله ياحسام
يعني انت كنت تصدق انك تقابل واحده زي عشق في يوم من الايام،

حسام: الصراحه عمري مقابلت النموذج ده من البنات، انا اه بشوف بنات جدعه، وصوتها عالي، وجريئه، بس بالشكل ده لا،

قاسم: اهو ده اللي انا بقوله، نموذج متكامل، بنت جميله، متدينه، جريئه، واثقه من نفسها، تتحمل مسؤوليه، بتعتمد على نفسها في كل شيئ، بجد انا مش عارف اقول عليها ايه، غير، ربنا يسعدها ويعوضها خير عن اللي هي شايفاه

حسام : هههههه، ايه ده، قاسم العزيزي بيدعي لحد، والله واتقلب حالك يا دنيا،
ده انت طول ما انت ماشي بتشتم في البشر، دلوقتي بتدعي، اخيرا جه اليوم اللي شوفتك فيه بني آدم، ههههههه

قاسم حدفه بعلبة مناديل في العربيه: تصدق انت عيل بارد، بقه انا مش بني آدم يا واطي، ماشي يا حسام انت اصلا خساره فيك الكلام، وفتح باب العربيه ونازل

حسام مسكه من دراعه : استنى بس يا عزيزي، متبقاش حمقى كده، انا بس بهزر معاك، اصلي بصراحه اول مره اشوفك مهتم بحد كده

قاسن: انت مجنون يابني، اهتم بمين، انا بس شخصيتها عجباني مش اكتر، تقدر تنكر انك انت كمان مبهور بيها،

حسام رفع اديه: الصراحه منكرش، البت دي معجزه في زمانا ده، ربنا يوفقها يارب،

قاسم: طب ما انت بتدعي اهو، اشمعني انا يعني،

حسام: ههههههه، مخلاص ياعم، ده انت قلبك اسود قوي يا جدع، هههههه

قا

صفحتنا علي فيس بوك

تحميل تطبيق لافلي Lovely

قصه سرداب الموت (كامله)

رواية الشادر الفصل الثامن

سم: هههههه انا برده، عموما انا هنزل، اركب عربيتي، مقولتليش صحيح، هنتغدي فين في اليوم الملخبط من أوله ده

حسام: تعالي نروح المكان اللي كنا فيه آخر مره، كان في شوية مزز عسل، واهي حاجه تفتح النفس

قاسم: ههههه، والله انت هتودينا في داهيه، انا مش عارف انت ظابط ازاي،

حسام : اعتبرني ظابط إيقاع يا كبير، على واحده ونص

قاسم : هههههههه، الله يخربيت دماغك، يلا ياعم قبل ما اي حاجه تحصل تاني، انا مش متفائل بصراحه

واتحركوا الاتنين بالعربيات

——————- بقلم شيمو الخطيب رواية غمرتني عشق الحلقه الرابعه
في شقه عشق

عشق دخلت تصحى والدتها
عشق: يا ماما،،، يافاديه، قومي بقه، عايزه احكيلك عملت ايه، كل ده نوم يا فاديه

فاديه؛……..

عشق بخوف: ماما، انتي مبترديش عليا ليه، ماما، يا ماماااااا
ماما ردي عليا،،، يانهار اسود .ايه اللي حصلها، (وقامت من جنبها ورايحه جايه في الاوضه)، طب اعمل ايه، اتصل بالاسعاف، وهو في بلدنا دي إسعاف عدل، طب انقلها الوحده الصحيه، طب اعمل ايه ياربي،
(وراحت ناحية فاديه) ماما، ردي عليا يا حبيبتي،
عشق سابت والدتها وطلعت تجري على ام طارق،
خبطت على الباب جامد وأم طارق فتحت
ام طارق: خير يا عشق يا بنتي بتخبطي كده ليه،
عشق : الحقيني يا خالتي بالله عليكي، امي مغمي عليها وانا مش عارفه اعمل ايه،
ام طارق بخضه: فاديه، ياحبيبتي ياختي، طب استني يابنتي هلبس طرحتي واجي معاكي،
وفعلا جريو الاتنين على فاديه

ام طارق: فاديه فوقي يا ختي، فوقي يا حبيبتي، (بصت لعشق)، هاتي اي برفان يا عشق يابنتي، افوقها بيه

عشق بتوتر : والله ما عندي يا خالتي، طب استني استنى هجيبلك بصله بسرعه وجريت عشق جابت البصل وفعلا فاديه فاقت

فاديه بتوهان: عشق، انتي فين يابنتي،

عشق: انا جنبك ياست الكل، كده يافاديه تخضيني عليكي، مالك يا حبيبتي طمنيني عليكي

فاديه بتتنفس بصعوبه : حاسه ان، ان نفسي رايح مني يابنتي، ودماغي بتوجعني قوي، مش قادره اتحرك خالص

ام طارق: طيب يا عشق يابنتي احنا لازم ننقلها المستشفى حالا، لازم نطمن عليها

عشق: حاضر يا خالتي انا هطلع أوقف اي توكتوك وننقلها على طول
عشق جريت على الباب لقت في وشها طارق

طارق: مالك ياعشق في ايه، بتجري كده ليه
عشق بتنهج؛ امي تعبانه قوي يا طارق، انا رايحه أوقف حد ينقلها المستشفى

طارق: طيب ارجعي انتي ليها وانا هجيب عم جابر واجيلك بسرعه

عشق: تسلم يا طارق، وسابته ودخلت جري: ها يا خالتي كلمتك تاني

ام طارق: لا يا بنتي، نفسها بيطلع وينزل بسرعه، انتي مجبتيش التوكتوك ليه

عشق: طارق راح هو يا خالتي هيجيبه ويجي، (وعيطت) انا خايفه عليها قوي مش عارفه ايه اللي حصلها

طارق دخل: يارب ياساتر،،، يا عشق، عم جابر واقف بره، ادخل ولا ايه

عشق خرجت بسرعه : اه تعالي يا طارق،،، حاول تنقلها براحه ياطارق، هي مش مستحمله

طارق شال فاديه وهي حاسه بيهم لكن مش قادره تتحرك
طارق : متقلقيش يا عشق، ربنا يشفيها يارب،
خرج طارق ووالدته وعشق،، وركبت عشق وفاديه وخدتها في حضنها،، وطارق حصلهم هو ووالدته

طلعوا على الوحده الصحيه وكان فيها دكتور كشف على فاديه وقال إن الضغط والسكر عالين جدا، وده مأثر على ضربات القلب، ولازم ينزلوا بسرعه

عشق: طب نقدر نعمل ايه يا دكتور واحنا نعمله،

الدكتور: للأسف يا انسه عشق، لازم تروحي مستشفي المدينه، هتلاقيها مجهزه اكتر و فيها متابعه

عشق: ودي مستشفى حكومي،

الدكتور :اه حكومي متقلقيش، بس بسرعه لازم تتنقل عشان حالتها كده بتسوء

عشق برعب اكتر : طيب في هنا إسعاف،

الدكتور :ايوه هتصل بالعربيه تنقلها حالا
وفعلا الإسعاف نقلتها هي وعشق على المستشفى

دخلت عشق ووالدتها، وقابلتها الممرضه ودخلتها اوضه الكشف
وجه الدكتور وكشف وقال نفس الكلام

الدكتور للممرضه :لازم هتتحجز في العنايه وتتحط على الاجهزه، ولازم الضغط ينزل والسكر كمان، وهنتابع ضربات القلب، وتتحط على جهاز تنفس هيساعدها على انتظام النفس

عشق واقفه وسامعه كل ده، وحاسه ان الدنيا بتلف بيها، وأن والدتها هتروح منها

عشق بخوف وقلق: ايه يا دكتور، هي الحاله خطيره ولا ايه

الدكتور: مش بالظبط يا انسه، ان شاء الله هنقدر نسيطر على الحاله، بس هي الضغط والسكر عندها مرتفعين جدا، وده بيأثر على المخ وضربات القلب، غير أن عندها ضعف شديد، وده بسبب الادويه الكتير اللي بتاخدها،وقلة الغذا عموما ان شاء الله خير اطمني
وسابها ومشي ونقل فاديه على العنايه

طارق ووالدته وصلوا، وعشق حكتلهم كل حاجه

طارق: طب يلا يا عشق، تعالي نرجع البيت، ونبقى نجيلها وقت تاني، قعدتك هنا ملهاش لازمه

عشق: انت بتقول ايه يا طارق، انا لايمكن اسيبها حتى لو هنام على البلاط، انا هفضل جنبها لحد متخرج على رجلها ان شاء الله، خد خالتي يا طارق وارجع انت، كتر خيركو انكو جيتو

ام طارق: انتي بتقولي ايه ياعشق، فاديه دي اختي، ربنا يقومها بالسلامه يابنتي، ولو احتاجتي حاجه، كلمي طارق، اهو زي اخوكي ياحبيبتي

عشق : كتر خيرك يا خالتي، وأن شاء الله ربنا يقومها بالسلامه ويطمنا عليها

طارق ووالدته: يارب، ان شاء الله
وخرجوا وسابو عشق في المستشفى

—————-بقلم شيمو الخطيب رواية غمرتني عشق الحلقه الرابعه
في فيلا العزيزي

الكل اتغدى، وقعدوا منتظرين قاسم لكن كالعاده مجاش، محسن اتصل على حازم وقاله انهم على وصول،

حازم بنرفزه : عاجبك كده، عاجبك تصرفات ابنك، انتي مش منبهه عليه يرجع بدري قبل ما ييجو، تقدري تقوليلي هو مجاش ليه لحد دلوقتي؟

هدى: والله منا عارفه ياحازم، انا بتصل بيه مبيردش، اهدي بس وان شاء الله زمانه جاي

حازم بصوت عالي :انتي هتستهبلي ياهانم، الراجل زمانه جاي وانتي تقوليلي اهدي، المفروض ابنك يبقى في استقبالهم، وتقوليلي اهدي، طب اتصرفي انتي معاهم لما يوصلوا،وشوفي بقه هتقولي ايه، انا طالع فوق،
وسابها وطلع وهي محتاره

هدى اتصلت على قاسم كتير، وبرده مبيردش، رمت التليفون على الكنبه وفضلت رايحه جايه في الريسيبشن

رنا نازله : خير يا مامي مالك قلقانه كده ليه

هدى بنرفزه :اخوكي بكلمه مبيردش يا رنا، وانا زهقت من تصرفاته والمواقف اللي بيحطني فيها،وكفايه كلام باباكي ليا.

رنا: طب اهدي بس وفهميني، ايه اللي حصل

هدى؛ محسن وفريده وجيجي جايين في الطريق، والأستاذ لسه موصلش

رنا: هي فعلا جيجي لسه مكلماني وقايلالي كده، انهم قربوا خلاص، (سمعت رنا صوت عربيه)، اهم،، دول تقريبا وصلوا، اهدي كده يادودو وان شاء الله ابيه زمانه جاي

هدى بتوتر: يا رب يا رنا، ربنا يستر
وخرجت هدى واستقبلتهم، ورحبت بيهم هي ورنا، ودخلوا كلهم قعدوا

محسن: هو حازم وقاسم مش موجودين َولا ايه يا مدام هدى

هدي: لا طبعا ازاي حازم طلع يغير هدومه ونازل حالا

جيجي :طب وقاسم ياطنط،، موجود؟ ،
فريده خبطت بنتها في اديها وسكتت

هدى ابتسمت باحراج :والله يا حبيبتي هو مرجعش من الصبح، بس زمانه جاي ان شاء الله

فريده: هو ميعرفش اننا جايين ولا ايه ياهدي

هدي: لا بصراحه انا بكلمه من الصبح مبيردش، وبصراحه انا قلقانه عليه جدا، واكيد لو يعرف انكو جايين كان زمانه هنا من بدري

حازم نزل ورحب بيهم كلهم، والكل قعد في جو توتر، ومستنيين قاسم يرجع

—————- بقلم شيمو الخطيب رواية غمرتني عشق الحلقه الرابعه
عند قاسم وحسام

حسام: انت يابني مش هترد على التليفون، ده اشتكي من كتر الاتصال والله،

قاسم: هههه، بلاش وجع دماغ، دي امي عايزانى ارجع البيت، قال ايه جيجي وعيلتها في البيت عندنا انهارده، طب وانا دخلي ايه،

حسام: دخلك ايه ازاي يا كبير، انت ناسي ان جيجي، دي في مقام خطيبتك

قاسم: والله الموضوع ده انا مش بالعه خالص، لا جيجي ولا غيرها، بس اللي مصبرني، ان كل البنات عندي واحد متفرقش جيجي من غيرها، يعني الموضوع في كل الأحوال بالنسبالي بيزينس مش اكتر،

حسام بجديه :هو انت عمرك ما حبيت يا صاحبي؟ ، يعني عمر قلبك مادق لواحده؟

قاسم بتفكير : هو انا قولتلك في يوم ان قلبي دق لحد؟

حسام: بصراحه،، محصلش

قاسم: يبقى اكيد عمر قلبي ما دق لحد، لأنه لو حصل، كنت اكيد انت اول واحد هتعرف
بس تعالي هنا وقولي، انت بقه قلبك اظن دق لبنات مصر كلهم، مش كده ولا ايه

حسام: تصدق لو قولتلك، لا، عمره مادق لواحده خالص، يمكن اكون معجب، لكن بحب!!! معتقدتش

قاسم : ومين صاحبة السعاده اللي انت معجب بيها دي

حسام بلخبطه: لا، مفيش، دي كانت بنت، وخلاص الموضوع انتهى

قاسم :ههههههههه، كانت بنت، تصدق كنت فاكرها ولد، مالك ياض اتلخبط كده ليه، هو انت مخبي عليا حاجه ولا ايه

حسام: لا ابدا والله، الموضوع كان من زمان جدا، وانتهى خلاص، عموما تليفونك بيرن، إخلص ورد لاني بصراحه دماغي صدعت جدا من تليفونك ده

قاسم رد وكانت والدته : الو ايوه يا دودو

هدى بنرفزه: دودو في عينك عيل قليل الادب، انت مبتردش ليه ياقاسم، انا اتصلت بيك فوق العشرين مره،

قاسم: معلش يا ماما، انا كنت قاعد في دوشه كتير، ومسمعتش التليفون، خير في حاجه ولا ايه، وعلى صوتك لاني مش سامعك كويس

هدى بنفاذ صبر: بقولك ايه ياقاسم، انت تسيب اللي في ايدك وتيجي حالا، جيجي هنا وابوك قرفني كل شويه، وانا بصراحه تعبت، انت لازم تيجي

قاسم : ماما، انا مش،…..

هدي: مفيش ماما ولا زفت، اقسم بالله ياقاسم لو ماجيت لاكون غضبانه عليك، وتنسى اني اسامحك ابدا،

قاسم :ياماما، انا……،،،،
قاسم سكت وبص للتليفون

حسام : ايه مالك، قفلت ولا ايه،، ههههههه

قاسم :اه ياخفيف ورزعت التليفون في وشي،
حسام : ههههههههه، هي هدي بس اللي بتعرف تاخد حقها منك، غير كده محدش يجرؤ يعمل كده، حتى حازم بيه نفسه

قاسم بضيق : انا مبحبش حد يجبرني على حاجه، واللي عايزين يعملوه يعملوه، مش رايح يعني مش رايح

حسام: بص يا قاسم، انا رأيي تروح وتعدي اليوم، روح واقعد بره، اطلع اوضتك، بس الاسم انك موجود، يلا بقه بلاش مشاكل،

قاسم بتفكير :هروح بس بشرط، انك تيجي معايا ونكمل السهره هناك، ده الحل الوحيد اللي هيبعدني عن القعده معاهم

حسام: بس…..

قاسم: انت لسه هتقول بس، يلا بينا ياعم، وشده من اديه، وطلعوا على الفيلا

—————بقلم شيمو الخطيب رواية غمرتني عشق الحلقه الرابعه
َفي المستشفى

عشق قاعده على الأرض قدام العنايه
جه الدكتور : انتي قاعده كده ليه يا انسه، للأسف مينفعش قعدتك دي

عشق بترجي: الله يخليك يا دكتور طمني على حالة امي،

الدكتور : انا قولتلك قبل كده انها هتتحسن ان شاء الله بس الموضوع محتاج شوية وقت، لأن الصحه العامه عندها مش مستقره، فمن رأيي انك ترجعي بيتك، وتبقى تجيلها معاد الزياره، لأن محدش هيسمح بوجودك هنا، وبعدين احنا محتاجين منك شويه ادويه مش متوفره في المستشفى

عشق : ادوية ايه، اكتبها وانا أن شاء الله هجيبها لحضرتك
الدكتور فعلا كتب الادويه وكانت كتيره

عشق بصت على الروشته: هو ده كله مش متوفر في المستشفى، على كده بقه ايه اللي متوفر هنا، هه خير، انا هحاول اجيبلها الدوا وهاجي لحضرتك على طول

الدكتور :تمام اول لما تجيبيه، تعالي عليا على طول عشان في بعض الحقن هنزودها على المحلول، بس يا ريت بسرعه

عشق بخنقه : حاضر، هنزل حالا
ونزلت من المستشفى وهي مش عارفه تعمل ايه، كل الفلوس اللي معاها ميجيبوش حق نص الروشته، لكن بسرعه افتكرت الجبنه وطلعت على البيت جري

عشق وصلت وخبطت على ام طارق،،

ام طارق : عشق، تعالي يا حبيبتي طمنيني على والدتك

عشق: امي كويسه الحمد لله، بس انا محتاجه منك خدمه يا خالتي

ام طارق : خير يا حبيبتي محتاجه ايه

عشق: انا عايزه منك حق الجبنه اللي اتفقتي عليها مع امي، أنتي وجيرانا اللي حوالينا، لاني محتاجه فلوس ضروري، عشان اكمل علاج امي، فياريت لو نلم حقها مقدم، وأن شاء الله يومين وابعتها ليكو، بس بجد يا خالتي انا محتاجه الفلوس ضروري

ام طارق: والله يابنتي، انتي عارفه، انا لو معايا مش هتأخر عنك، بس تعالي نعدي عليهم نلم فلوسها منهم، واديكي الفلوس بتاعتي، وربنا يسهل وتلمي المبلغ

عشق : يارب يا خالتي، انا اسفه اني بتعبك معايا

ام طارق؛ عيب متقوليش كده ياعشق، ده انتي بنتي وامك زي اختي واكتر، تعالي يا حبيبتي تعالي
ومشيو مع بعض

—————– بقلم شيمو الخطيب رواية غمرتني عشق الحلقه الرابعه
في فيلا العزيزي،
وصل قاسم وحسام،، ودخل قاسم، لكن حسام قعد بره في الجنينه

قاسم؛ السلام عليكم، ازيك ياعمي، (وسلم عليه)
محسن : اخيرا ياقاسم بيه، حنيت علينا وجيت،

قاسم : انا اسف يا محسن بيه، انا بس معرفش أن حضرتك موجود عندنا انهارده، لولا والدتي اللي كلمتني وقالتلي وجيت على طول،

محسن: ماشي يا قاسم ، ياريت منكونش
عطلناك عن حاجه

قاسم : لا طبعا حضرتك تنورنا في اي وقت، ولسه خارج

حازم: قاسم، انت رايح فين مش تسلم على جيجي وفريده هانم، ولا ايه

قاسم بغيظ مكبت: اه طبعا، ومد ايده سلم عليهم وفريده كانت مدايقه من اسلوبه جدا، وجيجي ضغطت على ايده، بس هو شدها على طول

قاسم: نورتونا يا جماعه، بس معلش انا مضطر استأذن لان حسام صاحبي في الجنينه وهخرج اقعد معاه، بعد اذنكو
وخرج قبل ما اي حد يتكلم، ومحسن بص لحازم بلوم وسكت

رنا قلبها دق بسرعه اول ما سمعت ان حسام بره، لكن حاولت تداري توترها

جيحي : مامي هو ممكن اطلع لقاسم انا ورنا، واتكلم معاه بره شويه

هدى: فكره حلوه يا حبيبتي، اطلعي وحاولي انك تفهميه يا جيجي، قاسم صعب شويه لكن طيب، ربنا يسعدكوا يا حبيبتي يا رب

جيجي اخدت رنا وطلعو وكانت رنا بتترعش كل ما تقرب على حسام وتوترها بيزيد

جيجي: هاي يا حسام، ازيك، هاي يا قاسم

قاسم وحسام بصو لبعض وحسام ضحك بشماته

قاسم بضيق: هاي يا جيجي، خير فيه حاجه

جيجي: انا بصراحه كنت عايزه اتكلم معاك شويه، ده لو ميدايقش حضرة الظابط يعني

حسام : لا انا مش…..

قاسم قاطعه: وهو حضرة الظابط ماله، انا بصراحه اللي هدايق، لاني مش عايز اتكلم في اي حاجه تخصنا دلوقتي، ممكن ولا لا،

جيجي بدموع : بس انا محتاجه اتكلم معاك ياقاسم ولازم تفهمني

حسام وقف وقال: بص ياقاسم، انا همشي دلوقتي وابقى ارجعلك كمان شويه، اتكلم معاها مش هتخسر حاجه، (وبص لجيحي) وياريت تحلو مشاكلكو من غير تدخل من حد، اظن فهماني يا انسه جيجي

قاسم بغيظ من حسام : ماشي يا حسام بس متمشيش، اقعد اشرب قهوتك، على ما اخلص واجيلك، انا مش هتأخر
واخد جيجي واتمشو في الجنينه

حسام قعد وبيشرب القهوه ومش باصص على رنا خالص
ورنا واقفه مش عارفه تعمل ايه، تدخل ولا تخرج ولا تقعد معاه، هي فعلا مش عارفه

حسام بيبص عليها بطرف عينه واتكلم: ايه هتفضلي متردده كده كتير، يا تقعدي يا تدخلي، لكن متفضليش واقفه كده كتير، بصراحه وترتيني

رنا اتصدمت: انا اصلا مش عايزه اقعد معاك، انا هدخل

حسام كمل شرب ورجع ضهره لورا على الكرسي، وبص للسما

رنا واقفه متغاظه منه، وقالت : انت بتعمل معايا كده ليه، وبنرفزه،، انت هتفضل كده لحد امتى

حسام: وانتي ايه عشان اعاملك اساسا، انتي ولا حاجه يارنا، فاهمه، انتي ولا حاجه

دمتم سالمين

بقلم شيمو الخطيب  رواية غمرتني عشق الحلقه الرابعه